Երբ երկրպագուները կվերադառնան ֆուտբոլային մարզադաշտեր. «Ռոման» առաջին քայլն է անում

Իտալիայում դեռ չգիտեն՝ երբ է վերսկսվելու կորոնավիրուսի պատճառով դադարեցված ֆուտբոլի ազգային առաջնությունը, իսկ «Ռոման» արդեն մտածում է երկրպագուներին մարզադաշտ վերադարձնելու մասին: Ակումբն այս շրջանում հատուկ կանոնակարգ է մշակում: Ինչպես գրում են միջազգային լրատվամիջոցները, նախատեսվում է, որ հունվարին մարդիկ կարող են հաճախել մարզադաշտ:

Ընդհանրապես կորոնավիրուսի պատճառով ստեղծված իրավիճակում երկրպագուների ներկայությունը ֆուտբոլին առնչվող կարեւորագույն հարցերից է: Ի սկսզբանե ակումբները պատրաստ էին վերսկսել խաղալ ցանկացած գնով, միայն թե չկորցնեին իրենց հիմնական եկամուտները, որոնք ստացվում են հեռուստատեսային ցուցադրության իրավունքների վաճառքից, սակայն հիմա, երբ տարբեր երկրներում վերադարձը մոտ է թվում, արդեն առաջացել է երկրպագուների հարցը, մանավանդ որ Գերմանիայի առաջնության վերսկսումից հետո բավական խոսակցություններ եղան:

Բունդեսլիգայի ընացիկ՝ 2019-20 մրցաշրջանը վերսկսվեց անցած հանգտսյան օրերին: Այնպիսի իրավիճակ է ստեղծվել, որ սա արդեն իսկ ձեռքբերում պետք է համարեին: Մրցաշարերը դադարեցվել էին անորոշ ժամանակով, ազգային մի քանի առաջնությունները վաղաժամ ավարտվեցին, ու բացի Գերմանիայից՝ եվրոպական մյուս երկրներում էլ անընդհատ որոշումներ են փոփոխում: Այս պայմաններում թվում էր՝ Բունդեսլիգայի վերսկսումը հիանալի նորություն էր ֆուտբոլային աշխարհի, կարոտած երկրպագուների համար:

Բայց արի ու տես, որ դժգոհությունները սպասեցնել չտվեցին: Ոչ բոլորին դուր եկավ այն, ինչ տեսան: Դատարկ տրիբունաները խոսելու առիթ տվեցին: Լրատվամիջոցները մեջբերում են ֆուտբոլասերների կարծիքները, որ ֆուտբոլն առանց երկրպագուների ոչինչ է, դիտարժան չէ: Բացի այդ՝ ֆուտբոլիստների համար խիստ կանոններ են սահմանվել: Գրկախառնությունները չեն թույլատրվում, հետեւաբար գոլերի տոնակատարությունը, ըստ ֆուտբոլասերների, անսովոր է ու անբնական:

Այս դժգոհությունններին, սակայն, պատասխաններ չկան: Ոչ մի տեղ չգիտեն, թե ֆուտբոլասերները երբ են վերադառնալու: Նույնիսկ մրցաշարերն ավարտին հասցնելու վերաբերյալ լիգաների ղեկավարները հստակ ծրագրեր չունեն, էլ ուր մնաց երկրպագուների ներկայությունն ապահովելը: Եվ մինչեև «Ռոման» հույս է տալիս իր հետեւորդներին հունվարի մասին, իտալական մամուլը գրում է, որ ֆուտբոլասերները խաղերի կհաճախեն ամենաշուտը 2021թ. մարտին: Ավելին՝ երկրի սպրոտի նախարարն անգամ առանց հանդիսականների առաջնությունը վերսկսելու գաղափարից ոգեւորված չէ: Իսկ ահա Գերմանիայում էլ ֆուտբոլասերները դեռ չվերսկսած՝ ճնշում են գործադրում: «Քյոլնի» երկրպագուները, ի նշան բողոքի, բազմոց են դրել մարզադաշտի մոտ: Դրա վրա գրված է եղել. «Մարզադաշտ բազմոցի փոխարեն»: Մի շարք մարզասերներ էլ հայտարարել են հեռուստեսությամբ ֆուտբոլ դիտելը բոյկոտելու մասին ու կոչ են արել մարդկանց մարզադաշտ վերադարձնել:

Ինչպես էին Բունդեսլիգայի վերսկսված առաջնությունում տոնում գոլերը

Ինչպես երևում է, Բունդեսլիգայի երկրպագուները բավական ակտիվ են դատարկ մարզադաշտում ֆուտբոլ խաղալու վերաբերյալ դժգոհություններ արտահայտելու հարցում: Եվ այս խնդիրը շուտով կարող է տարածվել նաեւ այլ երկրներում: Չէ՞ որ տարբեր պետություններում վերսկսելու նախապայմաններից մեկը հենց հանդիսատեսի բացակայությունն է: Օրինակ, կան տեղեկություններ, որ Անգլիայում ֆուտբոլասերներին նման իրավիճակ է «սպառնում» առնվազն 1 տարի: Երկրպագուներին հուզող այս հարցն արդեն սկսում է բարձրացվել տարբեր երկրներում: Այս մասին խոսում են, օրինակ, Թուրիքայում: Այնտեղ պլանավորում են վերսկսել խաղալ հունիսի 12-ից, իսկ ֆեդերացիայի նախագահը, կարեւորելով երկրպագուների ներկայությունը, հույս ունի, որ նրանք մարզադաշտ կգնան արդեն հուլիսից: Ուկրաինայում եւս դրան են սպասում, սակայն այնտեղ ավելի զգուշավոր են: Կարծում են, որ դա հնարավոր կլինի աշնանը, իսկ ընթացիկ մրցաշրջանն ավարտին կհասցվի փակ դռների հետեւում:

Ամեն դեպքում վաղ թե ուշ ազգային լիգաներն ստիպված են լինելու հաշվի նստել երկրպագուների գործոնի հետ: Նրանք այսպես, թե այնպես այս առումով որոշումներ ունեն կայացնելու: Մի կողմից մարդիկ կարող են դժգոհել, որ իրենց սիրելի թիմին մարզադաշտից պատշաճ աջակցություն ցույց տալու հնարավորություն չունեն, մյուս կողմից ակումբները կարող են կանգնել մի խնդրի առաջ, որ երկրպագուները, նույնպես լինելով եկամտի մեծ աղբյուր, կարող են մտավախություններ ունենալ եւ չգնալ խաղերին, ինչը եւս ֆինանսական կորուստների կհանգեցնի:

Տպել
482 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան