Նոր կորոնավիրուսի կանխարգելման նպատակով հասցեական քարտեր են լրացրել Չինաստանից Հայաստան ժամանած 859 ուղեւոր

Հունվարի 27-ից մինչեւ այսօր մեր երկրի օդային եւ ցամաքային սահմանին լրացվել է 859 հասցեական քարտ: Այդ ուղեւորների մեջ եղել են ե՛ւ չինացիներ ե՛ւ Չինաստանից ժամանած հայեր: Այս մասին հայտնում է ՀՀ առողջապահության նախարարությունը: Ըստ այդմ՝ մինչ օրս կորոնավիրուսային վարակին բնորոշ կասկածելի ախտանշաններ ունեցող 40 պացիենտ է հոսպիտալացվել, որոնցից 26-ը դուրս է գրվել (դուրս գրումները շարունակվում են), 14 պացիենտ դեռեւս հոսպիտալացված է:

Բոլորն ստացել եւ ստանում են ախտանշանային բուժում, անհրաժեշտության դեպքում կազմակերպվում են լաբորատոր հետազոտություններ: Արդյունքում եզակի դեպքերում հայտնաբերվել են գրիպի Ա տեսակի հարուցիչներ, ռինովիրուսներ, իսկ նոր կորոնավիրուսի հետազոտության արդյունքները եղել են բացասական:

Ինչպես ավելի վաղ տեղեկացրել ենք, կորոնավիրուսի նոր ենթատեսակի մուտքը Հայաստան կանխելու համար սահմանային անցման կետերում, բացի ջերմաչափում իրականացվելուց, այն անձինք, որոնք եկել են Չինաստանից կամ վերջին 14 օրերի ընթացքում գտնվել են այդ երկրում, լրացնում են հասցեական քարտեր, որոնց միջոցով էլ մասնագետները նրանց հետ պետք է կապ պահպանեն եւ հետաքրքրվեն առողջական վիճակում հնարավոր փոփոխություններով:

Ինչպես մեզ հետ զրույցում նշեց ՀՀ առողջապահական եւ տեսչական մարմնի հիգիենիկ եւ հակահամաճարակային վերահսկողության վարչության պետ Աննա Հարությունյանը, հիվանդության գաղտնի շրջանը տեւում է 14 օր, այդ պատճառով վերահսկողությունը կատարվում է հենց այդքան ժամանակ: Վերահսկողական այս գործառույթն իրականացվում է հետեւյալ սկզբունքով. հասցեական քարտերը լրացվում են օդանավակայանում կամ ցամաքային սահմանի անցման կետերում, որտեղ նշվում է բնակության վայրը կամ հյուրանոցը եւ բջջային հեռախոսահամար: Քարտերը փոխանցվում են տեսչական մարմնին, որն էլ կապ է հաստատում տեղի պոլիկլինիկաների եւ հյուրանոցների հետ: Վերջինների դեպքում նաեւ առանձին զգուշացվում են այն բոլոր ախտանիշների մասին, որոնք բնորոշ են այս հիվանդությանը, որպեսզի դրանց առկայության դեպքում նրանք կապ հաստատեն, եւ բուժաշխատողները հոսպիտալացնեն հիվանդին:

Այս բոլոր տվյալները պոլիկլինիկաներից բացի՝ փոխանցվում են ՀՀ ԱՆ հիվանդությունների վերահսկման եւ կանխարգելման ազգային կենտրոն: Այսքանով տեսչական մարմնի գործառույթներն ավարտվում են:

Աննա Հարությունյանի խոսքով՝ հասցեական քարտեր գրանցած անձանց հետ կապը պահպանում են պոլիկլինիկաների աշխատակիցները: Եթե տվյալ անձինք ՀՀ քաղաքացիություն չունեն եւ որեւէ պոլիկլինիկայում գրանցված չեն, ապա այդ հարցով զբաղվում է տվյալ անձի բնակության մոտ գտնվող բժշկական հաստատությունը: Բժիշկները շարունակ կապ են հաստատում ու ճշտում նրանց առողջական վիճակի մասին տեղեկատվություն:

Նշենք, որ ԱՆ-ի տեղեկացմամբ՝ Առողջապահության համաշխարհային կազմակերպության կողմից Հայաստանին կտրամադրվի լաբորատոր թեստերի նոր խմբաքանակ:

Տպել
1080 դիտում

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի

Սխալի պատճառով 2 քրոջ անունն էլ նույնն է գրվել, սակայն նրանք ճիշտ են քվեարկել. ԱՀ ոստիկանությունը պարզաբանում է

ՖԻՖԱ-ն թարմացրել է վարկանիշային աղյուսակը. Հայաստանի ֆուտբոլի հավաքականը մնում է 102-րդը

Տարեցների խնամքի կենտրոններում կարանտին է. թեստավորված անձինք չկան

Սերժ Սարգսյանը ապրիլի 16-ին կմասնակցի Ապրիլյանի նիստին. նրա պայմանը բավարարվել է

Տնտեսական աջակցության միջոցառումների ծրագրերով 1 միլիարդ 433 միլիոն դրամի վարկային փաթեթներ են բավարարվել. նախարար

Կառավարության առաջարկով Ազգային ժողովն ապրիլի 13-ին արտահերթ նիստ կգումարի

Ես կարծում եմ, որ կոչերը եւ անելիքները, որոնք թիրախավորված չեն, արդյունավետ չեն լինի․ Գրիգորյան

Միանվագ աջակցության ծրագրերից ոչ մեկում չընդգրկված քաղաքացիների խնդիրները մեղմելու տարբերակներ են քննարկվում

Որեւէ խնդիր չեմ տեսնում պետական պարտքը ավելացնելու հետ կապված, սակայն այս պահին դեռ վաղ է խոսել այդ մասին․ փոխվարչապետ

Սիսիանի ոստիկանների կողմից քաղաքացիների նկատմամբ բռնություն գործադրելու մասին հրապարակումները ուղարկվել են ՀՔԾ

Արարատի մարզում կորոնավիրուսի 4 նոր դեպք է գրանցվել. ընդհանուր առմամբ մարզում 179 դեպք կա

Հակաճգնաժամային 10 միջոցառումներից 6-ը լիարժեք ուժի մեջ է․ Մհեր Գրիգորյան

Ընկած թռչուն տեսնելու դեպքում հայտնել պատկան մարմիններին․ ըստ մասնագետների՝ թռչունների այդ վիճակը կորոնավիրուսից չէ

Աջակցության երկու ծրագիր գործում է, ևս երկուսը կգործարկվի վաղը. 3750 հղի վաղը կարող է սպասարկվել, ցուցակները լրացվում են

Այն հայտը, որը ներկայացրել է «Գազպրոմ Արմենիան», ենթադրում է ներդրումներ․ փոխվարչապետ

Պետության տրամադրած սոցիալական օգնությունների վրա արգելանք չի կիրառվի. ԴԱՀԿ

Պարենային եւ արդյունաբերական մի շարք ապրանքատեսակների գներ միջինում 3 տոկոսով կնվազի․ Գրիգորյան