«Փորձում են Գեւորգ Լոռեցյանին այլ հոդվածով մեղադրանք առաջադրելու հիմքեր ստեղծել». պաշտպան

Երեւանի ընդհանուր իրավասության դատարանը, դատավոր Կարեն Ֆարխոյանի նախագահությամբ, երեկ որոշել է եւս երկու ամսով երկարաձգել ԿԳՄՍ նախկին փոխնախարար Գեւորգ Լոռեցյանի կալանավորման ժամկետը՝ այդպիսով բավարարելով նախաքննական մարմնի միջնորդությունը:

Հիշեցնենք՝ Լոռեցյանին մեղադրանք է առաջադրվել առանձնապես խոշոր չափերով կաշառք ստանալու եւ պաշտոնեական լիազորությունները չարաշահելու համար: Նա կալանավորված է 2019 թվականի դեկտեմբերից եւ առաջադրված մեղադրանքը չի ընդունում:

«Հայկական ժամանակ»-ի հետ զրույցում Լոռեցյանի պաշտպան Լեւոն Սահակյանը նշեց, որ դատարանի այդ որոշումը ուղղակիորեն հակասում է Վերաքննիչ դատարանի՝ նույն գործով ուժի մեջ մտած դատական ակտին: Բանն այն է, որ նախորդ անգամ կալանավորման ժամկետը երկարաձգելիս նույն դատարանն իր որոշման հիմքում դրել էր ոչ միայն քննությունից թաքնվելու, խոչընդոտելու ռիսկերը, որոնց պաշտպանական կողմը դարձյալ համաձայն չէր, այլ որոշակի քննչական գործողություններ կատարելու անհրաժեշտությունը, որոնք, ըստ պաշտպանի, չեն առնչվում Լոռեցյանին առաջադրված մեղադրանքին եւ կապ չունեն կաշառք հոդվածի հետ. «Վերաքննիչ քրեական դատարանը, դատավոր Ռուբիկ Մխիթարյանի նախագահությամբ, թեեւ մերժեց այդ որոշման դեմ մեր բողոքը, այնուամենայնիվ, անդրադարձավ այն հարցին, որ պարոն Լոռեցյանի նկատմամբ փաստացի քրեական հետապնդում է իրականացվում մի բանի համար, որի վերաբերյալ իրեն մեղադրանք առաջադրված չէ, եւ այդ հիմքով կալանքի ժամկետը երկարացնելը դատարանը համարեց անընդունելի: Սակայն կալանավորման ժամկետը երկարաձգելու նոր որոշման հիմքում դատարանը դարձյալ դրել է չառաջադրված մեղադրանքի կապակցությամբ կատարվելիք քննչական գործողությունների անհրաժեշտությունը»,- նշեց Սահակյանը՝ պնդելով, որ նախաքննական մարմինը փորձում է ամեն կերպ այլ հոդվածով մեղադրանք առաջադրելու հիմքեր ստեղծել. «Մեղադրանք չեն առաջադրում, որովհետեւ գիտեն, որ դա ճակատագիր ունենալ չի կարող, բայց մեր գնահատմամբ՝ նախաքննական մարմինը շտապել էր կոռուպցիայի մեղադրանք առաջադրելու հարցում, եւ հետագայում հասկանալով, որ այդ մեղադրանքը անհիմն է, ամեն կերպ փորձում է այլ հոդվածով մեղադրանք առաջադրելու հիմքեր ստեղծել, որպեսզի, այսպես ասած, խայտառակ չլինի»: Հարցին՝ այդ նոր հոդվածով նախատեսված հանցագործության վերաբերյալ Գեւորգ Լոռեցյանը ցուցմունք տվե՞լ է, Սահակյանը պատասխանեց, որ Լոռեցյանն առհասարակ որեւէ ցուցմունք չի տվել՝ առայժմ չցանկանալով բացահայտել, թե խոսքը ինչ հոդվածի մասին է. «Այս վեց ամսվա ընթացքում հիմնական գործողությունները, որ կատարվել են, վերաբերել են այդ մյուս հոդվածին, օրինակ՝ նշանակվել է փորձաքննություն, որը կաշառքի մեղադրանքի հետ որեւէ առնչություն չունի, այլ կապ ունի այն ենթադրյալ մեղադրանքի հետ, որը ցանկանում են առաջադրել, բայց չեն առաջադրում, այսինքն՝ ուղղակիորեն խախտվում է պարոն Լոռեցյանի արդար դատաքննության իրավունքը, որովհետեւ եթե անձին մի հոդվածով մեղադրանք առաջադրված չէ, ապա դրա շահարկմամբ նա չի կարող ազատությունից զրկվել, դրանից բացի, մեղադրանքը նրան չի պարզաբանվել, ուստի խախտվում է նաեւ պաշտպանության իրավունքը, որովհետեւ մինչ անձը չիմանա՝ ինչում է մեղադրվում, չի կարող արդյունավետ պաշտպանվել»,- ասաց պաշտպանը՝ հավելելով, որ վեց ամիս օպերատիվ-հետախուզական միջոցառումներ են իրականացրել, եւ չեն կարողանում հիմնավորել ինչ-որ մի մեղադրանք:

Պաշտպանի գնահատմամբ՝ դատարանի այս որոշումը խախտում է նաեւ Քրեական դատավարության օրենսգրքի 138-րդ հոդվածի 4-րդ մասով նախատեսված սահմանափակումը՝ կապված կալանավորման ժամկետների հետ. «Մինչդատական վարույթում կալանավորումը վեց ամսից ավելի կարող է տեւել բացառիկ դեպքերում, մինչդեռ ոչ քննիչն է հիմք ներկայացրել, որով կհաստատվեր, որ սա բացառիկ դեպք է, ոչ էլ դատարանն է իր որոշմամբ անդրադարձել այդ դիտարկմանը, որը մեր կարեւորագույն առարկություններից մեկն էր»: Նշենք, որ հիշյալ հոդվածի համաձայն՝ քրեական գործով մինչդատական վարույթում մեղադրյալին կալանքի տակ պահելու ժամկետը, հաշվի առնելով գործի առանձնակի բարդությունը, դատարանի կողմից կարող է երկարացվել մինչև 6 ամիս, իսկ բացառիկ դեպքերում, երբ անձը մեղադրվում է ծանր կամ առանձնապես ծանր հանցագործություն կատարելու մեջ՝ մինչև 12 ամիս։ Հարցին՝ արդյո՞ք որպես հիմք օրենքը ծանր կամ առանձնապես ծանր հանցագործությունը չի դիտարկում՝ բացառիկությունը ապացուցելու պահանջ չներկայացնելով, Լեւոն Սահակյանը պատասխանեց. «Ոչ, որովհետեւ բացառիկ դեպքեր ձեւակերպումից հետո բութ չէ դրված, այլ ստորակետ, ուստի հենվելով նորմատիվ իրավական ակտերի մեկնաբանման տրամաբանության վրա՝ կարող ենք ասել, որ թվարկվում է առանձին երկու պայման. լինի բացառիկ դեպք եւ լինի ծանր կամ առանձնապես ծանր հանցագործություն»:

Լեւոն Սահակյանի խոսքով՝ նախորդ անգամ երկարաձգելիս դատարանն իր որոշման մեջ նշել էր նաեւ, որ հնարավոր է՝ Գեւորգ Լոռեցյանը կատարի նոր հանցանք, սակայն նրա այդ մտահոգությունը եւս Վերաքննիչ դատարանը համարել է անհիմն, եւ այս անգամ դատարանը նման հիմք չի տեսել. «Այս եւ այլ հանգամանքները հաշվի առնելով՝ պաշտպանական կողմը որոշումը որակում է անհիմն եւ մոտ օրերս այն կբողոքարկի Վերաքննիչ դատարան»,- եզրափակեց նա:

Ըստ ԱԱԾ հաղորդագրության, հիշեցնենք, 2019 թվականի դեկտեմբերի 4-ին առանձնապես խոշոր չափերով կաշառք ստանալու կասկածանքով բերման են ենթարկվել ՀՀ կրթության, գիտության, մշակույթի եւ սպորտի նախարարի տեղակալը, վերջինիս վարորդն ու ՀՀ-ում գործող ֆուտբոլային ակումբներից մեկի նախագահը, որը միաժամանակ հանդիսանում է նաեւ մի շարք մատակարարող ընկերությունների փաստացի ղեկավարը. «Ձեռք բերված նախնական տվյալների համաձայն՝ ՀՀ ԿԳՄՍ նախարարի տեղակալը, նախարարության ենթակա հիմնարկների կարիքների համար մարզագույքի եւ մարզահագուստի ձեռքբերման նպատակով հայտարարված մրցույթներում աջակցություն ցուցաբերելով վերոնշյալ տնտեսվարողին, դրա դիմաց վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք գումար»,- հայտնել էր ԱԱԾ-ն՝ հավելելով, որ տնտեսվարողի կողմից գումարի մի մասը նախարարի տեղակալի վարորդին փոխանցելուց անմիջապես հետո վերջիններս բռնվել են:

Տպել
3718 դիտում

«Հանրային ձայն» խմբակցության անդամ Ամալյա Սարգսյանի լիազորությունները դադարեցվել են

Վարույթում է գտնվում ապօրինի ծագում ունեցող գույքի բռնագանձման 102 հայցադիմում՝ ավելի քան 400 միլիարդ դրամ պահանջով

Արձանագրվել է մարդու դեմ ուղղված հանցագործությունների դեպքերի աճ․ ամփոփվել է Դատախազության նախորդ տարվա աշխատանքը

Գեղարքունիքում տուն է փլուզվել. 92-ամյա բնակիչը դուրս է բերվել պատգարակով

ՀՀ-ում ԵՄ առաքելությանը կօժտեն լայն լիազորություններով և անձեռնմխելիությամբ. համաձայնագիրը մտել է ԱԺ օրակարգ

Իր ազդեցությունն ընդլայնելու ՆԱՏՕ-ի փորձերը դժվար թե կայունություն ավելացնեն Կովկասում. Պեսկով

Վահագն Խաչատուրյանը շնորհավորել է Վլադիմիր Պուտինին

«Գորիս» ՔԿՀ պետն ազատվել է պաշտոնից և ծառայությունից

Պուտինը վերընտրվելուց հետո առաջին պաշտոնական այցը կկատարի Չինաստան

Ողջունում եմ ՀՀ համերաշխությունն Ուկրաինային և կոչ անում գործընկերներին անել հնարավորը, որ Պուտինը չհաղթի. Ստոլտենբերգ

Սյունիքում ավտովթարի և հրդեհի հետևանքով մահացածներն ընտանիքի անդամներ էին, նրանց թվում կա երեխա. մանրամասներ

Խոշոր ավտովթար Չարենցավանի կամրջի մոտ. 3 մարդ հոսպիտալացվել է

ՆԱՏՕ-ն աջակցում է ՀՀ ինքնիշխանությանը, տարածքային ամբողջականությանն ու խաղաղ ձգտումներին. Ստոլտենբերգ

Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին

МИР քարտերի սպասարկման դադարեցում․ IDBank

Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ՝ ՊԵԿ նախագահի առաջին տեղակալ է նշանակվել

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում