ՁԻԱՀ-ի կենտրոնի աշխատակիցները դեմ են «Նորք» ինֆեկցիոն հիվանդանոցի հետ միավորմանը. նրանց ճակատագիրն անորոշ է

ՀՀ առողջապահության նախարարության ՁԻԱՀ-ի կանխարգելման հանրապետական կենտրոնի աշխատակիցները վրդովված են. «Նորք» ինֆեկցիոն կլինիկական հիվանդանոցում աշխատել չեն ցանկանում, այդ ԲԿ-ն այնքան խնդիրներ ունի, որ իրենց կենտրոնով զբաղվել չի կարողանա, այդպիսով՝ զարգանալու տեղ այլեւս չի լինի:

Արդեն տեւական ժամանակ սոցցանցերում քննարկվում է վերոնշյալ երկու կենտրոններն իրար միացնելու որոշումը, որն ընդունվեց այս տարի՝ հունվարի 30-ին՝ ՀՀ կառավարության նիստում: Մի կողմից Առողջապահության նախարարությունը ծառայությունների ինտեգրման անհրաժեշտության մասին է խոսում, մյուս կողմից կենտրոնի աշխատակիցները հակափաստարկներ են ներկայացնում:

Նույն վայրում ե՛ւ ստուգվում են, ե՛ւ բուժվում

ՁԻԱՀ-ի կենտրոնի համաճարակաբանական հսկման բաժնի վարիչ Արշակ Պապոյանի կարծիքով՝ չմիավորվելու պատճառներից է իրենց կենտրոնացվածությունը: Իրականացրած գործառույթները բազմաթիվ են՝ ՄԻԱՎ վարակով եւ ՁԻԱՀ-ով հիվանդների դիսպանսերիզացիայի եւ ամբուլատոր բուժման կազմակերպում, համաճարակաբանական հետազոտությունների իրականացում, տվյալ հիվանդությունների վերջնական լաբո­րա­տոր ախտորոշում, տեղեկատվական նյութերի մշակում, գիտական աշխատանքների կատարում եւ այլն։ Նույն կենտրոնում կարող են ինֆորմացիա ստանալ, ստուգվել եւ բուժվել:

Նա նաեւ հավելեց, որ երկրում այս հիվանդությունների հետ կապված ամբողջ հսկողությունն իրենց մոտ է իրականացվում: Եթե նույնիսկ պացինետն այլ վայրում որեւէ հետազոտություն է անցնում, վերջնական արդյունքն այնտեղ է ժխտվում կամ հաստատվում։

«ՄԻԱՎ-ի հետ կապված աշխարհում ինչ հետազոտություն կա, այստեղ կատարում ենք, չկա մի բան, որ չենք կարողանում անել»,- նշեց կենտրոնի ՊՇՌ-ի (պոլիմերազային շղթայական ռեակցիա) մանրէաբանության, վիրուսաբանության եւ գենետիկայի լաբորատորիայի բժիշկ լաբորանտ Տաթեւիկ Սարհատյանը՝ հավելելով, որ իրենց կենտրոնում կան անհրաժեշտ բոլոր սարքավորումները:

Տեղում կատարվում են գիտահետազոտական աշխատանքներ, քանի որ ամեն տարի կարող են նշված հիվանդությունների նոր մուտացիաներ ի հատ գալ, մինչդեռ մասնագետների խոսքով՝ այս ամենը կարող է չիրականանալ ԲԿ-ի հետ միացվելու դեպքում:

«Մենք հիմա կապված են իրար հետ, համաճարակաբանը, բուժող բժիշկը, լաբորատորիան, մեկ մեխանիզմով աշխատում ենք, չգիտենք՝ ինչ կլինի, ե՞րբ կընդհատվի մեր կապը»,- նշեց բժշկուհի Հայկուհի Այվազյանը:

«0-ից հիմնարկ ենք ստացել, մեր սիրտը ցավում է»

30 տարեկան կենտրոնը, աշխատակիցների խոսքով, միշտ նույն տեսքով, սարքավորումներով զինված չի եղել:

«Մեր սիրտը ցավում է, որ տարիների ընթացքում փոշիացնում են այս ամբողջը»,- նշեցին բուժաշխատողները՝ հավելելով, որ կարելի է ասել 0-ից են այս տեսքը ստացել, ոչ թե պետությունն է ֆինանսավորել, այլ տարբեր կազմակերպությունների կողմից դրամաշնորհներ են տրամադրվել:

Ամեն տարի իրականացվող որակի վերահսկողության շնորհիվ կենտրոնը մի շարք սերտիկիֆիկատների է արժանացել ու այսօր, ըստ իրենց, բուժման 86 տոկոս արդյունավետություն ունեն:

Թե ինչ կլինի երկու կենտրոնները միացնելու դեպքում, աշխատակիցների համար անորոշ է, կաշխատե՞ն, թե՝ ոչ, հաստատ չգիտեն: Սկզբում ԱՆ-ից իրենց տեղեկացրել են, որ բոլորն էլ աշխատելու են, սակայն հետագայում հայտարարություններ են եղել, թե աշխատողների հիմնական մասն է մնալու:

Վերջիններիս խոսքով՝ այնտեղ աշխատող մասնագետների նմանը Հայաստանում գտնելը դժվար է. կլինիկան առաջ գնալու, զարգանալու, միջազգային կոնֆերանսների հնարավորություն է տվել, այդ պատճառով առկա արդյունքները լավն են:

Հայկուհի Այվազյանի խոսքով՝ միացվելուց հետո հնարավոր է դեղերի անընդհատությունը չպահպանվի, ինչն իրենց մոտ այսքան ժամանակ չի եղել: Պացիենտները նույնպես անհանգստացած են, բժշկուհուն ասել են, որ այլ վայր չեն գնա, դեղ չեն խմի, ուղղակի կմահանան:

Նախարարության կողմից իրենց ներկայացված այն հիմնավորմանն էլ, թե միացման դեպքում ավելի շատ հետազոտություն կարվի, նշում են՝ «բերեք, այժմ էլ կանենք»: «Հավանաբար կան մարդիկ, որ այս շենքի ու սարքավորումների վրա աչք ունեն»,- նշեց Արշակ Պապոյանը:

«Ֆեսյբուք»-ը մասնագիտական հարթակ չէ

Աշխատակիցները դժգոհ են, որ իրենց հետ քննարկում չի եղել, հստակ հիմնավորումներ չկան: Պապոյանի խոսքով՝չեն եկել մասնագետներ, որպեսզի քննարկեն, ինչպե՞ս արդյունքն ավելի լավացնեն, ի՞նչ կարծիք ունեն իրենք, պացիենտները, որո՞նք են ռիսկերը. «Մենք գնացել ենք իրենց մոտ, ասել են՝ «լավ է լինելու»: Լավ լինելը մասնագիտական քննարկում չէ, բարի ցանկություն է»:

Պապոյանը հավելեց, որ այս ընթացքում բազմիցս ԱՆ-ին հրավիրել են քննարկման, սակայն պատասխաններ ստացել են ֆեյսբուքյան գրառումների միջոցով, որոնք կարծես սպառնալիք լինեն: «Մենք վախեցողներից չենք ո՛չ որպես մասնագետներ, ո՛չ մարդիկ»:

Աշխատակիցները չեն ընդունում նաեւ նախարարության կողմից ներկայացվող առողջապահական համակարգին ինտեգրվելու հիմնավորումը: Բժիշկ Հասմիկ Օհանյանի խոսքով՝ իրենք այժմ էլ ինտեգրված են, հիվանդներ ունեն տարբեր բուժհաստատություններում, համագործակցում են ինչպես «Նորք»-ի, այնպես էլ այլ կլինիկաների հետ:

Կենտրոնը բաց նամակով վաղը նախարարությանը քննարկման է հրավիրել, որին ներկա կլինեն նաեւ ՁԻԱՀ-ով հիվանդ պացիենտներ, սակայն ԱՆ-ի կողմից դեռեւս պատասխան չկա:

Մինչ այդ նամակով դիմել են նաեւ ՀՀ կառավարություն, վարչապետ Նիկոլ Փաշինյանին:

Ծառայությունների ինտեգրում, խտրականության նվազեցում

Առողջապահության նախարարության պարզաբանմամբ՝ այս որոշումն ուղղված է ծառայությունների ինտգերմանը եւ պացիենտների համար որակի ու հասանելիություն ապահովմանը։

Ըստ հայտարարության՝ միջազգային փորձը ցույց է տալիս, որ ՄԻԱՎ-ով ապրող մարդկանց շրջանում մահացության հիմնական պատճառներն են ՁԻԱՀ-ի փուլում առաջացող օպորտունիստական հիվանդությունները՝ մեծամասամբ ինֆեկցիոն բնույթի, նաեւ չարորակ նորագոյացությունները: Միացումը դրականորեն կանդրադառնա պացիենտների բուժման կազմակերպման գործընթացի վրա, կնպաստի կենտրոնի տեխնիկական հնարավորություններն օգտագործել մի շարք այլ, հաճախ նաեւ`ՄԻԱՎ/ՁԻԱՀ-ին ուղեկցող վարակիչ հիվանդությունների ախտորոշման եւ բուժման գործընթացներում:

«ՄԻԱՎ-ով ապրող մարդկանց եւ ՁԻԱՀ-ով պացիենտների նկատմամբ մեր հասարակությունում առայժմ առկա է խտրական վերաբերմունք, որին որոշակիորեն նպաստում է ախտորոշումն ու բուժումն առանձին հաստատությունում կազմակերպելը։ Կենտրոնի եւ հիվանդանոցի միավորումը կնպաստի մեր երկրում ՄԻԱՎ-ով ապրող մարդկանց նկատմամբ խարանի եւ խտրականության նվազեցմանը»,- նշվել է հայտարարության մեջ:

Նշենք, որ այս թեմայի հետ կապված օրեր առաջ «Ֆեյսբուք»,-ում գրառում էր կատարել Ազգային ժողովի պատգամավոր Նարեկ Զեյնալյանը՝ նշելով, որ ԱԺ առողջապահության եւ սոցիալական հարցերի մշտական հանձնաժողովի անունից հարցում-գրություն է ուղարկել ԱՆ՝պարզաբանում ստանալու համար, որից հետո ԱԺ-ում կկազմակերպվի քննարկում:

Այս հրապարակմանը պատասխանել էր Առողջապահության նախարար Արսեն Թորոսյանը՝ ընդգծելով, որ 7-րդ գումարման ԱԺ աշխատանքների ընթացքում գրեթե չի եղել նախարարության որեւէ նախաձեռնություն, որը չքննադատվի նշված պատգամավորի կողմից: 

«Կարծում եմ ոմանց մոտ թյուր կարծիք է ձևավորվել, թե պատգամավորական գործունեությունը միայն ոլորտային նախարարին բազում «բացահայտող» հարցումներ անելով ու ցանկացած նախաձեռնություն հանրայնորեն պախարակելով է արտահայտվում»,- գրել է Թորոսյանը:

Տպել
6033 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան