28 տարի առաջ այսօրը հայերենով հնչեց «Զգաստ» հրամանը. Գյումրիում տոնել են ՀՀ ԶՈՒ կազմավորման 28-րդ տարեդարձը

Գյումրու կայազորում օրը տոնական էր վաղ առավոտից: Այսօրը զինվորների համար պատասխանատու էր առավել, քան նախորդ օրերն են եղել եւ հաջորդներն են լինելու: Օրհներգն այսօր հակատանկային-հրետանային գնդում բոլորի համար հնչեց առավել ազդեցիկ, գնդապետի ողջույնն ու զինվորների «ուռա»-ն՝ առավել խրոխտ: Գյումրիում Հայոց բանակի կազմավորման 28-րդ տարեդարձը տոնվեց:

«28 տարի առաջ, երբ հայերենով հնչեց «Զգաստ» հրամանը, պարզ դարձավ, որ պատմության մի նոր էջ է բացվում: Եվ իրականում, իրականացավ հայ ժողովրդի դարավոր իղձը՝ սեփական բանակ ունենալու երազանքը: Մեր բանակը ստեղծվել է դժվարին ժամանակներում. մի կողմից՝ Արցախյան պատերազմը, մյուս կողմում՝ 88-ի ավերն ու Անկախության ձգտումը: Այս պայմաններում հայ ժողովուրդը ե՛ւ վերականգնում էր տնտեսությունը, ե՛ւ անում ամեն ինչ, որ անառիկ պահի սահմանները հակառակորդի ոտնձգություններից: Եվ հզորացավ Հայոց բանակը ու իր առաջին քայլերը պսակեց երեւելի հաղթանակներով»,- ասաց ՀՀ ԶՈՒ հրթիռային զորքերի և հրետանու վարչության պետի տեղակալ, գնդապետ Ռուբեն Գասպարյանը:

Մեր բանակի կազմավորման ակունքներում անուրանալի է շիրակցի մարտիկների ներդրումը։ Նրանցից շատերն այդպես էլ չտեսան իրենց իսկ ստեղծած բանակի փառավոր ներկան: Շիրակի մարզպետ Տիգրան Պետրոսյանը խոսեց այս մասին: «Հավերժ փա՛ռք նրանց հիշատակին: Հայոց բանակը մեր հպարտությունն է, հայի անկոտրում կամքի վկան: Խաղաղություն մեր երկրին, Զինված ուժերին նոր ու փառավոր տարեգրություն»,- ասաց նա:

Գյումրու քաղաքապետն իր խոսքում առանձնակի ողջունեց եւ շնորհակալություն հայտնեց սահմանին կանգնած մեր զինվորներին, ապա բոլոր նրանց, ովքեր իրենց լուման են ունեցել մեր երկրի սահմանների պաշտպանության, բանակի ստեղծման և կայացման գործում:

Հայոց բանակի 28-րդ տարեդարձի առիթով պատվոգրերի և շնորհակալագրերի արժանացան իրենց ծառայությամբ աչքի ընկած սպաներն ու զինվորները: Տոնը եզրափակվեց շարային հանդիսավոր քայլերթով:

Մարզային ու քաղաքային իշխանությունների ներկայացուցիչները, երկրապահ կամավորներն այնուհետ այցելեցին «Շիրակ» պանթեոն՝ հարգանքի տուրք մատուցելու Արցախյան հերոսամարտի եւ ապրիլյան պատերազմի նահատակների հիշատակին:

Արմենուհի Մինասյան

Տպել
741 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր