Ոստիկանությունը ստացավ այնպիսի հարված, որն ուղղված էր նաեւ լեգիտիմ ձեւավորված իշխանությանը․ Անդրանիկ Քոչարյան

Ոստիկանությունը պիտի գիտակցի, որ ուժային կառույց է։ Ազգային ժողովում լրագրողների հետ զրույցում ասաց «Իմ քայլը» խմբակցության պատգամավոր, պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով երեկ ՀՖՖ նախագահ Ռուբեն Հայրապետյանին բերման ենթարկելու, ապա քիչ ուշ բաց թողնելու գործողությանը։

«Անցած ամիս մենք այս կառույցին տվել էինք լրացուցիչ գործիքակազմ, որպեսզի իրենք վստահության լուրջ քաղաքական կշիռ ձեռք բերեն եւ իրացնեն օրենքով իրենց սահմանված լիազորությունները: Բայց երեկ ես նկատեցի, որ ոստիկանությունը կաշկանդված էր եւ փաստորեն ստացավ այնպիսի հարված, որը միայն իրենց չէր ուղղված. դա նաեւ ընտրությունների արդյունքում լեգիտիմ ձեւավորված քաղաքական իշխանությանն ուղղված թիրախային հարված էր, եւ լավ մտածված էր»,- ասաց Քոչարյանը: (Ռուբեն Հայրապետյանը երեկ ազատ արձակվելուց հետո հայտարարել էր, թե խոստանում է ոտքերը մաքրել իրավապահների վրա)։

Հարցին, թե ինչի՞ց էր կաշկանդված, Քոչարյանը պատասխանեց, որ նախկին 20 տարիների ընթացքում ոստիկանությունը հասել է այն վիճակին, որ միշտ կաշկանդված է եղել «հեղինակությունների» առաջ․

«Հեղափոխության ընթացքում չէի՞ք տեսել՝ ոստիկանությունն ում հրահանգներն էր կատարում Էջմիածնում, Էրեբունիում, այդ իներցիան շարունակվում է: Ես ուզում եմ օր առաջ իրավապահ այս մարմինը դուրս գա այդ իրավիճակից»,- ասաց նա:

Անդրադառնալով երեկ ոստիկանության մոտ Ռուբեն Հայրապետյանի թիկունքում հավաքվածների ծափերին՝ Քոչարյանն ասաց, որ կային նախկին ընդդիմադիր դաշտի կարկառուն ներկայացուցիչներ, Հանրապետական կուսակցության ներկայացուցիչներ: «Այդ ծափերն ինչի՞ն էին միտված, ոտքերը մաքրելո՞ւն: Էդ նույն հանրապետականները գիտակցո՞ւմ են՝ այդ ծափերով ինչն են խրախուսում: Լուրջ խնդիր կա: Իշխանությունը, նաեւ մեր հանձնաժողովը, իհարկե, անելիք ունեն»: 

Անդրանիկ Քոչարյանի խոսքով՝ եթե պետք է բերման ենթարկել եւ արդյունքում ստանալ ապագա ոստիկանների վրա ոտքերը մաքրելու հայտարարություն, ապա ինքը չգիտի՝ ոստիկանությունն այդ դեպքում դասեր քաղե՞լ է, թե՞ ոչ:

Հիշեցնենք՝ Ռուբեն Հայրապետյանը երեկ բերման էր ենթարկվել զենք-զինամթերք պահելու կասկածանքով։ Ավելի ուշ նա ազատ էր արձակվել։

Տպել
1996 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն