Վերջին 2 օրվա ընթացքում Աղստեւ գետի մակարդակում միջինում 55 սանտիմետր տարբերություն է եղել. մարզպետ

Արդեն մի քանի օր է՝ Աղստեւ գետը վարարում է, ինչը վնաս է հասցրել հարակից մի շարք հանգստյան գոտիներին։ «Հեքիաթ» հանգստյան գոտու սեփանակատեր Սամվել Մատինյանն օրեր առաջ հայտարարել է, թե Աղստեւի վիճակը պայմանավորված է ԱԺ նախկին պատգամավոր, գործարար Խաչատուր Քոքոբելյանի կողմից ՀԷԿ կառուցելու ժամանակ նորմերի չպահպանմամբ։ Երեկ էլ Տավուշի մարզի Լուսաձոր եւ Խաշթառակ գյուղերի մի քանի բնակիչներ փակել էին Երեւան-Իջեւան-Նոյեմբերյան ավտոճանապարհը՝ պնդելով, որ Աղստեւի վարարումը պայմանավորված է Քոքոբելյանի ՀԷԿ-ի կառուցմամբ։

Տավուշի մարզպետ Հայկ Չոբանյանի խոսքով՝ Աղստեւ գետի մակարդակը միջինում շուրջ 1 մետր բարձր է եղել նորմատիվից. «Ասեմ, որ այդպիսի վարարում վերջին անգամ եղել է 1998 թվականին։ Սա լրացուցիչ ահազանգ է այն առումով, որ մենք պետք է նաեւ մտածենք, թե հետագա տարիներին ինչպես անենք, որ սրա արդյունքում գործարարներին վնաս չլինի»,- ՀԺ-ի հետ զրույցում ասաց մարզպետը։

Չոբանյանը նշեց, որ գետի վարարումն առաջացել է հիմնականում վերջին օրերի անձրեւների հետեւանքով. «Վերջին 2 օրվա ընթացքում գետի մակարդակում միջինում 55 սանտիմետր տարբերություն է եղել»։

Խոսելով բողոքների եւ դժգոհությունների մասին մարզպետը պատմեց, որ «Հեքիաթ» հանգստյան գոտու սեփականատեր՝ Սամվել Մատինյանի եւ «Կոկ էներջի» ընկերության բաժնետեր Խաչատուր Քոքոբելյանի միջեւ վեճ է եղել։

«Երբ ես դեռ նոր էի նշանակվել մարզպետ 2 կողմերին էլ հրավիրեցի եւ առաջարկեցի, որ եթե վեճ ունեն՝ արբիտրաժային կարգով լուծեն, քանի որ 2-ն էլ գործարար են։ Ըստ հանգստյան գոտու տիրոջ՝ ՀԷԿ-ի կառուցման ժամանակ շինարարական նորմաներում թույլ են տրվել խախտումներ, որն էլ կարող է պատճառ լինել հեղեղումների»,- մանրամասնեց Չոբանյանը։

Նա ընդգծեց՝ ՀԷԿ-ը կառուցվել է 2013 թվականին, սակայն մինչեւ 2019 թվականը որեւէ հարց ու պատասխան չի եղել դրա վերաբերյալ. «2019-ին առաջին անգամ ես եմ անդրադարձել թեմային՝ բողոքի հիման վրա»։

Չոբանյանը նշեց, որ գործարարները համաձայնության չեն եկել եւ 2019-ի մայիս ամսին նա հանձնաժողով է ստեղծել՝ ուսումնասիրություն են անցկացրել եւ որոշակի սանկցիաներ են կիրառել համայնքների ղեկավարների նկատմամբ, որովհետեւ իրենց պարտականությունների շրջանակներում էր այդ գործընթացը կազմակերպելը։

«Դրանից հետո մենք այդ փաստաթղթերը ուղարկեցինք ՀՀ դատախազություն։ 2019-ի հուլիս ամսից այդ բողոքի շուրջ, որի մասին այս օրերին խոսվում է՝ դատախազությունում գործ է հարուցվել։ Ավելին՝ մենք ամեն ինչ արել ենք շատ օպերատիվ՝ այդ խնդիրները լուծելու համար։ Բոլոր հայտարարությունները կապված մարզպետարանի անգործության հետ՝ հերյուրանք է»,- ասաց նա։

Մարզպետը համոզված է, որ շուտով խնդրի վերաբերյալ դատախազության եզրակացությունները կլինեն։

Անդրադառնալով երեկվա բողոքին Չոբանյանը նշեց, որ դա Մատինյանի կողմից էր կազմակերպված, իսկ մասնակիցները նրա շրջապատից են եղել։

Նա ասաց, որ ճանապարհ փակելը քայքայիչ գործողություն է, որն իրենք թույլ չեն տա երբեւէ. «Ի դեպ ասեմ, որ երեկ ճանապարհը փակվել է 1 րոպեով ոչ թե 1 ժամով ինչպես գրել են։ Ճանապարհը փակելու փորձ է եղել եւ այդ փորձը կատարողի նկատմամբ վարչական վարույթ է հարուցվել եւ նա սահմանված կարգով անպայման կտուգանվի։ Այլեւս միջպետական ճանապարհ ՀՀ-ում՝ գոնե Տավուշի մարզում չի փակվելու»։

Խոսելով գետի վարարման եւ Խաչատուր Քոքոբելյանի ՀԷԿ-ի առնչության մասին, Չոբանյանը ասաց. «Կա Փորձաքննությունների ազգային բյուրո, որը պետք է ուսումնասիրություն կատարի եւ եզրակացություն տա։ Եթե ես հիմա ասեմ՝ կապ կա կամ չկա, դա սխալ կլինի։ Մասնագիտացված կազմակերպությունը պետք է պատասխան տա, թե որքանով է այս իրավիճակի պատճառը ՀԷԿ-ը»։

Նրա խոսքով՝ ինքն իր գործողությունները լիարժեքորեն իրականացրել է. «Որեւէ մեկը ո՛չ ՀԷԿ-ն է գնալու քանդի եւ ո՛չ էլ մյուս գործարարի բիզնեսը։ ՀՀ-ում ամեն ինչ կատարվելու է օրենքով սահմանված կարգով։ Մարդիկ հիմա սպասում են զոռբայության, երբ որ մենք ուղղակի նախասիրություններից ելնելով կարող ենք օրենքը խախտել եւ ուղղակիորեն ազդել որեւէ պրոցեսի վրա։ Կա օրենսդրությամբ սահմանված ընթացք, որեւէ այլ ընթացք չի կարող լինել տվյալ վեճի վերաբերյալ։ Ես խորհուրդ եմ տալիս դժգոհողներին դիմել դատախազություն եւ այնտեղից տեղեկանալ գործի ընթացքի մասին»։

Մարզպետը նշեց, որ վերջին օրերին ուսումնասիրություն են կատարել եւ առնվազն 4 հանգստյան գոտիներում վնասներ են արձանագրվել։ «Բայց այստեղ եւս հետազոտության կարիք կա։ Չի բացառվում, որ ժամանակին չի պահվել նեյտրալ գոտու օրենքով սահմանված պայմանը։ Ես հիմա չեմ կարող ասել՝ այդ կազմակերպությունները պահել են դրանք, թե ոչ։ Եթե պարզվի, որ չեն պահել՝ ապա այդ գործերը եւս կփոխանցվեն համապատասխան գերատեսչություններին»,- ասաց Չոբանյանը։

Տպել
572 դիտում

ԵՊՀ հոգեբանության մասնագիտական խորհուրդը անցկացնելու է թեկնածուական ատենախոսությունների պաշտպանություններ

Որոշ մարդկանց մտքով անցավ, որ նա պետք է զբաղվի քաղաքականությամբ. Հ. Հակոբյանն Ա. Վանեցյանի այսօրվա հայտարարության մասին

Այսօր վարչապետի ճեպազրույցին մասնակցելու է կորոնավիրուսից ապաքինված քաղաքացի

Իսպանիայում ֆուտբոլային խաղերը վերսկսելուց հետո հնարավոր է՝ երկրպագուներին թույլատրեն մարզադաշտ գնալ

Վարակակիր զինծառայողների հիմնական մասը պայմանագրային եւ սպայական կազմից է․ Գաբրիել Բալայան

Կառավարությունը փոփոխություններ է առաջարկել գույքահարկի մասին օրենքում

«Մեյմանդար» կոչվող շուկայում տեղի ունեցած խուլիգանության կասկածանքով երկու անձ է ձերբակալվել. ՔԿ

Խորհրդարանական պետությունը չի ձեւավորվում թղթի վրա, այն ձեւավորվում է իրական կյանքում․ Վլադիմիր Վարդանյան

Թուրքիայում ապրող 16-ամյա Դավիթը արդեն հինգ տարի դպրոց չի հաճախում. նա ստիպված է աշխատել

ԱԺ նախագահը կառավարության ներկայացուցչին հորդորեց պահպանել ԱԺ ներքին հարցերին չմիջամտելու ավանդույթը

Հայտարարվում է Պետական աջակության 17-րդ միջոցառման երրորդ՝ Համաֆինասնավորման դրամաշնորհների ծրագրի մեկնարկի մասին

ԱՄՆ-ում Ջորջ Ֆլոյդի սպանությունից հետո համաշխարհային սպորտի աստղերը միացել են ռասիզմի դեմ պայքարին

Վարչապետին պարզաբանումներ են ներկայացվել Քաղավիացիայի ոլորտում տեղի ունեցող գործընթացների վերաբերյալ

Որքան արագ միասին համախմբվենք, այնքան ավելի արագ կհաղթահարենք այս փորձությունը. Արման Թաթոյան

Արթուր Գեւորգյանի նկատմամբ ընտրված խափանման միջոց կալանավորումը չի վերացվի. պաշտպանի վերաքննիչ բողոքը մերժվել է

ՓՊ հանրային պաշտպանի գրասենյակը և փաստաբանական դպրոցն իրականացնում են անվճար իրավաբանական օգնություն

Սահյանի ծննդավայրում գիշերներն արդեն լուսավորվել են

ՀՖՖ նախագահը հանդիպել է Արցախի նախագահին. ֆուտբոլի զարգացումը Ա. Հարությունյանի ուշադրության կենտրոնում է

Պատգամավորներն առաջարկում են բարձրացնել ԱԺ մշտական հանձնաժողովների հաշվետվողականությունը

Առաջին դասարանցու փաստաթղթերը դպրոց առձեռն չհանձնելու դեպքում հայտագրումը չի չեղարկվում