«Փյունիկը» կրկին հերքում է նոր սեփականատեր ունենալու լուրերը

«Փյունիկ» ֆուտբոլային ակումբի պաշտոնական կայքում հայտնվել է նոր սեփականատեր ունենալու լուրերի վերաբերյալ հերթական հերքումը: Ըստ հայտարարության՝ մամուլում հայտնված տեղեկությունները, ըստ որոնց, ակումբը նոր տեր ունի, չեն համապատասխանում իրականությանը: Նշվում է, որ հրապարակումները հեռացված աշխատակիցների նախաձեռնությունն են:  

«Վերջին օրերին մեր ակումբի վերաբերյալ որոշ ԶԼՄ-ներում տարատեսակ լուրեր են հայտնվում, որոնց նախաձեռնողները ակումբի նախկին աշխատակիցներն են, որոնք հեռացվել են աշխատանքից։ Մասնավորապես խոսքը ակումբի PR եւ մեդիա բաժնի նախկին ղեկավար Վերա Մարտիրոսյանի մասին է:

Պաշտոնապես հայտարարում ենք, որ նոր ներդրողի վերաբերյալ տարածված լուրերը չեն համապատասխանում իրականությանը։ «Փյունիկ» ՖԱ-ի ղեկավար կազմում ոչ մի փոփոխություն տեղի չի ունեցել եւ չի էլ պատրաստվում տեղի ունենալ։

«Փյունիկ» ՖԱ-ն շարունակում է իր գործունեությունը նախկինի նման՝ ուղղված մանկապատանեկան եւ պրոֆեսիոնալ ֆուտբոլի զարգացմանը Հայաստանում»,- նշված է հայտարարությունում:

Վերջին շրջանում՝ կորոնավիրուսի պանդեմիայի պատճառով պարտադրված դադարի ընթացքում, «Փյունիկի» շուրջ աղմուկը չի դադարում: Նախ տեղեկություն էր տարածվել, ըստ որի, ակումբը չի մասնակցելու Հայաստանի Բարձրագույն խմբի առաջնությանը: Սա «Փյունիկը» հերքեց: Ապա խոսակցություններ եղան, ըստ որոնց, ակումբի սեփականատեր Արթուր Սողոմոնյանը Բարձրագուն խմբում հանդես եկող թիմը վաճառել է մի հոլանդացու: ՀԺ-ի հետ զրույցում Սողոմոնյանն ընդգծեց, որ ամբողջ «Փյունիկի» սեփականատերը մնում է ինքը: Նաեւ ասաց, որ թիմի մարզումները շարունակում է ղեկավարել Ռոման Բերեզովսկին, որն աշխատում է հեռավար, քանի որ գտնվում է Մոսկվայում եւ կորոնավիրուսի պատճառով չի կարողանում ժամանել Հայաստան, մինչդեռ ֆուտբոլային շրջանակներում խոսակցություններ կային, ըստ որոնց, Բերեզովսկին հեռացել է, իսկ մարզչի պարտականությունները կատարում է ՀՀ հավաքականի նախկին պաշտպան Ռոբերտ Արզումանյանը: Վերջինիս մասին «Փյունիկն» օրերս նույնպես հայտարարություն էր տարածել, որ նա այլեւս ակումբում չէ:

Ըստ մյուս կողմի՝ Սողոմոնյանը փոխանցել է առաջին թիմը եւ ցանկացել է հոլանդացի գործարարին փոխանցել նաեւ ակադեմիան, սակայն հետագայում հետ է կանգնել որոշումից ու հետ պահանջել ակումբը: Երբ հոլանդացին հրաժարվել է, նա էլ թույլ չի տվել օգտագործել «Փյունիկի» գրասենյակներն ու մարզաբազան: Այս թեմայի շուրջ վերջին հրապարակումները պարունակում էին փոխանցման վերաբերյալ փաստաթղթեր, որից հետո էլ «Փյունիկի» պաշտոնական կայքը տարածեց վերը նշված հայտարարությունը՝ նշելով, որ դա նախկին աշխատակիցների ձեռքի գործ է:

Տպել
448 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան