Ռազմավարական նշանակություն ունեցող 5 ապրանքների տնտեսվարողներ պարտավորվելու են միշտ 10% պահուստ ունենալ

Այսօր ԱԺ պաշտպանության եւ անվտանգության հարցերի մշտական հանձնաժողովում հավանության արժանացավ «Նյութական պահուստի մասին վարչական իրավախախտումների վերաբերյալ ՀՀ օրենսգրքում լրացումներ կատարելու մասին» նախագիծը:

Ինչպես նշեց ՀՀ արտակարգ իրավիճակների փոխնախարար Արա Նազարյանը, ելնելով մեր երկրի աշխարհաքաղաքական դիրքից՝ առաջին պլան է մղվում ռազմական գործողությունների ժամանակ՝ ճանապարհային շրջափակման պայմաններում, բնակչության եւ զինված ուժերի կարիքների ապահովման խնդրի լուծումը:

«Հաշվի առնելով, որ էներգակիրները եւ մի շարք պարենային ապրանքների գերակշռող մասը ներմուծվում են՝ ապրանքների մատակարարման նույնիսկ կարճատեւ խափանումը ՀՀ-ում կարող է առաջացնել ճգնաժամ, որի կանխարգելումը նյութական պահուստի նշանակությունն է: Խնդիր է առաջանում բարձրացնել պետական նյութական պահուստի արդյունավետությունը, արդիականացնել դրա ձեւավորման մոտեցումները եւ կառավարման համակարգը»,- ասաց Նազարյանը՝ հավելելով, որ նախորդ տարիների վերլուծությունը ցույց է տվել, որ որդեգրված մոտեցումներն այլեւս չեն կարող համարվել բավարար եւ չեն ապահովում նյութական պահուստի զարգացման գործընթացը:

Փոխնախարարի համոզմամբ՝ ռազմավարական նշանակություն ունեցող պաշարների ձեւավորման համար պահանջվում են զգալի ֆինանսական միջոցներ, իսկ գործող իրավական դաշտը շուկայական հարաբերությունների պայմաններում բավարար չափով չի ապահովում պետական պահուստի նյութական արժեքների թարմացման եւ փոխարինման գործընթացի արդյունավետությունը:

«Նախագծերի ընդունմամբ նախատեսվում է նյութական պահուստի ձեւավորման մասնակից դարձնել ռազմավարական նշանակություն ունեցող նյութական արժեքներ՝ ավտոմոբիլային բենզին, դիզելային վառելիք, պարենային ցորեն, շաքարավազ, բուսական յուղ: Այս ապրանքների տնտեսվարողներն իրենց մոտ պետք է միշտ ռեզերվային 10% պահեն»,- ասաց Նազարյանը:

«Իմ քայլը» խմբակցության պատգամավոր Քրիստինե Պողոսյանը մանրամասնեց, որ հիմա պետությունն առնում է պաշարներն ու պահում իր պահեստներում. երբ ժամկետի ավարտը մոտենում է, ստիպված իրացնում է բնականաբար ավելի ցածր գնով, ինչի արդյունքում պետությունը կորուստ է ունենում:

«Այս կարգավորմամբ պայմանագիր կնքելով մասնավոր ընկերությունների հետ՝ այս 10% պահուստները մնում են իրենց պահեստներում: Առաջին ամսում պահուստը մնում է, բայց հետո՝ անընդհատ շրջանառում»,- եզրափակեց պատգամավորը:

Տպել
1274 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան