ՀՀ հավաքականի հեռանկարային ըմբիշը բանակ կգնա. չի հասցնի տարկետման համար ցուցանիշ գրանցել

Հայաստանի ազատ ոճի ըմբշամարտի երիտասարդական հավաքականի հեռանկարային մարզիկի կարիերան կընդհատվի, քանի որ զորակոչվելու է պարտադիր ժամկետային զինծառայության: «Հայկական ժամանակ»-ի հետ զրույցում մեծահասակների հավաքականի գլխավոր մարզիչ Հաբեթնակ Կուրղինյանը նշեց, որ խոսքը 74 կգ քաշային կարգում հանդես եկող Դավիթ Գեւորգյանի մասին է: Գեւորգյանը, նրա խոսքով, ՀՀ չեմպիոն է, ամեն տարի ՀՀ-ում անցակցվող Ստեփան Սարգսյանի անվան միջազգային մրցաշարի մրցանակակիր, միջազգային ասպարեզում, սակայն, չի կարողացել տարկետման կամ սպորտային վաշտում ծառայելու համար համապատասխան ցուցանիշներ գրանցել:

«Մենք այդ հարցը բարձրացրինք նախարարությունում, ֆեդերացիայում, թե ոնց պետք է լինի, ինչ պետք է լինի: Լավ մարզիկ է: Այս տարի իր վերջին հնարավորությունն էր: Միշտ գրավել է մոտ տեղեր, անցած տարի Ստեփան Սարգսյանի անվան մրցաշարում մրցանակակիր դարձավ, ուղղակի աշխարհի ու Եվրոպայի առաջնություններում չի գրավել մինչեւ 5-րդ տեղ, բայց հեռանկարային է: Մենք դիմենցինք կրթության, գիտության, մշակույթի եւ սպորտի նախարարություն, ասացին, որ դիմենք պաշտպանության նախարարություն, ՊՆ դիմեցինք, թե՛ մի տեղից, թե՛ մյուս տեղից մեզ մերժեցին»,- ասաց Կուրղինյանը:

Այս տարի հունիսին պետք է տեղի ունենար Եվրոպայի 2020թ. երիտասարդական առաջնությունը, որը Գեւորգյանի՝ անհրաժեշտ ցուցանիշը գրանցելու վերջին հնարավորությունը կլիներ, սակայն կորոնավիրուսի պանդեմիայի պատճառով մրցաշարը հետաձգվել է: Նախնական նշանակվել է հոկտեմբերի 19-25-ը, Մակեդոնիայի մայրաքաղաք Սկոպյեում, բայց ամառային զորակոչը հուլիսի սկզբից արդեն սկսվել է: Հետեւաբար Գեւորգյանը չի կարող մասնակցել: Այդ պատճառով ԿԳՄՍ-ին ու ՊՆ-ին ֆեդերացիան խնդրել է, որ նա գոնե սպորտային վաշտում ծառայի, սակայն, ինչպես նշվեց, մերժում է եղել:

«Խնդրում էինք, որ սպորտային վաշտ գնա, որովհետեւ տարկետում, ըստ օրենքի, չեն կարողանում տալ, տարկետումը հստակ նշված է որոշման մեջ, որ եթե այս արդյունքներն արված են, կտանք, չէ՝ չենք տա»,- ասաց Կուրղինյանը:

Ավելի վաղ ՀԺ-ն անդրադարձել էր նմանատիպ խնդիր ունեցող նաեւ այլ մարզաձեւերի: Հայաստանի բռնցքամարտի հավաքականի գլխավոր մարզիչ Վահան Ադիլխանյանը պատմել էր 2 բռնցամարտիկի մասին: ՀՀ Ձյուդոյի ֆեդերացիայի փոխնախագահ Թաթուլ Հովհաննիսյանն էլ նշել էր, որ նման իրավիճակում է 4 ձյուդոիստ:

Տպել
1657 դիտում

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)