Ամեն ինչ այս պահին աշխարհում կորոնավիրուսի հետ կապված իրավիճակի մասին. պատվաստանյութը պատրաստ է մարդկանց վրա թեստավորման

Աշխարհում կորոնավիրուսի հետեւանքով մահվան դեպքերի թիվը հասել է 2707-ի: Միայն երեկվա ընթացքում Չինաստանում մահացել է 71 մարդ, 1 մարդ՝ Հարավային Կորեայում, ինչպես նաեւ Diamond Princess զբոսանավի ուղեւորներից եւս մեկը:

Վարակման հաստատված դեպքերի թիվը, ըստ worldometers.info/coronavirus-ի տվյալների, ոչ պակաս, քան 80 340 է: Առողջացել է մոտ 27 700 հիվանդ: Մոտ 50 հազար հիվանդ դեռեւս հիվանդանոցներում է, նրանցից մոտ 9200-ը (20 տոկոսը) ծանր կամ կրիտիկական վիճակում է:

Այս պահին աշխարհում ամենաշատը վարակման դեպքեր գրանցվել են Չինաստանում, որը վարակի բռնկման կենտրոնն է: Վարակն արձանագրվել է ավելի քան 2500 հիվանդի մոտ, մահացել է 150-ը: Երկրորդ տեղում շարունակում է լինել Հարավային Կորեան՝ մոտ 900 հիվանդով եւ մահվան 9 դեպքով: Երրորդն Իտալիան է՝ վարակման ավելի քան 230 և մահվան 7 դեպքով:

Ճապոնիայում գրանցվել է վարակման ավելի քան 160 եւ մահվան 1 դեպք: Նշենք նաև, որ Ճապոնիայում օրեր շարունակ կարանտինի մեջ էր Diamond Princess զբոսաշրջային նավը, որի ուղեւորների շրջանում գրանցվել է վարակման մոտ 700 եւ մահվան 4 դեպք. նավը 14-օրյա շրջագայության էր դուրս եկել, երբ ուղևորներից մեկի ինքնազգացողությունը վատացել է, արդյունքում օրեր շարունակ նավի գրեթե 3500 ուղևորներին արգելվել է դուրս գալ նավախցերից. նրանց զբաղեցրել են խաչբառերով. նավից տարհանումն արդեն սկսվել է, սակայն Ռուսաստան վերադարձած 8 զբոսաշրջիկներից 3-ի մոտ հայտնաբերվել է կորոնավիրուս:

Հինգերորդ երկիրն՝ ըստ վարակվածների թվի, Սինգապուրն է. այստեղ արձանագրվել է վարակի ավելի քան 100 դեպք՝ առանց մահվան ելքի: Հոնկոնգում մոտ 100 հիվանդից մահացել է 2-ը:

Յոթերորդն Իրանն է՝ ըստ վարակվածների թվի: Պաշտոնական վերջին տվյալով՝ Իրանում վարակի ավելի քան 90 դեպք է գրանցվել, 15 մարդ մահացել է: Սա Չինաստանից հետո մահացության ամենաբարձր ցուցանիշն է: Վարակվել է նաև Իրանի առողջապահության փոխնախարար Իրաջ Հարիրչին: Այդ մասին, ըստ RIA-novosti գործակալության, հայտարարել է երկրի առողջապահության նախարարի խորհրդական Ալի Ռեզա Վահաբզադեն: «Հիվանդության դեմ պայքարի առաջնագծում գտնվող Հարիրչիի կորոնավիրուսի հետազոտման թեստը դրական արդյունք է տվել»,- գրել է նա:

Կորոնավիրուսով ախտահարում արձանագրվել է նաև ԱՄՆ-ում՝ 53 դեպք եւ ոչ մի մահ: 50-ականից պակաս ցուցանիշներով կորոնավիրուսով ախտահարված են Թաիլանդը, Թայվանը, Ավստրալիան, Մալայզիան, Գերմանիան, Վիետնամը, Մեծ Բրիտանիան, ԱՄԷ-ն, Ֆրանսիան, Կանադան, Քուվեյթը, Ֆիլիպինները, Հնդկաստանը, Աֆղանստանը, Բելգիան, Կամբոջան, Եգիպտոսը, Ֆինլանդիան, Իրաքը, Լիբանանը, Նեպալը, Շրի Լանկան, Շվեդիան եւ Իսպանիան: 

Նշենք, որ Իսպանիայի Կանարյան կղզիների Թենրիֆե քաղաքում գտնվող «H10 Costa Adeje Palace» հյուրանոցը փակվել է կորոնավիրուսի հետ կապված բժշկական ստուգումների արդյունքում. հյուրանոցում մնացող հարյուրավոր հյուրեր հաղորդել են, որ իրենց պատվիրել են սենյակներում մնալ, քանի որ բժշկական աշխատանքներ են իրականացվում. հաղորդում է BBC-ին:

Առողջապահության գործակալության խոսնակ Վերոնիկա Մարտինիի խոսքով՝ կղզու հարավ-արեւմուտքում գտնվող չորս աստղանի հյուրանոցում տեղի են ունեցել ստուգումներ բժշկական նկատառումներից ելնելով: Հյուրերից մեկը Ֆեյսբուքում հրապարակվել է սենյակների դռան տակ դրված գրառումների լուսանկար, որտեղ ասվում էր, որ սանիտարահիգիենիկ նկատառումներով կառույցը պահանջում է սենյակից դուրս չգալ: Ավելի ուշ հաղորդվեց, որ հյուրանոցում իր կնոջ հետ հանգրվանած իտալացի բժշկի թեստի պատասխանը դրական էր եղել՝ հիվանդացությունը հաստատվել էր:

Հիշեցնենք, որ Հայաստանում կորոնավիրուսի դեպքեր չեն արձանագրվել, սակայն այս ուղղությամբ ձեռնարկված միջոցառումները շարունակվում են թե՛ կազմակերպչական և թե՛ ախտորոշման առումով: Նախարարությունը ձեռք է բերել ախտորոշիչ թեստերի նոր խմբաքանակ, և այսօր ախտորոշման առումով երկիրը որևէ խնդիր չունի: Ձեռնարկվել են միջոցառումներ՝ դիմակներ և ախտահանիչ նյութեր ձեռք բերելու ուղղությամբ՝ չնայած այն հանգամանքին, որ հանրապետության բոլոր բժշկական հաստատություններում դրանք առկա են:

Նաև, ՀՀ-ն դադարեցրել է Իրանի հետ ցամաքային ուղևորափոխադրումները, իսկ օդայինը՝ սահմանափակել: Բեռնափոխադրումները կատարվում են խստացված ռեժիմով: Իրաքը և Քուվեյթը փակել են իրենց սահմանն Իրանի հետ և դադարեցրել ավիահաղորդակցությունը:

Այսօր ԱՀԿ ղեկավար Թեդրոս Գեբրեիսուսը հայտարարել է, որ աշխարհը պետք է պատրաստվի կորոնավիրուսի համաճարակի: Թեպետ, «համաճարակ» բառի օգտագործումը, ըստ նրա, դեռ ճիշտ չէ կիրառել, սակայն հարկ է հնարավոր ամեն ինչ անել պոտենցիալ խնդրին պատրաստվելու համար:

Կորոնավիրուսի դեմ ԱՄՆ-ի գիտնականների առաջարկած փորձարարական պատվաստանյութը պատրաստ է մարդկանց վրա թեստավորման փուլին. այս մասին հայտնում է The Wall Street Journal-ը: Պատվաստանյութը մշակող mRNA-1273 ընկերությունը ապրիլին կընտրի 20-25 առողջ կամավորների, որ նրանց օգնությամբ որոշի դեղամիջոցի անվտանգ դեղաչափն ու արդյունավետությունը: WSJ-ի տեղեկություններով՝ թեստերի արդյունքները հասանելի կլինեն 2020 թվականի հուլիսին կամ օգոստոսին: Սակայն նշենք, որ mRNA-1273 ընկերության տեխնոլոգիայի արդյունավետությունը հաստատված չէ:

Տպել
2719 դիտում

Արարատ Միրզոյանը հանդիպել է ՄԱԿ-ի Քաղաքակրթությունների դաշինքի բարձր ներկայացուցիչ Միգել Անխել Մորատինոսի հետ

Մարալիկ քաղաքում այրվել է մոտ 25 հակ անասնակեր

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Մեր դպրոցների որոշ մասում տպավորություն է, թե իրերն ավելի կարևոր են, քան երեխաները. Ժաննա Անդրեասյան

ԱԱՏՄ-ն ստուգայցեր է կատարել առևտրի օբյեկտներում և դեղատներում

Կարևորվել է Հայաստանի և Եգիպտոսի միջև քաղաքական երկխոսության ակտիվացման քայլերի իրականացումը. հանդիպել են ԱԳ նախարարները

19-ամյա գյումրեցին շրջանցել է երկու թուրք մարզիկների և հռչակվել ծանրամարտի Եվրոպայի չեմպիոն

3 օրում ստացվել է հրդեհների մասին 3 ահազանգ Երևանում ու մարզերում

Ծիծաղելի են լուրերը, թե Գյումրիում ՔՊ-ն գաղտնի պայմանավորվածություն ունի «Բալասանյան» դաշինքի հետ․ Ալեքսանյան. Civic

Տիգրան Արզաքանցյանն իր թիմով դուրս է գալիս Դեմոկրատական կուսակցությունից. պայմանավորվածություն է խախտվել

Կոտայքի մարզում մեքենան բախվել է գազախողովակներին, մի քանի պտույտ շրջվելով՝ հայտնվել դաշտում. կան վիրավորներ

Անկարան մտադիր է լրացուցիչ С-400 համալիրներ ձեռք բերել Մոսկվայից. Էրդողան

Առաջիկա օրերին ցրտելու է. մի քանի օրից կվերսկսվեն տեղումները՝ քամու ուղեկցությամբ

Գերմանիայում 16 տարում առաջին անգամ անցկացվում են ընտրություններ՝ առանց Մերկելի թեկնածության

«Երբ լսեցի անունս, կյանքս մի քանի վայրկյանում անցավ դիմացովս». «Միսս Աշխարհ Արմենա 2021»-ի հաղթող

Միջազգային հանրության պատշաճ արձագանք Ադրբեջանի կողմից Արցախի հայաթափմանը. Միրզոյանը՝ ՄԱԿ պաշտոնյայի հետ հանդիպմանը

«Արևիք» ազգային պարկի տարածքում հրդեհաշիջման աշխատանքները վերսկսվել են

Գառնիում մեկնարկում է «Համընդգրկուն ժառանգություն» խորագիրը կրող միջոցառում (լուսանկարներ)

Արարատ Միրզոյանը հանդիպել է Սիրիայի արտաքին գործերի և սփյուռքի նախարար Ֆեյսալ Ալ-Միկդադի հետ (տեսանյութ)

Թուրքիայից Ռուսաստան արտահանվող մրգերի ու լոլիկի մեջ հայտնաբերվել են վտանգավոր հարուցիչներ

Արցախում կորոնավիրուսային հիվանդության 2 դեպք է գրանցվել

Արցախյան պատերազմի մասնակիցներին նվիրված ֆոտոպատմության ցուցադրություն կլինի

Անթիլիասի Մայրավանքում մատուցվում է հոգեհանգստի կարգ՝ ի հիշատակ 44-օրյա պատերազմի զոհերի (տեսանյութ)

Հանդիպել են Գուտերեշն ու Միրզոյանը. քննարկվել են տարածաշրջանային կայունության և անվտանգության մասին հարցեր (տեսանյութ)

ԱԺ-ում կորոնավիրուսի դեմ պատվաստվել են պատգամավորներ ու աշխատակիցներ (լուսանկարներ)

Ուկրաինայի հայկական եկեղեցիներում պատերազմի զոհերի հիշատակին նվիրված հոգեհանգստի պատարագներ կմատուցվեն

Սպանություն Երևանում. իր բնակարանում հայտնաբերվել է դանակի մի քանի հարված ստացած տղամարդու դի

ՀՀ ԱԳ նախարարն ու ԵԱՀԿ գործող նախագահը քննարկել են Արցախում ստեղծված իրավիճակը և ծառացած հումանիտար խնդիրները

Կորոնավիրուսային վիճակագրությունը շարունակում է մտահոգիչ մնալ. 925 նոր դեպք է հաստատվել

16 տարվա ընդմիջումից հետո Հայաստանն Օլիմպիական խաղերին կմասնակցի նաև գեղասահքում

Տաթևից Աղվանի 43 կիլոմետրանոց ճանապարհահատվածը պատրաստ կլինի մինչև նոյեմբերի վերջ (տեսանյութ)

Եղվարդի մոտակայքում մեքենան բախվել է գազատարին, հետո սահել ձորակը. կան տուժածներ

Երկկողմ տնտեսական համագործակցության հեռանկարներին են անդրադարձել ՀՀ և Ռումինիայի ԱԳ նախարարները (տեսանյութ)

Արցախում պետական դավաճանության դեպք է բացահայտվել․ Արցախի ԱԱԾ (տեսանյութ)

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են Արցախի դերասանները