Իտալիան արգելափակել է ԵՄ գագաթնաժողովի նախագիծը եւ 10 օր տվել՝ ֆինանսական ճգնաժամի լուծման համար

Եվրամիության գագաթնաժողովին, որն անցկացվել է տեսակոնֆերանսի ֆորմատով, չեն կարողացել ընդհանուր հայտարարի գալ, թե ինչպես են պահպանելու միության տնտեսությունը՝ ամբողջական անկման պայմաններում, որը կարող է ավելի խորանալ, քան 12 տարի առաջ գրանցված ֆինանսական ճգնաժամի ժամանակ է եղել:

Միության 27 անդամները կարողացել են ընդամենը 1 միասնական որոշում կայացնել, փոխանցում է Euronews-ը:

Այդ որոշման մասին հայտարարել է Եվրահանձնաժողովի նախագահ ուրսուլա ֆոն դեր Լյայենը՝ նշելով. . «Եվրախմբին մենք հանձնարարել ենք մշակել Եվրամիության տնտեսական վերականգնման ֆինանսական ծրագիր, որի համար մենք երկրներին 2 շաբաթ ժամանակ ենք տվել, 14 օրից Եվրախումբը պետք է իր մշակած առաջարկները ներկայացնի»:

ԵՄ անդամ պետությունների որոշ առաջնորդներ, մասնավորապես ՝ Ֆրանսիայի նախագահ Էմանուել Մակրոնը, ինչպես այսօր հայտնել է  Ելիսեյան պալատը, նախաձեռնել են այսպես կոչված «կորոնաբոնդային պարտատոմսեր», որի վճարումները երաշխավորված կլինեն միության բոլոր պետությունների կողմից: Այս առաջարկին աջակցել է նաեւ Եվրախորհրդարանի խոսնակ Դավիդ Սասոլին:

Ինչպես Եվրախմբի պարագայում, այս դեպքում էլ տարաձայնությունների սահմանը կրկին ունի աշխարհագրական բնույթ: Հյուսիսային Եվրոպայի երկրները չեն պաշտպանում նման գանձապետական պարտատոմսեր թողարկելու գաղափարը:

Իսկ Հարավային Եվրոպայի պետությունները, մասնավորապես ՝ Իսպանիան և Իտալիան, որոնք ամենադաժան հարվածն են ստացել համաճարակի պատճառով, պնդում են այս տարբերակի ընդունման համար, որը կարող է աջակցել իրենց վտանգված ֆինանսական համակարգին:

Եվրախորհրդի նախագահ Շառլ Միշելը, ամփոփելով տեսակոնֆերանսի արդյունքները, նշել է հետեւյալը. «Մենք պետք է մեր տրամադրության տակ ունենանք ԵՄ-ի բացարձակապես բոլոր բյուջետային գործիքները, որը հնարավորություն կտա ինչպես կարճաժամկետ, այնպես էլ երկարաժամկետ  բնույթի լուծումներ գտնելու համար, քանի որ մեզ պետք է յավասարակշռության մեջ պահել Եվրամիության ընդհանուր շուկան:

ԵՄ-ն սպասում է նոր արտակարգ գագաթնաժողովի, որն անցկացվելու է երկու շաբաթվա ընթացքում ՝ ապրիլի կեսերին:

Բրիտանական DW պարբերականն էլ գրում է, որ Իտալիայի վարչապետ Ջուզեպպե Կոնտեն մերժել է կորոնավիրուսի հետ կապված իրավիճակի վերաբերյալ ԵՄ գագաթնաժողովի համատեղ հայտարարության նախագիծը ՝ այն համարելով անբավարար: Իտալիան սպասում է Երոպային սպառնացող ճգնաժամին շատ ավելի վճռական պատասխան Եվրամիությունից: Կոնտեն այնքան լրջորեն է տրամադրված այս ուղղությամբ, որ նրա հայտարարությունը լրատվամիջոցներով հրապարակվել է նույնիսկ գագաթնաժողովից առաջ՝  հինգշաբթի, մարտի 26-ին:

«Մենք պետք է արձագանքենք նորարար ֆինանսական գործիքների միջոցով», - շեշտել է Իտալիայի վարչապետը: Ըստ Կոնտեի, Իտալիան եւ Իսպանիան Եվրամիությանը տասը օր են տվել դա անելու համար: Իտալիան, ինչպես Ֆրանսիան,  հանդես է գալիս եվրագոտու երկրների կողմից ընդհանուր պարտատոմսեր թողարկելու օգտին ՝ լրացուցիչ ֆինանսական ռեսուրսներ որոնելու նպատակով ՝ SARS-CoV-2 համաճարակի դեմ պայքարի համար:

Գերմանիան համաձայն չէ այս ամենին: Ֆրանսիայի, Իտալիայի, Իսպանիայի եւ ԵՄ 6 այլ  երկրների առաջնորդներն ու կառավարությունների ղեկավարները նախօրեին համատեղ նամակում աջակցել են ընդհանուր պարտատոմսերի թողարկման գաղափարին:

«Մենք պետք է աշխատենք եվրոպական ֆինանսական կառույցի կողմից թողարկված համատեղ պարտավորության վրա ՝ շուկայում ֆինանսական ռեսուրսներ ձեռք բերելու համար: Առավելագույն արդյունավետություն ապահովելու համար անհրաժեշտ է թողարկել համատեղ պարտատոմսեր բավարար ծավալով եւ  երկար մարման ժամկետով», - ասվում է փաստաթղթում, որը ստորագրել են նաեւ Պորտուգալիայի, Իռլանդիայի, Լյուքսեմբուրգի, Սլովենիայի, Բելգիայի եւ Հունաստանի կառավարություններն ու պետության առաջնորդները:

Expert-ը գրում է, որ Իտալիայի բարկության եւ որոշումներն արգելափակելու պատճառն այն է, որ Եվրամիությունը չի աջակցել Իտալիային՝ կորոնավիրուսի դեմ պայքարում եւ այս տաբերակով Իտալիան որոշել է ինքը գտնել ֆինանսական աջակցության տարբերակներ:

Երկրի վարչապետ Ջուզեպպե Կոնտեն, ԵՄ-ի գագաթնաժողովից առաջ ելույթ ունենալով երկրի խորհրդարանի վերին պալատում, նշել է, որ ող Եվրոպան կարող է խորը եւ մեծ անկում ապրել, որի նախադրյալներն է ստեղծում Covid-19 համաճարակը: Ի դեպ, պաշտոնական Հռոմն իր առաջարկած պարտատոմսերի թղարկում է պահանջում ոչ թե մոտակա ժամանակահատվածում, այլ ամենաուշը 10 օրից: Կորոնաբոնդը՝ այսինքն ամբողջ միասնական Եվրոպայի հավաքական պարտքը, պետք է թողարկվի Եվրոպական ներդրումային բանկի (EIB) կողմից:

Իտալիայի նման դիրքորոշումը հասկանալի է, քանի որ այս պահին նա աշխարհում առաջատարն է կորոնավիրուսային վարակակիրների թվով: Իտալիայի էկոնոմիկայի նախարար Ռովերտո Գուալտերին կանխատեսել է երկրի ՀՆԱ-ի կտրուկ անկում առաջին տարվա առաջին կիսամյակում, որը, ըստ 2020 թվականի արդյունքների, կկազմի մի քանի տոկոս: Goldman Sachs-ի փորձագետները գտնում են, որ Իտալիայի ՀՆԱ-ն ներկա վերլուծությունների համաձայն անկում է ապրելու  11,6 տոկոսով:

Տպել
1296 դիտում

Լոռիում մինչ օրս կորոնավիրուսով վարակվել է 70 քաղաքացի. 54-ը առողջացել ու դուրս է գրվել. մարզպետ

Փոխադարձ վիրավորանքներ, միմյանց հերթ չտալով հուզված ու պաթետիկ ելույթներ. ԵԿՄ-ին տարածք տալու նախագիծն ընդունվեց

ԱԻՆ 8 աշխատակցի մոտ կորոնավիրուս է հաստատված, մեկուսացված է 46-ը (տեսանյութ)

ՀՀ տարածքում ավտոճանապարհները հիմնականում անցանելի են. Քարի լիճ տանող ավտոճանապարհին տեղ-տեղ առկա է մերկասառույց

Դավթաշենի նախադպրոցական ուսումնական հաստատություններում վերահսկողական աշխատանքներ են իրականացվել

Ոստիկանությունը շարունակում է արտակարգ ռեժիմով ծառայությունը (տեսանյութ)

Հանրային տրանսպորտի նկատմամբ վերահսկողական խիստ միջոցառումներ են իրականացվել Երեւանի Դավթաշեն վարչական շրջանում

Կորոնավիրուսի 2-րդ ալիքի հետ գործ ունենք. կխստացվեն վարչական լծակները, կիրականացվեն «ռեյդեր». Նիկոլ Փաշինյան (տեսանյութ)

Ինեկոբանկ․ վարկային արձակուրդից օգտված հաճախորդների վարկերի մարման գրաֆիկին ավելացվում է 12 ամիս

Սնանկության գործով կառավարիչների հետ քննարկվել են Արդարադատության նախարարի հրամանների կիրարկմանն առնչվող մի շարք հարցեր

Կանաչապատման ՀՈԱԿ-ի հեռացված աշխատակիցը Մոնումենտի այգում խորոված փարթի է արել, որտեղ հաջորդ օրը հրդեհ է բռնկվել

Տարբերություն չկա՝ մարդը մեռնում է սահմանին, թե ինչ-որ հիվանդությունից․ Սերգեյ Մովսիսյան

Վարչապետը կարևորել է արտակարգ իրավիճակների ոլորտում կարողությունների շարունակական զարգացումը

«16 տարվա հետեւողական պայքարից հետո վերականգնեցինք արդարությունը». փաստաբանները՝ Ադրբեջանի դեմ ՄԻԵԴ վճռի մասին

Պատգամավոր Նիկոլայ Բաղդասարյանին հեծանվով վրաերթի ենթարկելու գործով կալանավորվածն ազատ է արձակվել

Ucom-ը շարունակում է աշխատանքի ընդունելու գործընթացը

Բալային համակարգով 58 անձ արդեն սպառել է հատկացված 9 միավորը՝ զրկվելով վարորդական իրավունքից

Վճարովի ծառատունկը մեկնարկել է. քաղաքացիները անտառ են ստեղծում, միաժամանակ փոքր-ինչ թեթեւացնում սոցիալական բեռը

ՊՆ զինծառայողների բնակարանային ապահովության գործընթացի ուսումնասիրմամբ հայտնաբերված խախտումներով քրգործեր են հարուցվել

Տիգրան Աթանեսյանի հաղորդման կապակցությամբ հարուցված քրեական գործը ՔԿ-ում վարույթ է ընդունվել