Ինչ են այսօրվանից անում հայ մարզիկները. հայկական սպորտը վերադառնում է կորոնավիրուսի առկայության պայմաններում

Շուրջ 1.5 ամիս կարանտինում անցկացրած հայկական սպորտը վերադառնում է: ՀՀ պարետատունն արտակարգ դրության պայմաններում վերացրել է որոշակի սահմանափակումներ, եւ պետական աջակցության ծրագրում ընդգրկված մարզական 35 ֆեդերացիաներին թույլատրվում է այսօրվանից՝ մայիս 4-ից, անցկացնել տարբեր տարիքային հավաքականների մարզումները եւ հավաքները՝ պահպանելով պարետատան ու Առողջապահության նախարարության ցուցումները: Հայաստանի համար հենակետային մարզաձեւերից 4-ն այս առումով տարբեր փուլերում են:

Մարմնամարզիկները, օրինակ, անմիջապես օգտագործել են հնարավորությունը եւ հենց այսօրվանից վերսկսել են մարզումները մարզադահլիճում: «Հայկական ժամանակ»-ի հետ զրույցում հավաքականի գլխավոր մարզիչ Հակոբ Սերոբյանը նշեց, որ մարզվում են՝ պահպանելով կանոնները, նաեւ ընդգծեց, որ մարզաձեւը կարանտինի պատճառով շատ է տուժել, ու ուրախ են, որ կարող են մարզվել, թեեւ դեռ չգիտեն՝ երբ ու ինչ մրցումներ կունենան: Երբ սահմանները բացվեն, ու հնարավորություն լինի, փորձելու են հնարավորինս շատ ուսումնամարզական հավաքներ անցկացնել:

Այսօրվանից Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցում մարզվում են արդյունքներ գրանցած պատանիներն ու երիտասարդները, ինչպես նաեւ մեծահասակների հավաքականի առաջատարները: Հատուկ ծրագրով մարզվում է նաեւ Համաշխարհային ուսանողական խաղերի կրկնակի չեմպիոն Արթուր Թովմասյանը (օղակներ), որը վերջերս ուսի վիրահատության էր ենարկվել:

Առաջիկա մրցումներն օգոստոսի վերջին են Բաթումիում: Թեեւ վրացիները տրամադրված են այն անցկացնելու, սակայն վերջնական որոշում չկա, միջազգային օրացուցային պլանում էլ հստակություններ չկան: Ըստ Սերոբյանի տեղեկությունների՝ ինչ-որ բաներ ավելի պարզ կլինեն մայիսի կեսերից հետո: Նա նշում է, որ միջազգային կառույցները մտածում են սեպտեմբեր, հոկտեմբեր ամիսներին մրցումներ նշանակելու մասին: Եթե Վրաստանի ստուգատեսը կայանա, մարմնամարզիկներն ավելի շուտ կգնան, հավաք կանցկացնեն ու կմասնակցեն դրան:

Հայ բռնցքամարտիկները մոտ են մարզումների վերադառնալուն: Դա կարող է տեղի ունենալ մոտակա 2-3 օրերի ընթացքում: ՀՀ հավաքականի գլխավոր մարզիչ Վահան Ադիլխանյանը ՀԺ-ին ասաց, որ Երեւանում ու մոտ մարզերում բնակվող բռնցքամարտիկները շուտով «Աշխատանք» մարզադպրոցում կվերսկսեն մարզումները: Հեռու մարզերում բնակվողները, ինչպես, օրինակ, Եվրոպայի չեմպիոն Արթուր Հովհաննիսյանը եւ Եվրոպայի կրկնակի չեմպիոն Հովհաննես Բաչկովը, կմնան Գյումրիում, կմարզվեն իրենց անձնական մարզիչների մոտ: Ինչ վերաբերում է ընդհանոր մարզման ժամանակ կորոնավիրոսի տարածման կանխարգելմանն ուղղված ցուցումներին, ապա բռնցքամարտը կոնտակտային մարզաձեւ է, եւ, ըստ Ադիլխանյանի, հեռավորություն պահպանելու կանոնի հետ կապված բարդ կլինի, սակայն իրենք կփորձեն մաքսիմալ զգույշ լինել, իսկ դահլիճն էլ պարբերաբար ախտահանվում է:   

Բռնցքամարտի միջազգային օրացույցում նույնպես անորոշություն է: Թե երբ կլինեն առաջիկա մրցումները, տեղեկություններ չկան: Հայ մարզիկները փորձելու են պահել մարզավիճակը՝ սպասելով նորությունների:

Ըմբշամարտում նույնպես մինչեւ հիմա մարզվում էին անհատական ռեժիմով, եւ ինչպես մյուս մարզիկները, նրանք էլ ժամանակ առ ժամանակ սոցցանցերում կիսվում էին իրենց կարանտինային մարզումների լուսանկարներով ու տեսանյութերով: Այստեղ, ի տարբերություն մարմնամարզության ու բռնցքամարտի, որոշակիությունն ավելի քիչ է: Խնդիրներից մեկը սոցիալական հեռավորություն պահպանելու հարցն է, ինչը հակասում է այս մարզաձեւի բնույթին: Ինչպես ՀԺ-ի հետ զրույցում նշեց ՀՀ ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը, չի պատկերացնում՝ ինչպես պետք է ըմբիշները ձեռնոցներով ու դիմակով մարզվեն:

Ամեն դեպքում, ամենայն հավանականությամբ նրանք էլ մոտ օրերս կվերսկսեն մարզումները: Ըմբշամարտի ֆեդերացիայի գլխավոր քարտուղար Արայիկ Բաղդադյանն ասաց, որ իր կարծիքով՝ դա կարող է տեղի ունենալ մոտ օրերս: Նշեց, որ միջազգային մրցումների առումով նորությունների են սպասում հունիսի 6-7-ից հետո: Մինչեւ այդ ըմբիշները կփորձեն անհրաժեշտ մարզավիճակի գալ, հունի մեջ մտնել, եւ եթե ամեն ինչ նորմալ ընթանա, մայիսի 20-ից հետո նաեւ հավաքներ անցկացնել:

Հայկական ծանրամարտի ծրագրերի վերաբերյալ նորություններ չկան: Ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանը մարզումների վերաբերյալ հարցերին պատասխաններ չունի: Ծանրորդները նույնպես այս ընթացքում անհատական մարզումներ են արել, իսկ թե ինչ է լինելու սահմանափակումները վերացնելուց հետո, հայտնի չէ: ՀԺ-ի հետ զրույցում Ալավերդյանն ընդգծեց, որ այս թեմայով ասելիք չունի:

Պարետատան սահմանած կանոնների համաձայն՝ մարզադահլիճներում հաճախակի հպման մակերեսները, լոգարանները, հանդերձարանները պետք է պարբերաբար ախտահանվեն: Անհրաժեշտ է նաեւ ապահովել, որ մարզիկների կուտակումներ չլինեն:

Մարզաձեւերից Հայաստանում առաջինը վերադարձել է ֆուտբոլը: Ակումբները մարզումներն ապրիլի 23-ից վերսկսելու հանարվորություն են ստացել:

Հայ մարզիկների շրջանում հայտնի է կորոնավիրուսով վարակման 1 դեպքի մասին: Վարակվել էր Հովհաննես Բաչկովը, որն արդեն ապաքինվել է: Նա թիմակիցների հետ մասնակցել էր մարտի սկզբին Լոնդոնում մեկնարկած Տոկիո 2020-ի վարկանիշային մրցաշարի, որը կիսատ մնաց կորոնավիրուսի տարածման պատճառով, և մարզիկները վերադարձան:

Տպել
556 դիտում

Գեղարքունիքում հաստատվել է կորոնավիրուսի 49 նոր դեպք, 10 մարդ առողջացել է. մարզպետ

Ո՛չ, մենք չենք պատրաստվում ձախողել․ Սուրեն Պապիկյանը՝ Արկադի Խաչատրյանին

«Իմ քայլը» հիմնադրամի նախաձեռնությամբ մեկնարկեց «Հանրակրթական դպրոցներում առողջ ապրելակերպի խթանում» ծրագիրը

Բացահայտվել է զորակոչից խուսափելու համար 3000 դոլար կաշառք տալու դեպք. հարուցվել է քրեական գործ. ԱԱԾ

ԱԺ-ում կառավարության հետ հարցուպատասխանի ժամ է․ հերթագրվել է 34 պատգամավոր

Աշխատանքի և սոցիալական հարցերի նախարարությունը և «Հայ առաջադեմ երիտասարդություն» ՀԿ-ն ստորագրել են փոխըմբռնման հուշագիր

Փարիզը կարող է հրաժարվել 2024թ. օլիմպիական խաղեր անցկացնելուց

Կստեղծվի Փաստահավաք հանձնաժողով՝ 9 անդամով. կուսումնասիրվեն 1991-ից մինչեւ հեղափոխությունը տեղի ունեցած իրավախախտումները

ԲՀԿ-ն ակնարկում է՝ իշխանությունը վախենում է հանրաքվեն անցկացնել, «Իմ քայլը» արձագանքում է՝ ժամը մեկ կարող ենք անցկացնել

IDBank-ը պետական ֆինանսավորմամբ հատուկ ծրագրի շրջանակում նվազեցրել է ուսանողական վարկերի տոկոսադրույքը

ՄԻԵԴ-ը Քոչարյանի գործով խորհրդատվական կարծիքը կհրապարակի մայիսի 29-ի առավոտյան

Մայիսի 28-ին քաղաքացիներին չի թույլատրվի այցելել Սարդարապատի հուշահամալիր

Հայտարարվել են Մ11-Ախպրաձոր ճանապարհի 2 հատվածների վերականգնման աշխատանքների մրցույթներ

ԱՀԿ-ն՝ COVID-19-ի տարածման, բուժման եւ արեւի, ճանճերի, պղպեղի, ասպիրինի, քլորի ու 5G ցանցերի կապի մասին

ՏՄՊՊՀ-ն պաշտպանիչ և բժշկական ձեռնոցների շրջանառության ոլորտում վարույթ է հարուցել մի շարք տնտեսվարողների նկատմամբ

Ակնալիճ գյուղի 56-ամյա բնակիչը ձերբակալվել է՝ համագյուղացուն դանակահարելու կասկածանքով

Ոստիկանությունը հորդորում է առաջիկա օրերին զերծ մնալ մասսայական միջոցառումներից

Փլուզման եզրին գտնվող տանիքը կվերականգնվի

ՀՀ նախագահի հրամանագրերով ԵՏՄ դատավորն ու Վճռաբեկ դատարանի քրեական պալատի նախագահը պարգեւատրվել են

Գույքահարկը առավելապես ավելանալու է այն գույքերի վրա, որոնք մենք անվանում ենք դղյակներ, ապարանքներ․ վարչապետ