ՀՀ ներկայացուցիչը ՄԻԵԴ է ուղարկել տվյալներ նաեւ Վարդենիսի դեպքերի մասին. Եղիշե Կիրակոսյանի խոսքով՝ իրավիճակն աննախադեպ է

Ադրբեջանի նկատմամբ միջանկյալ միջոց կիրառելու պահանջի շրջանակում Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանն այսօր առավոտյան ՄԻԵԴ է ուղարկել ապացուցողական լրացուցիչ տվյալներ՝ Գեղարքունիքի մարզի Վարդենիս քաղաքում տեղի ունեցող դեպքերի վերաբերյալ:

«Հայկական ժամանակ»-ի հետ զրույցում Կիրակոսյանն ասաց, որ ՄԻԵԴ-ին են ուղարկում ցանկացած տեսակի ապացույցներ, տեսագրություններ, հաղորդագրություններ, փաստաթղթեր, մամուլի եւ այլ հրապարակումներ, որոնք վերաբերում են քաղաքացիական բնակչության դեմ ուղղված գործողություններին՝ քաղաքացիական անձանց վիրավորվելուն, զոհվելուն, քաղաքացիական օբյեկտները վնասելուն: Կիրակոսյանի խոսքով՝ Ադրբեջանի այդ գործողությունները խախտում են ոչ միայն զինված ընդհարումների ժամանակ  միջազգային մարդասիրական իրավունքները, այլ նաեւ Մարդու իրավունքների եվրոպական կոնվենցիան:

Հիշեցնենք՝ սեպտեմբերի 27-ի վաղ առավոտից Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Սկսվել են ռազմական թեժ գործողություններ՝ կենդանի ուժի, հրետանային միջոցների, օդուժի, ներառյալ՝ անօդաչու թռչող սարքերի եւ այլ ստորաբաժանումների կիրառմամբ: Այսօր արդեն Ադրբեջանը կրակ է վարել նաեւ Վարդենիսի ուղղությամբ՝ թիրախավորելով ինչպես դիրքերը, այնպես էլ խաղաղ բնակավայրերը:

Ռազմական գործողությունների առաջին իսկ օրը ՄԻԵԴ-ում ՀՀ ներկայացուցիչը Ադրբեջանի նկատմամբ միջանկյալ միջոց կիրառելու պահանջով դիմեց Եվրոպական դատարանին՝ խնդրելով Ադրբեջանին պարտադրել դադարեցնել քաղաքացիական օբյեկտների ռմբակոծումը ՀՀ-ի եւ Արցախի Հանրապետության շփման գծի ողջ երկայնքով, ձեռնպահ մնալ ոչ ընտրանքային հարձակողական գործողություններից եւ քաղաքացիներին, քաղաքացիական օբյեկտները եւ բնակավայրերը թիրախավորելուց: Անցնող օրերի ընթացքում ՀՀ ներկայացուցիչը պարբերաբար թարմ տվյալներ է ուղարկում ՄԻԵԴ:

Թեմայի շուրջ մեր հարցերին է պատասխանել ՄԻԵԴ-ում ՀՀ ներկայացուցիչ Եղիշե Կիրակոսյանը.

-Պարո՛ն Կիրակոսյան, առաջին անգամն է, որ արցախաադրբեջանական կոնֆլիկտի շրջանակում ոչ թե անհատական գանգատ է ներկայացվում, այլ ՀՀ-ն է դիմում ՄԻԵԴ-ին: Ինչպե՞ս որոշվեց այս ձեւաչափով դիմել:

-Ես կարծում եմ՝ պատասխանը ակնհայտ է. մասշտաբի եւ վտանգավորության առումով իրավիճակը աննախադեպ է: Ներկայացված պահանջը միայն Արցախի նկատմամբ ագրեսիային չի վերաբերում, այլ նաեւ Հայաստանի Հանրապետության սահմանների նկատմամբ կատարված ոտնձգություններին, եւ այս ամենի կարեւորությունը ընդգծելու համար պետք էր, որ հենց ՀՀ-ի անունից դիմումը լիներ: Հաշվի առնենք նաեւ այն հանգամանքը, որ ՀՀ-ն է հանդիսանում Արցախի, արցախահայության անվտանգության միակ երաշխավորը: Մնացած ֆորմալ իրավական հարցերը լրիվ երկրորդ պլան են մղվում, առաջնայինն այստեղ մարդու իրավունքների պաշտպանությունն է, որը միջազգային իրավունքի տեսանկյունից, անկախ սուբյեկտի կարգավիճակից, այսինքն՝ ճանաչված պետություն է թե ճանաչված չէ, պետք է ամբողջովին ապահովվի: ՀՀ-ն էլ, որպես պետություն ունենալով պաշտպանելու այդ պատասխանատվությունը, ստանձնեց այդ դերը: Կարծում եմ՝ այս փուլում անհատական գանգատներին թողնելը այդքան էլ ճիշտ չէր լինի: Առնվազն միջանկյալ միջոց կիրառելու պահանջը պետք է ներկայացվեր ՀՀ-ի կողմից, հետագայում արդեն կքննարկվի ՀՀ-ի անունից միջպետական գանգատ ներկայացնելու հարցը:

-Անկախ նրանից, թե Եվրոպական դատարանը ինչ որոշում կկայացնի միջանկյալ միջոց կիրառելու վերաբերյալ, միջպետական գանգատը կարող է ներկայացվել, ճի՞շտ է:

-Այո-այո, դրանք տարբեր բաներ են. կա միջանկյալ միջոց կիրառելու պահանջ, որը արդեն ներկայացվել է, եւ միջպետական գանգատ, որը պետք է Կառավարության հաստատմամբ լինի. այս պահին նման որոշում չկա:

-Իրավիճակի վտանգավորությա՞մբ էր պայմանավորված, որ այս անգամ ՄԻԵԴ դիմեցինք հենց մարտերին զուգահեռ. օրինակ՝ Ապրիլյան պատերազմի ժամանակ եւս մարդու իրավունքների բազմաթիվ խախտումների վերաբերյալ գանգատներ ներկայացվեցին, սակայն ռազմական բուն գործողություններից հետո:

-Այո, այս անգամ առաջին օրվանից էլ պարզ էին մասշտաբները, վտանգավորությունը, եւ դրա համար էլ այս փուլում ներկայացրինք՝ փորձելով օգտագործել նաեւ այդ մեխանիզմը՝ ազդելու համար Ադրբեջանի վրա եւ սանձելու նրա՝ միջազգային իրավունքներն արհամարհող, ոտնահարող վարքագիծը, որն իրավական առումով բառերով էլ դժվար է բացատրել: Ի տարբերություն անհատական դեպքերի՝ պետության կողմից դիմումը իրավիճակային առումով մի փոքր ավելի լրջություն է հաղորդում: Ես հասկանում եմ,  որ քաղաքական առումով դատարանին կարող ենք վատ վիճակի մեջ դնել, բաց ամեն դեպքում, դատարանի դերն է երաշխավորել մարդու իրավունքները նաեւ այդ տարածքում:

- Իրավաքաղաքական առումով ՄԻԵԴ-ին ՀՀ-ի կողմից դիմելը ինչ-որ ազդեցություն կարո՞ղ է ունենալ մեզ համար:

-Չեմ կարծում. այս պահին առաջնային է մարդու իրավունքների երաշխավորումը, իսկ դիմումը, որ ներկայացրել ենք, չի նշանակում որեւէ ճանաչում կամ դրանից բխող որեւէ կարգավիճակ: Դա կարող ենք քննարկել պետական գանգատի շրջանակում, որովհետեւ այդ դեպքում արդեն տարբեր հիմնավորումներ եւ հիմքեր կան, թե ինչու է պետությունը ներկայացնում գանգատ կոնկրետ քաղաքացիների իրավունքների պաշտպանության համար, բայց այդ մասին խոսելը դեռ վաղ է: Այս պահին միջանկյալ միջոց կիրառելու պահանջը որեւէ մտահոգություն չպետք է առաջացնի. կարծում եմ՝ պետք էր րոպե առաջ դիմել եւ այդ միջոցն էլ փորձել:

-Պարո՛ն Կիրակոսյան, Արցախի ՄԻՊ Արտակ Բեգլարյանը մի առիթով նշել է, որ Ապրիլյանից հետո ՄԻԵԴ ուղարկված գործերում դիտարկվում են բացառապես գույքային իրավունքների խախտման, այլ ոչ թե կյանքի դեմ ուղղված հանցագործությունների դեպքերը: Սա հաշվի առնելով՝ ի՞նչ ակնկալիք է պետք պետք ունենալ ՄԻԵԴ-ից:

- Դա եւս գանգատի շրջանակում քննարկվելիք հարց է: Մենք շեշտադրումը դրել ենք կյանքի իրավունքի, անձնական կյանքի անձեռնմխելիության եւ վատ վերաբերմունքից զերծ մնալու իրավունքների վրա, որովհետեւ դատարանը միջանկյալ միջոց կիրառում է այս երեք հոդվածների խախտման, դրանց անդառնալի կորստի պարագայում, որը տվյալ դեպքում ակնհայտ է: Այսինքն՝ այս փուլում այլ, օրինակ՝ սեփականության իրավունքի հարց չենք կարող բարձրացնել:

-Առավելագույն ի՞նչ ժամկետում ՄԻԵԴ-ը պետք է որոշում կայացնի՝ միջանկյալ միջոց կիրառելու պահանջն ընդունելու կամ մերժելու մասին:

-Հաշվի առնելով հարցի հրատապությունը՝ պետք է օրերի ընթացքում լինի, այս պահին դեռ նորություն չունենք: Ստացել են, իրենք կայքում՝ հրապարակել՝ նշելով, որ ՀՀ-ն ներկայացրել է միջանկյալ միջոց կիրառելու պահանջ:

-Նախքան որեւէ որոշում կայացնելը ՀՀ-ն շարունակելու՞ է թարմացվող տվյալներ ուղարկելու:

-Այո, մենք հետեւում ենք իրադարձությունների զարգացմանը, դրանք շատ արագ են զարգանում, եւ ցավալի է, որ ունենում ենք կորուստներ, վիրավորներ, շատ ցավալի է նաեւ, որ տուժում է քաղաքացիական խաղաղ բնակչությունը: Ամեն դեպքում, մենք հետեւում ենք ընթացքին եւ ներկայացնում ենք լրացումներ:

 

 

 

Տպել
2661 դիտում

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով