Ծնողը մտել է դասարան, հարվածել ուսուցչուհուն, երեխան խուճապահար վազել է տնօրենի ետեւից. ինչ է կատարվել հ.52 դպրոցում

Երեւանի Հովհաննես Հովհաննիսյանի անվան հ. 52 հիմնական դպրոցում շուրջ մեկ ամիս է՝ խաթարված է դասապրոցեսը: Պատճառն ամիսներ առաջ տեղի ունեցած իրադարձությունն է, որի պատճառով սրվել են դպրոցի 5-րդ դասարանի աշակերտներից մեկի մոր եւ մայրենիի ուսուցչուհի Հայկավարդ Դավթյանի հարաբերությունները: Այս ամենն այնքան է խորացել, որ երեկ դասապրոցեսի ժամանակ երեխայի մայրը քաշքշել, նույնիսկ հարվածել է ուսուցչուհուն:

Թե ինչ է տեղի ունեցել երեկ

Երեկ 5-րդ դասաժամին, երբ մայրենի լեզվի ուսուցչուհի Հայկավարդ Դավթյանը դեռեւս նոր էր ողջունել աշակերտներին եւ պատրաստվում էր նրանց տետրերը բաժանել, աշակերտներից մեկի ծնողը ներս մտնելով հայհոյանքներ է հասցրել մանկավարժի հասցեին, այնուհետեւ՝ քաշքշել, ճանկռել, իսկ վերջում ապտակել նրան:

30 աշակերտներ, որոնք ականատես են եղել այս տեսարանին, խուճապի են մատնվել: Դասարան մտած ծնողի տղան, որը եւս սթրեսային իրավիճակում է գտնվել, իջել է տնօրենի սենյակ ու կանչել նրան, որ կանխի իրավիճակը: Մինչ այդ ուսուցչուհու ճնշումն է բարձրացել եւ ստիպված կանչ է գրանցվել շտապօգնության ծառայություն, որը հանգստացնող դեղորայք է տվել ե՛ւ ուսուցչուհուն ե՛ւ երեխային:

Այդ օրը մայրն առավոտվանից է երեխայի հետ հաստատություն մտել՝ պատճառաբանելով, թե ցանկանում է մասնակցել դասապրոցեսին, տնօրենն էլ ընդառաջել է՝ փորձելով հարթել նրա եւ ուսուցչուհու մեջ՝ ավելի վաղ եղած տհաճ խոսակցությունը:

Սա ապտակ էր ուսուցչին

Ծնողի եւ վերոնշյալ մանկավարժի միջեւ հարաբերությունները սրվել են ամիսներ առաջ: Երեխայի մայրը դիմել է կրթական հաստատություն, որպեսզի աշխատանքից հեռացվի տվյալ դպրոցի մայրենիի ուսուցչուհին՝ նշելով, որ նա հարվածել է իրենց տղային: Երեխայի մայրը նաեւ դիմել է Երեւանի քաղաքապետարան, ՀՀ ոստիկանություն, սակայն հիմքեր եւ ապացույցներ չեն եղել՝ գործին ընթացք տալու համար: Ծնողը դեռ ամիսներ առաջ դպրոցում փորձել է հարվածել ուսուցչուհուն, սակայն անձնակազմը թույլ չի տվել:

Թե երբ է եղել այդ դեպքը, ինչ է իրականում տեղի ունեցել, պատասխանները հակասական են: Վերոնշյալ ծնողը քաղաքապետարանում ու ոստիկանությունում պատմել է, որ մանկավարժը ծեծել, ապա համոզել է երեխային, որ ոչինչ չպատմի: Մայրենի լեզվի ուսուցչուհի Դավթյանը մեր զրույցում կտրականապես ժխտեց դա, ասաց՝ երբեւէ ո՛չ հարվածել է տղային, ո՛չ էլ՝ վիրավորել:

Նրա կարծիքով՝ ծնողի քայլը վրեժխնդրություն է: Ինչպես պատմեց, անցած տարի լրացրել է երեխայի բացակայությունների 200 ժամը, նա մնացել է նույն դասարանում, որից հետո ոչինչ չի փոխվել, ու դարձյալ բացակայությունները հասել են անթույլատրելիի շեմին: Մի անգամ, երբ ծնողը դասից փորձել է տանել տղային, ուսուցչուհին հիշեցրել է, որ կարող է նույն խնդրին բախվել ու դժգոհել, որ հաճախ երեխան անպատրաստ է ներկայանում, այս ամենը կարծես թե դուր չի եկել ծնողին:

2 օր անց դպրոցում ամեն ինչ խաթարվել է, քաղաքապետարանից, ոստիկանությունից այցեր ու զանգեր են սկսվել: Ծնողը չի համաձայնել երեխային այլ դասարան տեղափոխել, այլ միայն պահանջել աշխատանքից ազատել ուսուցչին:

Դավթյանն իր աշակերտին ներկայացրեց հետեւյալ կերպ՝ նա այն մարդը չէր, որ որեւէ մեկը ձեռք բարձրացներ կամ դիտողություն աներ: Տղան ընկճվածություն ունի, քանի որ նույն դասարանում է մնացել, նաեւ՝ ճնշվածություն ծնողների կողմից:

Ուսուցչուհին այս դեպքի հետ կապված դիմել է ոստիկանություն եւ Մարդու իրավունքների պաշտպանին: Մեր զրույցի ընթացքում նա չէր կարողանում զսպել արցունքները: Նրա խոսքով՝ սա ոչ թե ապտակ էր կոնկրետ իրեն, այլ ապտակ էր ուսուցչին։

Հաստատության տնօրեն Նարինե Շառյանի կարծիքով՝ տվյալ ուսուցչուհին ծնողի թիրախում է հայտնվել, քանի որ բարձրաձայնել է բացակայությունների խնդրի մասին։ Տղան նախորդ դպրոցում եւս հաճախակի է բացակայել:

Նրա խոսքով՝ երեխայի մայրը, երբ տեսել է, որ աշխատանքից չեն հեռացնում ուսուցչուհուն, տղային մեկ այլ դպրոց է տարել՝ առանց գործերը հաստատությունից վերցնելու, ապա որոշ ժամանակ անց արդեն երեխայի հետ եկել դպրոց ու խնդրել, որ ինքն էլ դասերին մասնակցի:

Քանոնով հարվածել է, բայց կապտուկը չկա

Այսօր առավոտյան երեխան կրկին դասին ներկա չէր: Ուսուցիչները մեզ հետ զրույցում պատմեցին, որ հայրը՝ Հովհաննես Քոչարյանը, եկել է ու տարել՝ պատճառաբանելով, որ աշակերտը նստել է մեխին ու վնասվել:

Ավելի ուշ երեխայի հորը հանդիպեցինք դպրոցի դռների մոտ: Վերջինս նշեց, որ տեղյակ չէ՝ կինը հարվածե՞լ է ուսուցչուհուն, թե՞ ոչ, բայց եթե նույնիսկ հարվածել է, ապա պահի ազդեցության տակ՝ իր երեխային պաշտպանելու համար, քանի որ մանկավարժն էլ տղային է ավելի վաղ ծեծել:

Նրա խոսքով՝ երեխան սկզբում պատմել է, որ ուսուցչուհին քանոնով հարվածել է, հետո՝ թրջոց դրել, որոշ ժամանակ անց տղան խոսքը փոխել է ու ասել, որ ոչ մի բան էլ չի պատահել:

Հայրը կարծում է, թե որդուն համոզել են լռել, քանի որ նա ոչ մի կերպ չի ցանկանում դասերին հաճախել: Ծնողները, այնուամենայնիվ, երեխայի ձեռքերին որեւէ կապտուկ չեն տեսել, ուշ են իմացել կատարվածի մասին:

Հոր պարզաբանմամբ՝ նրա բացակայությունների պատճառն առողջական խնդիրներն են, իսկ եթե սովորեր, ապա գերազանցիկ կլիներ: «Ես ուզում եմ՝ երեխան հանգիստ գնա դպրոց, այստեղ, թե ուրիշ հաստատություն»,- ասաց նա:

Դասարանի ծնողական խորհրդի նախագահ Չինար Առաքելյանը մեզ հետ զրույցում նշեց, որ տվյալ աշակերտը դասարանցիների հետ խնդիր չի ունեցել, թեպետ երբեմն շատ աշխույժ են լինում, վազում, իրար հրում են դասամիջոցներին:

Կկանոնակարգվեն ծնողների եւ ուսուցիչների փոխհարաբերությունները

Այսօր դպրոցում էր նաեւ Երեւանի փոխքաղաքապետ Տիգրան Վիրաբյանը, որը քննարկում ունեցավ դպրոցի տնօրենի, փոխտնօրենների եւ աշակերտի հոր հետ: Ավելի ուշ Վիրաբյանը նշեց, որ 2 կողմին էլ լսել է եւ խորհրդակցություն կազմկակերպել՝ ուսուցչին սատարելու համար: «Ուսուցիչը, այս դժվարին պայմաններում աշխատելով, արժանի չէ, որ իր վրա ձեռք բարձրացնեն»,- ասաց նա:

Քննարկման արդյունքում որոշվել է առաջարկել փոխել երեխայի դասարանը, իսկ ոստիկանությունն էլ իր հերթին կանցկացնի անհրաժեշտ հետաքննություն, որպեսզի պարզի՝ արդյոք եղել է բռնություն երեխայի նկատմամբ:

Վիրաբյանի խոսքով՝ այսօր տրվել են հանձնարարականներ ոչ միայն դպրոցի ղեկավարությանը, այլեւ Քաղաքապետարանի հանրակրթության վարչությանը, եւ այսուհետ կկանոնակարգվեն ծնողների եւ ուսուցիչների փոխհարաբերությունները: Ծնողները չեն կարող ներկա լինել այնտեղ, որտեղ գտնվելու իրավունքն օրենքով չունեն: «Մենք ամեն ինչ կանենք, որ մեր ուսուցիչների անվտանգությունն ապահովենք»,- արձանագրեց Երեւանի քաղաքապետի տեղակալը:

Տպել
6690 դիտում

42 hաջողակ կին գործարար 1 մլն դրամ կստանա. «Իմ քայլը» հիմնադրամն ամփոփել է հայտերի ուսումնասիրման աշխատանքը (տեսանյութ)

54 տարվա գարաժս հանին, բայց սիրտս չի ցավում. Շենգավիթ վարչական շրջանում հանգստի գոտիներ են շահագործվել (տեսանյութ)

Պետությունը լուծարած որոշ խմբակներ չեն կարող Հայաստանում հանդես գալ որպես խորհրդարան. Առաքելյանը՝ ԼՂ խմբակցություններին

Նոր էջ բացելու համար անհրաժեշտ է, որ Անկարան համարձակ քայլ անի, ընդունի միջազգային իրավունքի դրույթները. Հունաստանի ՊՆ

ՆԳ նախարարն ԱՄՆ պատվիրակության հետ այցելել է Պարեկային ծառայության և Օպերատիվ կառավարման կենտրոնի վարչական նոր համալիր

ԱՄՆ-ն Վրաստանին հրավիրել է մասնակցելու ՆԱՏՕ-ի գագաթնաժողովին

Նելլի Ղուլյանն ազատվել է Ազգային ժողովի նախագահի մամուլի քարտուղարի պաշտոնից

Մոսկվայի մարզի Ֆրյազինոյի ինստիտուտի հրդեհի զոհերի թիվն աճել է. բալոններ են պայթում (լուսանկարներ, տեսանյութ)

Տեղի կունենա Երևանի ավագանու նիստը․ ինչ հարցեր են օրակարգում

Արմավիրը տաք և ծաղկող քաղաք է. Աննա Հակոբյանը տեսանյութ է հրապարակել

Տարոն Մարգարյանը ԱԺ-ի աշխատավարձով է «ապրում». ում է պատկանում Ավանի նրա հայտնի առանձնատունը, ինչ է հայտարարագրվել

Թաղապետարանի խաչմերուկում մեքենաներ են բախվել, մեկը կողաշրջվել, հայտնվել է մայթին. կան վիրավորներ

Այսօրվա մայրամուտը. Գագիկ Սուրենյանը լուսանկար է հրապարակել

3200 հա ոռոգված տարածք՝ Հայաստանի ամենաբերրի հարթավայրում. ՀՀ-ում Ֆրանսիայի դեսպանն այցելել է Վեդիի ամբարտակ

ԿԸՀ նախագահի գլխավորած պատվիրակությունը հրավիրվել է Էստոնիա

Կենտրոնական բանկը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել

Վանաձոր-Ստեփանավան ճանապարհին մեքենաներ են բախվել. կա 1 զոհ, 5 վիրավոր

Հայաստանի բասկետբոլի հավաքականը՝ Լոս Անջելեսի միջազգային մրցաշարի հաղթող

Պետք է մեկտեղել ուժերն ընդհանուր գաղափարի շուրջ՝ ունենալու մարդու իրավունքների պաշտպանության ամուր համակարգ․ Մանասյան

Անհրաժեշտ է ՀՀ-Մեքսիկա գործարար նոր կապերի ստեղծման քայլեր ձեռնարկել. նախագահը ընդունել է Սան Լուիս Պոտոսիի նահանգապետին

Առկա է չօգտագործված ներուժ. Գևորգ Պապոյանը Մեքսիկայի պատվիրակությանը ներկայացրել է, թե որ ոլորտներն են հեռանկարային

Դաղստանում իրականացված ահաբեկչության զոհերի թիվը հասել է 20-ի

Արարատ Միրզոյանը հեռախոսազրույց է ունեցել Պաղեստինի Պետության ԱԳ նախարարի հետ

ԳՇ պետն այցելել է ՊՆ կենտրոնական հավաքակայան, զրուցել զորակոչիկների հետ, մաղթել անվտանգ ծառայություն

Մոսկվայի մարզի Ֆրյազինո քաղաքի «Պլատան» գիտահետազոտական ինստիտուտում հրդեհ է. կան զոհեր (տեսանյութ)

Մեկնել է 2024-ի Երևան-Բաթումի-Երևան առաջին գնացքը. ինչ չվացուցակ է գործում, ինչպես ձեռք բերել տոմսեր

«Իմ Քայլը» հիմնադրամում ծրագիր է ամփոփվել. վերապատրաստման դասընթաց անցած 3 զինծառայող համակարգիչ է ստացել (տեսանյութ)

Ոստիկանության մեկ ծառայող ազատվել է աշխատանքից, մյուսին խիստ նկատողություն է տրվել (տեսանյութ)

Հորբատեղ գյուղում սողանք է տեղի ունեցել, ճանապարհը փակվել է

Նախ բռունցքով, հետո մահակով ծանր մարմնական վնասվածք է պատճառել 2 եղբայրների. 1 անձի նկատմամբ քրհետապնդում է հարուցվել

Դաղստանում ահաբեկչությունից հետո եթե Ռուսաստանն օգնություն խնդրի՝ ՀԱՊԿ դաշնակիցներն անտարբեր չեն մնա. Տասմագամբետով

Բարձր կպահեն հայրենիքի ու հայ զինվորի պատիվը. զինծառայության են մեկնել Մարտունիի նորակոչիկները

Հոնկոնգի հատուկ վարչական շրջանի կառավարության հետ համաձայնագիր է ստորագրվել. ինչ է այն նախատեսում

Ավտովթարից հետո տեղի է ունեցել վիճաբանություն. դանակահարված 3 անձ է տեղափոխվել հիվանդանոցներ

Քաղաքական կամքի առկայության դեպքում Հայաստանը և Ադրբեջանը կարող են շատ շուտով ստորագրել խաղաղության համաձայնագիրը. Կլաար

Հայերն այստեղ ապրել են տասնյակ հազարավոր տարիներ. ԱՄՆ դիվանագիտության հատուկ ներկայացուցիչն այցելել է Սյունիք

2 կալանավոր է տեղափոխվել բժշկական կենտրոն. ինչ է տեղի ունեցել հացադուլավորների համար նախատեսված խցում

Զինվորական ծառայության են մեկնել Վանաձոր և Փամբակ համայնքների նորակոչիկները (լուսանկարներ)

Տղամարդը, խաբեությամբ ստանալով էլեկտրոնային դրամապանակների գաղտնաբառերը, 3 քաղաքացուց 2 մլն 500 հազար դրամ է հափշտակել

Կարևորվել է Հայաստան-Բրազիլիա համագործակցության զարգացումը. վարչապետն ընդունել է դեսպան Ֆաբիո Վազ Պիտալուգային