Մեղադրանք է առաջադրվել «Վստրեչի Ապեր»-ի եղբորորդուն եւ հարեւանությամբ բնակվող մի անձի

«Վստրեչի Ապեր» մականունով հայտնի Արամ Վարդանյանի եղբորորդուն՝ Արման Վարդանյանին, եւ հարեւանությամբ բնակվող անձանցից մեկին մեղադրանք է առաջադրվել, եւ միջնորդություն է ներկայացվել դատարան՝ նրանց կալանավորելու վերաբերյալ:

Այս մասին «Հայկական ժամանակ»-ի հետ զրույցում ասաց Վարդանյանի պաշտպան Լուսինե Սահակյանը՝ հավելելով, որ բողոքարկել են նշված երկու անձանց ձերբակալման որոշումները, ինչը քննվելու է միջնորդությունների հետ համատեղ:

Լուսինե Սահակյանի խոսքով՝ եղբորորդուն մեղադրանք է առաջադրվել առեւանգման համար, իսկ մյուս անձին՝ կողոպուտի: Ըստ պաշտպանի՝ Արման Վարդանյանի մեղադրանքի հիմքում դրվել է ամուսինների ցուցմունք, որոնք նշել են, որ իրենք ենթադրում են, թե Վարդանյանն իրենց որդուն առեւանգել է. «Ընդ որում, այդ ամուսիններն ասում են, որ իրենց որդին նման բան չի ասել, դա միայն իրենց ենթադրությունն է»: Նշենք, որ խոսքը օրեր առաջ Էրեբունում հրազենային վիրավորում ստացած 37-ամյա տղամարդու ծնողների մասին է. տղամարդը, ըստ պաշտպանի, պարբերաբար բերման է ենթարկվել ապօրինի զենք-զինամթերք պահելու կասկածանքով:

Ինչ վերաբերում է Վարդանյանի որդուն, նա ազատ է արձակվել. «Նա բերման էր ենթարկվել ակնհայտ ապօրինի կերպով, նույնիսկ չեն կարողացել պարզաբանել, թե ինչ կասկածանքով, ընդամենը նշել են, որ կողոպուտ եւ առեւանգում կատարելու կասկածանքով, բայց քանի որ այն չի հաստատվել, ազատ են արձակել»:

Հարցին, թե որտեղ է այժմ Արամ Վարդանյանը եւ ինչ կարգավիճակ ունի այս քրեական գործով, Սահակյանը պատասխանեց, որ Հայաստանում է եւ որեւէ կարգավիճակ չունի. «Արամ Վարդանյանին նույնիսկ քննչական մարմին կամ ոստիկանություն հրավիրող չի եղել, մենք այս երկու օրերի ընթացքում հայտարարել ենք, որ ծանուցում չի եղել, եւ, բնականաբար, բոլորը տեղեկացված են, որ մենք նրա փաստաբաններն ենք, մեր միջոցով եւս նրան որեւէ մեկը որեւէ տեղ չի հրավիրել»: Սահակյանի խոսքով՝ իրենց մինչեւ հիմա չի ներկայացվել փաստաթուղթ այն մասին, թե նախօրեի գործողություններն ինչի շրջանակներում են իրականացվել. «Ավելին՝ երբ դրանից հետո Ոստիկանությունը հայտնել էր, թե նրան ձերբակալելու որոշում է եղել, մենք երկու օր ապարդյուն փորձում ենք պարզել, թե նման որոշում ով է կայացրել կամ առհասարակ կայացվել է, թե ոչ, մեզ նման որոշում մինչ այս պահը չի ներկայացվել, ուստի մենք հասկանում ենք, որ նման որոշում չի էլ եղել»:

Մարտի 4-ի լույս 5-ի կեսգիշերից բացի, Արամ Վարդանյանի տանը գործողությունները շարունակվել էին նաեւ երեկ՝ կեսօրին. ոստիկանները խուզարկություն էին իրականացրել Վարդանյանի բնակարանում, որի համար արդեն ներկայացրել են դատարանի թույլտվություն. «Եղել է Վաչե Մարգարյանի կողմից կայացված որոշում, որով դատարանը թույլատրել է իրականացնել խուզարկություն, սակայն չի որոշել, թե ինչ իրեր հայտնաբերելու համար է դա կատարվելու, այդ որոշումը եւս մեր կողմից բողոքարկվելու է»: Խուզարկության արդյունքում, ըստ պաշտպանի, առգրավվել է Արամ Վարդանյանի անձնական կյանքին վերաբերող ինֆորմացիա. «Երեկ առգրավել են լուսանկարներ, նրա եւ հարազատների հարսանիքների, ծնունդների եւ տարբեր արարողությունների տեսաերիզներ, որոնք որեւէ հանցագործության հետ որեւէ առնչություն չունեին, բայց մենք հասկանում ենք, որ Արամ Վարդանյանի անձնական կյանքը շատ է հետաքրքրում մեր իշխանություններին, եւ նրանք պարբերաբար միջամտում են նրա անձնական կյանքին, ինչի առթիվ եւս մենք հանցագործության մասին հաղորդում ենք ներկայացնելու:

Ինչ վերաբերում է ոստիկանների գործողությունների՝ իրենց գնահատմամբ ոչ իրավաչափության վերաբերյալ հաղորդմանը, պաշտպանները դեռեւս չեն հասցրել այն պատրաստել. «Ոստիկանների գործողությունների հետ կապված հաղորդում դեռ չենք հասցրել ներկայացնել, որովհետեւ անընդհատ նրանց հետ գործընթացների մեջ ենք, բայց մամուլի միջոցով այդ ամենն արդեն հայտնել ենք, իսկ մամուլի հրապարակումները, գիտենք, եւս հանցագործության մասին հաղորդում են, այնպես որ մենք հանգիստ ենք, որ իրավապահ մարմինները տեղեկացված են, եւ կտեսնենք՝ իրենց պարտականություններն ինչպես կկատարեն կամ կկատարեն, թե ոչ»,- մեր զրույցում նշեց Լուսինե Սահակյանը:

Հիշեցնենք՝ մարտի 4-ի լույս 5-ի կեսգիշերը՝ 02:40-ի սահմաններում, ոստիկանական ուժերը հատուկ օպերացիա են իրականացրել «Վստրեչի Ապեր» մականունով հայտնի Արամ Վարդանյանի եւ նրա ազգակիցների առանձնատներում: Այս մասին հայտնի դարձավ երեկ վաղ առավոտյան, երբ Վարդանյանի փաստաբանները սոցիալական ցանցերով հայտարարեցին, թե գիշերը ոստիկանության հարյուրավոր աշխատակիցներ, իրավական որեւէ փաստաթուղթ չներկայացնելով, հարձակվել են Վարդանյանին և նրա հարազատներին պատկանող Արցախի փողոցի 17 հասցեում գտնվող տների վրա, կոտրել դռներն ու պատուհանները, նաեւ՝ կատարել հափշտակություն։ Հանգամանքները մանրամասնելու համար փաստաբանները կեսօրին ասուլիս հրավիրեցին՝ լրագրողներին ցույց տալով կատարված գործողությունների արդյունքները: Օրվա ավարտին արդեն հակիրճ պարզաբանում ներկայացրեց Գլխավոր դատախազի խորհրդական Գոռ Աբրահամյանը՝ նշելով, որ առկա է ծանր հանցագործության շրջանակներում լայնածավալ և անհետաձգելի օպերատիվ-հետախուզական, քննչական գործողություններ իրականացնելու անհրաժեշտություն, որոնք իրականացվել և դեռևս շարունակում են իրականացվել, սակայն ելնելով ենթադրյալ հանցագործության բացահայտմանն ուղղված գործողություններին չվնասելու անհրաժեշտությունից եւ նախաքննության շահերից՝ այդ պահին հավելյալ տեղեկատվության չտրամադրվեց. «Ինչ վերաբերում է ոստիկանության գործողությունների իրավաչափությանը, դրա վերաբերյալ հաղորդումներն ու ահազանգերը պատշաճ իրավական գնահատականների կարժանանան»,- գրել էր Աբրահամյանը:

Տպել
4874 դիտում

Անթույլատրելի է գերիների հարցը սակարկության առարկա դարձնելը. Արմեն Սարգսյանն ընդունել է Իտալիայի Սենատի փոխնախագահին

Արարատ Միրզոյանն ընդունել է Իտալիայի Սենատի փոխնախագահ Պաոլա Տավերնային

Նիկոլ Փաշինյանը շնորհավորական ուղերձ է հղել Իրանի Իսլամական Հանրապետության նորընտիր նախագահին

Երթևեկության փոփոխություն Գայի պողոտայում

Որոշ երկրներում կորոնավիրուսը գլուխ է բարձրացնում

Արարատ Միրզոյանը հանդիպեց ԵԱՀԿ/ԺՀՄԻԳ դիտորդական առաքելության ղեկավարի հետ

Անտոնիո Գուտերեշը վերընտրվել է ՄԱԿ-ի գլխավոր քարտուղարի պաշտոնում

Դաշինքի թեկնածուն, ՃՈ ծառայողն ու ևս 1 անձ ձերբակալվել է կաշառք բաժանելու և կաշառքի միջնորդություն կատարելու կասկածանքով

Ընտրական գործընթացները չպետք է որևէ կերպ ազդեն սահմանների անվտանգության վրա. նախագահի հեռախոսազրույցը Հարությունյանի հետ

Հայաստանը «Սպուտնիկ Վի»-ի նոր խմբաքանակ է ձեռք բերել

Կանայք ԴԱՀԿ-ի աշխատակիցների կողմից ծեծի չեն ենթարկվել. ծառայությունը հերքում է տարածված տեղեկությունը

Իրանում վթարվել է քվեատուփերով ուղղաթիռը. մեկ մարդ զոհվել է

Եվս 1 զինծառայողի աճյուն է հայտնաբերվել է Վարանդայի (Ֆիզուլի) շրջանի որոնողական աշխատանքների արդյունքում

Ձերբակալվել է «Պատիվ Ունեմ» դաշինքի պատգամավորության թեկնածու Գոռ Սեդրակյանը. Արսեն Բաբայան

Իբրահիմ Ռաիսին հաղթում է Իրանի նախագահի ընտրություններում

Արգելվում է զենքով ընտրատեղամաս մուտք գործելը. այս և այլ հիշեցումներ ՀՀ դատախազությունից

Նիգերիայի իսլամիստ զինյալների թիրախում դարձյալ դպրոցականներն են

ԱԺ նախագահ Արարատ Միրզոյանն ընդունել է ՀԱՊԿ ԽՎ դիտորդական առաքելության անդամներին

Նախագահ Արմեն Սարգսյանն հեռախոսազրույցներ է ունեցել ԱԱԾ պետ Արմեն Աբազյանի և ոստիկանության պետ Վահե Ղազարյանի հետ

Պենտագոնը դուրս է բերում իր զինուժի մեծ մասը Մերձավոր Արևելքից

Միրզոյանը ԱՊՀ միջխորհրդարանական վեհաժողովի պատվիրակությանն է ներկայացրել ռազմագերիների վերադարձի ձգձգման խնդիրը

ՀՀ գլխավոր դատախազությունը վաղն ակնկալում է քաղաքացիական բարձր գիտակցության դրսևորում և իրավահպատակ վարքագիծ

Յալթայում ջրհեղեղի հետևաքով 18 մարդ տուժել է, 1-ը՝ մահացել

Արցախում հաստատվել է կորոնավիրուսային հիվանդության 2 դեպք

Նախագահ Արմեն Սարգսյանը պետական պարգև է հանձնել սրտային վիրաբույժ Միհիր Սուսանիին

Կոչ եմ անում անպայման գնալ ընտրատեղամասեր, կատարել ձեր ընտրությունը. Նիկոլ Փաշինյանը դիմել է ժողովրդին (տեսանյութ)

Մեր հայրենիքի համար վճռական օրվա շեմին ենք. Ամենայն Հայոց Կաթողիկոսը դիմել է ժողովրդին (տեսանյութ)

Բայդեն-Պուտին հանդիպումը կնպաստի ԵՄ-Ռուսաստան երկխոսությանը

Պացիենտներին հարկադրաբար հավաքի տանելու մասին տեսանյութի կապակցությամբ ստուգողական գործողություն կիրականացվի

Ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել է 18 նյութ. ՔԿ

Ավիավթար Ռուսաստանի Կեմերովոյի մարզում

ՀՀ դատախազությունը ընտրությունների օրը հնարավոր հանցավոր գործողություններից զերծ պահելու նպատակով տեսանյութ է հրապարակել

Ոստիկանությունը հրապարակել է ՀՀ ընտրողների ռեգիստրում ընդգրկված ընտրողների ընդհանուր թիվը

Ոչ պաշտոնապես հայտնի է Իրանի նախագահի ընտրություններում հաղթած թեկնածուն

Զինծառայողների աճյունների որոնումներն այսօր շարունակվում է Վարանդայի (Ֆիզուլի) շրջանում

Հաստատվել է կորոնավիրուսի 81 նոր դեպք. փաստացի բուժում է ստանում 2.578 պացիենտ

Գորիսի «Գուսան Աշոտ» մշակույթի կենտրոնի տնօրենը կալանավորվել է. Քննչական կոմիտե

Քվեարկե՛ք արդար ու ազատ, հաշվետու եղեք միա՛յն ձեր խղճին. ՀՀ նախագահ (տեսանյութ)

Ոստիկանության անձնագրային և վիզաների վարչությունը կաշխատի շաբաթ և կիրակի ոչ աշխատանքային օրերին

Չարչյանն ընդունել է ձերբակալման օրը գործընկերների հետ ունեցած զրույցի փաստը. Գոռ Աբրահամյան