Ինձ 6 ամիս առաջ հրավիրել էին ՔԿ. Փայլակ Հայրապետյանը՝ Կճոյանին առաջադրված մեղադրանքի մասին

Առաջադրված մեղադրանքը վերաբերում է Նավասարդ Կճոյանին։ Այս մասին «Հայկական ժամանակ»-ի հետ զրույցում ասաց սնանկացած գործարար օֆշորի սկանդալի գործով առանցքային տուժող Փայլակ Հայրապետյանը։

Հիշեցնենք, որ քիչ առաջ ԱԱԾ-ն հաղորդագրություն տարածեց, որում հայտնում էր, որ մեղադրանք է առաջադրվել Հայ առաքելական եկեղեցու թեմերից մեկի առաջնորդական փոխանորդին:

Տարիներ առաջ՝ 2013 թվականին Փայլակ Հայրապետյանը հայտարարել էր, թե իրեն պատկանող մոտ 100 միլիոն ԱՄՆ դոլարի անշարժ գույքը 2009թ. գրավ է դրել բանկերից մեկում։ Ինչից հետո գործարար Աշոտ Սուքիասյանին է հատկացրել 10.7 միլիոն դոլար, որպեսզի ըստ պայմանավորվածության՝ այդ գումարը Աֆրիկայում ոսկու եւ ալմաստի արդյունահանման մեջ ներդրվի։ Սակայն Սուքիասյանն այդ գումարը փոխանցել էր կիպրոսյան օֆշորային 3 ընկերությունների, «A.B.S. GLOBAL LIMITED» ՍՊԸ-ին՝ 7 մլն 20 հազար 450 դոլար, «WLISPERA HOLDINGS LIMITED» ՍՊԸ-ին՝ 350 հազար դոլար եւ «STR EMERALD LIMITED» ՍՊԸ-ին՝ 2 մլն դոլար: Արդյունքում Փայլակ Հայրապետյանը զրկվել է ունեցվածքից:

Կիպրոսի ռեգիստրի պաշտոնական կայքում «Wlispera Holdings Limited»-ի բաժնետեր նշվում էին Աշոտ Սուքիասյանը, նախկին վարչապետ Տիգրան Սարգսյանը եւ Նավասարդ արքեպիսկոպոս Կճոյանը, վերջինս հանդիսանում է Աշոտ Սուքիասյանի քավորը։ Ե՛վ Կճոյանը ե՛ւ Սարգսյանը հայտարարել էին, որ կապ չունեն այս պատմության հետ։ Իսկ Աշոտ Սուքիասյանը այն ժամանակ ՀՀ գլխավոր դատախազ Աղվան Հովսեփյանին գրված նամակում նշել էր, որ «Wlispera Holdings Limited»-ի հիմնադիրն ինքն է, իսկ Սարգսյանի եւ Կճոյանի անունով բաժնեմասեր է գրել՝ առանց նրանց գիտության եւ համաձայնության։

2017 թվականին Երեւան քաղաքի ընդհանուր իրավասության դատարանը «Օֆշորի» գործով մեղադրյալ Աշոտ Սուքիասյանին 16 տարվա ազատազրկման դատապարտեց։ Սակայն 2 ամիս առաջ Սուքիասյանն արդարացվել է Վերաքննիչ դատարանի կողմից։

Փայլակ Հայրապետյանը մեր զրույցում ասաց, որ այդ ընկերությունում Նավասարդ Կճոյանն ուներ 33 տոկոս, Տիգրան Սարգսյանը՝ 33 տոկոս, իսկ Աշոտ Սուքիասյանը 34 տոկոս, վերջինս տնօրեն էր նշանակվել։

Անդրադառնալով հարցին, թե հեղափոխությունից հետո արդյո՞ք դիմել է իրավապահներին այս հարցով, Հայրապետյանն ասաց, որ դրանից առաջ է բազմաթիվ անգամներ դիմել. «Ինձ 6 ամիս առաջ հրավիրել են Քննչական կոմիտե, գործը վերաբացվել էր։ Աշոտ Սուքիասյանի վերաբերյալ գործը ավարտվել էր, իսկ Սարգսյանի եւ Կճոյանի գործն առաձնացվել էր, քանի որ նրանք ցուցմունք էին տվել, թե իրենք չեն ստորագրել այդ ընկերության փաստաթղթերը։ Բայց ես փաստաթուղթ ունեմ եւ իրենց ստորագրություններն են այդտեղ։ Ինձ կանչել էին քննության, ասացին, որ ստացել են փաստաթղթերը եւ դրանք Կճոյանի եւ Սարգսյանի ստորագրություններն են»,- ասաց Հայրապետյանը՝ հավելելով որ իրեն էլ են 1 օրինակ տրամադրել։

Տպել
6957 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում