Եվրոպայում ֆուտբոլասերներին աստիճանաբար վերադարձնում են խաղադաշտ

Եվրոպայում կորոնավիրուսի պանդեմիայի պատճառով դադարեցված ֆուտբոլային առաջնությունները նոր են վերսկսվում, սակայն որոշ տեղերում արդեն մտածում են երկրպագուներին խաղադաշտ վերադարձնելու մասին: Ինչպես գրում են միջազգային լրատվամիջոցները, մի շարք երկրներում արդեն նման որոշումներ կան: Այլ վայրերում էլ՝ այդ թվում թոփ առաջնություններում, ակտիվորեն աշխատում են այդ ուղղությամբ:

Ըստ մամուլի՝ Սերբիայում արդեն այսօրվանից՝ հունիսի 1-ից, երկրպագուները կարող են խաղադաշտ գնալ: Միակ սահմանափակումը, որը մնալու է, վերաբերում է սոցիալական հեռավորությանը՝ ամենաքիչը 1 մետր: Սա նշանակում է, որ արդեն հունիսի 6-ին «Ռադնիկի» դեմ սեփական հարկի տակ խաղում «Ցրվենա զվեզդան» կկարողանա իր հետեւորդների հետ տոնել չեմպիոնությունը: Թիմը մայիսի 29-ին՝ առաջնությունը վերսկսելուց հետո հենց առաջին խաղում 5:0 հաշվով հաղթեց «Ռադին» ու ժամանակից շուտ նվաճեց չեմպիոնի տիտղոսը:

Լեհաստանում այս հարցի վերաբերյալ եղած տեսակետը եւս հաճելի է երկրպագուների համար: Երկրի վարչապետը հայտարարել է, որ ֆուտբոլասերները կկարողանան մարզադաշտ այցելել հունիսի 19-ից: Թույլատրվելու է զբաղեցնել մարզադաշտերի 25%-ը, ու պարբերաբար ախտահանման աշխատանքներ են կատարվելու: Իսկ մինչեւ այդ մայիսի 29-ից վերսկսված առաջնության հանդիպումները կկայանան դատարկ տրիբունաների ներքո:

Ռուսաստանում հենց խաղերը վերսկսելիս էլ ցանկանում են մարզադաշտերում երկրպագուների տեսնել: Առաջնությունը, որը մեզ հետաքրքիր է նաեւ նրա համար, որ այնտեղ խաղում են Հայաստանի հավաքականի խաղացողներ, վերադառնում է հունիսի 21-ին: Ռուսական մամուլը գրում է, որ թույլ են տալու, որ տրիբունաները լցվեն 10% տոկոսով: Երկրում կարծում են, որ օգոստոսին, երբ սկսվի նոր մրցաշրջանը, այդ թիվը կարող է ավելի մեծ լինել:

Եվրոպայի թոփ 5 առաջնություններում վիճակը մի փոքր խառն է: Իսպանիայում, օրինակ, պլան են մշակել, ըստ որի, երկրպագուներն աստիճանաբար կվերսկսեն ֆուտբոլային խաղերի հաճախել: Ընթացիկ՝ 2019-20, մրցաշրջանը, որը վերսկսվելու է հունիսի 11-ին անդալուզյան դերբիով՝ «Սեւիլիա»-«Բետիս» խաղով, ավարտին է հասցվելու դատարկ տրիբունաների պայմաններում: Իսկ արդեն նոր մրցաշրջանի սկզբում՝ սեպտեմբերից, կթույլատրվի զբաղեցնել մարզադաշտերի նստարանների 30%-ը: Նոյեմբերին կդառնա 50%, իսկ 2021 թվականից նախատեսվում է ամբողջությամբ բացել մարզադաշտերը:

Նշվում է, որ այս սցենարը հնարավոր կլինի, եթե երկրում համաճարակային իրավիճակը թույլ տա, սակայն արդեն հիմա, ըստ լրատվամիջոցների, Իսպանիայում մարդիկ ակտիվորեն դժգոհում են սահմանափակումներից: Այդ կապակցությամբ Vox պահպանողական կուսակցությունն ավտոմոբիլային ցույցեր է կազմակերպել խոշոր քաղաքներում: Մարդիկ դժգոհում են, քանի որ սահմանափակումներն ազդել են տնտեսության վրա, որը մեծապես կախված է տուրիզմից եւ որում մեծ դեր ունի նաեւ ֆուտբոլը:

Անգլիայի Պրեմիեր լիգան, կարծես, ցանկանում է հետեւել Իսպանիայի օրինակին: Սա կարելի է մեծ առաջընթաց համարել, քանի որ դեռ վերջերս մառախլապատ ալբիոնում թերահավատորեն էին տրամադրված անգամ խաղեր անցկացնելու հարցում, իսկ հիմա արդեն քննարկում են երկրպագուների ներկայությունը: Այնտեղ արդեն պաշտոնապես որոշված է առաջնությունը վերսկսել հունիսի 17-ին: Առայժմ երկրպագուներ չեն լինելու: Նույնիսկ քննարկումներ կան, որ առանցքային հանդիպումները, ինչպիսին է օրինակ, «Էվերթոն»-«Լիվերպուլ» խաղը, կարող են կայանալ չեզոք մարզադաշտերում, քանի որ վտանգ կա, որ երկրպագուները կարող են հավաքվել՝ տոնելու իրենց թիմերի հաղթանակները, մասնավորապես «Լիվերպուլի» դեպքում՝ չեմպիոնական տիտղոսը, որը նրանք սպասել են 30 տարի:

Ամեն դեպքում ԱՊԼ գործադիր տնօրեն Ռիչարդ Մաստերսն այս առումով լավատես է: Նա նշել է, որ արդեն հաջորդ մրցաշրջանում երկրպագուները հնարավոր է՝ վերադառնան եւ չի բացառվում, որ դա տեղի կունենա աստիճանաբար, ինչպես Իսպանիայում:

Իտալիայի դեպքում իշխանություններն ավելի վաղ նշում էին, որ երկրպագուները կկարողանան մարզադաշտ գնալ միայն այն պարագայում, եթե կորոնավիրուսի պատվաստանյութ լինի, սակայն հիմա արդեն այլ քննարկումներ են ընթանում: Այս շրջանում Ա Սերիան պատրաստվում է վերսկսմանը, որը նախատեսված է հունիսի 20-ին: Վերսկսման հարցը լուծելուց հետո այնտեղ արդեն փորձում են վերադարձնել նաեւ երկրպագուներին: Մի քանի ակումբներ հանդես են եկել առաջարկությամբ, որ մարզադաշտերը մասնակիորեն բացվեն: Ըստ տեղեկությոնների՝ նախաձեռնության հեղինակը «Յուվենտուսի» նախագահ Անդրեա Անյելին է, որը համարվում է եվրոպական ֆուտբոլի ամենազդեցիկ մարդկանցից մեկը: Հունիսի 8-ին այս առաջարկը քննարկվելու է:

Մյուս 2 թոփ առաջնություններում երկրպագուները դեռ պետք է սպասեն: Գերմանիայում, որտեղ կորոնավիրուսի պայմաններում առաջինն են վերսկսվել ֆուտբոլային հանդիպումները, երկրպագուների վերաբերյալ կարգավորումներ չկան: Ֆրանսիայում ոչ միայն երկրպագու, այլ ընդհանրապես ֆուտբոլ մինչեւ մյուս մրցաշրջանը չի լինելու: Ինչպես հայտնի է, առաջնությունը ժամանակից շուտ ավարտվել է, ու չեմպիոն է հռչակվել ՊՍԺ-ն: Ըստ հրապարակումների՝ այնտեղ ֆուտբոլի հետ կապված խճճված իրավիճակ է նաեւ այն պատճառով, որ երկրի ղեկավարությանը ապատեղեկատվություն են տվել: Մի քանի ակումբների ազդեցիկ սեփականատերեր, որոնց ձեռնտու են եղել դադարեցման պահին ակումբների զբաղեցրած հորիզոնականները, երկրի ղեկավարներին ասել են, թե ՈՒԵՖԱ-ն պարտադրել է մինչեւ օգոստոսի 3-ն ավարտել ազգային առաջնությունները, ինչը Ֆրանսիայում հնարավոր չէր լինի, մինչդեռ ՈՒԵՖԱ-ի նախագահ Ալեքսանդր Չեֆերինը պարզապանել է, որ դա ընդամենը խորհուրդ է եղել:

Մյուս կողմից Ֆրանսիայի իշխանությունները, կարծես, սկսում են փոխել վերաբերմունքն իրավիճակի վերաբերյալ: Սպորտի նախարարը շատ է ցանկանում ֆուտբոլային հանդիպումներ անցկացնելու դեպքում երկրպագուների տեսնել մարզադաշտերում թեկուզ սահմանափակ քանակով: Նրա կարծիքով՝ հավանական է, որ դա լինի հուլիսի վերջից:

Իսկ քանի դեռ ղեկավարները մտորում են, երկրպագուներն իրենց «գլխի ճարը տեսնում են»: Մոտ 1 շաբաթ առաջ Ֆրանսիայում առանց թույլտվության ֆուտբոլային հանդիպում են անցկացրել արտակարգ դրության պայմաններում: Ներկա են եղել երկրպագուներ, ու 400 հոգի ներխուժել է խաղադաշտ:

Ֆրանսիայում երկրպագուները ներխուժել են խաղադաշտ

Մարտի սկզբին կորոնավիրուսի պանդեմիայի պատճառով գրեթե ողջ Եվրոպայում, բացի Բելառուսից, ֆուտբոլային առաջնությունները դադարեցվել էին: Դրանք վերսկսվեցին մայիսի կեսերին: Առաջինը վերադարձավ Բունդեսլիգան: 1 շաբաթ անց վերսկսվեց Հայաստանի Բարձրագույն խմբի առաջնությունը:

Տպել
667 դիտում

Մայոր Գարուշ Համբարձումյանը Բազումից էր, իսկ կապիտան Սոս Էլբակյանը՝ Մարմաշենից

Արցախա-ադրբեջանական հակամարտ զորքերի շփման գծում այս պահին պահպանվում է հարաբերական կայուն իրադրություն. Արցախի ՊԲ

Ադրբեջանական կողմը սեփական բնակչությանը շրջապատել է հրետանային մարտկոցներով. Razm.info

Սուտ է, ոչ մի ռազմավարական օբյեկտ չի խոցվել. Արծրուն Հովհաննիսյան

Իջևան քաղաքում կստեղծվի ճգնաժամային տեղեկատվական կենտրոն. ԶԼՄ-ների աշխատանքը կհամակարգի Արծրուն Հովհաննիսյանը

Շախմատի միջազգային օրը ՀՀ-ում շախմատի էտյուդների լուծման մրցույթ կկայանա

Ուկրաինայի ԱԳՆ-ն հակամարտության լուծումը տեսել էր՝ հօգուտ Ադրբեջանի. Ուկրաինայի դեսպանը կանչվել է ՀՀ ԱԳՆ

Սեյրան Օհանյանի պաշտպանը միջնորդեց կասեցնել գործի վարույթը եւ դիմել Սահմանադրական դատարան

Ոստիկանությունը ԶԼՄ-ներին հորդորում է չմտնել մարտական տարածքներ, սահմանամերձ բնակավայրեր և ուղիղ եթերներ չանել

Կրեմլը խոր անհանգստություն է հայտնել հայ-ադրբեջանական սահմանին տեղի ունեցող հրաձգությունների կապակցությամբ. Պեսկով

Գիշերային պատժիչ գործողություններ. ՊՆ-ն նոր տեսանյութ է հրապարակել

Հայկական ԶՈՒ ՀՕՊ ստորաբաժանումը խոցել է Ադրբեջանի կրակի կառավարման համակարգ հանդիսացող ԱԹՍ

Հակառակորդի արձակած կրակից մահացու վիրավորում են ստացել ՀՀ 2 սպա՝ մայոր եւ կապիտան

Գեղարքունիքի մարզպետն այցելել է Աղբերք բնակավայրի ջրատարի շինարարական տեղամաս

Արմեն Սարգսյանը հյուրընկալել է Ֆրանսիայի արտակարգ և լիազոր դեսպանին

Մարտի 1-ի գործով տուժողի ներկայացուցիչը բացարկի միջնորդություն է ներկայացրել դատախազներին

«70 տարեկան մարդ ենք, լսողությունից՝ վատ, ինչո՞ւ չենք կարող տեղավորվել այդտեղ». Մարտի 1-ի գործով տուժողները դժգոհեցին

Մայորներ, ենթասպաներ. Ադրբեջանը պաշտոնապես հայտնում է եւս 5 զոհի մասին

Զգուշանալու կոչ. հայերի էջերով կեղծ տեղեկություններ են տարածվում սահմանային իրավիճակի վերաբերյալ

Գեներալ-մայոր Փոլադ Հաշիմով, գնդապետ Իլգար Միրզաև․ Ադրբեջանի ՊՆ-ն հաստատում է նրանց սպանվելու լուրը