Փորձում են դատարանի մոտ տպավորություն ստեղծել, թե իբր Գագիկ Խաչատրյանը չի ցանկանում բուժվել. պաշտպան

«Բոլոր հնարավոր միջոցներով փորձում են դատարանի մոտ տպավորություն ստեղծել, թե իբր Գագիկ Խաչատրյանն անձամբ չի ցանկանում բուժվել»:

Այսօր լրագրողների հետ զրույցում նման հայտարարություն արեց Գագիկ Խաչատրյանի պաշտպան Երեմ Սարգսյանը՝ հավելելով. «Մենք խնդրում ենք, դիմումներով պահանջում ենք, որ նրան բժշկական օգնություն տրամադրեն, մեկ էլ դատարան դիմում է ներկայացվում, ըստ որի՝ Գագիկ Խաչատրյանին իբր առաջարկել են տեղափոխվել «Դատապարտյալների հիվանդանոց»՝ ստացիոնար բուժման, ինչից նա հրաժարվել է, սակայն նման առաջարկ նրան չի արվել»:

Երեմ Սարգսյանի խոսքով՝ կառավարության համապատասխան որոշմամբ սահմանված է, որ անձը բուժօգնությունից պետք է հրաժարվի գրավոր կարգով, բայց նման դիմում Գագիկ Խաչատրյանի կողմից երբեւէ չի գրվել. «Եթե մի քիչ խոր վերլուծենք, այստեղ կարող ենք առերեւույթ հանցագործության՝ պաշտոնեական անփութության, դիրքի չարաշահման հատկանիշներ տեսնել»: Հարցին, թե ում կողմից է այդ փաստաթուղթը ներկայացված, պաշտպանը պատասխանեց. «Իրավասու մարմինների, ես այժմ անուններ չհնչեցնեմ, որովհետեւ արդեն այդ ուղղությամբ աշխատանքներ եմ տանում՝ պարզելու, թե ոնց է ստացվել, որ նման գրություն է դատարան ներկայացվել»:

Անդրադառնալով հարցին՝ արդյոք բժիշկները նշե՞լ են, որ Գագիկ Խաչատրյանը «Դատապարտյալների հիվանդանոցում» չի կարողանա ստանալ անհրաժեշտ բուժօգնությունը, Երեմ Սարգսյանը պատասխանեց. «Բժիշկները չեն նշել, թե «Դատապարտյալների հիվանդանոցում» չի կարող այդ բուժումն ստանալ, բժիշկները նշել են, որ անձը դրա կարիքն ունի, իսկ թե որտեղ կստանա, արդեն ինքն է որոշում: Բայց եթե մի քիչ անկեղծ խոսենք, բոլորս էլ գիտենք, որ «Դատապարտյալների հիվանդանոցում» ընդհանրապես որեւէ պայման չկա, ամենամինիմալ իրավիճակն է, ուստի դա միայն պատրվակ է, բայց, նորից եմ ասում, նույնիսկ նման առաջարկ չի արվել»:

Երեմ Սարգսյանը տեղեկացրեց, որ ինքն արդեն իսկ դիմում է հասցեագրել Մարդու իրավունքների պաշտպանին, որպեսզի վերջինս արձանագրի պետական իրավասու մարմինների խախտումները. «Միաժամանակ գրավոր կարգով պահանջել եմ, որ հայտնեն, թե երբ եւ ով է նման առաջարկ արել, երբ է Գագիկ Խաչատրյանը հրաժարվել, եւ պահանջել եմ թույլ տալ ծանոթանալ անձնական բժշկական գործին. փետրվարի 1-ին ես գրավոր դիմել էի Քրեակատարողական բժշկական կենտրոն ՊՈԱԿ-ի տնօրենին՝ հայտնելով, որ 31.01.2020-ի տվյալներով անձնական գործին ծանոթանալով՝ չեմ պարզել, թե նման փաստաթուղթ կա»:

Պաշտպանը նշեց, որ եթե առաջիկայում եւս միջոցներ չձեռնարկվեն Գագիկ Խաչատրյանի բժշկական օգնություն ստանալու իրավունքն ապահովելու համար, չի բացառում, որ կքննարկեն հանցագործության մասին հաղորդում ներկայացնելու հարցը:

Տպել
353 դիտում

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)

Ստեղծել ենք տեղաշարժման թերթիկի էլեկտրոնային տարբերակը. Տիգրան Ավինյան