ՌԴ վարչապետի նոր թեկնածուն հայտնի է. Պուտինը որոշել է փոփոխել Սահմանադրությունն ու երկրի կառավարումը

Կրեմլի մամուլի ծառայությունը հայտնում է, որ նախագահն արդեն առաջարկել է վարչապետի նոր թեկնածու՝ Պետդումային ներկայացնելով Միխայիլ Միշուստինի թեկնածությունը: Նա դաշնային հարկային ծառայության ղեկավարն է: ՌԴ Պետդումայի բոլոր խմբակցությունները հինգշաբթի առավոտյան հանդիպում կունենան Միշուստինի հետ: Նրա նշանակումը Դումայում կքննարկվի նույն օրը՝ հունվարի 16-ին:

Հիշեցնենք, որ ավելի վաղ հայտնի դարձավ ՌԴ կառավարության հրաժարականի մասին:

Վլադիմիր Պուտինն ու Միխայիլ Միշուստինը

Այսօր՝ հունվարի 15-ին, ՌԴ նախագահ Վլադիմիր Պուտինը իր ամենամյա ուղերձն է հնչեցրել Կառավարության անդամների, վարչապետի, Դումայի կազմի, երկրի դատավորների,  ՌԴ ամբողջ ղեկավար կազմի, լրատվամիջոցների ներկայացուցիչների մոտ:

Ի դեպ, իր իշխանության ընթացքում առաջին անգամ է, որ ամենամյա ուղերձը Պուտինը հնչեցրել է ոչ թե ավարտվող տարվա դեկտեմբերին, այլ նոր տարվա հունվարին:

Պուտինի ուղերձն այս տարի անսպասելիորեն այլ ընթացք է ստացել: ՌԴ ղեկավարը ներկայացրել է փոփոխությունների մի հսկայական փաթեթ՝ ներառող տարբեր ոլորտներ, սակայն ամենակարեւոր փոփոխությունը՝ Սահմանադրությունն է լինելու:

Պուտինը նշել է, որ կփոխվի պաշտոնյաների նշանակման կարգը, կբարձրանան նրանց նկատմամբ պահանջները եւ կխստացվեն աշխատանքային պայմանները:

Այսպես. Պուտինի առաջարկով, կառույցների ղեկավարները, Պետդումայի եւ Դաշնային խորհրդի անդամները, վարչապետն ու փոխվարչապետերը, նախարարները, դաշնային մարմինների ղեկավարները, դատավորները չեն կարող ունենալ այլ երկրի քաղաքացիություն կամ այլ երկրում կեցության փաստաթուղթ: Ավելի խիստ պայմաններ ՌԴ նախագահն առաջարկել է սահմանել նախագահի աթոռին հավակնող անձի համար. այլ երկրի քաղաքացիության բացակայություն եւ կեցության թղթի բացակայություն անգամ նախկինում, ՌԴ-ում մշտական բնակություն՝ 25 տարուց ոչ պակաս:

Պուտինը նշել է, որ  ՌԴ Սահմանադրության մեջ առանցքային փոփոխություններ է պետք մտցնել, օրինակ, ըստ նախագահի, պետք է վերանայել մի քանի ժամկետ շարունակ ՌԴ նախագահ ընտրվելու հնարավորությունը. «Մեր հասարակության մեջ քննարկվում է սահմանադրական կարգավիճակն այն մասին, որ միեւնույն անձը չպետք է զբաղեցնի երկրի նախագահի պաշտոնը 2 անգամից ավելի: Չեմ կարծում, որ այս հարցը սկզբունքային նշանակություն ունի, սակայն համաձայն եմ»,-նշել է Պուտինը:

ՌԴ ղեկավարն առաջարկում է Պետդումային վստահել ոչ թե պարզապես համաձայնություն կառավարության անդամի նշանակման մասին, այլ հենց հաստատումը Պետդումայի կողմից: Նա նշել է, որ այսուհետ, ըստ իր պատկերացման, հենց Դուման պետք է հաստատի բոլոր փոխվարչապետերին ու դաշնային նախարարներին իրենց պաշտոններում: Ընդ որում, այս տարբերակով, եթե Դումայի կողմից հաստատվի թեկնածությունը, նախագահը պարտավոր կլինի նշանակել անձին պաշտոնում:

Սպասվող փոփոխություններով, ըստ Պուտինի, պարտադիր պետք է պահպանվի երկրի զինված ուժերի եւ իրավապահ համակարգի ուղիղ ղեկավարումը նախագահի կողմից: Նախագահը կկարողանա նշանակել ուժային կառույցների ղեկավարներին՝ Դաշնային խորհրդի հետ համաձայնեցնելուց հետո: Նույն սկզբունքն է գործելու նաեւ շրջանային դատախազների նշանակման դեպքում:

Միջազգային օրենսդրությունը, միջազգային մարմինների որոշումները ՌԴ տարածքում կգործեն միայն այն դեպքում, երբ ՌԴ քաղաքացիների իրավունքներին ու ազատություններին սահմանափակում չեն հանդիսանա եւ չեն հակասի ՌԴ Սահմանադրությանը:

Վլադիմիր Պուտինը նաեւ առաջարկել է ընդլայնել եւ ամրապնդել տեղական ինքնակառավարման մարմինների լիազորությունները: Առաջարկվող փոփոխություններով վերանայվելու են երկրում նվազագույն աշխատավարձի եւ նվազագույն կենսաթոշակների չափերը, առաջին երեխայի ծնունդից արդեն ծնողները կստանան մայրական կապիտալ, որի գումարային չափը կմեծանա:

Բացի վերը նշված կետերը, ՌԴ ղեկավարը տասնյակ այլ փոփոխություններ էլ է առաջարկել՝ դրանք մանրամասնորեն ներկայացնելով:

Ուղերձը հրապարակելուց հետո հանդիպում են ունեցել ՌԴ նախագահն ու վարչապետ Դմիտրի Մեդվեդեւը, ինչից հետո Մեդվեդեւը հայտարարել է ամբողջ կառավարության հրաժարականի մասին: Լրատվամիջոցներում նշվում է, որ նախարարների համար որոշումն անսպասելի է եղել, նրանցից ոմանք չեն կարողացել թաքցնել զարմանքը:

Պուտինը հայտարարել է, որ երկրին ահռելի փոփոխություններ են պետք, որի համար արդյունավետ կառավարում է անհրաժեշտ:

Նշենք, որ նախագահական ամենամյա ուղերձը Պուտինի կողմից արդեն 16-րդ  անգամ էր հնչեցվում, այն տեւել է մոտ 1,5 ժամ: Ուղերձը լուսաբանելու համար հավատարմագրվել է 880 լրագրող:

լուսանկարները՝ РИА Новости-ի

Տպել
1878 դիտում

Հզոր «Լիվերպուլը» ոչ մի հարված չի կատարել «Ատլետիկոյի» դարպասին. պարտվել է 0:1 (տեսանյութ)

Խոզերի կերի մեջ հայտնաբերվել են աղիքային խմբի մանրէներ և բորբոսասնկեր. ՍԱՏՄ

Հրդեհ Լերմոնտովո գյուղի բնակելի տներից մեկում. տուժածներ չկան

Նորին Մեծություն Դանիայի թագուհի Մարգրետե Երկրորդն ընդունել է ՀՀ ԱԺ նախագահ Արարատ Միրզոյանին

Փետրվարի 13-ին 3-րդ հարկից ընկած 1,5 տարեկան փոքրիկի վիճակը լավ է, շաբաթվա վերջում դուրս կգրվի

Պաշտպանի աջակցությամբ ՀՀ քաղաքացուն նշանակվել է ՌԴ-ում ծնված երրորդ երեխայի 1 միլիոն դրամ նպաստը

Երեկ դանակահարված անչափահասներից մեկի վիճակը միջին ծանրության է, մյուսինը՝ կայուն

Սերժ Սարգսյանի եւ մյուսների գործով առաջին նիստի օրը հայտնի է

Քրեական ենթամշակույթն ու դրա օրենքները ստեղծում են հանցավոր միջավայր. քննարկում գլխավոր դատախազությունում

Ա. Սարգսյանն ընդունել է Չինաստանի դեսպանին, ստացել Չինաստանի նախագահի շնորհակալությունը

ՊԵԿ-ը 2020 թվականի հունվար ամսին պետական բյուջե է հավաքագրել 161 մլրդ 879 մլն դրամ հարկեր

24 ժամով դադարեցվում է Լոռու մարզի համայնքների մեծ մասի ջրամատակարարումը

Նախարարությունը 50.000 գիրք կտրամադրի դպրոցների գրադարաններին

ԱՄՆ-ի կոնգրեսականների աշխատակիցները կհետևեն Արցախի ընտրություններին․ «Ամերիկայի ձայն»

Դանակահարություն Երեւանում. «Ռիո Մոլ»-ի տարածքից 2 անչափահասներ տեղափոխվել են հիվանդանոց

Նախագահը ստորագրել է ՀՀ քրեական օրենսգրքում փոփոխություններ և լրացումներ կատարելու մասին օրենքի փաթեթը

Զինվորական քննչական գլխավոր վարչության պետն ընդունել է զոհված զինվորի հարազատներին

Վանում 2 երկրաշարժ է գրանցվել

Փակ են եւ դեռ անորոշ ժամանակ փակ կմնան Ամբերդ ամրոց և Քարի լիճ տանող ավտոճանապարհները

Հիմա էլ ՍԴ-ի աշխատակազմի ղեկավարն է կոչ անում ապրիլի 5-ին բոյկոտել հանրաքվեն. Ալեն Սիմոնյան