Ցավով եմ նշում, որ «Լուսավոր Հայաստան»-ը ուղղակի խցանվել է անցյալում. Լենա Նազարյան

Ժողովրդավար կառավարող ուժը լավ ընդդիմության կարիք ունի: Ազգային ժողովի ամբիոնից հայտարարեց ԱԺ փոխնախագահ, «Իմ քայլը» խմբակցության պատգամավոր Լենա Նազարյանը:

Նա նշեց, որ «Լուսավոր Հայաստան» խմբակցության ղեկավար Էդմոն Մարուքյանը, կարեւորելով իրենց խմբակցության գործունեության մասին հանրային ընկալումները, ջանք չի խնայում՝ բացատրելու, թե ինչ է ընդդիմությունը, ինչ դեր ունի եւ ինչի համար է այն պետք: «Ինքս էլ, կարեւորելով ընդդիմության դերը, ներկայացնեմ, թե, իմ կարծիքով, ինչպիսին պետք է լինի ընդդիմության ինստիտուտն այսօր: Ցավով եմ նշում, որ անգամ ԼՀԿ խմբակցությունն ուղղակի խցանվել է անցյալում»,- ասաց պատգամավորը՝ հավելելով նաեւ, որ ԼՀԿ-ն շատ հաճախ անհուսալի կերպով անցյալ համակարգին բնորոշ ընդդիմություն է ներկայանում իր մոտեցումներով, իր բառապաշարով, մտածելակերպով եւ վախերով:

«Պարո՛ն Մարուքյան, ձեր ընդդիմադիրությունը դասական է ոչ թե ժողովրդավարությանը բնորոշ լինելու իմաստով, այլ դասական է հին Հայաստանի ընդդիմությանը բնորոշ լինելու իմաստով: Դուք հիմա այնպիսի ընդդիմության դերով եք ներկայանում, ինչպիսին մենք՝ ավանդաբար ստիպված ենք եղել նախորդ իշխանության ժամանակ, եւ դա, մեղմ ասած, լավ օրից չէր: Դուք կրկնում եք «Ելք» դաշինքը, մինչդեռ պետք է ելք գտնեք անցյալի ձեւերից, հրաժարվեք անցյալի չափանիշներից, անցյալի տեսակի ընդդիմադիրության ռեսուրսը սպառված է մեկընդմիշտ, որովհետեւ մերժված է, չկա նախորդ իշխանությունը»,- հայտարարեց Նազարյանը:

Նրա պնդմամբ՝ ասել, թե իրենց դուր է գալիս լինել Սերժ Սարգսյան, նշանակում է՝ լինել անհուսալի կերպով հին: «Ասել՝ մեջ մի ընկիր, երբ բանավիճում ենք քո քաղաքական պապայի հետ, նշանակում է՝ վերարտադրել անցյալն ու անհուսալի կերպով լինել հին»,-ասաց պատգամավորը՝ հարցնելով, թե սա ի՞նչ բառապաշար է, եւ մի՞թե նրանք քաղաքական հայրերի կատեգորիաներով են բանավիճելու:

Նազարյանի խոսքով՝ պետական կառավարման համակարգը դեռ իներցիայով է շարժվում, որովհետեւ դժվար է վերափոխվել մի ակնթարթում, դրա համար ժամանակ եւ աշխատանք է պետք: Նրա պնդմամբ՝ իներցիայով է շարժվում նաեւ ընդդիմությունը: «Ինքնության ճգնաժամ է, ինչը բնական էր, հասկանալի էր գուցե նախորդ տարի, բայց 1 տարի է անցել, դուք 1 տարի անց հետ եք շարժվում»,- ասաց պատգամավորը:

Նա կոչ արեց չմտածել, թե անցյալում մարդիկ թողեցին միայն նախորդ իշխանությունը. մարդիկ անցյալում թողեցին նաեւ նախորդ բոլոր ընդդիմությունները, ուրեմն անցյալինն է նաեւ ոչ միայն նախորդ իշխանության գործելաոճը, այլ նախկին ընդդիմադիր գործելաոճը:

«Մեր երկրին անհրաժեշտ է նոր գործելաոճով կառավարող ուժ եւ նոր գործելաոճով ընդդիմություն: Ոչ միշտ է ճիշտ լինել կլասիկ «հին» Հայաստանի ընդդիմության իմաստով: Դասականությունն արդեն իսկ խանգարել է ձեզ 1 անգամ, ու այն խանգարում է ձեզ նաեւ այս շրջանում, երբ պետք է աշխատել գերազանցել ինքներդ ձեզ՝ նորը գտնելու համար: Իհարկե, դժվար է, բայց դա է բոլորիս մարտահրավերն այսօր»,- նկատեց Նազարյանը:

Նրա համոզմամբ՝ նոր գործելաոճ ընդունելով միայն՝ ընդդիմությունը կարող է ունենալ իր կարեւոր ներդրումը Հայաստանի քաղաքական մշակույթի զարգացման գործում եւ, առհասարակ, բարձրացնել իր կշիռը, ազդեցությունը:

«Գուցե տարօրինակ է հնչում, որ ես, կառավարող ուժի ներկայացուցիչ լինելով, խոսում եմ ի նպաստ ընդդիմության կշիռը բարձրացնելու, բայց այս ամենն անում եմ, որովհետեւ անկեղծորեն ուզում եմ, որ քաղաքական մշակույթն իրոք բարեփոխվի, մենք բոլորս միասին դուրս գանք անցյալի ճահճից, քաղաքական երկխոսությունը կայանա եւ դառնա «ըստ էության»»,- եզրափակեց Նազարյանը:

Տպել
965 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան