Հայաստանում կորոնավիրուսի դեմ պայքարում են նաեւ Բժշկական համալսարանի 400-500 ուսանողներ

Այս օրերին բուժաշխատողներից բացի, չեն քնում, գերլարված աշխատում են նաեւ ապագա բժիշկները։ Հայաստանում կորոնավիրուսի դեմ պայքարին մասնակցում են Երեւանի Մխիթար Հերացու անվան պետական բժշկական համալսարանի 400-500 ուսանողներ։

Նրանք այսպես մասնագիտական գիտելիքներն են ավելացնում՝ պրակտիկ աշխատանք կատարելով, ինչպես նաեւ ստեղծված իրավիճակից դուրս գալու համար ունենում իրենց ավանդը։ Մեզ հետ զրույցում այս մասին հայտնեց ԵՊԲՀ աշխատակազմի ղեկավար Շուշանիկ Դանիելյանը, որի խոսքով՝ աշխատանքներում ներգրավված ուսանողները շատ են, դժվար է հստակ թիվ նշել։

100-ից ավելին այս պահին կամավորական աշխատանք են իրականացնում համալսարանական 3 հիվանդանոցային համալիրներում («Հերացի» թիվ 1 համալսարանական հիվանդանոցային համալիր, «Մուրացան» հիվանդանոցային համալիր, «Միքայելյան վիրաբուժության ինստիտուտ»), 8 հոգի «Նորք» ինֆեկցիոն կլինիկական հիվանդանոցում, շատերը՝ Երեւանի «Շտապ բժշկական օգնություն» ծառայությունում, տարբեր գերատեսչություններում։

Լուսանկարները՝ ԵՊԲՀ ուսանող, կամավոր Եվա Մանուչարյանի ֆեյսբուքյան էջից

Նրանք առանց վճարվելու տարբեր աշխատանքներ են իրականացնում՝ իրազեկման նյութեր տրամադրում, ջերմաչափում անում, օգնում բժիշկներին եւ այլն։ Դանիելյանի խոսքով՝ ԵՊԲՀ-ն վերապատրաստման կուրսեր է իրականացնում, նեղ պրոֆիլով բժիշկներին հմտություններ է փոխանցում, որպեսզի կարողանան ինֆեկցիոն եւ համաճարակաբանական գործողություններ իրականացնել։

Ինչպես հավելեց աշխատակազմի ղեկավարը, ուսանողները հիմնականում միացել են կամավորական աշխատանքին այն ժամանակ, երբ Հայաստանում վարակն սկսել է տարածվել՝ կապված կորոնավիրուսի հայտնաբերման երկրորդ առաջնակի դեպքի հետ։

Նշենք, որ այսօր ֆեյսբուքյան իր էջում նշված բուհի ուսանողների հետ լուսանկար էր հրապարակել ՀՀ կրթության, գիտության, մշակույթի եւ սպորտի նախարար Արայիկ Հարությունյանը՝ կից գրելով, որ առավոտից երեկո նրանք առանց զլանալու ջերմաչափում են անում, որ վարակը նախարարության շենք չներթափանցի:

Արդեն «Նորք» ինֆեկցիոն հիվանդանոցում կամավորություն իրականացնող ուսանողներին իր ֆեյսբուքյան էջում անդրադարձել էր ԵՊԲՀ ռեկտոր Արմեն Մուրադյանը՝ նշելով, որ միջնորդագիր է ուղարկել բուհի Գիտական խորհրդին՝ առաջարկելով այսուհետ ազատել ուսման վարձի վճարումից ԵՊԲՀ ինֆեկցիոն հիվանդությունների ամբիոնի 4 օրդինատորների, որոնք այս պահին «առաջնագծում» են։ Այնտեղ գտնվող 4 մնացած ուսանողները, որոնք սովորում են անվճար համակարգում, հատուկ խրախուսում կստանան բուհի կողմից։

Մուրադյանը նաեւ հավելել էր, որ ԵՊԲՀ կամավորների խրախուսումը շարունակական է լինելու։

Տպել
2925 դիտում

Հայաստանի հավաքականի հարձակվող Արթուր Միրանյանը հեռացել է Փյունիկից

Շների հարձակման ենթարկված 2,5 տարեկան երեխայի վիճակը ծանր է. երկրորդ անգամ են վիրահատել

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա