Երևան
13 °C
2019/20 մրցաշրջանում հայկական թիմը առաջին անգամ շատ մոտ էր եվրագավաթներից որևէ մեկի խմբային փուլ անցնելուն: Հայաստանի չեմպիոն «Արարատ-Արմենիան» հասել էր մինչև որակավորման փլեյ-օֆֆ փուլ, որտեղ բավականին հեշտ մրցակից էր ստացել՝ Լյուքսեմբուրգի չեմպիոն «Դյուդելանժին»: Սակայն, սեփական հարկի տակ տարած հաղթանակից հետո, հայկական թիմը պատասխան խաղում զիջել էր նույն հաշվով, իսկ 11 մետրանոցների հարվածաշարով էլ պարտվել էր ու դուրս մնացել պայքարից:
Հայ ֆուտբոլասերները հույս ունեին, որ նախորդ տարվա եվրագավաթային լավ ելույթներից հետո հայկական թիմերը կշարունակեն նույն տեմպով նաև 2020/21 մրցաշրջանում: Բայց, ստացվեց այնպես, որ նոր մրցաշրջանի մեկնարկում հայկական 4 թիմերը պարտվեցին բոլոր 4 խաղերում: Երեք թիմեր դուրս մնացին Եվրոպայի լիգայից, իսկ երկրի վերջին երկու տարիների անփոփոխ չեմպիոն «Արարատ-Արմենիան» Չեմպիոնների լիգայից տեղափոխվեց կարգով ավելի ցածր մրցաշար՝ Եվրոպայի լիգա:
Այստեղ ճակատագիրը յուրահատուկ ռևանշի հնարավորություն տվեց Հայաստանի չեմպիոնին՝ որակավորման երկրորդ փուլում մրցակից բաժին հանելով Լյուքսեմբուրգի 2019/20 մրցաշրջանի չեմպիոն «Ֆոլա Էշ» թիմին: Ռևանշը ստացվեց. խաղի ավարտից րոպեներ առաջ «Արարատ-Արմենիան» պարտվում էր 2 գնդակի տարբերությամբ, բայց կարողացավ հաշված րոպեների ընթացքում երկու գոլ խփել և խաղը տեղափոխել լրացուցիչ ժամանակ, այնտեղ էլ՝ հաղթանակ կորզել:
Իհարկե, հերոսական հաղթանակը շատ կարևոր էր հայկական ակումբային ֆուտբոլի հեղինակության համար: Եվս մեկ անգամ Լյուքսեմբուրգի չեմպիոնից դուրս մնալը կարելի է խայտառակություն համարել, ինչից Հայաստանի չեմպիոնը խուսափեց: Բայց արդյո՞ք ամեն ինչ կարգին է «Տաշիր Գրուպի» սեփականատեր Սամվել Կարապետյանի սեփականությունը հանդիսացող ակումբում:
Մարզչական սպասելի փոփոխություն
2018/19 և 2019/20 չեմպիոնական մրցաշրջաններում «Արարատ-Արմենիան» գլխավորում էր Հայաստանի հավաքականի նախկին գլխավոր մարզիչ Վարդան Մինասյանը: Վերջինիս գլխավորությամբ թիմը բավականին մռայլ խաղ էր ցուցադրում, բայց չեմպիոնական նպատակները, իհարկե, մեծ դժվարությամբ, լուծվում էին: Նախորդ մրցաշրջանի ավարտին արդեն պարզ էր դառնում, որ Մինասյանը չի շարունակի աշխատանքը ակումբում, նրա հեռանալու մասին շշուկները շատ էին, ի վերջո, այդպես էլ եղավ: Թիմը գլխավորեց իսպանացի Դավիդ Կամպանիան:
Հանելուկ իսպանացին՝ Վանաձորից
Իհարկե, նման որոշման մեջ տրամաբանություն կար. Կամպանիան Հայաստնում աշխատելու փորձ ուներ. 2019/20 մրցաշրջանի մեկնարկում նա գլխավորում էր Վանաձորի «Լոռին», որը առաջատարների թվում էր, և պանդեմիայիով պայմանավորված դադարը ստիպեց կողմերին խզել համաձայնագիրը: Բայց իսպանացի մարզչի աշխատանքը աննկատ չէր մնացել Հայաստանում. արդյունքում նա գլխավորեց շատ ավելի լուրջ հավակնություններ ունեցող «Արարատ-Արմենիան»: Սակայն այդ որոշումն իր մեջ մեծ ռիսկեր էր պարունակում: Կամպանիան, իրականում, հանելուկ-մարզիչ է, գլխավորել է իսպանական ցածր կարգի ակումբներ: Այո, «Լոռին» վատ ֆուտբոլ չէր խաղում, բայց գնահատել մարզչին միայն կես տարվա արդյունքներով, դժվար է: Առավել ևս, միշտ չէ, որ միջակ թիմի հետ հաջողության հասած մարզիչը կարողանում է նույնն անել կարգով ավելի բարձր թիմում: Եվ նոր մրցաշրջանի մեկնարկը հաստատեց դա:
Տարբեր փիլիսոփայություններ
Վարդան Մինասյանի և Դավիդ Կամպանիայի ֆուտբոլային փիլիսոփայությունները նկատելիորեն տարբերվում են միմյանցից: Մինասյանը ապավինում է մեկ մարտավարության (4-2-3-1), սակայն նրա խաղը հեշտ է հասկանալ ֆուտբոլիստների համար: Կա հստակ պատկերացում՝ թիմն ինչպես է խաղալու ամբողջ մրցաշրջանում: Կամպանիան, իհարկե, տակտիկապես ավելի ճկուն է, բայց նման դեպքում ֆուտբոլիստները պետք է լիարժեք նախապատրաստություն անցնեն միջմրցաշրջանում, որպեսզի հարմարվեն նոր մարզչի պահանջներին, իսկ ստեղծված իրավիճակում նախապատրաստական շատ ժամանակ չկար. մի մրցաշրջանին անմիջապես հաջորդեց մյուսը, և «Արարատ-Արմենիան» բախվեց սպասելի դժվարությունների: Նախ թիմը պարտվեց Հայաստանի սուպերգավաթի համար խաղում, հետո դուրս մնաց Չեմպիոնների լիգայի որակավորման փուլից՝ գրեթե կես տարի պաշտոնական ոչ մի խաղ չանցկացրած Կիպրոսի «Օմոնիայից»: Այնուհետև ձախողված մեկնարկ ազգային առաջնությունում (3 խաղում, երկու ոչ-ոքի և մեկ պարտություն): «Ֆոլայի» հետ հանդիպումը, հավանաբար, Կամպանիայի վերջին շանսն էր ակումբի ղեկին մնալու համար: Իր համար բարեբախտաբար, «Արարատ-Արմենիան» դժվարին հաղթանակ տարավ, և Կամպանիան, առնվազն մեկ շաբաթով երկարաձգեց իր աշխատանքը հայկական ակումբում:
Հայաստանի չեմպիոնին դեռ հարցեր կան
Առաջին հերթին «Արարատ-Արմենիայում» կաղում է կարգապահությունը. Մրցաշրջանի մեկնարկային երկու խաղերում (սուպերգավաթ և Չեմպիոնների լիգայի որակավորման փուլ) «Արարատ-Արմենիան» երկու հեռացում ունեցավ, ընդ որում, երկու դեպքում էլ հեռացվեց թիմի նորեկ իսպանացի Դավիդ Ումանեսը: «Ֆոլայի» հետ խաղում դեռևս առաջին կեսում կարմիր քարտ ստացավ Ալեքս Ջունիորը: Այս ուղղությամբ Կամպանիան լուրջ աշխատանք ունի կատարելու:
Բացի այդ, թիմի մարտավարությունը դեռ ձևավորված չէ: Կամպանիան դեռ չի կողմնորոշվում՝ 3, թե 2 կենտրոնական պաշտպաններով խաղալ, առջևի գծում Յուսուֆ Օտուբանջոյի հետ միասին դաշտ դուրս բերե՞լ մյուս հարձակվող Լուիս Օգանային, թե՞ ընտրել այնպիսի ֆուտբոլիստի, ով ավելի շատ խաղի կազմակերպիչի որակներ կունենա:
Ինչևիցե, Դավիդ Կամպանիայի եվրագավաթային «կամպանիան» դեռ շարունակվում է, Եվրոպայի լիգայի որակավորման երրորդ փուլում թիմը սեպտեմբերի 24-ին կընդունի Սլովենիայի չեմպիոն «Ցելյեին»: Իհարկե, սլովենական թիմը կարգով ավելի բարձր է, քան «Ֆոլան», բայց ամենևին էլ անհաղթահարելի չէ: Իսկ դրա համար պետք է արագորեն կարողանալ շտկել բոլոր խնդիրները: Հակառակ դեպքում Կամպանիայի հրաժարականի հարցը նորից կարող է ակտուալ դառնալ:
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
© 2024 Հայկական ժամանակ