Ես անասունին ոնց հասցնեմ մոտակա սպանդանոց, ավելի լավ ա ջուրը գցեմ, պրծնեմ. լոռեցի անասնապահները ճամփա փակելը հետաձգել են

Լոռեցի անասնապահները ժամեր առաջ բողոքի ակցիա են իրականացրել Վանաձոր-Երեւան ավտոճանապարհի սկզբնամասում: Նրանք բողոքում են կառավարության որոշման դեմ, որով նախատեսված է այսուհետ մորթն իրականացնել միայն սպանդանոցներում:

Գյուղացիները մի շարք պատճառաբանություններ են նշում, որոնք, ըստ նրանց, այս պահին լուրջ խոչընդոտ են հանդիսանում իրենց համար: Հիմնական խնդիրը, ըստ բողոքող անասնապահների, ավելորդ վճարումներն են, ինչպես նաեւ դժվարությունները՝ անասուններին սպանդանոցներ հասցնելու հետ կապված. «Էդ ես ինչ եմ աշխատում, որ իմ ապրանքի վրա էլ սպանդանոցները օգուտ ստանան: Ես սաղ տարի տանջվեմ, քրտինք թափեմ, որ տանեմ իրենց հարստացնեմ, կամ ով է ասել, որ անասունին սպանդանոց հասցնելը էսքան հեշտ բան ա, որ մեր գյուղերը գան տեսնեն, կիմանան՝ հեշտ ա թե դժվար»:

Բողոքող գյուղացիների հետ հանդիպել են Լոռու մարզպետարանի գյուղատնտեսության եւ բնապահպանության վարչության պետի ժամանակավոր պաշտոնակատար Արտյոմ Շահվերդյանն ու ոստիկանության Վանաձորի Տարոնի բաժնի պետ Վազգեն Թորոսյանը: Մարզպետարանի ներկայացուցչի եւ ոստիկանապետի հետ բանակցություններից հետո գյուղացիները Երեւան տանող ճանապարհը չեն փակել՝ խոստանալով մեկ օր եւս սպասել, մինչեւ որ կառավարությունն ու համապատասխան մարմինները զիջումների կգնան՝ հօգուտ գյուղացու:

Բնակիչներից ոմանք նշում են, որ շատ հաճախ պարզապես տեխնիկապես անհնար է հիվանդ կամ վիրավոր անասունին տեղափոխել սպանդանոցներ: Մինչեւ սպանդանոց հասնելը՝ անասունը արդեն սատկած կլինի, հետեւաբար ողջ տարվա ապրուստը ջուրը կթափվի. «Օրինակի համար՝ Լորուտ գյուղը, …աշխարհի ծերն ա, ես էդ անասունին ոնց հասցնեմ մինչեւ մոտակա սպանդանոց… էնա ավելի լավ ա՝ միանգամից գետը գցեմ, պրծնեմ»:

Լոռու մարզպետարանի գյուղատնտեսության եւ բնապահպանության վարչության պետի  պաշտոնակատար Արտյոմ Շահվերդյանը ՀԺ-ի թղթակցի հետ զրույցում հայտնեց, որ մարզում այս պահին արդեն իսկ կա 3 սպանդանոց՝ Օձուն, Դարպաս եւ Քարաձոր համայնքներում. «Տաշիր համայնքում հիմա կառուցվում է, այն փետրվարից կաշխատի, մեծաքանակ դիմումներ ենք ստացել մարզպետարան՝ սպանդանոցներ կառուցելու հետ կապված»:

Ինչ վերաբերում է այն համայնքներին, որտեղից սպանդանոցները հեռու են, մարզի գյուղոլորտի պատասխանատուն ասաց. «Այդ դեպքում պետք է կատարվի մոտակա սպանդանոցում: Պայմանավորվածություն է ձեռք բերվել սպանդանոցների հետ, որ մինչեւ 30 կմ շառավղով անասունները կտեղափոխվեն սպանդանոցի հաշվին»:

Տպել
1652 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել