Նոր կորոնավիրուսը Չինաստանից նահանջում է. հիմա նրա թիրախում են Իտալիան, Հարավային Կորեան եւ Իրանը

Նոր կորոնավիրուս COVID-19-ի հետեւանքով աշխարհում մահվան դեպքերի թիվը այսօր հատել է 4000-ի սահմանը: Արձանագրվել է, որ վարակակիր է մոտ 115 հազար մարդ, որոնցից 80 հազարը՝ Չինաստանում, մնացյալը՝ աշխարհի այլ՝ 114 երկրում: Առողջացել եւ հիվանդանոցներից դուրս է գրվել ավելի քան 64 հազար մարդ, 46 հազարը դեռեւս բուժում է ստանում, մոտ 6 հազարը (12 տոկոսը) ծանր կամ կրիտիկական վիճակում է, հաղորդում է BBC-ն:

Չինաստանից կարծես վարակը նահանջում է, հիմա նրա թիրախում են Իտալիան, Հարավային Կորեան եւ Իրանը:

Իտալիայում դեռեւս չի հաջողվում վարակը վերահսկողության տակ վերցնել: Այսօրվա դրությամբ այնտեղ արդեն գրանցվել է կորոնավիրուսի ավելի քան 9 հազար եւ մահվան 463 դեպք: Հարավային Կորեայում  վարակված է մոտ 8 հազար մարդ, գրանցվել է մահվան 54 դեպք: Իրանում վարակման ավելի քան 7 հազար եւ մահվան 237 դեպք է արձանագրվել:

Իրավիճակը ծանր է նաեւ Ֆրանսիայի, Իսպանիայի եւ Գերմանիայի որոշ շրջաններում. գրանցվել է համապատասխանաբար ավելի քան 1420, 1230 եւ 1220 վարակման դեպք: Ֆրանսիայում եւ Իսպանիայում գրանցվել է կորոնավիրուսի հետեւանքով մահվան 30-ական դեպք, Գերմանիայում՝ 2-ը, ԱՄՆ-ում գրանցվել է վարակման ավելի քան 700 եւ մահվան 27 դեպք:

Ճապոնիան սահմանում է 14-օրյա կարանտին

«Իտալիայից եւ Ֆրանսիայի, Գերմանիայի որոշ հատվածներից Հոնկոնգ ժամանած բոլոր ուղեւորները պարտադիր կարանտինի 14-օրյա շրջան կանցնեն՝ կորոնավիրուսային համաճարակից խուսափելու համար»,- այսօր հայտարարել է Ճապոնիայի կառավարությունը՝ հիշեցնելով, որ ամբողջ Իտալիայում սահմանափակված է տեղաշարժը: Հոնկոնգի կառավարությունն ընդգծել է, որ հետեւում է նաեւ Իսպանիայի եւ Հնդկաստանի համաճարակային իրավիճակին՝ չնայած որ այդ երկրներից եկող ճանապարհորդները դեռ ստիպված չեն անցնել կարանտինի շրջան:

ՌԴ-ն սպառնում է 5 տարվա ազատազրկմամբ

Անբարենպաստ համաճարակաբանական իրավիճակ ունեցող երկրներից Ռուսաստանի Դաշնություն ժամանող մարդկանց համար սահմանված է ինքնամեկուսացման ռեժիմ, որը խախտելու համար մարդուն սպառնում է մինչեւ 5 տարվա ազատազրկում: Այս մասին հաղորդում է Մոսկվայի առողջապահության նախարարությունը:

Փոխվում են տնտեսական թիրախները

Դոլարի փոխարժեքն այսօր մի փոքր բարձրացել է, իենինը՝ իջել: Վերլուծաբաններն ասում են, որ դեռ վաղ է դոլարի ցածրագույն կետի մասին խոսել, այն սկսեց արագորեն անկում ապրել երկուշաբթի, երբ Սաուդյան Արաբիայի եւ Ռուսաստանի միջեւ մեկնարկեց նավթի գների պատերազմը: Սա, նշում են, հնարավորություն է ընձեռում իենին ոտքի կանգնել նախքան փոթորկի նոր՝ առավել կատաղի հարվածը: «Չինաստանից ստացվող տվյալները հավանաբար առանձնահատուկ հետաքրքիր են, քանի որ սա առաջին երկիրն էր, որին հարվածեց վիրուսը: Լարվածությունը շուկաներում ամենայն հավանականությամբ կշարունակվի, եւ ես չեմ բացառում, որ շուտով արտարժույթի շուկաները կրկին հարված ընդունելու լուրջ ռիսկի առաջ կլինեն»,- ասել է Commerzbank-ի վերլուծաբան Թու Լան Նգուենը:

Իսկ Բրիտանիայում...

Աշխարհի տարբեր երկրներում մարդիկ կորոնավիրուսի բռնկման պատճառով հավաքում են սննդի ու առաջին անհրաժեշտության իրերի պաշար: Բրիտանիայում, չգիտես ինչու, առանձնահատուկ պահանջարկ ունի զուգարանի թուղթը: Ինչպես ակնհայտ է դատարկ դարակներից, առաջնահերթությունն այստեղ այլ է:

Իսկ վերջում լուսանկարներ հիասքանչ Իտալիայի դատարկ զբոսավայրերից

Տպել
919 դիտում

Արսեն Թորոսյանը հանդիպել է վերակենդանացման բաժանմունքների ղեկավարներին. քննարկվել են ընդհանուր մոտեցումները

ԱՄՆ-ում ցույցերի ժամանակ պղծվել է Դենվերում գտնվող հայկական խաչքարը (լուսանկար)

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող