Ես չեմ ուզում, որ դուք հարկային գաղտնիքին հասանելիություն ունենաք. ՊԵԿ նախագահը՝ պատգամավորին

Հարկայինի աշխատողները մուտք ունեն «Հարկատու 3» ծրագիր, հետեւաբար բավականին մեծ թվով մարդկանց հասանելի են հարկային գաղտնիք պարունակող տվյալները: Այս մասին այսօր ԱԺ Ֆինանսավարկային եւ բյուջետային հարցերի մշտական հանձնաժողովի նիստի ժամանակ ասաց «Իմ քայլը» խմբակցության պատգամավոր Եղիշե Սողոմոնյանը: Նրա կարծիքով՝ երաշխավորել, որ այդ մարդկանցից որոշները ինֆորմացիա չեն տրամադրի բիզնեսին՝ թյուր կլինի: «Նախկին աշխատանքային փորձից գիտեմ, որ խոշոր բիզնես ունեցողներին հասանելի են տվյալներ, թե ով ինչ ներմուծեց եւ ինչ գնով, իսկ փոքրներն ու միջինները, չունենալով այդ տեղեկությունը, կամաց-կամաց շուկայից դուրս են գալիս»,-ասաց նա՝ օրինակ բերելով մի դեպք, երբ հեռուստատեսությամբ աղի հանքի հիմնադիրը ներկայացնում էր, թե որ ընկերությունը ինչքան աղ է Հայաստան ներմուծել եւ ինչ մաքսային արժեքով:

ՊԵԿ նախագահ Դավիթ Անանյանն ասաց, որ այդ ծրագրի մասով ֆիլտրներ կան՝ մուտք գործելու կասկածելի քանակների վերաբերյալ: «Ամեն մեկն ունի իր անձնական էջը. ենթադրենք մի կազմակերպության վրա այդ օգտատերը մտնում է 100 անգամ ինչ-որ ժամանակատվածում եւ դա կասկածի տեղիք է տալիս: Մենք 100 տոկոսով չենք երաշխավորում, որ հարկային գաղտնիք պարունակող տեղեկատվության հոսքը բացառում ենք, 2000-ից ավելի հարկային ծառայող ունենք: Բայց մենք վերահսկում ենք մուտքերի քանակները»,- նշեց Անանյանը:

Սողոմոնյանի կարծիքով՝ լավ կլինի, եթե Խորհրդարանը նույնպես հասանելիություն ունենա այս ծրագրին, սակայն ՊԵԿ նախագահը չի կիսում այդ տեսակետը: «Եթե դուք կարծում եք, որ ԱԺ պատգամավորի վրա եւս պետք է տարածվի հարկային ծառայության մասին օրենքը, կներեք, բայց մենք նույն ձեւով պետք է վերահսկենք նաեւ ձեր մուտք գործելը «Հարկատու 3»: Եկեք մի հատ իրար հետ որոշենք՝ այդ ո՞ր մարմինն է, որ ձեզ պետք է պատասխանատվության ենթարկի, օրինակ, առերեւույթ տեղեկատվության արտահոսքի համար»,- հարցրեց Անանյանը, որից հետո պատգամավորն ասաց, որ իրենք նույնիսկ պետական գաղտնիքի են տիրապետում, եւ սա գուցե բավարար պայման է հարկային գաղտնիքին հասանելիություն ունենալու համար:

«Ինչու՞ եք հարկային ծառայողների մասով անում այն կանխավարկածը, թե կարող են հարկային գաղտնիք տրամադրել, իսկ ձեր դեպքում վատ եք զգում, որ այսպիսի կիսակատակ բան եմ ասում: Օրինակ՝ ես չեմ ուզում, որ դուք այդ տեղեկությանը «դոստուպ» ունենաք»,- եզրափակեց Անանյանը՝ հավելելով նաեւ, որ պետական գաղտնիքն ու հարկային գաղտնիքը տարբեր բաներ են. հարկային գաղտնիքի տրամադրման մասով պետք է հանրության հետ քննարկում ունենալ:

Տպել
1066 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան