Նորայր Փանոսյանի դեմ ցուցմունք է տվել մեկ անձ. պաշտպան

Սահմանադրական դատարանի նախագահ Հրայր Թովմասյանի սանիկ Նորայր Փանոսյանի կալանավորման որոշումը պաշտպանական կողմը բողոքարկել է Վերաքննիչ դատարան:

Այս մասին «Հայկական ժամանակ»-ի հետ զրույցում ասաց նրա պաշտպաններից Հովսեփ Սարգսյանը՝ պնդելով, որ Փանոսյանին առաջադրված մեղադրանքը անհիմն է:

2019 թվականի դեկտեմբերի 26-ին Փանոսյանի մեղադրանքը փոփոխվել էր, եւ նրան նոր մեղադրանք էր առաջադրվել պաշտոնեական լիազորությունները չարաշահելու համար, ինչից հետո նա կալանավորվել էր:

Նորայր Փանոսյանի պաշտպանը պատասխանել է քրեական գործի վերաբերյալ մեր մի քանի հարցերին:

- Պարոն Սարգսյան, մեղադրանքի հիմքում նախաքննական մարմինն ի՞նչ ապացույցներ է դրել:

- Ապացույց բացարձակ չկա, նախաքննական մարմինը խառնել է քրեական իրավունքի գիտությունը քաղաքականության հետ, ժամանակն ու իրադարձությունները՝ իրար հետ:

- Կմասնավորեցնե՞ք, թե ինչ նկատի ունեք:

- 2009 թվականին Բաղրամյան փողոցում գտնվող նոտարական գրասենյակը որպես սեփականություն փոխանցվել է Երեւան համայնքին, Նորայր Փանոսյանն այդ ժամանակ չի աշխատել Արդարադատության նախարարությունում, չի եղել պաշտոնատար անձ, այսինքն՝ որեւէ իրավասություն այդ տարածքի նկատմամբ չի ունեցել: 2009 թվականից սկսած՝ նոտարներ Էմմա Շաբոյանը եւ Ալվարդ Մելքոնյանը ունեցել են պահանջներ այդ նոտարական տարածքի նկատմամբ, ինչի կապակցությամբ քաղաքացիաիրավական փոխհարաբերությունների մեջ են մտել Երեւան համայնքի հետ, դիմել են դատական պաշտպանության, դատարանում գործերը քննվել են, երեք դատական ատյան անցել են եւ նոտարները պարտվել են, իսկ այդ ընթացքում՝ 2011-14 թթ, Նորայր Փանոսյանը աշխատել է Արդարադատության նախարարության տեսչության ղեկավար, նա ի՞նչ կապ ունի 2011 թվականից առաջ սկսված իրադարձությունները նրա հետ: Ասեմ ավելին, նոտար Ալվարդ Մելքոնյանը բազմաթիվ խախտումներ է թույլ տվել նոտարական աշխատանքի ընթացքում, մի բնակարանի վերաբերյալ տարբեր պայմանագրեր է կնքած եղել, ինչի վերաբերյալ ՀՔԾ-ում քրեական գործ է քննվել, եւ ՀՔԾ պետի կողմից միջնորդագիր է գրվել, որի հիման վրա նա տույժի է ենթարկվել, այդ ժամանակ է Նորայր Փանոսյանը ինչ-որ կապ ունեցել, բայց այդ ժամանակ էլ նրա գործառույթներն իրականացրել է փոխնախարարը:

- Ալվարդ Մելքոնյանն այս գործով ի՞նչ կարգավիճակ ունի:

- Վկա է, բայց նրա հետ առերես չենք հարցաքննվել, խուսափում են առերեսումից. եթե առերես հարցաքննություն լինի, նրա ցուցմունքները «օդ կթռչեն»: Ընդ որում, առերես հարցաքննությունը վարույթն իրականացնող մարմնի պարտականությունն է, օրենքով եւ Սահմանադրությամբ է ամրագրված, որ մեղադրյալը պարտավոր չէ ապացուցել իր անմեղությունը:

-Նորայր Փանոսյանի դեմ ցուցմունք տված անձը հենց նա՞ է, այլ ցուցմունք չկա՞:

-Բացարձակ, Ալվարդ Մելքոնյանի կցկտուր, հակասական, քրեաիրավական տեսանկյունից որեւէ արժեք չունեցող ցուցունքներ են:

- Պարոն Սարգսյան, իսկ Ձեր պաշտպանյալին առաջադրված նոր մեղադրանքում ի՞նչ դրվագներ են ավելացել:

-Ընդամենը ավելացված է Ալեք Մանուկյան հասցեի դրվագը. այդտեղ գտնվող տարածքը պատկանել է իբրեւ Հրայր Թովմասյանին, ինձ չի էլ հետաքրքրում, թե ում է պատկանել, ասվում է, որ դա նախկինում տրված է եղել 50 հազարով դրամով, հետո Նոտարական պալատին պարտադրվել է վարձակալել 30 հազար դրամով, բայց հարց է առաջանում՝ այդ տարածքի իրական արժեքը ի վերջո որն է եղել, դրա շուկայական արժեքը պարզելու համար որեւէ փորձաքննություն չի նշանակվել: Ինչ վերաբերում է Բաղրամյանի տարածքներին, դրանցից մեկի գնորդը Նորայր Փանոսյանի բարեկամն է եղել՝ մորաքրոջ թե քեռու տղան, դա էլ, թե համընկել է, թե ինչ, չգիտեմ, այդքանով է այս տղան մեղավոր, ընդ որում, ամենաբարձր գնով՝ 160 հազար դոլարով գնորդն է եղել, ամենամեծ ցանկության դեպքում էլ Փանոսյանը կապ չէր կարող ունենալ:

- Նորայր Փանոսյանի մասնակցությամբ քննչական գործողություններ եղե՞լ են այս ընթացքում. խուզարկություն, առգրավումներ…

Նոյեմբերի 6-ին, երբ Վերաքննիչ դատարանը հիմնավոր կասկածի բացակայությամբ վերացրեց կալանքը, ընդամենը 1-2 քննչական գործողություն է եղել: Ի՞նչը խուզարկեն կամ առգրավեն, այդ բոլոր փաստաթղթերը հանրային բաց աղբյուրներում դրված են, Նորայր Փանոսյանը ոչինչ չունի թաքցնելու: Նա ամեն կանչով ներկայացել է վարույթն իրականացնող մարմին եւ որեւէ անգամ անօրինական ազդեցություն չի գործադրել: Նա գիտնական մարդ է,  ակադեմիական աշխատանք է կատարում, իսկ այս գործով քննություն կատարված չէ, ինչ արվել է, արվել է միայն անելու համար:

 

Միլենա Խաչիկյան

Տպել
861 դիտում

ՊՆ 5-րդ զորամիավորումում ամփոփվել են կատարված աշխատանքները

Արցախում 9 քաղաքացիներից բացի՝ ևս 4 հոգու փորձանմուշ ուղարկվել է հետազոտության. 14 նոր մարդ ինքնամեկուսացել է

Բժշկական դիմակներով դեմքերը քողարկած անձինք կողոպտել են Գյումրի քաղաքի բնակչուհուն. հարուցվել է քրգործ

Գրանցվել է 12-րդ մահը, որը դեռ պաշտոնապես հայտարարված չէ. Արսեն Թորոսյան

Առանձնապես խոշոր չափերի առերևույթ հափշտակություն dasaran.am-ի դրամաշնորհային ծրագրի իրականացման գործընթացում

2 նոր նշանակում շրջակա միջավայրի նախարարությունում

Մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և ստացել է շուրջ 7 մլն դրամ. ՔԿ

Վթարի հետևանքով «Mercedes»-ը մասամբ հայտնվել է «Toyota Camry» մակնիշի ավտոմեքենայի վրա. կա տուժած

Հայբիզնեսբանկը միացել է կորոնավիրուսի տնտեսական հետևանքների չեզոքացման միջոցառումներին

Բոլորս ապրում ենք բարդ ժամանակներ. Նիկոլ Փաշինյանի խոսքը՝ ԵԱՏՄ տեսակոնֆերանսի ժամանակ (տեսանյութ)

Ապրիլի 9-ին Հանրապետության տարածքում վարակազերծվել են 490 հանրային վայրեր

Ո՞վ ես դու, պարզ ասում եմ՝ ո՞վ ես դու. Գյուլագարակի համայնքապետը մարզպետի հետ կապեց իր հրաժարականը

Արշակունյաց-Գարեգին Նժդեհ խաչմերուկում կանջատվեն լուսացույցները. փորձնական շրջանաձեւ երթեւեկություն կկազմակերպվի

Կորոնավիրուսով հիվանդ ընդունելուց հետո ախտահանում են շտապօգնության մեքենան (տեսանյութ)

Քաշաթաղի բուժմիավորումում մեկուսացված 6 քաղաքացի կա, 2-ը ջերմում են. ընդհանուր 9 անձի թեստի պատասխան է սպասվում

Հրաժարականի դիմում կներկայացնի Գյուլագարակ խոշորացված համայնքի ղեկավարը

Կորոնավիրուսի 16 նոր դեպք է հաստատվել. գրանցվել է եւս մեկ մահ. դեպքերի ընդհանուր թիվը 937 է

Հայտնաբերվել է «РГ-42» տեսակի հարձակողական բեկորային դիստանցիոն նռնակ

Հայաստան է վերադառնում FLEX ծրագրով ԱՄՆ-ի տարբեր նահանգներում գտնվող ավագ դպրոցի 34 աշակերտ

Ուկրաինայի հայ համայնքում COVID-19-ով վարակված մեկ ներկայացուցիչ կա