Արթուր Վանեցյանը դուրս եկավ ԱԱԾ-ից. նա հրաժարվել է բացատրություն տալ

Ազգային անվտանգության ծառայության նախկին տնօրեն, այժմ «Հայրենիք» կուսակցության հիմնադիր Արթուր Վանեցյանը քիչ առաջ դուրս եկավ ԱԱԾ շենքից:

Հիշեցնենք՝ երեկ նա ԱԱԾ էր հրավիրվել՝ ԱԱԾ քննչական դեպարտամենտում նախապատրաստվող նյութերի շրջանակում բացատրություն տալու. նյութերը, ըստ նրան ուղարկված ծանուցման, վերաբերում են «Ազգային անվտանգության մարմինների մասին» ՀՀ օրենքի 16-րդ հոդվածի պահանջների խախտմամբ ինչ-որ մի անձի ԱԱԾ-ում պաշտոնի նշանակելուն: Նշենք, որ օրենքի այդ հոդվածը սահմանում է ազգային անվտանգության մարմինների պարտականությունները:

Լրագրողների հետ ճեպազրույցում Արթուր Վանեցյանն ասաց, որ դեռ չկա հարուցված գործ, եւ ինքը որեւէ կարգավիճակ չունի. «Ինձ հրավիրվել էին անհեթեթ նյութերի նախապատրաստման փուլում բացատրություն տալու, եւ ես ուզում եմ նշել, որ որեւէ պարտավորություն չունեի գալու, բայց հարգելով ինստիտուտը՝ այցելել եմ եւ հրաժարվել բացատրություն տալ»:

Արթուր Վանեցյանը պատմեց, որ 2018 թվականին պաշտոնի է վերականգնվել ԱԱԾ նախկին աշխատակիցներից մեկը, որը, ըստ ԱԱԾ մեկնաբանության, իրավունք չուներ այդ պաշտոնին վերականգնվելու, ինչին Վանեցյանը համաձայն չէ. «Բայց երեւի օրենքի ընթերցման եւ հասկանալու հետ կապված խնդիրներ ունեն ոչ թե ԱԱԾ աշխատակիցները, քննիչները, այլ ՀՀ քաղաքական ղեկավարությունը, ինչպես նաեւ ԱԱԾ գործող տնօրենը, որովհետեւ եթե օրենքը կարդային հստակ եւ մինչեւ վերջ, կհասկանային, որ որեւէ խախտում տեղի չի ունեցել»: Վանեցյանի կարծիքով՝ այս գործն իրականում ոչնչի մասին է, շինծու է եւ հետապնդում է քաղաքական նպատակներ. «Վերջին ութ ամիսների ընթացքում իշխանությունները փորձում են ամեն կերպ իմ նկատմամբ քրեական հետապնդում իրականացնել՝ նպատակ ունենալով կասեցնել իմ ակտիվ քաղաքական գործունեությունը»,- ասաց նա՝ հավելելով, որ ինչպես իր հասցեին հնչած նախկին մեղադրանքները, այնպես էլ սա հօդս է ցնդելու:

Վանեցյանը հերթական անգամ հերքեց, որ հանդիպել է Ռոբերտ Քոչարյանի հետ, բայց չբացառեց, որ առաջիկայում կլինի հանդիպում բոլոր քաղաքական ուժերի, անհատների, այդ թվում՝ Ռոբերտ Քոչարյանի, Սերժ Սարգսյանի, Լեւոն Տեր-Պետրոսյանի հետ:

Հարցին՝ ա՞յն Ռոբերտ Քոչարյանի եւ Սերժ Սարգսյանի, որոնց Վանեցյանը իր ԱԱԾ տնօրեն լինելու ընթացքում մեղադրում էր կոռուպցիայի, երկիրը թալանելու մեջ, Վանեցյանը պատասխանեց. «Գիտեք, այդ հարցը տեղին չէ, քաղաքական գործընթացները ենթադրում են հանդիպումներ բոլոր ուժերի եւ քաղաքական գործունեություն ծավալող բոլոր անձանց հետ»:

Մյուս հարցին՝ ժողովուրդը կկարողանա՞ ընդդիմության շուրջը համախմբվել եւ երկրորդ անգամ իշխանություն փոխել, ինչպես իր վերջին հարցազրույցում ասում էր Ռոբերտ Քոչարյանը, Վանեցյանը պատասխանեց. «Միանշանակ, ես համոզված եմ, որ առաջիկայում լինելու են քաղաքական ակտիվ գործընթացներ, որոնց ժամանակ մենք տեսնելու ենք այն զարգացումները, որ կլինեն: Իրականում երկիրը գտնվում է շատ բարդ իրավիճակում, ծանրագույն վիճակում, իշխանությունները ձախողել են բոլոր ուղղություններով իրենց կատարած աշխատանքները. մենք կանգնած ենք առողջապահական, տնտեսական ճգնաժամի առջեւ, եւ մնացած խնդիրները կարգավորելու փոխարեն իշխանությունները զբաղված են իրենց ընդդիմադիրներին լռեցնելու մեջ»,- ասաց նա:

Արթուր Վանեցյանի փաստաբան Լուսինե Սահակյանն էլ ասաց. «Սա ես համարում եմ ծաղր օրենքի նկատմամբ, կա օրենք, ըստ որի՝ սահմանային ժամկետը ԱԱԾ ծառայողի մինչեւ 50 տարի է, սակայն իրավունք ունեն մինչեւ 5 տարի ժամկետով դա երկարացնել, ինչը տվյալ դեպքում արվել է, այստեղ խոսքը ընդամենը 1 տարվա մասին է, եւ անձը վերականգնվել է աշխատանքի օրենքի պահպանմամբ»:

Լուսինե Սահակյանի խոսքով՝ հարցը այն չէ՝ նրանք կարդացել են օրենքը, թե ոչ, խախտում եղել է, թե ոչ, այլ այն է, որ քննարկում են քրեական գործ հարուցելու հարցը. «Ինձ համար շատ զարմանալի է այս հանգամանքը, որովհետեւ ՀՀ քրեական օրենսգրքում չկա նման նորմ, եթե նույնիսկ խախտում եղած լիներ, եւ անձը 60 տարեկանում վերականգնված լիներ, միեւնույն է, սա քրեական պատասխանատվություն առաջացնել չի կարող»: Ըստ Սահակյանի՝ Վանեցյանի դեմ որեւէ հիմք չկա, եւ հասել են նրան, որ նույնիսկ այսկերպ փորձում են մեղադրանք առաջադրել:

Հարցին՝ ի՞նչ աշխատակցի մասին է խոսքը՝ շարքայի՞ն, թե՞ բարձրաստիճան պաշտոնյայի, Լուսինե Սահակյանը չպատասխանեց՝ ասելով, որ իրենց ներկայացված նյութերում այդ տվյալները չկային. «Համենայն դեպս, խոսքը մի աշխատողի մասին է, ում ծառայության արդյունքում շատ լուրջ գումարներ են վերականգնվել»:

Տպել
2896 դիտում

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն