«Դահլիճում ապահովված չէ սոցիալական հեռավորություն». Քոչարյանի եւ մյուսների գործով նիստն ընդմիջվեց

Երեւանի ընդհանուր իրավասության դատարանի Շենգավիթի նստավայրում այսօր շարունակվում է Ռոբերտ Քոչարյանի եւ մյուսների գործով դատական նիստը։

Նախորդ նիստին, հիշեցնենք, մեղադրող դատախազ Գեւորգ Բաղդասարյանը միջնորդել էր բոլոր ամբաստանյալների պաշտպանների գործողություններում ճանաչել իրավունքի չարաշահում, սահմանափակել դատական նիստի նախապատրաստական ենթափուլն ու հնարավորություն տալ անցնել դատաքննության: Միջնորդության քննությունը հետաձգվել էր՝ հաշվի առնելով, որ բացակայում էր ամբաստանյալ Յուրի Խաչատուրովի պաշտպան Միհրան Պողոսյանը։

Այսօրվա նիստին Միհրան Պողոսյանն ասաց, որ ինքը կորոնավիրուսի թեստ է հանձնել, որի պատասխանը եղել է բացասական, սակայն երեկ կորոնավիրուս է հաստատվել այն անձի մոտ, որի հետ ինքը այս ընթացքում շփվել է, այդ իսկ պատճառով պատրաստվում է նորից թեստ հանձնել: Պողոսյանը տեղեկացրեց, որ դատարան մուտք գործելիս ջերմաչափվել է, եւ իր ջերմությունը եղել է 36.9: Նա ասաց, որ այս ամենը ներկայացնում է, որպեսզի դատարանը որոշի՝ ինքը կարող է մասնակցել նիստին, թե ոչ: Նշենք, որ Պողոսյանը չէր նստել պաշտպանների համար նախատեսված հատվածում եւ ելույթ էր ունենում՝ դատավարության մյուս մասնակիցներից հեռավորություն պահելով:

Դատավոր Աննա Դանիբեկյանը կողմերից հետաքրքրվեց, թե ինչ դիրքորոշում ունեն նման պայմաններում դատական նիստը շարունակելու վերաբերյալ: Սեյրան Օհանյանի պաշտպան Կարեն Մեժլումյանը նշեց, որ դատական նիստերի դահլիճում պետք է պահպանվեն սոցիալական հեռավորության պայմանները: Ռոբերտ Քոչարյանի պաշտպան Հայկ Ալումյանն էլ ասաց, որ եթե դատարանը հենց հիմա հնարավորություն ունենա սոցիալական հեռավորությունը պահպանել այնպես, ինչպես պարետատունն ու Կառավարությունն են սահմանել, ինքը որեւէ խնդիր չի տեսնում. «Բայց քանի դեռ դատարանը մեզ չի տվել ոչ միայն պարոն Պողոսյանից, այլեւ մեկս մյուսից հեռավորություն պահելու հնարավորությունը, ապա ես կարծում եմ, որ այս կարգը ընդհանրապես ուղիղ հակասում է գործադիր իշխանության հորդորներին. հիմա սխա՞լ են ասում, թե՞ էս դատավարությունն է սխալ, պետք է կողմնորոշվենք»: Ալումյանն ընդգծեց, որ սոցիալական հեռավորությունը, ըստ սահմանված կարգի, 1.5-2 մետր է, եւ հաշվի առնելով նիստերի դահլիճում գտնվող անձանց քանակը՝ դահլիճի մակերեսը պիտի լինի 200 մետրից ավելի. «Եթե դա չեք անում, ուրեմն ուղղակիորեն մեր պարետատան ասածները անտեսում եք, չի բացառվում, որ իրենք են սխալ ասում, բայց դա հայտարարենք, էլի, որ մարդիկ իմանան՝ վերջը ով էր ճիշտ՝ դատավոր Աննա Դանիբեկյանը, թե պարետատունը»,- ասաց Ալումյանը՝ հավելելով, որ սոցիալական հեռավորությունը պահելու պարագայում խնդիր չի տեսնում Միհրան Պողոսյանի՝ նիստին մասնակցելու մեջ:

Դատավոր Աննա Դանիբեկյանը հարց հղեց Հայկ Ալումյանին այն մասին, թե 1.5-2 մետր հեռավորության պայմաններում ինքը հնարավորություն կունենա՞ իր պաշտպանյալի հետ հաղորդակցվելու, ինչին Ալումյանը պատասխանեց. «Յուրաքանչյուր դեպքում, երբ խնդիր կունենամ նրա հետ ինչ-որ հարց քննարկելու, կմիջնորդենք, որ դատական նիստը կարճ ընդհատվի, քննարկումը կանենք, ես այդպես եմ պատկերացնում»,- ասաց նա:

Պաշտպան Արամ Վարդեւանյանն էլ ասաց, որ, ամեն դեպքում, պարոն Պողոսյանի հայտնած կասկածը վերաբերում է իրենցից յուրաքանչյուրի, այդ թվում՝ դատարանի առողջության խնդիրին, եւ դրա կազմակերպչական պատասխանատվությունը դատարանի վրա է. «Բայց մյուս կողմից ես ինքս հետեւել եմ «Սասնա ծռեր»-ի գործով դատավարությանը, որի ժամանակ կարծես թե այս ամբողջ տարածքն է օգտագործվել. եթե այս հատվածում պատուհան կա, եւ կարող ենք սոցիալական հեռավորություն պահպանելով՝ օդափոխել դահլիճը, այն տարածքում դա առհասարակ չկա, դրանից բացի, տեղին կլինի պարզաբանել`արդյոք ախտահանվել է այս դահլիճը, եւ ինչ հաճախականությամբ է դա արվում»: Վարդեւանյանը շեշտեց նաեւ, որ կորոնավիրուսով վարակված եւ ապաքինված լինելը չի երաշխավորում հակամարմնի առկայություն. նա նկատի ուներ Կարեն Մեժլումյանին, որը վերջերս է ապաքինվել կորոնավիրուսից: 

Դատավոր Աննա Դանիբեկյանը, ի պատասխան Արամ Վարդեւանյանի հարցին, ասաց, որ դահլիճները պարբերաբար ախտահանվում են, սակայն այդ դահլիճում տեղի ունեցած նախորդ նիստից հետո այն չի ախտահանվել, քանի որ նման հնարավորություն չի եղել:

Համապատասխան պայմաններ ապահովելու անհրաժեշտության մասին ելույթ ունեցան նաեւ մյուս պաշտպանները, ինչից հետո խոսքի իրավունքը դարձյալ տրվեց Միհրան Պողոսյանին. «Առողջական վիճակով պայմանավորված՝ ես այժմ խնդիր չունեմ մասնակցելու, բայց եւ չեմ ցանկանում, որ իմ պատճառով որեւէ անձի առողջությանը վտանգ սպառնա»,- ասաց նա՝ հավելելով, որ այսօր հատուկ եկել է ավելորդ շահարկումներից խուսափելու համար, թե իբր պաշտպանը չի եկել:

Այնուհետեւ դիրքորոշում հայտնեց մեղադրող կողմը: Մասնավորապես՝ մեղադրող դտաախազ Գեւորգ Բաղդասարյանն ասաց՝ այն, որ սոցիալական հեռավորությունը պետք է պահել, եւ որ դրա համար պետք է պայմաններ ստեղծել, վիճելի չէ, բայց տպավորություն է ստեղծվում, թե իրենք գործ ունեն դատական նիստը անհնարին դարձնելու մի նոր հիմքի հետ. «Ինչո՞ւ, որովհետեւ արդեն խոսում ենք դատական նիստերի դահլիճն ախտահանելու վիճակագրության մասին»,- շեշտեց դատախազը՝ հավելելով, որ կորոնավիրուսի պայմաններում աշխատում են արդեն մի քանի ամիս, եւ այդպիսի հարցեր, չգիտես ինչու, չէին քննարկվում. «Ես գտնում եմ, որ սոցիալական հեռավորությունը պահպանելու հնարավոր պայմանները պիտի ապահովվեն, բայց կրկնում եմ, որ շեշտադրումը, որ քառակուսի մետրով եւ տարածքով ներկայացվեց եւ առաջարկվեց այնպիսի տարածք, որը ես հստակ չգիտեմ, բայց միգուցե հնարավոր չէ ապահովել, ճիշտ չէ»: Բաղդասարյանը դատարանին առաջարկեց քննարկել իր հնարավորության սահմաններում սոցիալական հեռավորությունը ավելի լավ պահելու, ավելի լավ պայմաններ ստեղծելու եւ դատական նիստը շարունակելու հարցը: Մեղադրող դատախազ Պետրոս Պետրոսյանը միացավ Բաղդասարյանի առաջարկին:

Ելույթ ունեցավ նաեւ տուժող Սարգիս Քլոյանը. «Եթե դատարանը ապահովի սոցիալական հեռավորություն, ի՞նչ երաշխիք կտաք, որ Քոչարյանը եւս տասը փաստաբան չի ներգրավվի, այդ դեպքում սոցիալական հեռավորություն ո՞նց պահպանեն»,- ասաց նա: Դատավորը տեղեկացրեց, որ այժմ այդ հարցը չի քննարկվում: Միհրան Պողոսյանն էլ առաջարկեց հետաձգել այս դատական նիստը եւ հաջորդ դատական նիստի համար ապահովել այդ պայմանները:

Այնուհետեւ Աննա Դանիբեկյանն ասաց, որ առաջարկում է օգտագործել դահլիճի մյուս հատվածը. դատավարության որոշ մասնակիցներ կարող են տեղափոխվել այդ հատված եւ ցանկության դեպքում ձեռք բարձրացնել, դիրքորոշում հայտնել: Կարծիքների փոխանակումը շարունակվեց մի քանի րոպե եւս, ինչից հետո դատարանը հարց հղեց. «Եթե դատավարության մասնակիցների մի մասը տեղափոխվի այդ հատված, ապահովվեն սեղաններ, հնարավոր համարո՞ւմ եք այսօրվա նիստի շարունակությունը, ինչին Ռոբերտ Քոչարյանն արձագանքեց. «Ես՝ ոչ. այս դեպքում կառաջարկեի նույիսկ կես ժամ ընդմիջել, ախտահանում անել»: Նախագահող դատավոր Աննա Դանիբեկյանն ասաց, որ դա տեխնիկապես հնարավոր չէ, ինչին Քոչարյանն արձագանքեց. «Եթե հնարավոր չէ, ապա իմ տպավորությամբ՝ ներկա մարդկանց առողջության նկատմամբ ոչ միայն անհարգալից, այլև շատ անփույթ, անհասկանալի վերաբերմունք է դրսևորվում»:

Մեղադրող դատախազ Պետրոս Պետրոսյանը արձագանքեց Քոչարյանի ելույթին. «Մենք նախորդ դատական նիստերին քննարկել ենք տարբեր միջնորդություններ, այդ թվում՝ անձի ազատության հետ կապված, եւ նման խնդիրներ, նման առաջարկություններ չէին հնչում, այսինքն՝ պահանջները ավելանում են, ասում են՝ ախտահանեք դատական նիստերի դահլիճը. անհատական ախտահանման միջոցներ են դրված սեղանին, եւ բոլորը հնարավորություն ունեն օգտվել»,- ասաց նա՝ հավելելով, որ դատարանի առաջարկը ողջամիտ է:

Դատավոր Աննա Դանիբեկյանը ընդմիջում հայտարարեց՝ տեխնիկակական հարցերը պարզելու համար, ասաց՝ եթե հնարավորություն ունենան ապահովելու այդ պայմանները, նիստը կշարունակվի:

Տպել
2894 դիտում

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ

Վրաստանի ՊՆ ներկայացուցիչներն այցելել են Վազգեն Սարգսյանի անվան ռազմական համալսարան

Ալեն Սիմոնյանն ընդունել է Գիտանաս Նաուսեդային. անդրադարձ է կատարվել տարածաշրջանային անվտանգության խնդիրներին

Վահագն Խաչատուրյանը հյուրընկալել Լիտվայի Հանրապետության նախագահին. նրանք հանդես են եկել հայտարարություններով (տեսանյութ)

ՀՀ ԱԳ նախարար Արարատ Միրզոյանը մասնակցել է ԵԽ նախարարների կոմիտեի նիստին (տեսանյութ)

Միացյալ Նահանգները լավ գործընկեր է ձեռք բերել՝ ի դեմս Հայաստանի կառավարության. Լին Թրեյսի

Ավտովթար Երևանի «Հայրենիք» կինոթատրոնի մոտակայքում. կա զոհ