Ինքնասպանության փորձ կատարած երիտասարդը մինչ այդ էլ ածելի էր կուլ տվել. նրա տեղն այժմ անհայտ է

ՀՀ վարչապետ Նիկոլ Փաշինյանը մարտի 7-ի երեկոյան մարզային շրջայցից վերադառնալիս Երեւանի «Հաղթանակ» կամրջի մոտ կանխել էր 24-ամյա երիտասարդի ինքնասպանությունը: Այսօր տեղեկացանք, որ վարչապետն իր մեքենայով նրան տեղափոխել է «Նաիրի» բժշկական կենտրոն:

Պարզվեց նաեւ, որ նույն մարտի 7-ին՝ ժամը 13:10-ի սահմաններում, երիտասարդը դարձյալ փորձել էր վերջ տալ կյանքին, այդ անգամ՝ Դավթաշենի կամրջից: Ինքնասպանությունը կանխել էին տարածքում հերթապահող ոստիկանները:

«Հաղթանակ» կամրջի մոտ երիտասարդը հայտնվել է արդեն իսկ կյանքի համար վտանգ հանդիսացող խնդրով՝ ածելի է կուլ տված եղել, սակայն միաժամանակ ցանկացել է կամրջից նետվել: Երիտասարդի ինքնազգացողությունն արդեն վատ է եղել, երբ կամրջի վրա նրան նկատել է Նիկոլ Փաշինյանը: Վարչապետը կանխել է երիտասարդի ինքնասպանության փորձն ու ծառայողական մեքենայով տեղափոխել բուժհաստատություն: 

«Ըստ հիվանդի խոսքերի՝ ածելի էր կուլ տվել: Հետազոտությամբ ախտորոշվել է, որ ստամոքսի մեջ կա օտար մարմին: Բարեբախտաբար առանց վիրաբույժների միջամտության հնարավոր եղավ ածելին հանել գաստրոսկոպիայի եղանակով»,- ասաց «Նաիրի» բժշկական կենտրոնի տնօրեն Անատոլի Գնունին: Բժշկակական միջամտությամբ օտար մարմինը հեռացնելուց հետո երիտասարդն այդ գիշեր մնացել է հիվանդանոցում, սակայն հաջորդ օրը՝ մարտի 8-ին, դիմում է գրել ու հեռացել:

Անատոլի Գնունուց հետաքրքրվեցինք, թե երիտասարդն այլ հետազոտություն անցե՞լ է եւ առողջական ինչ խնդիրներ ունի, վերջինս նշեց. «23-24 տարեկան տղա էր, ես չեմ կարող ասել՝ նա հոգեկան խնդիրներ ունի, թե ոչ, բայց ընդհանրապես նման փորձեր անում են հոգեկան խնդիրներ ունեցող մարդիկ, սակայն քանի որ մենք համապատասխան հոգեբանական կամ հոգեբուժական բաժանմունք չունենք, ստույգ ոչինչ չեմ կարող ասել»:

Ինքնասպանության փորձ կատարած երիտասարդն արդեն մի քանի ամիս ապրել է ՀՀ աշխատանքի եւ սոցիալական նախարարության ենթակայությամբ գործող՝ Տնային պայմաններում միայնակ տարեցների եւ հաշմանդամների սպասարկման կենտրոնում: Նրան այստեղ բնակարան են հատկացրել բացառության կարգով:

«Հայակական ժամանակն» այցելեց նշված հաստատություն, սակայն երիտասարդն այդտեղ չէր: Տնօրեն Լիլիթ Աղաջանյանը հայտնեց, որ միջադեպից հետո ոչ մի կերպ չի հաջողվում գտնել տղային: Տնօրենի խոսքով՝ նրա հեռախոսը կամրջից կախված ժամանակ գրպանից ընկել է:

Լուսանկարում՝ Տնային պայմաններում միայնակ տարեցների եւ հաշմանդամների սպասարկման կենտորոնի տնօրեն Լիլիթ Աղաջանյան

24-ամյա քաղաքացին Գավառի մանկատան սան է: Նախկինում մի քանի տարի դատապարտված է եղել գողության համար: Դրանցի հետո տեղափոխվել է հատուկ տիպի գիշերօթիկ, ապա՝ նշված կացարան: Լիլիթ Աղաջանյանի խոսքով՝ երիտասարդը հարազատներ չունի, միայն լսել են, որ Գավառում տատիկ ունի, սակայն դա էլ ստույգ չէ:

«Մենք գիտենք, որ նա նախկինում էլ է ինքանսպանության փորձեր արել: Նախքան մեզ մոտ գալն էլ է արել, որից հետո այստեղ բնակարան են տվել: Նորմալ պայամաններով բնակարան է, հանգիստ իր համար ապրում է, ինքն էլ խելոք, զուսպ տղա է, վատ բան չեմ նկատել»,- ասաց Աղաջանյանը:

Երիտասարդն ավտոմեխանիկ է: Տնօրենը հայտնեց, որ օրերս լրացել է նրա՝ կացարանում մնալու 6-ամսյա ժամկետը, դրա համար տղային առավել ուշադրության կենտրոնում էր պահում՝ պետք է դիմում գրեր ժամկետի երկարաձգման համար, սակայն դա խնդիր չէ, պարզապես թղթաբանություն: Իսկ շենքը, որտեղ բնակարան են հատկացրել, հիմնականում տարիքով մարդիկ են ապրում, վերջին մի քանի ամսվա փոփոխությունների արդյունքում այստեղ են տեղափոխվել նաեւ հաշմանդամություն ունեցող մի քանի երիտասարդ ընտանիքներ: Աղաջանյանը նկատեց, որ Աշխատանքի եւ սոցհարցերի նախարարությունը նպատակ ունի այս շենքը հետագայում ծառայեցնել հենց այդ նպատակին:

«Ոչ մի վատ բան չենք տեսել այդ տղայից, հանգիստ գնում աշխատում, գալիս էր տուն: Բայց երբեմն բացակայում էր, հետո, երբ հարցնում ենք ո՞ւր էիր, ասում էր՝ աշխատավայրում մնալու տեղ կար, մի քանի օր մնացել է»,-պատմեց Լիլիթ Աղաջանյանը:

Կենտրոնի տնօրենի խոսքով՝ նախորդ ինքնասպանության փորձից հետո տղան իր այդ քայլը բացատրել էր բնակարան չունենալով: Ասել է՝ մանկատան երեխաներին հիմա բնակարան են հատկացնում, բայց ինքը տուն չունի: «Նեղված էր, որ մանկատան իր ընկերները տան տեր են դարձել, իսկ ինքը այդպես մնացել է: Նույն օրվա առաջին չստացված փորձից հետո պահակին ասել էր՝ շորերս հավաքում եմ, այս բնակարանից թողնեմ գնամ: Զանգեց ինձ, ասացի՝ հանկարծ չթողնես: Դե մտածում ենք, հազիվ սա տվել են, նորմալ բնակարան է, թողնի գնա, սրանից էլ է զրկվելու: Զանգեցի, մայրաբար ահագին խոսեցինք, նեղված էր, խոստացավ, որ չի գնա: Ավելի ուշ ձեւացրել էր, թե ամեն ինչ նորմալ է, պահակին ասել էր գնում է մաքուր օդ շնչելու ու չէր եկել»,- ասաց Աղաջանյանը: 

Այդ ամենը կատարվել է մարտի 7-ին, որից հետո տղան կացարան չի վերադարձել: Ավելի ուշ կենտրոնի պահակին է զանգահարել տարածքի թաղային ոստիկանն ու հայտնել, որ տղան առողջական խնդիրներով տեղափոխվել է հիվանդանոց 

Տնօրենի խոսքով՝ 24-ամյա երիտասարդն իր բազմիցս  նշել է բնակարան չունենալու խնդիրը, կյանքին վերջ տալու փորձերեը եւս դրանով պատճառաբանել: Վերջին դեպքից հետո էլ, երբ Նաիրի ԲԿ է այցելել կենտրոնի աշխատակիցներից մեկը, տղան դարձյալ այդ հարցն է առաջ քաշել, սակայն դրանից հետո նրանից լուր չունեն:

Հիվանդանոցից դուրս գրվելուց հետո չի հաջողվում պարզել երիտասարդի գտնվելու վայրը: Կենտորնում անհանգստացած են:

ՀԳ. ՀՀ վարչապետ Նիկոլ Փաշինյանի խոսնակ Մանե Գեւորգյանից փորձեցինք ճշտել, թե ինքնասպանության փորձ կատարած երիտասարդն ինչ է պատմել վարչապետին իր այս քայլի պատճառների մասին ու ինչ են զրուցել նրանք: Խոսնակ Մանե Գեւորգյանը նշեց, որ այդ հարցի շուրջ մեկնաբանություն չեն տալիս:

Տպել
4549 դիտում

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան