Հումանիտար օրակարգի շուրջ. Մնացականյան-Մամեդյարով հանդիպմանն ընդառաջ

Հունվարի 29-ին եւ 30-ին ՀՀ ԱԳ նախարար Զոհրաբ Մնացականյանը Ժնեւում հանդիպումներ կունենա ԵԱՀԿ Մինսկի խմբի համանախագահների եւ վերջիններիս միջնորդությամբ եւ մասնակցությամբ՝ Ադրբեջանի ԱԳ նախարարի հետ։

Նախորդ տարվա դեկտեմբերին Բրատիսլավայում կայացած հանդիպումից հետո ԵԱՀԿ Մինսկի խմբի համանախագահներն իրենց ամփոփիչ հայտարարության մեջ նշել էին, որ կողմերը պատրաստակամություն են հայտնել հանդիպել 2020 թ. սկզբին: Դրանից հետո Ադրբեջանի արտգործնախարար Էլմար Մամեդյարովը շտապել էր տեղեկացնել, որ հանդիպումը կկայանա հունվարի 20-ին: Ինչպես ցույց տվեց ժամանակը, հունվարի 20-ին հանդիպում տեղի չունեցավ, իսկ Մամեդյարովի նման վարքագիծը քննադատության ենթարկվեց պաշտոնական Երեւանի կողմից:

Ընդհանրապես սա առաջին դեպքը չէր, երբ Մամեդյարովը «գերազանցիկի ջանասիրությամբ» շտապում է տեղեկացնել բոլորին հաջորդ հանդիպման կամ արդեն կայացած հանդիպման «մանրամասների» մասին: Այդպես է եղել նախորդ տարվա ապրիլին Մոսկվայում կայացած հանդիպումից առաջ եւ հետո, երբ Մամեդյարովը նախ՝ տեղեկացրեց կայանալիք հանդիպման մասին, ապա՝ հայտարարեց, թե իբր Մոսկվայում քննարկման առարկա է եղել 2016 թ. «Լավրովի պլանը»:

Ադրբեջանի արտգործնախարարի նման գործելաոճը միտված է՝ պատրանք ստեղծելու, թե իբր ադրբեջանական կողմն ավելի լավ հարաբերություններ ունի համանախագահների հետ, ինչն ավելացնում է բանակցային գործընթացում իրենց «հաղթելու» շանսերը: Այլ կերպ ասած՝ Մամեդյարովը փորձում է ներկայացնել, թե բանակցությունների օրակարգը թելադրում է Ադրբեջանը: Այսինքն՝ ադրբեջանական կողմին չի հաջողվում հաղթահարել բանակցություններում «հաղթող-պարտվող» ձեւաչափի բարդույթը, ինչը դրական ազդեցություն չի կարող ունենալ ո՛չ բանակցությունների ընթացքի, ո՛չ էլ ընդհանուր առմամբ խնդրի կարգավորման վրա:

Ինչ վերաբերում է առաջիկա հանդիպմանը, ապա էական տեղաշարժերը քիչ հավանական են ոչ միայն վերոնշյալ պատճառներով: Հայկական կողմի հայտարարությունները եւս խոսում են դրա մասին: ՀՀ ԱԳՆ խոսնակ Աննա Նաղդալյանի խոսքով՝ «անդրադարձ է կատարվելու ԼՂ խաղաղ կարգավորմանն առնչվող հարցերի լայն շրջանակի»: Հարցերի շրջանակն ընդհանուր առմամբ հայտնի է, եւ նախորդ շաբաթ Ազգային ժողովում հարցուպատասխանի ընթացքում ՀՀ արտգործնախարար Զոհրաբ Մնացականյանը եւս մեկ անգամ անդրադարձավ դրանց.

«Մշտապես ընդգծել ենք խաղաղությանը նպաստող միջավայրի կարեւոր բաղադրիչը բանակցային փաթեթում։ Դա վերաբերում է նաեւ էսկալացիայի ռիսկերի նվազեցման գործառույթներին, որի մեջ մտնում են ե՛ւ զինադադարի ամրապնդման պահանջները, ե՛ւ ԵԱՀԿ նախագահի անձնական ներկայացուցչի գրասենյակի ընդլայնման, ե՛ւ տարբեր այլ գործառույթներ, որոնք ամրապնդում են այն կարեւոր նպատակը, որ վերաբերում է էսկալացիայի ռիսկերի նվազեցմանը»,- ասել էր նախարարը:

Առաջիկա հանդիպումն ուշագրավ է նաեւ նրանով, որ տեղի է ունենալու հակամարտող կողմերի ներքաղաքական բուռն շրջանում: Եվ եթե ՀՀ ներքաղաքական զարգացումներն ընդհանուր առմամբ տեղավորվում են հետհեղափոխական շրջանի տրամաբանության մեջ եւ ինչ-որ առումով սովորական են դարձել, ապա Արցախի եւ Ադրբեջանի նախընտրական իրավիճակը որոշակի ազդեցություն կարող է ունենալ հանդիպման տրամաբանության վրա: Այլ կերպ ասած՝ հանդիպումը միտված է լինելու արձանագրել ներկա հարաբերական անդորրը եւ քննարկել դրա երկարաձգման պայմանները: Ուստի կողմերը, ամենայն հավանականությամբ, կշարունակեն քննարկել հումանիտար օրակարգը:

Բացի Ադրբեջանի արտահերթ խորհրդարանական ընտրություններից, որոնք դժվար թե լուրջ վերադասավորումների պատճառ դառնան Ադրբեջանում, հումանիտար օրակարգի օգտին է խոսում նաեւ ՀՀ ԶՈՒ վերջին համալրումը: Ադրբեջանին ժամանակ է պետք նախ՝ հասկանալու՝ ինչպես արձագանքել հայկական Cy-30CM կործանիչներին, ապա, ըստ այդմ, վերադասավորումներ կատարելու սեփական օրակարգում: Իսկ հումանիտար հարցերի քննարկումը, ինչու ոչ, նաեւ որոշակի պայմանավորվածությունների ձեռքբերումը, ունիվերսալ է. Ադրբեջանին այն թույլ կտա ժամանակ շահել, իսկ հայկական կողմին եւս մեկ քայլ կատարել խաղաղության նախապատրաստման ուղղությամբ:

Չի բացառվում նաեւ, որ արտգործնախարարներն անդրադառնան փետրվարին Մյունխենում կայանալիք Անվտանգության համաժողովին, որին մասնակցելու են ՀՀ եւ Ադրբեջանի ղեկավարները: Ավելի վաղ Նիկոլ Փաշինյանը չէր բացառել Մյունխենում Իլհամ Ալիեւի հետ հանդիպելու հնարավորությունը: Մյուս կողմից, սակայն, կարգավորման գործընթացի ներկայիս տրամաբանությունը երկրների ղեկավարների լիարժեք հանդիպում չի պահանջում, ուստի հումանիտար օրակարգն առաջիկա հանդիպման անհրաժեշտ նվազագույն պայմանն է:

Տպել
19845 դիտում

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ