Գնահատման համակարգը չի աշխատում․ ԿԳՄՍՆ-ն նախագիծ է մշակել, ըստ որի՝ 1-4-րդ դասարաններում գնահատական չի նշանակվի

Գնահատման համակարգը չի աշխատում, երեխաներին չի հետաքրքրում՝ ինչ են ստանում. այսօր հրավիրված առցանց ասուլիսի ժամանակ ասել է ՀՀ կրթության, գիտության, մշակույթի եւ սպորտի նախարարի տեղակալ Ժաննա Անդրեասյանը։ Նա անդրադարձել է ուսումնական տարին միայն առկա ուսուցման արդյունքներով փակելու որոշմանը, ինչպես նաեւ խոսել այն մասին, որ սովորում են գիտելիքի, այլ ոչ թե թվանշանի համար։

«Գնահատականները հետաքրքրում են մեզ՝ ծնողներիս, հետաքրքրում են կրթական գործընթացի այլ մասնակիցներին։ Մենք փորձում ենք դա դրսեւորել իբրեւ պատժի մեխանիզմ՝ երեխային երկուս նշանակել կամ որեւէ այլ ցածր գնահատական»,- նշել է նա։

Նրա խոսքով՝ համակարգում խնդիրները շատ են։ Ինքն էլ ծնող է եւ տեղյակ, որ քիչ չեն իրավիճակները, երբ դպրոցներում ունենում ենք պարզապես թվանշաններ, որոնք բարդ է ասել, թե կապված են կրթական գործընթացի հետ։ Քիչ չեն ծնողները, որոնք տարեվերջին փորձում են ոչ ազնիվ ձեւով կարգավորել երեխայի գնահատականը։

Նշենք, որ այս հարցի հետ կապված որոշակի փոփոխություն առաջիկայում կիրականացվի։ ԿԳՄՍՆ նախագիծ է մշակել, ըստ որի՝ առնվազն 1-4-րդ դասարաններում աշակերտները չեն գնահատվի։ Կլինեն խրախուսման նոր մեթոդներ։

Այս մասին դեռ երեկ հայտնել էր ԿԳՄՍ նախարար Արայիկ Հարությունյանը՝ նշելով, որ տվյալ համակարգով երեխային գնահատականի փոխարեն կապում են գիտելիքի եւ կրթության հետ։

Նախագիծը շուտով կդրվի շրջանառության մեջ։

Առցանց ասուլիսի ժամանակ Անդրեասյանը նաեւ խոսել է ուստարին ամփոփելու հետ կապված որոշումների մասին։ Օրինակ՝ եթե աշակերտը չունի գնահատական մինչեւ մարտի 13-ն ընկած ժամանակահատվածում, այն ամփոփվելու է առաջին կիսամյակի արդյունքով։

Դպրոցականներին խրախուսելու միջոցներ նույնպես մշակվել են․ երբ գնահատականը լինի ամբողջ թիվ եւ գոնե մեկ ավելի նիշ, այն կկլորացվի եւ ամփոփված գնահատականը կլինի ի շահ աշակերտի։ Օրինակ՝ 6․1-ը կդառնա 7։

Թեեւ փորձագետ Սերոբ Խաչատրյանը եւս գնահատականների նշանակման վերաբերյալ նման վերաբերմունք ունի, կարծում է, որ մենք արդեն ունենք թվանշանի դերի ուռճացում, օրինակ՝ բուհ ընդունվելիս առաջնահերթությունը տրվում է ատեստատում բարձր թվանշան ունեցողին, եւ այսօր մարդկանց համոզել, որ գնահատականը չկարեւորեն, ճիշտ չի համարում․ դրա համար երկար տարիների աշխատանք է պետք։

«Երեխաները պետք է համոզվեն, որ Հայաստանը դարձել է մի երկիր, որտեղ մարդկանց գնահատում են գիտելիքով»։

Անդրադառնալով մինչեւ մարտի 13-ի գնահատականները հաշվի առնելուն՝ նշել է, որ թեեւ հասկանալի է՝ առաջարկվող լուծումներն իրավիճակային են, սակայն տրամաբանական կլիներ, որ ԿԳՄՍՆ-ն գնահատելու հարցում ուսուցիչներին վստահեր, ինչպես հեռավար դասընթացների սկզբում, եւ նշանակելու հարցը որոշելը թողներ նրանց։ Իրենք են թվանշաններ դրել, հիմա էլ թող որոշեն՝ ինչպես անել։

Ինչ վերաբերում է դասերին չմասնակցած աշակերտներին, փորձագետի պարզաբանմամբ, դասարաններում էլ շատ են դպրոցականները, որ կրթական հաստատություն հաճախում են, սակայն դասապրոցեսին չեն մասնակցում: Այնպես որ այդ խնդիրը եղել է։

Խոսելով հեռավար կրթության մասին՝ նշել է, որ այն իրագործվել է, աշակերտներն էլ՝ մասնակցել, սակայն բավական թվով երեխաներ հետ են մնալու ծրագրից։ Նրա խոսքով՝ ԿԳՄՍՆ-ն պետք է մտածի հատկապես 1-6-րդ դասարանցիների մասին։

Այնուամենայնիվ, նկատել է, որ հեռավար կրթությունը շատ լավ հնարավորություն էր նաեւ ուսուցիչների վերապատրաստման, նոր գիտելիքներ ստանալու, գիտելիքները հետագայում որոշակի գործիքներով կիրառելու տեսանկյունից.

«Ուսուցիչները, աշակերտները, դասախոսներն իրենց թվային գրագիտության մակարդակը շատ ավելի մեծ տեմպերով բարձրացրին, քան նախորդ տարիները միասին վերցված»։

Տպել
1335 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան