Վստահեցնում եմ՝ որևէ քաղաքացի չի մնալու «Դոմոդեդովոյում», բոլորը վերադառնալու են. վարչապետի խոսնակ (տեսանյութ)

«Դոմոդեդովո» օդանավակայանում այս պահին գտնվում է 130 ՀՀ քաղաքացի: Քաղաքացիների մի մասը կտրականապես հրաժարվում է տեղափոխվել ՌԴ-ում ՀՀ դեսպանության տրամադրած հյուրանոցներ՝ պատճառաբանելով, որ հերթապահելու են օդանավակայանում այնքան ժամանակ մինչև կհայտարարվի հերթական թռիչքի մասին: Քաղաքացիները վստահեցնում են, որ մշտական տեսակապի մեջ են անձամբ ՌԴ-ում ՀՀ դեսպան Վարդան Տողանյանի հետ, ցուցակ են կազմել և փոխանցել դեսպանություն, սակայն տարածքը լքել չեն պատրաստվում:

ՀՀ վարչապետի մամուլի խոսնակ Մանե Գևորգյանը ՀԺ-ի հետ զրույցում հայտնեց, որ ՀՀ կառավարությունը և պարետատունը մշտական կապի մեջ են ՌԴ-ում ՀՀ դեսպանության հետ: «Մենք տեղյակ ենք, որ շուրջ 135 քաղաքացի այս պահին օդանավակայանում է և հրաժարվում է տեղափոխվել հյուրանոց: Ցանկանում եմ վստահեցնել, որ ձեռնարկվում են բոլոր հնարավոր քայլերը՝ մեր քաղաքացիներին հայրենիք վերադարձնելու ուղղությամբ: Հավատացնում եմ, որ որևէ քաղաքացի չի մնալու դրսում, բոլորը վերադառնալու են: Ընդամենը պետք է հաշվի առնել, որ Հայաստան վերադառնալ ցանկացողները միայն Մոսկվայում չեն գտնվում: Այլ քաղաքաներում ևս մեծաթիվ քաղաքացիներ կան, և այս աշխատանքը կրում է բարդ, ժամանակատար և փուլային բնույթ, որով մենք զբաղվում ենք: Խնդիրն այն է, որ օդանավակայանում չեն պահպանվում անվտանգության և սանիտարահիգիենիկ պայմանները, ինչը կարող է տեղի իրավապահների ուշադրությանն արժանանալ: Այդ իսկ պատճառով մենք ապավինում ենք մեր քաղաքացիների բարձր գիտակցությանը և հորդորում լքել օդանավակայանի տարածքը՝ խստորեն հետևելով տեղի առողջապահական կանոններին: Դեսպանությունը ցուցակագրել է բոլոր քաղքացիներին, որոնք ցանկություն ունեն վերադառնալ, և առաջիկա թռիչքի դեպքում նրանք կվերադարնան»:

«Դոմոդեդովո» օդանավակայանի մամուլի ծառայությունից ՀԺ-ին փոխանցեցին, որ օդանավակայանի անվտանգության ծառայությունը մշտական կապի մեջ է ՌԴ-ում ՀՀ դեսպանության հետ, իսկ ՌԴ իրավապահ մարմինների ներկայացուցիչները օդանավակայանի տարածքում ուշադրության տակ են պահում կարգ ու կանոնը:

ՌԴ-ում ՀՀ դեսպանությունից էլ հաղորդեցին, որ ստացել են օդանավակայանում գտնվող քաղաքացիների կազմած ցուցակը: Բացի այդ, օրերս ստեղծված օնլայն հարցաթերթիկի օգնությամբ նույնպես բազմաթիվ հայտեր են ստացվել, որոնք մշակման փուլում են: Առաջիկայում չվերթ պլանավորելու պարագայում քաղաքացիներին օպերատիվ տեղեկատվություն կհաղորդվի, և առաջնահերթություն ունեցողները կընդգրկվեն հնարավոր չվերթում:

Նաիրա Բաղդասարյան

Մոսկվա

Տպել
1776 դիտում

ՄԻԵԴ-ը Քոչարյանի գործով խորհրդատվական կարծիքը կհրապարակի մայիսի 29-ի առավոտյան

Մայիսի 28-ին քաղաքացիներին չի թույլատրվի այցելել Սարդարապատի հուշահամալիր

Հայտարարվել են Մ11-Ախպրաձոր ճանապարհի 2 հատվածների վերականգնման աշխատանքների մրցույթներ

ԱՀԿ-ն՝ COVID-19-ի տարածման, բուժման եւ արեւի, ճանճերի, պղպեղի, ասպիրինի, քլորի ու 5G ցանցերի կապի մասին

ՏՄՊՊՀ-ն պաշտպանիչ և բժշկական ձեռնոցների շրջանառության ոլորտում վարույթ է հարուցել մի շարք տնտեսվարողների նկատմամբ

Ակնալիճ գյուղի 56-ամյա բնակիչը ձերբակալվել է՝ համագյուղացուն դանակահարելու կասկածանքով

Ոստիկանությունը հորդորում է առաջիկա օրերին զերծ մնալ մասսայական միջոցառումներից

Փլուզման եզրին գտնվող տանիքը կվերականգնվի

ՀՀ նախագահի հրամանագրերով ԵՏՄ դատավորն ու Վճռաբեկ դատարանի քրեական պալատի նախագահը պարգեւատրվել են

Գույքահարկը առավելապես ավելանալու է այն գույքերի վրա, որոնք մենք անվանում ենք դղյակներ, ապարանքներ․ վարչապետ

Մանվել Շահվերդյանը Երեւանի առաջին ատյանի ընդհանուր իրավասության դատարանի դատավոր է նշանակվել

Հացադուլ դատախազության շենքի դիմաց. քաղաքացին պահանջում է գործին տալ իրավական ընթացք

Արմավիր քաղաքի «Դրիմ Գարդեն» ՍՊԸ գրասենյակի շենքի արտաքին պատի քարերը թուլացել են

Փոխնախարարը շփոթմամբ, վարչապետին ի պատասխան, դիմեց՝ «Ո՛չ, հարգելի՛ դատարան»

Բիզնես ստեղծելու գաղափար ունեցող սկսնակներին օժանդակություն կտրամադրվի․ կառավարությունը հաստատեց 19-րդ միջոցառումը

Բացառվում է, որ որեւէ մեկին բժիշկը հեռակա խորհրդատվությամբ կարող է դեղ նշանակել. ԱՆ խոսնակը հերքում է ԶԼՄ-ի հրապարակումը

Կապանում ձերբակալված չորրորդ քաղաքացին ազատ է արձակվել. մերժվել է նաեւ նրան կալանավորելու միջնորդությունը

Ադրբեջանից բռնագաղթած 112 ընտանիք կապահովվի բնակարանով․ կառավարությունը 2 մլրդ 169 մլն դրամ հատկացրեց

Վրաստանում մայիսի 29-ից կգործի ներքաղաքային հասարակական տրանսպորտը, հունիսի 1-ից՝ սրճարանները

Ճգնաժամի պայմաններում այս նախագծի ընդունումը կապիտալ շինարարության խթանման մեծ ազդակ կլինի․ վարչապետ