Երևան
12 °C
ՀՀ նախագահի լրատվական ծառայությունը տեղեկացնում է, որ Արմեն Սարգսյանը հյուրընկալել է կրթության փորձագետ Անահիտ Բախշյանին, ով բաց նամակով դիմել էր նախագահին՝ իր մտահոգությունները հայտնելով Ազգային ժողովի վավերացրած Լանզարոտի կոնվենցիայի վերաբերյալ:
Մինչ բուն թեմային անցնելը նախագահ Արմեն Սարգսյանը ևս մեկ անգամ անդրադարձել է կորոնավիրուսի համավարակին՝ կրկին կոչ անելով քաղաքացիներին լինել զգոն և պահպանել անհրաժեշտ բոլոր կանոնները:
«Ինձ պարտավորված եմ զգում օգտագործել այս առիթը և ևս մեկ անգամ դիմել մեր բոլոր հայրենակիցներին՝ կոչ անելով պահպանել սոցիալական հեռավորության բոլոր կանոնները։ Չեմ ուզում, որ մեր հայրենակիցներից որևէ մեկը մտածի, որ եթե օրական 10 կամ ավելի քիչ մարդիկ են մահանում, կարելի է սա համարել սովորական կյանք։ Սա սովորական կյանք չէ։ Սա հսկայական դժբախտություն է,-ասել է նախագահը: -Պատկերացրեք 5, 10, 15 ընտանիքներ իրենց հարազատներին են կորցրել։ Ուզում եմ այս առիթն օգտագործել նաև իմ ցավակցությունը հայտնել նրանց։ Անպայման պետք է շատ ուշադիր, շատ սկզբունքային ու կարգապահ լինենք, անենք մեզնից պահանջվող ամեն ինչ և ավելին»:
Նախագահն իր շնորհակալական խոսքն է ուղղել նաև բժիշկներին՝ ծանրաբեռնված ու նվիրված աշխատանքի համար. «Ուզում եմ մեկ անգամ ևս շնորհակալություն հայտնել մեր բժիշկներին։ Անկախ նրանից, թե ինչ է կատարվում, մենք այսօր գիտենք, որ բժիշկներն աշխատում են օր ու գիշեր, իրենց ու իրենց ընտանիքի կյանքն են վտանգի տակ դնում։ Հիվանդանոցներին պետք է վերաբերվենք որպես առողջության բաստիոնների, ամրոցների։ Բոլոր բժիշկներին հայտնում եմ իմ խորին շնորհակալությունը՝ սկսած գլխավոր բժիշկներից մինչև հերթապահ բժիշկներ, սանիտարներ, պահակներ։ Դուք այսօրվա մեր հերոսներն եք»։
Ծանոթանալով Լանզարոտի կոնվենցիայի վերաբերյալ տիկին Բախշյանի մտահոգություններին՝ նախագահ Սարգսյանը նախ և առաջ նշել է, որ ինքը ևս մտահոգություններ ունի:
Անդրադառնալով իր կողմից կոնվենցիան ստորագրել-չստորագրելու հարցին՝ նախագահը ներկայացրել է իրավական գործընթացը՝ նշելով, որ Ազգային ժողովի կողմից վավերացումից հետո Հանրապետության նախագահը ստանում է ոչ թե կոնվենցիան, այլ կոնվենցիայի վավերացման մասին Ազգային ժողովի ընդունած օրենքը և ունի խիստ սահմանափակ իրավասություններ. առաջինը՝ դիմել Սահմանադրական դատարան, եթե համարում է, որ Սահմանադրության հետ կա հակասություն։ Սակայն, հաշվի առնելով, որ Սահմանադրական դատարանն արդեն իսկ հայտնել է, որ հակասություն չկա, նախագահին մնում է երկրորդ տարբերակը՝ ստորագրել։ Նախագահի կողմից չստորագրելու դեպքում, այն մի քանի օրվա ընթացքում ստորագրվում է ԱԺ նախագահի կողմից և մտնում ուժի մեջ:
«Կոնվենցիային կարող եք նայել որպես միջազգային օրենք կամ սկզբունքների հայտարարագիր։ Սակայն այն ստորագրած 47 երկրներից յուրաքանչյուրը կոնվենցիան ընդունելիս որոշ կետեր բացառելու իրավունք ունի։ Մեր դեպքում մեր Ազգային ժողովը չի բացառել որոշակի կետեր, հետևաբար՝ կոնվենցիան այնպիսին է, ինչպիսին որ կա։ Կոնվենցիան ընդունելուց հետո, ցանկացած երկիր այն ընդունում է որպես սկզբունք։ Սակայն սկզբունքից մինչև կիրառում հսկա ճանապարհ կա,-պարզաբանել է նախագահը: -Ինձ հետարքրում է, թե սրանից 10 ամիս, 10 տարի հետո ի՞նչ է լինելու։ Կիսում եմ բոլորի անհանգստությունը։ Կարծում եմ՝ ամենակարևոր խնդիրը հետևյալն է՝ արդյո՞ք մենք ունենալու ենք, ինչպես նախկինում, որոշ դեպքերում, այսպես ասած զգացական արտահայտություններ, կոչեր և մի քանի օր հետո մոռանալու ենք՝ առանց հետագա քայլերի վերաբերյալ քննարկումների։ Սա իսկապես մեր ողջ ժողովրդի ուշադրության կարիքն ունի։ Խոսքը վերաբերում է մեր երեխաներին, նրանց առողջությանը, պաշտպանությանը, կրթությանը։ Ես ոչ միայն կիսում եմ Ձեր անհանգստությունը, այլ կարող եմ ասել, որ իմ անհանգստությունն ավելի մեծ է»։
Նախագահը նշել է, որ տարբեր երկրներ կոնվենցիայի կիրառության տարբեր ձևեր են ընտրում: Յուրաքանչյուր երկիր իրավունք ունի իր ձևով մեկնաբանել սկզբուքները և իր ձևով կիրառել։ Կան երկրներ, որոնք փորձնական կիրառում են մի քանի դպրոցում, կան երկրներ, որոնք այդ գործընթացներում ներգրավում են ծնողներին, կան երկրներ, որոնք կրթությունն սկսում են տարբեր տարիքից:
Նախագահ Սարգսյանի խոսքով՝ ինչքան էլ համամարդկային սկզբունքները նույնն են, գոյություն ունեն ազգային, մշակութային առանձնահատկություններ, որոնք յուրաքանչյուր երկիր հաշվի է առանմ կոնվենցիան կիրառելու ընթացքում:
Կոնվենցիայի վավերացումը նախագահը համարել է միայն գործընթացի սկիզբը, որին պետք է հաջորդեն հանրային քննարկումներ՝ անհրաժեշտ օրենքների ընդունման հետ կապված, և այդ օրենքները, հաշվի առնելով մեր ազգային արժեքները, պետք է սահմանեն անհրաժեշտ կարգավորումներ՝ տալով մի շարք կարևոր հարցերի պատասխաններ:
«Կան սկզբունքային մի քանի հարցեր: Նախ և առաջ այն հարցերը, որոնք վերաբերում են բռնությանը, դրա վերացմանը,-ասել է Հանրապետության նախագահը: -Դա զգայուն խնդիր է: Մեր մշակույթն այնպիսին է, որ շատ հաճախ մարդիկ նախընտրում են թաքցնել: Բայց նույնիսկ, եթե չեն թաքցնում, եթե երեխան բռնության է ենթարկվել, որը մեծ դժբախտություն է, ապա շատ զգույշ պետք է լինենք ամբողջ ընթացքում: Եթե այդ բռնության արդյունքում որոշակի իրավական գործընթաց է սկսվում, պետք է այնպիսի մեխանիզմներ սահմանվեն, որ երեխային հավելյալ սթրեսի չենթարկեն: Հետևաբար, բռնությունը բացառելուց զատ, պետք են օրենքներ, կանոններ, մեխանիզմներ, որ երեխան չվերապրի այդ ամենը: Ուրեմն, բռնության հետ կապված էլ հսկայական խնդիրներ ունենք, որ դեռ պետք է լուծենք»:
Նախագահն առանձնացրել է կրթության ոլորտի այն կարևոր սկզբունքները, որոնք պետք է սահմանվեն ապագայում. «Առաջինը՝ ո՞վ է դասավանդում: Գաղտնիք չէ, որ երբեմն նույն ուսուցիչը դասավանդում է մի քանի առարկաներ: Ուսուցիչը պետք է ներկայացնի հենց այն արժեքները, որ մենք ուզում ենք, որ ներկայացվեն: Եթե ուսուցիչն այդ արժեքները չի ներկայացնում, ապա ավելի շատ վնաս է տալու, քան օգուտ:
Երկրորդ հարցը՝ ի՞նչ ենք դասավանդելու: Սա շատ էական է, ուստի մենք կարիք ունենք օրենքների, համապատասխան դասագրքերի, ծրագրերի, որպեսզի դասավանդող ուսուցիչներին ևս վերապատրաստեն: Դա մի օրում չի լինելու. դա հսկայական աշխատանք է: Հակառակ դեպքում, դու չես կարող թույլ տալ, որ որևէ մեկը, նույնիսկ ամենաբարձրակարգը, դպրոց մտնի, եթե որոշակի ստանդարտներ չկան:
Եվ, շատ էական է, թե ինչպես ենք դասավանդելու: Ընդ որում, այդ դասավանդումը շատ հաճախ պետք է անհատական լինի: Ուսուցման գործընթացը հսկայական աշխատանքի կարիք ունի: Շատ կարևոր է ծնողների դերը և նրանց կարծիքը: Կոնվենցիայում հստակ գրված է ծնողների դերի մասին, և ծնողներն իրավունք ունեն իրենց կարծիքն արտահայտելու: Կան երկրներ, որոնք որոշել են, որ ուսուցման լավագույն ձևը ծնողների ներգրավմամբ է:
Եվ, վերջապես, կրթությունը պետք է լինի անհատական՝ հաշվի առնելով յուրաքանչյուր երեխայի, նրա ընտանիքի առանձնահատկությունները, քանի որ կարող ենք այդ երեխային և՛ վնասել, և՛ օգնել:
Մենք գտնվում ենք մի իրավիճակում, որ այս բոլորի մասին ո՛չ հանրային քննարկում ենք ունեցել, ո՛չ կոնկրետ առաջարկություններ են եղել, որոշ քաղաքական գործիչներ արտահայտել են դրական կարծիքներ, բայց այդ բոլորը պետք է համակարգվի, դառնա օրենք, ուսումնական ծրագիր»:
Վերոնշյալ կարևորագույն հարցերի պատասխանը տալու համար նախագահը կարևորել է հանրային քննարկումների իրականացումը ու շահագրգիռ բոլոր շրջանակների ու անհատների կողմից խնդրի նկատմամբ մշտական ուշադրությունը:
«Իմ ամբողջ անհանգստությունն այն է, որ մեր ամբողջ էներգիան չգնա միայն ձայնին, և այլևս էներգիա չմնա, որ երեխաներին կրթենք և պաշտպանենք, որ մշակենք անհրաժեշտ կարգավորումները,-նշել է նախագահը: -Եթե մարդիկ ասում են, որ որևէ այլ երկրում, որտեղ այս կոնվենցիան ընդունելու են, իրենց ազգային արժեքների վրա չեն հիմնելու, սխալվում են: Նախ և առաջ պետք է սահմանենք մեր ազգային, ընտանեկան արժեքները: Եվ հետո ասենք, շատ լավ, 21-րդ դարում այս արժեքներն ինչ-որ ձևով կփոփոխվեն, կվերաիմաստավորվեն: Մենք տարբերվում ենք այլ երկրներից»:
Նշվում է, որ նախագահ Սարգսյանն առաջարկել է տիկին Բախշյանին, ինչպես նաև բոլոր անհատներին, կազմակերպություններին, որոնք անհանգիստ են, սկսել հանրային քննարկումից: «Իրական ճանապարհն այսօր այս խնդրի վերջը չէ: Մեր շատ հայրենակիցներ մտածում են, որ այսօր վերջն է, ստորագրվեց, և վերջ: Այսօր այս գործընթացի սկիզբն է՝ ցույց տալու, թե մեզանից ովքեր են իսկապես անհանգստացած մեր երեխաների կրթությամբ և նրանց պաշտպանությամբ,-ընդգծել է նա: -Ամեն մի օրենքի համար մենք պետք է պահանջենք, որ լինի հանրային քննարկում՝ բաց, մասնակցային, և այստեղ ես Ձեր համախոհն եմ: Անկախ նրանից ես նախագահ լինեմ, թե ոչ, ես Ձեր համախոհն եմ և հետևելու եմ: Ձեր, այսինքն՝ մեր ազգի համախոհն եմ: Որևէ մեկն իրավունք չունի թեթև վերաբերվելու այս գործընթացին: Մենք ունենք արժեքներ, որոնք ամեն գնով պետք է պահպանենք»:
«Հայկական Ժամանակ»-ը Telegram-ումՄեր երկրում փողի խնդիր չունենք, իմացեք. ՀՀ նախագահն այցելել է Նռնաձոր համայնք. տեսանյութ
Առաջին նախագահն եք, որ եկել եք, ինչպես և Փաշինյանը՝ որպես վարչապետ. նախագահն այցելել է Ճակատեն և Ներքին Հանդ
Քրվարույթներով վերականգնվել է 74 մլն 630 հզր ԱՄՆ դոլարին համարժեք 28 մլրդ 645 մլն 988 հզր դրամի վնաս
Վահագն Խաչատուրյանն այցելել է զորամաս, ծանոթացել պայմաններին, պարգևատրել մի շարք զինծառայողների. տեսանյութ
ՀՀ-ն ողջունում է Մակրոնի՝ Պաղեստինի Պետության ճանաչման և ՄԹ-ի՝ ճանաչելու մտադրության մասին հայտարարությունները
Թե ՀՀ քաղաքացուն կրետինի տեղ եք դրել, սխալվում եք, քաղաքական պատիժը կստանաք գալիք ընտրություններում. Աթանեսյան
Վահագն Խաչատուրյանը հետևել է Հյուսիս-Հարավ ճանապարհային ծրագրի շրջանակում կառուցվող թունելի շինարարությանը
«Օպել»-ի հետ բախումից հետո «Մերսեդես»-ը հայտնվել է կամրջի տակ՝ հարվածելով «Շեվրոլետ»-ին. ծեծկռտուքը կանխվել է
ՀՀ նախագահն այցելել է հայ-իրանական սահմանին գտնվող Մեղրիի անցակետ. լուսանկարներ, տեսանյութ
Ըմբշամարտի Մ17 ԱԱ. Մարատ Աճեմյանը վստահ հաղթանակ է տարել թուրք մրցակցի նկատմամբ
Աբովյանում պարեկները օպերացիա են իրականացրել․ 31-ամյա օրինախախտը հայտնաբերվել է
Եղիպատրուշի տներից մեկում հրդեհ է բռնկվել
Ռուսաստանի և Սիրիայի արտաքին գործերի նախարարները Մոսկվայում բանակցություններ կվարեն. օրը հայտնի է
Փոխնախարարն ու Իտալիայի դեսպանը օդային և ցամաքային տրանսպորտային ենթակառուցվածքների մասին հարցեր են քննարկել
«ՀԷՑ»-ում մի շարք գնման գործընթացներ են չեղարկվել՝ ընդհանուր ավելի քան 3 մլրդ դրամ նախահաշվային արժեքով
Անահիտ Ավանեսյանն այցելել է «Վանաձոր» ԲԿ, եղել նորաբաց «Պրոտոն» գիտակրթական-ախտորոշիչ կենտրոնում
ԱԳ փոխնախարարն ու Գերմանիայի ԱԳՆ պետնախարարն անդրադարձել են երկրների զարգացող հարաբերությունների օրակարգին
Ուժի մեջ են մտել վարորդական իրավունքի վկայականների մասին օրենսդրական փոփոխությունները. Խաչատրյան. տեսանյութ
Այսօր տոնում ենք Ընկերության միջազգային օրը
Ավանեսյանը դեսպան Լի Սինվեյին առաջարկել է դիտարկել հայ-չինական բժշկական կենտրոն հիմնելու գաղափարը
Կամչատկայում տեղի ունեցած հզոր երկրաշարժին հաջորդել է 6.3 մագնիտուդով ավելի քան 130 հետցնցում
Հանդիպել են ՀԾԿՀ նախագահն ու ՀԷՑ ժամանակավոր կառավարիչը. ինչ են քննարկել Մեսրոպյանն ու Ռոմանոս Պետրոսյանը
Հայ-գերմանական հարաբերություններն ակտիվ և դինամիկ ընթացք ունեն. Վլադիմիր Վարդանյանը հանդիպել է դեսպանի հետ
Հուսով ենք՝ Ադրբեջանն ու Հայաստանը գիտակցում են ՆԱՏՕ-ի հետ խորացող համագործակցության բոլոր ռիսկերը. Զախարովա
Գեղարքունիքում «Նիվա»-ն անկանոն վարած, այլոց կյանքը վտանգած վարորդը հայտնաբերվել է. տեսանյութ
Վերաքննիչ քրեական դատարանը մերժել է Միքայել Աջապահյանի պաշտպանների բողոքները
Ժնևի խորհրդարանում Մատվիենկոյի ելույթի ժամանակ պատվիրակների մի մասը ցուցադրաբար լքել է դահլիճը. տեսանյութ
Մեղրու լեռնանցք տանող Մ-2 միջպետական ճանապարհի հիմնանորոգումն իրականացվում է ինտենսիվ երթևեկության պայմանում
Ամերիկյան համալսարանում բույն են դրել մարդիկ, որոնք ներկայանում են ռուսական ազդեցության գործակալի պրոֆիլով
Ուկրաինայի ԶՈՒ-ն հաստատել է ՌԴ-ի կողմից «Իսկանդեր»-ով զորավարժարանին հասցված հարվածը. զոհեր կան
Ավարտվել է շանը մեքենային կապած վիճակում վարելու դեպքի վերաբերյալ նախաձեռնված քրեական վարույթի նախաքննությունը
5% քեշբեք ամեն ամիս` Ամիօ բանկի քարտերով
Մոսկվայում հանդիպել են ՍԱՏՄ և Ռոսսելխոզնադզորի ղեկավարները. ինչ է քննարկվել, ինչ պայմանավորվածություններ կան
Դոլարը թանկացել է. ինչ փոփոխություններ է արձանագրել տարադրամի շուկան հուլիսի 30-ին
Yandex Armenia-ի գործարքների ծավալը 2024 թ. կազմել է Հայաստանի ՀՆԱ-ի 1,1%-ը
Yandex Armenia. ընկերության քաղաքային ծառայությունների շնորհիվ եկամուտ է ստանում Հայաստանի 120 հազար բնակիչ
ՀՖՖ մրցավարական 2 անձնակազմ կսպասարկի ՈՒԵՖԱ Կոնֆերենցիաների լիգայի որակավորման հանդիպումները
Ռուսաստանը և Չինաստանը զորավարժություններ են սկսել Խաղաղ օվկիանոսում
Ռալֆ Յիրիկյանը դասախոսությամբ հանդես Է եկել Սլավոնական համալսարանի ինժեներական ամառային դպրոցում
Հայաստանի ԱԳՆ-ն շնորհավորանք է հղել Մարոկկոյին
© 2025 Հայկական ժամանակ
Website by MATEMAT