Խնդրում ենք տվյալ դատավորներին ենթարկել պատասխանատվության. Գյումրու ավագանու ուղերձը ԲԴԽ-ին

Գյումրու ավագանին այսօրվա նիստում քննարկել և առաջին անգամ համայնքի գույքային, նյութական շահերի պաշտպանության հետ կապված ուղերձ է հղել ԲԴԽ-ին: Խնդիրը կապված է դատական 3 գործերի տարիներով ընթացած քննության և վճիռների հետ առկա անհամաձայնություններին:

«Համայնքը 3 դատական գործերի հետ կապված չի հասել այնպիսի արդարության, որը կլիներ գոհացուցիչ: Գյումրու ավագանին դիմելով ԲԴԽ-ին բողոք է հայտնում իրականացված դատաքննություների ընթացքի և կայացված վերջնական օրինական ուժի մեջ մտած դատական ակտերի դեմ՝ խնդրելով կարգապահական վարույթ հարուցել տվյալ գործերը քննած դատավորների նկատմամբ, քննել գործերը և պատասխանատվության ենթարկել նրանց»,-ելույթի իր խոսքում ասաց ավագանու անդամ Լևոն Բարսեղյանը:

Ներկայացված ուղերձում ասված է հետեւյալը. «Հայաստանի Հանրապետության բարձրագույն դատական խորհրդի քննությանն ենք ներկայացնում թվով երեք դատական գործեր, որոնց արդյունքում կայացված համայնքի շահերից չբխող, անհամաչափ, ոչ օբյեկտիվ կերպով կայացված իրավական ակտերի իրականացման դեպքում համայնքը կկրի ոչ մի կերպ չարդարացված գույքային և ֆինանսական կորուստներ: Ըստ էության, փաստորեն, անհատ անձանց քմահաճույքները և նյութապաշտական նկրտումները վեր են դասվել համայնքի բնակչության օրինական շահերից:

Վերոգրյալ թվով երեք դատական գործերի դատավորները փաստորեն խախտել են Հայաստանի Հանրապետության դատավորների ընդհանուր ժողովի 2016 թվականի փետրվարի 19-ի թիվ 1 որոշմամբ հաստատված դատավորի վարքագծի կանոնների մի քանի դրույթները:

Ի դեպ, մենք համարում ենք, որ դատական գործերի քննությունների ձգձգումներն ակնհայտ մերժման հիմքերի առկայության դեպքում արդարացնող պատճառաբանություն չէ դատարանների ծանրաբեռնվածության հանգամանքը: Տարիներ շարունակ տևած դատական գործընթացը եզրափակող դատական ակտի կատարման անհնարինությունը խոսում է դատական թերի քննության մասին: Այսինքն կայացվել է որոշում, որը կատարել հնարավոր չէ:

Անհրաժեշտ ենք համարում դատավորների կողմից գործերի քննության համար սովորաբար կիրառվող պրակտիկան բարելավելը, հատկապես նիստերը հետաձգելու և առերևույթ պատճառաբանված դատական ակտերի պատրանք ստեղծելը պետք է բացառվի մեր երկրում: Համարում ենք, որ այս դեպքերով կարգապահական վարույթները կնպաստեն դատական համակարգի նկատմամբ հանրության վստահության բարձրացմանը»:

ԲԴԽ-ին ուղղված ուղերձում մատնանշված դատական գործերից առաջինը վերաբերում է Գյումրու Սերգեյ Համբարձումյան փողոցում գտնվող (նախկին Պուշկինի փողոց) Կենտրոնական գրադարանի մի հատվածը մասնավոր անձի կողմից զբաղեցնելու  տարածքը չազատելու հետ: Գրադարանը համայնքապատկան է, տարածքը ևս:  «Համայնքն ունի սեփականություն այդ գույքի նկատմամբ: Այս վեճը տարիներով դատարանում, լսվել-լսվել, ձգձգվել, և էստ էության ձեռագրի անընթեռնելի կամ սխալ ընթերցելու հետ կապված հնարավոր չէ այդ գույքն ազատել: Ծաղրի նման է հնչում»,-հայտարարեց Լևոն Բարսեղյանը:

Քաղաքապետ Սամվել Բալասանյանն էլ  ասաց, այս հարցով ստիպված են դիմել ԲԴԽ-ի օգնությանը, քանի որ այլ ելք այլևս չկա: «Ընդամենը 1 հատ 34 և 35 հասցեի հետ կապված խնդիր է: Հին ձեռագիր է եղել, դատավորն ասում է, սա 34 է, երբ որ հստակ գրած է 35: Գրադարանն էլ կա, ակնհայտ կանգնած է: Համբարձումյան փողոցի վրա հստակ գրադարանի շենքն է: Մենք բոլորս տեսնում ենք, բայց դատավորը չի տեսնում: Դրա համար 2012 թվականից մինչև 2020 թվականը պայքարեցինք, վերջում հարկադիր կատարողը գնաց, որ պետք է հանեին, նույնիսկ մենք բնակարան առաջարկեցինք, բայց մարդը դուրս չեկավ»:

Սրանով Գյումրու համար շատ կարևոր ծրագիր կյանքի չի կոչվել: Տարածքը, որը վեճի առարկա է, պետք է վերանորոգվեր Համաշխարհային բանկի միջոցներով ը ծառայեր որպես թանգարան: Այնտեղ ցուցադրվելու էին քանդակագործ Ֆրիդ Սողոյանի աշխատանքները: Ֆրիդի որդիները խոստացել էին դրանք նվիրել քաղաքին: Դատական պրոցեսի պատճառով, սակայն, ծրագիրը հետաձգվել է:

Երկրորդ դատական գործը վերաբերում է Գյումրու քաղաքապետարանի նախկին աշխատակից  Յաշա Պողոսյանի հայցին: Նրան աշխատանքից ազատվել է 2017 թվականին, այնուհետ հաստիքը լուծարվել է: Պողոսյանը դիմել է դատարան և պահանջել, որ  դատարանը քաղաքապետի որոշումը համարի անվավեր, իրեն վերականգնի նախկին աշխատանքում և բռնագանձի հարկադիր պարապուրդի համար նախատեսված գումարը: «Ու  ստացվել է այնպես, որ դատարանի վճռով շարունակ, անհասկանալի ժամկետով համայնքը ցմահ պետք է վճարի նրա աշխատավարձը»,-հայտարարեց Բարսեղյանը:

Ըստ Սամվել Բալասանյանի, իրենք Յաշա Պողոսյանին առաջարկել են դառնալ խորհրդական, աշխատել  ավելի բարձր աշխատավարձով: Վերջինս չի համաձայնել: «Գերադասեց,  որ դատի տա, տունը նստի և մեզանից փող տանի: Իհարկե, այդ գումարը կարող էր ստանալ մեկ տարվա կամ 6 ամսվա ընթացքում, սակայն դա տևեց 3 տարի՝ 2017-ից 2020 թվականը: Շատ պայքարեցինք: Վարչական դատարանում մի դատավոր ունենք, անունը չեմ ուզում տալ, 1 տարի տևեց, որ առաջին ատյանից էդ գործը նորից հասնի վարչական դատարան: Էդ մեկ տարվա համար նորից վճարում է արել համայնքը»,-տեղեկացրեց քաղաքապետը:

Դատական երրորդ գործը վերաբերում է Արա Մանուկյանի հայցին է: Քաղաքացուն պատկանող կրպակը 1988--ից հետո տեղադրվել է Գյումրու Տիգրան Մեծ փողոցում՝ քաղաքի գլխավոր հատակագծով ընդհանուր օգտագործման տարածք հանդիսացող հատվածում: Այն, ըստ քաղաքապետի, խոչընդոտում է իրականացվող բարեկարգման աշխատանքներին: Նաև տարածքի բնակիչներն են կրպակը հեռացնելու պահանջ դրել: Այն տարածքից հեռացնելու համար Գյումրու քաղաքապետարանը դատական հայց էր ներկայացրել, որն առաջին ատյանի դատարանում լուծվել էր՝ հօգուտ սեփականատիրոջ: Այս քայլով Գյումրու այդ հատվածում ձախողվել է ՎԶԵԲ-ի վարկային ծրագրով նախատեսված աշխատանքների իրականացումը:  

Այս երեքից բացի այլ գործեր էլ կան: Դրանց մասին քաղաքապետն ասաց, կխոսեն հետագայում: Ավագանու անդամ Լևոն Բարսեղյանն էլ ընդգծեց. «Սա ուղերձ է  ոչ թե մեր համաքաղաքացիների դեմ, այլ հենց դատական համակարգում աշխատող դատավորների դեմ: Այլ բան մտածել չլինի»:

Տպել
1881 դիտում

Արամը սա էլ կհաղթահարի. արդեն ութ ամիս հիվանդանոցում գտնվող երիտասարդը արտերկրում բուժման կարիք ունի

Մհեր Գրիգորյանը նոր խորհրդական է նշանակել ու նրան գործուղել ԱՄՆ

Արթուր Բազեյանը նաև ճանաչվել է Եվրոպայի առաջնության լավագույն բռնցքամարտիկ

Ուրախ կլինեմ շարունակել համատեղ աշխատանքները. Էմանուել Մակրոնը շնորհավորել է Նիկոլ Փաշինյանին

Հալաբյան փողոցում գիշերն ապամոնտաժվել է հերթական ապօրինի կառույցը

Արժույթները նվազել են. Կենտրոնական բանկը սահմանել է նոր փոխարժեքներ

Երևանում ու 6 մարզերում էլեկտրաէներգիայի մինչև 6-ժամյա անջատումներ կլինեն

ԱՄՆ-ն ու Թուրքիան բանակցում են Քաբուլի օդանավակայանի պաշտպանությունը թուրքերին հանձնելու հարցով

Հրդեհ Մասիս քաղաքի աղբավայրում. մեկնել է 3 հրշեջ խումբ

Ստեփանակերտում այսօր 7 ժամ ջուր չի լինի

Հաղթանակ՝ նոկաուտով. բռնցքամարտիկ Արթուր Բազեյանը հռչակվել է Եվրոպայի չեմպիոն

Բրյուսելում մեկնարկել է Եվրամիության երկօրյա գագաթնաժողովը. քննարկվող թեմաները հայտնի են

3 բուհի խորհուրդների ձեւավորման ընթացքը կանգ է առել. նախարարությունը սպասում է Սահմանադրական դատարանի որոշումներին

Ռոսաստանի Գվարդիայի ուղղաթիռը կործանվել է․ երեք հոգուց բաղկացած անձնակազմը զոհվել է

ՄԻՊ-ը Ադրբեջանի նախագահի և Թուրքիայի առաջին տիկնոջ միջև խոսակցության տեսանյութն ուղարկել է ԵՄ բարձրագույն ղեկավարությանը

Թամանյանական ոճով կառուցված Հայթաղ համայնքի մշակույթի տունն առաջին անգամ կվերանորոգվի

Քննարկվել են Հայաստանում պղնձի արտադրությանը վերաբերող հարցերը

Ռուսաստանի եւ Թուրքիայի նախագահները քննարկել են Լեռնային Ղարաբաղի շուրջ ստեղծված իրավիճակը

Խնդրում եմ զերծ մնանք բնության հաշվին կոնկրետ ոլորտ զարգացնելուց. Պետրոսյանը՝ «Sevan Startup Summit 2021»-ի մասին

Դատախազությունն արձագանքել է Չարչյանի հարցով հանրությանն ակնհայտ մոլորության մեջ գցելուն միտված անհիմն պնդումներին

Արտաշատի քաղաքային մարզադաշտում աթլետիկայի վազքուղի կկառուցվի

Քանաքեռավան գյուղում այրվում է խոտածածկ տարածք․ հայտարարվել է հրդեհի բարդության «1-Բիս» կանչ

Վարանդայի (Ֆիզուլի) շրջանում ևս մեկ աճյուն է հայտնաբերվել

Պարույր Սևակ գյուղի մոտակայքում այրվել է մոտ 60 հա խոտածածկ տարածք

«Իզմիրլյան» ԲԿ-ի աշխատակիցները ցուցմունք են տվել, Չարչյանը շարունակում է մնալ հիվանդանոցում. պաշտպան

Հայաստանում ընտրության արդյունքներից դժգոհները իրենց չարացածությունը փորձում են պարպել Ստեփանակերտում. քաղաքագետ

Երեւանում կտեղադրվի System of a Down (SOAD) խմբի անդամների քանդակը

ԿԸՀ-ն վերահաշվարկել է եւս 16 տեղամասերի քվերակության արդյունքները

Նիկոլ Փաշինյանը հանդիպել է «Տաշիր» ընկերությունների խմբի նախագահ Սամվել Կարապետյանի հետ

Գործարկվելու է Դողս համայնքի շչակը

Փողոցում վաճառվող ծիրանից թունավորումներ են լինում. թաղապետարանի աշխատողները Մաշտոցի պողոտայից հանում էին առևտրականներին

«Ինչո՞ւ չեք պահպանում Կեսարիայի Սուրբ Թորոս հայկական եկեղեցին». Փայլանը՝ թուրք նախարարին

Ռուսաստանում ԱՄՆ դեսպան Ջոն Սալիվանը վերադարձել է Մոսկվա

Թռչունյանը ամերիկյան համալսարանում ծանոթացել է բուհի գործունեությանը, նյութատեխնիկական բազային ու հնարավորություններն

Նախարարությունը զոհված զինծառայողների նույնականացված մարմինների հուղարկավորության վերաբերյալ հանդես կգա հայտարարությամբ

Մայր Աթոռը պնդում է, թե Արմեն Չարչյանին առաջադրված մեղադրանքները անհիմն են և պահանջում անհապաղ ազատ արձակել նրան

Մոլդովական փողոցում իրականացվել են ապօրինի զավթած հողամասերի ցանկապատերի ապամոնտաժման, տարածքի մաքրման աշխատանքներ

Աթենքում 37-ամյա քահանան ազոտաթթուն լցրել է 7 եպիսկոպոսների վրա

«Ծիծեռնակաբերդ» զբոսայգու տարածքում իրականացվել է հսկվող այրում (տեսանյութ)

Վերակառուցվում է Երևանի համար 116 դպրոցը․ ներդրումը կկազմի 1 միլիարդ 365 միլիոն դրամ