Ապօրինի որդեգրման գործով մեղադրյալ Լիանա Կարապետյանը ազատվել է «Երեւանի մանկան տուն» ՊՈԱԿ-ի տնօրենի պաշտոնից

Երեխաների ապօրինի որդեգրման գործով մեղադրյալ Լիանա Կարապետյանը սեփական դիմումի համաձայն ազատվել է «Երեւանի մանկան տուն» ՊՈԱԿ-ի տնօրենի պաշտոնից:

Այս մասին «Հայկական ժամանակ»-ի հետ զրույցում ասաց նրա պաշտպան Ալեքսան Խաչատրյանը:

Վերջինիս խոսքով՝ Կարապետյանը դիմումը գրել է այս տարվա հունվար ամսին՝ այն ժամանակ, երբ  ինքը դեռ ազատության մեջ էր: Թե ինչ պատճառով, պաշտպանը չցանկացավ նրա փոխարեն պատասխանել, միայն նշեց, որ իր կարծիքով՝ Կարապետյանը դրանով նաեւ ցույց է տվել, որ գործի քննությանը խոչընդոտելու որեւէ նպատակ չունի:

Հիշեցնենք՝ Լիանա Կարապետյանը մեղադրվում է ՀՀ ՔՕ-ի 167-րդ հոդվածի 2-րդ մասի 2-րդ, 3-րդ կետերով (մի խումբ անձանց կողմից նախնական համաձայնությամբ, պաշտոնեական դիրքն օգտագործելով՝ երեխային ապօրինի բաժանելը կամ փոխելը) եւ 314-րդ հոդվածի 1-ին մասով (պաշտոնեական կեղծիքը): Երեւանի ընդհանուր իրավասության դատարանը, դատավոր Ռոբերտ Պապոյանի նախագահությամբ, 2019 թվականի դեկտեմբերի 21-ին որոշել էր բավարարել Կարապետյանին կալանավորելու քննիչի միջնորդությունը՝ միաժամանակ թույլատրելի համարելով գրավի կիրառումը: Նա ազատ էր արձակվել 3 միլիոն դրամ գրավի դիմաց: Դատարանի այս որոշումը Դատախազությունը բողոքարկել էր Վերաքննիչ դատարան, որն էլ, դատավոր Արմեն Դանիելյանի օրեր առաջ բավարարել էր եւ Լիանա Կարապետյանին կալանավորել էր:

Կարապետյանի պաշտպան Ալեքսան Խաչատրյանի հետ ՀԺ-ի զրույցը՝ ստորեւ.

- Պարոն Խաչատրյան, նախաքննական մարմինն ի՞նչ ապացույցներ է դրել մեղադրանքի հիմքում:

- Ցավում եմ, բայց չեմ կարող նախաքննական տվյալ հանդիսացող տեղեկություն տրամադրել: Անկեղծ ասեմ՝ շատ կցանկանայի, բայց գոյություն ունի նախաքննական գաղտնիություն: Ամեն դեպքում, նախաքննության ավարտին ամեն ինչի մասին բոլորդ էլ կիմանաք:

- Եթե բովանդակային տվյալ չհայտնեք, կարո՞ղ եք գոնե նշել՝ նրա դեմ ցուցմունք եղել է:

-  Գիտեք՝ մենք այնպիսի բացառիկ իրավիճակ ունենք, որ եթե նույնիսկ մեղադրանքի որոշման մեջ նշված ապացույցները, որոնք, ըստ վարույթն իրականացնող մարմնի, հիմնավորում են մեղադրանքը, արժանահավատ կամ բավարար համարվեն, միեւնույնն է, Լիանա Կարապետյանի կողմից հանցանքի կատարումը դրանք չեն հաստատում: Այս առումով նաեւ հակասական իրավիճակ ունենք. Լիանա Կարապետյանը, ըստ էության, մեղադրվում է խմբի կազմում, այսինքն՝ Ռազմիկ Աբրահամյանի հետ հանցանք կատարելու մեջ, բայց Առաջին ատյանի դատարանը արդարացիորեն եւ օբյեկտիվորեն մերժեց Աբրահամյանին կալանավորելու քննիչի միջնորդությունը, իսկ Վերաքննիչ դատարանն էլ մերժեց Դատախազության բողոքը՝ հաստատելով, որ հիմնավոր կասկածը բավարարում է: Ստացվում է, որ Լիանա Կարապետյանը մեղադրվում է հանցանք կատարելու մեջ մի անձի հետ, որի վերաբերյալ դատական ակտով հաստատված է հիմնավոր կասկածի բացակայությունը:

- Իսկ Լիանա Կարապետյանի կալանավորման համար ի՞նչ հիմքեր են նշվել:

-  Դատախազությունը գտել է, որ նա կխոչընդոտի գործի քննությանը, այդ իսկ պատճառով Առաջին ատյանի դատարանի որոշումը բողոքարկել է եւ նշել, որ գրավը անթույլատրելի է: Բայց դրա համար վարույթն իրականացնող մարմնի կողմից որեւէ ապացույց չի ներկայացվել: Ի վերջո Վերաքննիչ դատարանը մեր բողոքը չի բավարարել (խոսքը Լիանա Կարապետյանի նկատմամբ կալանավորումը որպես խափանման միջոց ընտրելու որոշման մասին է), այլ բավարարել է Դատախազության բողոքը, եւ դա այն պայմաններում, երբ Լիանա Կարապետյանը արդեն իսկ իր դիմումի համաձայն ազատվել է «Երեւանի մանկան տուն» ՊՈԱԿ-ի տնօրենի պաշտոնից: Այսինքն՝ թե էլ ինչ ձեւ կարող էր նա խոչընդոտել գործի քննությանը, երեւի թե միայն իրենց է հայտնի: Ընդ որում, ակնհայտ անհիմն է այդ ամենը:

- Ազատության մեջ գտնվելու ընթացքում որեւէ դեպք գրանցվե՞լ է, որը Դատախազության մոտ կասկած է առաջացրել, որ մնալով ազատության մեջ՝ Լիանա Կարապետյանը կարող է խոչընդոտել գործի քննությանը:

- Բնականաբար ոչ, որեւէ նման դեպք չի գրանցվել, Դատախազությունն էլ Վերաքննիչ բողոքում եւ վերաքննիչ նիստի ժամանակ նման բան չի ասել, քանի որ նման բան չկա: Լիանա Կարապետյանը մշտապես դրսեւորել է պատշաճ վարքագիծ, եւ ես ցավում եմ, որ նման անհիմն դատական ակտ կայացվեց: Այն էլ ասեմ, որ Վերաքննիչ դատարանում գործը քննում էր Հայաստանի Հանրապետությունում ամենացածր վարկանիշ ունեցող դատավորը՝ Արմեն Դանիելյանը, եւ իմ կարծիքով՝ քանի ՀՀ-ում կան նման դատավորներ, մենք հաճախ ենք ականատես լինելու նման ապօրինի դատական ակտերի, որը մենք բողոքարկելու ենք:

- Դուք տեղեկություն ունե՞ք՝ Աշխատանքի եւ սոցիալական հարցերի նախկին նախարար Արտեմ Ասատրյանը այս գործով հարցաքննվել է թե՞ ոչ:

- Ճիշտն ասած՝ որեւէ տեղեկություն չունեմ:

- Իսկ Լիանա Կարապետյանի մասնակցությամբ նախաքննության փուլում քննչական ի՞նչ գործողություններ են տեղի ունեցել:

- Ես կարող եմ ասել, որ իմ պաշտպանյալի հետ բավական երկար ժամանակ որեւէ քննչական գործողություն չի կատարվում:

- Առերեսում եղե՞լ է:

- Եկեք նախաքննության տվյալներից չխոսենք: Միայն կարող եմ ասել, որ Լիանա Կարապետյանը որեւէ թաքցնելու բան չունի եւ նախաքննության մարմնին հայտնել է իր ունեցած տեղեկատվությունը:

- Իսկ խուզարկությո՞ւն:

- Դատարանի թույլտվությամբ խուզարկություն եղել է նրա բնակարանում, բայց դա վաղուց է եղել եւ որեւէ բան չի հայտնաբերվել:

- Ի՞նչ էին փնտրում նրա բնակարանում:

- Ես չեմ կարող ասել, երեւի գործի համար կարեւոր նշանակության փաստաթղթեր, որոնք բնականաբար, չէին կարող լինել, որովհետեւ «Մանկան տուն»-ը որդեգրման գործընթացներում գործառույթ չունի:

- Ամեն դեպքում, խուզարկության արդյունքում առգրավվումներ եղե՞լ են:

- Իմ համոզմամբ՝ գործի համար որեւէ էական նշանակություն ունեցող բան չի հայտնաբերվել: Վստահ եղեք՝ նախաքննության ավարտը առնվազն այնքան շոկային է լինելու, որքան որ դրա սկիզբն էր: Շատ բաներ կան, որոնց մասին մենք հիմա իրոք չենք կարող խոսել, բայց նախաքննությունից հետո, երբ իրավունք կունենանք խոսելու, հասարակությանը շատ բան պարզ կլինի:

- Պարոն Խաչատրյան, քանի որ Ձեր պաշտպանյալը չի ընդունում իրեն առաջադրված մեղադրանքը, ինքն ինչ-որ վարկած, շարժառիթ դրանում տեսնո՞ւմ է:

- Մեր համոզմամբ՝ մեղադրանքը ակնհայտ անհիմն է եւ շինծու, իսկ թե ինչ նպատակներով դա պետք է անեին, այդ հարցի հասցեատերը ես չեմ, չեմ կարող ասել:

Քրեական գործը, հիշեցնենք, վերաբերում է 2016-2018 թթ. ընթացքում օտարերկրացի քաղաքացիների կողմից Հայաստանից երեխաների ապօրինի որդեգրման դեպքերին, ինչի մասին ԱԱԾ-ն հայտարարեց նոյեմբերի 14-ին: Գործով մեղադրյալի կարգավիճակում է 5 անձ՝ «Վերարտադրողական առողջության պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրեն Ռազմիկ Աբրահամյանը, փոխտնօրեն Արշակ Ջերջերյանը, ինչպես նաեւ՝  ՀՀ քաղաքացիներ Անուշ Գարսանցյանը եւ Դիանա Գրիգորյանը:

Տպել
3458 դիտում

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան