Մանկապարտեզի տնօրենի գրառումը քննադատությունների է արժանացել․ փոխքաղաքապետը հորդորել է պահպանել քաղաքական կոռեկտություն

Ազգային ժողովում օրեր առաջ տեղի ունեցած միջադեպին Երեւանի մանկապարտեզներից մեկի տնօրենի անդրադարձը քննադատությունների առիթ է դարձել։ Հաստատության ղեկավարն իր ֆեյսբուքյան էջում հրապարակել է վիդեո հոլովակ, որտեղ Ազգային ժողովի «Իմ քայլը» խմբակցության պատգամավոր Սասուն Միքայելյանն ապտակում է «Լուսավոր Հայաստան» խմբակցության ղեկավար Էդմոն Մարուքյանին եւ գրել․ «Չափալախն ինֆորմացիայի փոխանցման միջոց է»։

Բռնությունը կարծես թե արդարացնող մասնագետի վերաբերյալ, նորից ֆեյսբուքյան գրառմամբ, առաջինը տեղեկացրել է Երեւանի ավագանու «Լույս» խմբակցության ղեկավար Դավիթ Խաժակյանը։

«Գիտե՞ք ինչու է ՄԱՆԿԱՊԱՐՏԵԶԻ ՏՆՕՐԵՆԸ այդպիսի նախադասություն գրում, որովհետեւ նա դարձել է մանկապարտեզի տնօրեն իր քրոջ ամուսնու՝ Երեւանի իմքայլական քաղաքապետի տեղակալի միջնորդությամբ»,- գրել է Խաժակյանը՝ հավելելով, որ քաղաքապետի տեղակալը կարող է ցույց տալ քաղաքապետին, թե իր կնոջ քույրն ինչպե՞ս է արդարացնում ԱԺ-ում տեղի ունեցածն իր կարգավիճակում՝ մանկապարտեզի տնօրենի դերում։

Խաժակյանը չի բացահայտում թե մանկապարտեզի համարն ու դրա տնօրենի անունը եւ թե այն փոխքաղաքապետին, որին նկատի ունի:  

Նրա գրառմանն արձագանքել է նաեւ ԱԺ «Լուսավոր Հայաստան» խմբակցության պատգամավոր Անի Սամսոնյանը՝ նշելով, որ տնօրենի գրառման շքրինշոտը (լուսանկար) անպայման կուղարկի համապատասխան մարմիններին. եթե մանկապարտեզի տնօրենն ապտակը համարում է տեղեկատվության փոխանցման միջոց, ապա վտանգավոր է երեխաների համար։

Մեզ հետ զրույցում Դավիթ Խաժակյանն ասաց, որ հաստատության անվանումը դիտավորյալ չի նշել․ չարժե դրա անվան հետ կապել։ Երեւույթը, ըստ նրա, նկարագրել է, անհրաժեշտ տեղեկատվությունն էլ փոխանցել Երեւանի քաղաքապետարանին։

Չնշելով անունը՝ նա հավելեց, քանի որ խնդրի մասին քաղաքապետարանում տեղյակ են, ավելի լավ է՝ հարկ համարելու դեպքում՝ իրենք հայտնեն։

Քաղաքապետի մամուլի քարտուղար Հակոբ Կարապետյանը մեզ հայտնեց, որ խոսքը, եթե չի սխալվում, Երեւանի հ․ 85 մանկապարտեզի մասին է, իսկ հարցի վերաբերյալ դիրքորոշում կարող ենք համարել փոխքաղաքապետ Տիգրան Վիրաբյանի ֆեյսբուքյան գրառումը։ Այն հարցին, թե ի՞նչ քայլեր են ձեռնարկվելու հարցի հետ կապված, նշեց, որ գրառման մեջ կա նաեւ զգուշացում։ Այն, ըստ Կարապետյանի, թեեւ ընդհանրական է, անձնավորված չէ, բայց արտահայտում է ընդհանուր դիրքորոշումը։

Անդրադառնալով այն հարցին, թե վերոնշյալ մանկապարտեզի տնօրենը քաղաքապետի տեղակալի միջնորդությա՞մբ է պաշտոնը զբաղեցրել, Հաոբ Կարապետյանն ասաց, թե չգիտի՝ ում մասին է նշում Խաժակյանը, սակայն որեւէ մեկի ազգական լինելով չի պայմանավորվում պաշտոն զբաղեցնելը կամ դրանից ազատեվլը։ Պաշտոնները զբաղեցնում են՝ միայն գիտելիքներն ու ունակությունները հաշվի առնելով։

Նշենք, որ Խաժակյանի հրապարակումից հետո փոխքաղաքապետ Տիգրան Վիրաբյանի գրառումը չուշացավ։ Քաղաքային ենթակայության կրթարանների մանկավարժներին, հատկապես՝ նախադպրոցական հաստատությունների աշխատակիցներին նա խստիվ հորդորել է պահպանել քաղաքական կոռեկտությունը, իրենց հանրային պաշտոնը չշփոթել քաղաքացիական ակտիվիստի կոչման հետ:

«Խնդրում եմ չմոռանալ, որ մենք ծառայում ենք բոլորին՝ անկախ որեւէ նախասիրությունից, եւ այդ իմաստով քաղաքական ելույթներն անթույլատրելի են, առավելեւս, անթույլատրելի է որեւէ դիրքորոշում, որը կարող է մեկնաբանվել իբրեւ բռնության արդարացում»,- նշել է Վիրաբյանը։

Տպել
5238 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան