Ինձ համար կան՝ որպես մարզիկներ, բայց որպես մարդ՝ վերացած են. օլիմպիական չեմպիոնը՝ ըմբշամարտի հավաքականի խնդիրների մասին

Օլիմպիական չեմպիոն, աշխարհի, Եվրոպայի չեմպիոն, հունահռոմեական ոճի ըմբշամարտի հավաքականի նախկին գլխավոր մարզիչ Լևոն Ջուլֆալակյանն անդրադարձել է ընտրանու ներկայիս մարզիչների աղմկահարույց որոշմանը: Օրերս նրանք հայտնեցին, որ ամառային 32-րդ օլիմպիական խաղերում հունահռոմեական ըմբշամարտի 77 կգ քաշային կարգում ՀՀ-ն ներկայացնելու է Եվրոպայի առաջնության բրոնզեմեդալակիր Կարապետ Չալյանը: Հայտարարությունը մեծ արձագանք գտավ: Նույն քաշային կարգում հանդես եկող օլիմպիական փոխչեմպիոն, աշխարհի, Եվրոպայի չեմպիոն Արսեն Ջուլֆալակյանը՝ Լևոն Ջուլֆալակյանի որդին, հայտարարեց, որ իրեն զրկել են ուղեգրի համար պայքարելու հնարավորությունից, որ պայմանավորվածություն է եղել՝ Չալյանն ու ինքը մրցաշարի են մասնակցելու, և ավելի լավ արդյունք գրանցածը գնալու է Տոկիո 2020, սակայն այդ պայմանավորվածությունը խախտվել է:

Այսօր՝ փետրվարի 26-ին, լրագրողների հետ հանդիպման ժամանակ Լևոն Ջուլֆալակյանը, որը 20 տարի գլխավորել է ՀՀ հավաքականը և հեռացել 2019թ. ամռանը, համեմատեց 2015 թվականից սկսած 2 մարզիկների արդյունքները, որոնք Արսեն Ջուլֆալակյանի օգտին էին: Անդրադարձավ նաեւ հավաքականի մարզիչների մեղադրանքներից մեկին, որ 2019թ. Եվրոպայի առաջնությանը պետք է մասնակցեր ոչ թե Արսեն Ջուլֆալակյանը, այլ ՀՀ առաջնությունում 2-րդ տեղ զբաղեցրած մարզիկը:

- Նշվում է, որ այդ քաշային կարգում Հայաստանում ով 2-րդ տեղ էր գրավել, անտեսվել է: Ինձ տհաճ է, որ... մեր գործընկերներն անձամբ մոտեցել, խնդրել են մարզիկի համար, որը որակազրկված է եղել մինչեւ 2019թ. օգոստոսը: Նա ընդհանրապես իրավունք չուներ մրցման մասնակցելու: Ես գնացել եմ ամեն ինչին դեմ, քանի որ ափսոս է, դուրս կմնա, ես խախտում եմ արել, մարզիկին թույլ եմ տվել ՀՀ առաջնությանը մասնակցել, գրավել է 2-րդ տեղ: Կոնկրետ Ալեքսանյանն է ինձ խնդրել՝ մարզիչ Ալեքսանյանը (խմբ. Գեւորգ Ալեքսանյանը՝ Արթուր Ալեքսանյանի հայրը): Մարզչական խորհուրդ եմ հավաքել ոչ թե միայն հավաքականի մարզիչներին, այլ բոլորին, ասել եմ՝ նման բան կա, կո՞ղմ եք: Միայն բոլորի հետ զրուցելուց հետո թույլ եմ տվել:

- Նշել եք, որ հավաքականից հեռացել եք, քանի որ Ձեզ պարտադրում էին որոշումներ փոխել: Ովքե՞ր են եղել:

- Անուններ չեմ տա՝ հաշվի առնելով, որ մի մեծ ընտանիք է: Այն մարզիկները, որոնք իրենց պատկերացնում են ամենագետ, ժամանակը ցույց կտա նրանց ճանապարհը: Հրաժարականից հետո ասել եմ՝ լավագույն դեպքում 1 տարի պետք է պահեն իմ ստեղծած հավաքականը: Չպահելու դեպքում, ուրեմն բացարձակ աշխատելու ձեւ չունեն: Իսկ նրանց, ովքեր անշնորհակալ են, Աստված կպատժի, դրա համար չեմ ուզում մեր խոհանոցից դուրս գալ, մեր ընտանիքից: Մի քանի հոգի, ովքեր շեղվել են, իրենց խնդիրն է, ինձ համար կան՝ որպես մարզիկներ, բայց որպես մարդ՝ վերացած են: Ժամանակը ցույց կտա, միգուցե իրենք են ճիշտ:

Հնչեցվեց հարց: Ես միշտ դեմ եմ եղել, որ մարզիկը հավաքականի հետ չմարզվի, որովհետեւ դա աբսուրդ է, բայց, ցավոք, ներկա իրականությունում նաեւ աբսուրդ է, ես թույլ չեմ տա՝ որեւիցե մեկն իմ տղային թունավորի: Ես այդ չափի վախ ունեմ:

- Միջազգային փորձն ինչպիսի՞ն է, երբ մի քաշային կարգում 2 կամ ավելի մարզիկ է լինում, մեկը վարկանիշն է նվաճել, ինչպե՞ս է որոշվում՝ ով է օլիմպիական խաղերի մասնակիցը:

- Իմ օրինակով բերեմ եւ շարունակեմ մնացած օրինակները: Իմ վերջին մրցաշարն օլիմպիական խաղերից առաջ անցել եմ խաղերից 1.5 ամիս առաջ, եթե հանկարծ հաղթող չլինեի, 2-րդ տեղ գրավեի, չէի մասնակցի օլիմպիական խաղերին: Մեր մարզաձեւի վարկանիշը տրվում է երկրին, ոչ թե մարզիկին: Ինչո՞ւ, քանի որ այն մարզաձեւն է, որ ցանկացած օր կարող է շատ լուրջ վնասվածք ստանա մարզիկը: Ցանկացած երկրում գնում են մրցակցության, եթե այդ քաշային կարգերում կան լուրջ մարզիկներ: Աֆրիկայի վարկանիշ ձեռ բերելն անհամեմատ հեշտ է լինելու: 2 հոգի պատահական վարկանիշ են ձեռք բերելու, Ճապոնիայում ման են գալու, մի հատ էլ օլիմպիական խաղերի են մասնակցելու, բայց Եվրոպայի, Ասիայի կամ Պանամերիկայի մարզիկները լուրջ նպատակներ ունեն, այնտեղ սուր պայքար է. ոչ մեկը չի մտածում՝ վարկանիշը ձեռ բերեցի իմ տեղն ապահոված է:

Տպել
1006 դիտում

ԱՀ ընտրությունների ընթացքում անձնագրային ծառայություններ է դիմել 101 քաղաքացի

Արցախի հանրապետության բուժհաստատություններում նոր կորոնավիրուսի կասկածով մեկուսացված քաղաքացիներ չկան

Ունենք ևս մեկ առողջացած պացիենտ, մեկուսացումից դուրս է եկել 150 մարդ. Արսեն Թորոսյան

Ոստիկանությունը 10 օրով դադարեցնում է քաղաքացիներին սպասարկող ծառայությունների գործունեությունը

Անցկացվել են տանկիստների գործնական պարապմունքներ․ ՊՆ

Լոռում ունենք կորոնավիրուսով վարակվածության 3 դեպք․ վարակված անձանց շփման շրջանակը պարզված է, բոլորը մեկուսացված են

Վարչապետի որոշմամբ աշխատանքից ազատվել է առողջապահական և աշխատանքի տեսչական մարմնի ղեկավարի տեղակալը

էկոնոմիկայի փոխնախարարները առցանց խորհրդակցություն են անցակացրել մարզպետարանների գյուղոլորտի պատասխանատուների հետ

Շնչո՞ւմ է, թե՞ չի շնչում․ Լուսինե Բադալյանի եւ Արսեն Թորոսյանի վեճը սոցհարթակներից ԱԺ ամբիոն է տեղափոխվել ու թեժացել

Արցախում ընտրություններն ավարտված են. սկսվում է ձայների հաշվարկը

ՀՀ ԱԽ քարտուղարի մամլո խոսնակ Արեգ Քոչինյանն աշխատանքից ազատման դիմում է գրել

1-ին զորամիավորումում անցկացվել է պարապմունք գիշերային պայմաններում․ ՊՆ

Նիդերլանդների թանգարաններից մեկից գողացել են Վան Գոգի կտավը. Интерфакс

Ոստիկանները Բերդում ապօրինի փայտանյութով բեռնված մեքենա են հայտնաբերել

Հրդեհ է բռնկվել Անդրանիկ Մանուկյան փողոցի տներից մեկում․ ԱԻՆ

Քննարկվել են տնտեսության առանձին ճյուղերում նպատակային ներդրումային ծրագրերին օժանդակություն ցուցաբերելու քայլերը

Եվս 10 օր չի գործի ՀՀ ոստիկանության անձնագրային և վիզաների վարչությունը

ԿԳՄՍՆ-ն հորդորում է՝ չծանրաբեռնել աշակերտներին համակարգչի կամ ՏՀՏ գործիքի կիրառում պահանջող հանձնարարություններով

ՃՈ-ն 10 օրով երկարաձգել է հաշվառման-քննական ստորաբաժանումների գործունեության դադարեցումը

ՍԱՏՄ-ն Նոր Հաճնի խանութներից մեկում հայտնաբերել է ժամկետանց սննդամթերք