Աշոտ Սուքիասյանն ասում է՝ Կճոյանը ոչ մի բանի հետ կապ չունի. ըստ պաշտպանի՝ նրանք այժմ որեւէ հարաբերություն չունեն

Օֆշորի հայտնի գործի անջատված մասով դատապարտված եւ մասնակի արդարացված Աշոտ Սուքիասյանն ամիսներ առաջ հարցաքննվել է բուն գործի՝ նոր ընթացք ստացած մասով:

Այս մասին «Հայկական ժամանակ»-ի հետ զրույցում ասաց Աշոտ Սուքիասյանի պաշտպան Կարեն Հակոբյանը:

Նշենք, որ Աշոտ Սուքիասյանը Կճոյանի սանիկն է:

Վերջինիս խոսքով՝ այդ գործը չի վերաբացվել, այլ այսքան տարի գտնվել է նախաքննության փուլում, իսկ ձեռագրաբանական փորձաքննությունը, որի մասին խոսում են կողմերը, արվել է դեռեւս ութ տարի առաջ. «Դա նոր ի հայտ եկած հանգամանք չէ, այդ փորձաքննությունը ութ տարի առաջ էր նշանակվել, փորձագետները նշել էին, որ հնարավոր չի եղել պարզել ստորագրությունները, նորից են ուղարկել փորձաքննության, եւ այդ նույն փորձագետը, իմ պատկերացմամբ, առանց որեւէ հիմնավորման, կասկածելի եզրակացության է եկել, թե դրանք Տիգրան Սարգսյանի եւ Նավասարդ Կճոյանի ստորագրություններն են: Ես, իհարկե, ամբողջությամբ կարդալ չեմ կարողացել, բայց հաշվի առնելով փորձաքննության գիտական չափանիշները՝ պատճենով հնարավոր չի լինում կատեգորիկ եզրակացության հանգել»: Թե երբ է նշանակվել երկրորդ փորձաքննությունը, Հակոբյանին հայտնի չէ, նրա խոսքով՝ այդ մասին իմացել են փետրվարին, երբ իրենց կանչել էին հարցաքննության:

Թեմայի վերաբերյալ Աշոտ Սուքիասյանի պաշտպան Կարեն Հակոբյանի հետ մեր հարցազրույցը՝ ստորեւ.

- Պարո՛ն Հակոբյան, Աշոտ Սուքիասյանը առերեսվե՞լ է Նավասարդ Կճոյանի կամ Փայլակ Հայրապետյանի հետ:

- Փայլակ Հայրապետյանի հետ այն ժամանակ դատարան ուղարկված մասով եղել է առերեսում, բայց Կճոյանի հետ անհրաժեշտություն չի եղել, որովհետեւ նա Կճոյանի դեմ ցուցմունք չի տվել:

- Նրանց խոսքերում հակասություններ կան, դրա համար եմ հարցնում. Աշոտ Սուքիասյանն ասել է, թե ինքն է արտատպել Տիգրան Սարգսյանի եւ Նավասարդ Կճոյանի ստորագրությունները՝ առանց նրանց գիտության եւ համաձայնության, մինչդեռ Կճոյանն իր ցուցմունքում, ըստ պաշտպանի, ասել է, որ անձամբ է ստորագրել եւ բացառապես ընկերության ստեղծման համար:

- Ես չգիտեմ՝ Կճոյանը ինչ է ստորագրել, ամեն դեպքում, Սուքիասյանը, այո՛, դա է ասում, նման ցուցմունք է տվել նա:

- Եվ, ըստ նրա, հետագայում ո՛չ Կճոյանը, ո՛չ Սարգսյանը այդ ընկերությունից ֆինանսական եկամուտ չե՞ն ստացել:

- Իհարկե:

- Ընկերությունը, որին ուղարկվել են այդ ենթադրյալ հանցագործության գումարները, Կիպրոսի օֆշորային ընկերությո՞ւն է:

- Օֆշորային չէ, այդպես նշում են՝ սրան-նրան վարկաբեկելու, պաշտպանյալիս արածը խարդախություն դարձնելու համար: Պարոնայք իրավապահները նույնիսկ չեն էլ կարողացել Կիպրոսից պատասխան ստանալ. որ այդքան բարեխիղճ լինեին, կգնային Կիպրոս, իրենց քննչական պահանջները կստանային, կպարզեին՝ դա իրականում օֆշորային է, թե ոչ:

- Այսինքն՝ հարցո՞ւմ են ուղարկել Կիպրոս:

- Իմ իմանալով՝ այո՛, բայց պատասխան չեն ստացել, հետեւողականություն չկա գործով, ինչը որ կարող է հերքել մեղադրանքը, կարելի է չստանալ, ուրիշ ժամանակ քսան հատ գրություն կուղարկեին… Դա Կիպրոսի 10 տոկոս հարկման գոտում ստեղծված ընկերություն է՝ օրինական գործող: Կիպրոսում տարբեր կազմակերպություններ կան՝ օֆշորային, որ հարկեր չտալու նպատակ են հետապնդում, կա նաեւ այդ 10 տոկոսը, եւ դու, որպես բիզնեսմեն, որոշում ես՝ որում ստեղծել: Ասեմ Ձեզ՝ այդ կազմակերպության ստեղծման նպատակը եղել է հատուկ տեխնիկա ձեռք բերելը, նավով Կիպրոս տեղափոխելն ու մաքսազերծելը, որպեսզի ուղարկվեր Աֆրիկա՝ հանքարդյունաբերության համար:

-Խոսքը Կիպրոսի «HELLENIC BANK PUBLIK COMPANY»-ի ընկերությունների մասի՞ն է:

- Ոնց որ թե չէ, հիմա անունը չեմ էլ հիշում, այնքան դանդաղ է գործը քննվում, օբյեկտիվորեն հնարավոր չէ այդքանը հիշել: Ամեն դեպքում, քանի որ վարկավորումը պայմանագրի կանոնների խախտումով է եղել, այսինքն՝ գումարը սկսել են փոքր մասերով տալ, եւ Փայլակ Հայրապետյանի կողմից խնդիրներ են ստեղծվել, այդ գործընթացը հնարավոր չի եղել իրագործել:

- Ի՞նչ խնդիրների մասին է խոսքը:

- Դե, բազմաթիվ խնդիրներ են եղել, բազմաթիվ հրապարակումներ են եղել այդ մասին, եթե չեմ սխալվում, նաեւ մահափորձի հարց է եղել. Սուքիասյանը նշել է, թե Աֆրիկայում Փայլակը ուզել է իր «գլուխը ուտել», հիմա, ըստ պաշտպանյալիս խոսքերի, Աֆրիկայում Փայլակը հետախուզման մեջ է:

- ԱԱԾ հաղորդագրության մեջ նշվում է, որ հանցագործության բացահայտումից հետո Կճոյանը համոզել է Սուքիասյանին ստանձնել ողջ պատասխանատվությունը եւ ոչնչացնել իր մասնակցության վերաբերյալ ապացույցները: Այս դրվագի մասին Աշոտ Սուքիասյանն ի՞նչ կարծիք ունի:

- Նման բան չկա, Սուքիասյանն ասում է, որ այդ մարդը ոչ մի բանի հետ կապ չունի, այդ ո՞նց պիտի դա համոզեին, այս ամենը անեին, առավել եւս, որ այդ մարդիկ շահ չունեին, այսինքն՝ իմաստ չկար ինչ-որ բան ոչնչացնելու, որովհետեւ ցանկացած բանական մարդ հասկանում է՝ եթե ընկերություն է ստեղծվում, այդ փաստաթղթերը պետության կողմից արխիվացվում են, հնարավոր չէ ոչնչացնել:

- Նավասարդ Կճոյանի պաշտպանի խոսքով՝ այդ ընկերության ստեղծումը բարի նպատակ է ունեցել: Ձեզ հայտնի՞ է այդ հանգամանքը:

- Այո՛, ընդհանուր բիզնեսը եթե հաջողվեր, եւ արհեստական խնդիրներ չստեղծվեին, նպատակը եղել է Արարատյան թեմի մանկատների, ծերանոցների հետ կապված ֆինանսավորումը, ժողովրդի հոգսի թեթեւացումը, բայց արդյունքում բիզնեսը նման ճակատագիր է ունեցել, քրեական գործ է հարուցվել, եւ այսօրվա դրությամբ Կճոյանին էլ է մեղադրանք առաջադրվել:

- Հատկապես ինչի՞ արդյունքում:

- Բանկը պիտի գումարը տար երկու փուլով: Փաստացի բաժանել է մասերի, տվել է հինգ փուլով: Լիզինգի համար պետք էր, որ միանգամից լիներ, գոնե գումարի կեսը վճարվեր, կարողանային տեխնիկաները ուղարկել Աֆրիկա: Առաջինը դա է: Երկրորդը՝ ի հայտ են եկել Փայլակ Հայրապետյանի անձնական պարտքերը՝ 875 հզ դոլարի չափով, 1.5 միլիոնի թեմա էլ է առաջ եկել, Սուքիասյանն ասել է՝ չեմ կարող տալ, որ բիզնեսի փողերը տամ, հետո ի՞նչ է լինելու: Արդեն առաջացել են տարաձայնություններ, եւ նման խնդիրներով պայմանավորված՝ Փայլակը տարբեր մարդկանց հետ համաձայնության է եկել, Սուքիասյանին մեջտեղից հանել, բիզնեսը խլել, այդպես գործընկերը դարձել են «շունն ու կատու»:

- Իսկ Կճոյանի հետ հիմա ի՞նչ հարաբերություններ ունի Սուքիասյանը:

- Իմ իմանալով՝ ոչ մի հարաբերություն չկա այս պահին, նորմալ հարաբերություններ են եղել, լարված չեն եղել, բայց հիմա ոչ մի հարաբերություն չկա:

-ԱԱԾ հաղորդագրության մեջ նշվում է, որ ձեռք է բերվել Փայլակ Հայրապետյանին եւ նրա մերձավորներին պատկանող ավելի քան 11 միլիոն դրամի անշարժ գույքեր, որոնք գրավադրվել են բանկերից մեկում: Ի՞նչ անշարժ գույքերի մասին է խոսքը:

- Տարբեր շենք-շինություններ են եղել՝ վրան վարկեր կուտակած, որոնք Սուքիասյանը վճարել է, մաքրել է, այսինքն՝ պրոբլեմատիկ գույք է եղել, բայց Սուքիասյանի բիզնես-հեղինակությունից ելնելով՝ այդ գործարքը տեղի է ունեցել, եւ հետագայում բանկը, ինչպես Փայլակ Հայրապետյանի, այնպես էլ Աշոտ Սուքիասյանի գույքն է վերցրել: Նա էլ է իր գույքը գրավադրել ընդհանուր բիզնեսի համար: Ասում են՝ փողերի լվացում: Ի՞նչ փողերի լվացման մասին է խոսքը, երբ կազմակերպությունը վերցրել է 10 միլիոն դոլարի գումար, թեեւ 12 են գրում, բայց այդքան չի տրվել, դրանից բացի, ընդհանուր 20 քանի միլիոն գումար է շրջանառվել, որի կեսը եղել է Սուքիասյանի գույքի գրավադրման վարկային միջոցների հաշվին: Իսկ ո՞վ կարող է ասել՝ այդ շրջանառությունից որը ում գումարն է, որ մի հատ էլ գրեն՝ փողերի լվացում: Արհեստական ուռճացում է, իրականության հետ կապ չունեցող մեղադրանք: Պատճառն էլ նախկինում հրապարակվել է. պայմանավորված է Փայլակ Հայրապետյանի եւ Սաշիկ Սարգսյանի խնամիական հարաբերություններով. Փայլակի եղբոր աղջիկը թե թոռնուհին, թոռնուհին կարծեմ նշանվել էր Ալեքսանդր Սարգսյանի տղայի հետ: Երբ նշանվել են, Աշոտ Սուքիասյանին հետախուզում են տվել:

- Դա ի՞նչ կապ ունի այս գործի հետ:

- Երբ իմ ասած այդ քննչական պահանջներն էին ուղարկել Կիպրոս, պիտի դրանով պարզեին՝ ի վերջո ինչ է կատարվել, եւ այդ ժամանակ գործը կասեցվել էր անհաղթահարելի ուժի հիմքով, այսինքն՝ հնարավոր չէր ընթացը որոշել, մինչեւ չստանային քննչական պահանջների պատասխանները, իսկ երբ նշանդրեքը տեղի ունեցավ, 2012-13 թվականներին էր, օրերով բռնում են իրար հետ, վերաբացվեց, եւ Սուքիասյանին որպես մեղադրյալ ներգրավեցին, հետախուզում հայտարարեցին: Բա, էլ ի՞նչ փոխվեց, եթե այդ քննչական պահանջները չկան, իսկ կասեցման հիմքը դա էր, ինչի՞ հանկարծ որոշեցին հետախուզում հայտարարել:

Հիշեցնենք՝ Ազգային անվտանգության ծառայությունը օրերս հայտարարեց, որ Հայ Առաքելական եկեղեցու թեմերից մեկի առաջնորդական փոխանորդը 2010 թ.-ին իր հետ քավոր-սանիկական հարաբերությունների մեջ գտնվող անձի հետ (խոսքը Աշոտ Սուքիասյանի մասին է, -խմբ.) խարդախությամբ՝ իբրեւ Աֆրիկայի մայրցամաքում իրեն պատկանող ադամանդի հանքավայրերում 12 միլիոն ԱՄՆ դոլար գումարի չափով ներդրում կատարելու համար, շահագրգռել է ՀՀ ձեռնարկատերերից մեկին (խոսքը Փայլակ Հայրապետյանի մասին է,-խմբ.) ձեռք բերել նրան եւ նրա մերձավորներին պատկանող մի շարք անշարժ գույքերի նկատմամբ իրավունք, գրավադրել դրանք բանկերից մեկում, ինչի արդյունքում ստացել եւ անարգել տնօրինել է 9 միլիոն ԱՄՆ դոլար և 361.500.000 ՀՀ դրամ գումարի չափով վարկային միջոցների: Ըստ ԱԱԾ-ի՝ հանցավոր եղանակով ստացված եկամուտներն օրինականացնելու համար օգտագործվել է հանցավոր խմբի անդամների կողմից նախապես՝ 2010 թ. գարնանը, օֆշորային գոտում հիմնադրված ընկերությունը, որի 33 տոկոս բաժնեմասը պատկանել է եկեղեցու հիշյալ սպասավորին:

Աշոտ Սուքիասյանն այս գործի անջատված մասով մեղավոր էր ճանաչվել եւ դատապարտվել 16 տարվա ազատազրկման. ամիսներ առաջ, սակայն, Վերաքննիչ դատարանի որոշմամբ նա մասնակի արդարացվել էր: Դրա դեմ այժմ Դատախազությունը  վճռաբեկ բողոք է ներկայացրել:

Լուսանկարում՝ ձախից՝ Աշոտ Սուքիասյանը, Փայլակ Հայրապետյանը, Նավասարդ Կճոյանը

Տպել
3140 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում