Երևան
12 °C
searchclose
menuclose
Երևան
12 °C
Օրեր առաջ սուր աղիքային վարակ ախտորոշմամբ հոսպիտալացված քաղաքացիների վիճակը կայուն է: Նրանցից ոմանք վաղվանից դուրս կգրվեն բժշկական կենտրոններից:
Թունավորման առաջին մի քանի դեպքերը դեռ հոկտեմբերի 6-ին էին արձանագրվել Լոռու մարզի Տաշիրի տարածաշրջանի Կաթնառատ գյուղում: Ընդհանուր թուլություն, լուծ, բարձր ջերմություն ախտանշաններով սկզբում մի քանի, հետագայում գրեթե հարյուր քաղաքացի էր հոսպիտալացվել:
Տուժած քաղաքացիներից 43-ն այժմ Ստեփանավանի բժշկական կենտրոնում են: Դեռ օրեր առաջ տեղափոխված հիվանդներից ոչ ոք դուրս չի գրվել, նույն ախտանիշներով էլ վերջին հիվանդին երեկ են ընդունել: Նրանց մեջ կան մայրեր, երեխաներ:
Բուժհաստատության ընդունարանից մեզ տեղեկացրին, որ իրենց մոտ հիվանդները տարբեր վիճակում են, ամեն մեկն իր ձեւով է տանում վարակը՝ մեկը մի քիչ թեթեւ, մեկը՝ միջին ծանրության: Ծանր վիճակում գտնվողներ չկան: Ով շուտ է տեղափոխվել, ընդունել է անհրաժեշտ դեղորայքը, արդեն ունի դրական դինամիկա: Ուշ ընդունվածները եւս ունեն դրական դինամիկա, սակայն նրանցից ոմանք դեռ ջերմում կամ լուծում են, իրենց դուրս գրվելու մասին խոսելը դեռ վաղ է:
ԲԿ-ում այժմ սպասում են հիվանդների կրկնակի անալիզի պատասխանին, որ որոշեն հետագա քայլերը:
Տուժած մյուս քաղաքացիները՝ 55 հոգի, բուժում են ստանում Վանաձորի ինֆեկցիոն հիվանդանոցում: Նրանց բոլորի վիճակը կայուն է, ծանր վիճակում գտնվողներ չկան: Վաղվանից կամաց-կամաց կսկսեն դուրսգրումներ կատարել:
Բուժհաստատության տնօրեն Նունե Էվինյանը նշեց՝ ճիշտ է, սուր աղիքային ինֆեկցիան սկզբում բուռն է սկսում՝ ջերմություն, փսխում, ինքնազգացողության վատացում, սակայն նաեւ արագ բուժման է ենթարկվում: Այս առումով խնդիր չեն ունեցել: Այժմ պետք է կրկնակի բակ քննություն անեն, որպեսզի բացիլակրություն չմնա: Իրենց մոտ տեղափոխված հիվանդները հիմնականում անչափահասներ են, հոսպիտալացվել են նաեւ այդ երեխաների ընտանիքի անդամները:
Ինչպես հավելեցին հիվանդանոցից, եղել են քաղաքացիներ, որ սկզբում չեն դիմել, հետո տեսել են, որ իրենց ուժերով, տնական մեթոդներով չեն բուժվում, տեղափոխվել են հիվանդանոց:
Վարակման դեպքերի պատճառը բնակիչների օգտագործած ջուրն էր։ Կատարվածից հետո Կաթնառատում ջրի աղբյուրը փակվել էր: Օրեր առաջ մեզ հետ զրույցում Տաշիրի համայնքապետարանի աշխատակազմի քարտուղար Նունե Սոլոյանը հայտնել էր, որ իրականացվում են բաց ջրատարի ջրի մաքրման եւ ախտահանման աշխատանքներ: Մինչ այդ աշխատանքների ավարտը համայնքապետարանը հատուկ ջրերի մեքենաներով բնակավայր խմելու ջուր է տեղափոխում:
Այս անգամ նա մեզ տեղեկացրեց, որ արդեն կատարվել է տեխնիկական մաքրում, ջրի քլորացում, այս պահի դրությամբ վարակի տարածումը կանխվել է:
Այժմ ու դեռ որոշ ժամանակ Կաթնաղբյուրի բնակիչներին կշարունակեն ջուր բաժանել ջրատար մեքենաներով, քանի որ մեխանիկական մաքրումներն ու քլորացման աշխատանքները նոր են կատարվել: Ի դեպ վերջին անգամ այնտեղ ջուրը քլորացվել էր մեկ տարի առաջ:
Հարցին, թե թունավորման պատճառը հնարավո՞ր է հենց քլորացված չլինելը լինի, Սոլոյանը չպատասխանեց ու առաջարակեց սպասել հետազոտությունների արդյունքին:
Նրա խոսքով՝ այժմ համապատասխան կազմակերպության հետ պայմանագիր է կնքվել ու նման աշխատանքները շարունակական բնույթ են կրելու:
Նշենք, որ ՀՀ առողջապահության նախարարությունից ավելի վաղ հայտնել էին, որ մանրէաբանական հետազոտության նպատակով վերցված ջրի 12 նմուշից 7-ում հայտնաբերվել է շեղում, պացիենտներից վերցված 64 նմուշից 10-ում հայտնաբերվել է դիզենտերիայի հարուցիչ:
Առողջապահության նախարարությունից մեզ տեղեկացրին, որ այդպիսի նոր դեպքերի լինել- չլինելու մասին տեղեկատվություն կտրամադրեն ավելի ուշ:
«Հայկական Ժամանակ»-ը Telegram-ում
Եվս մեկ «Կրթվելը նորաձև է» շարժման հանդիպում Երևանում. լուսանկարներ
Վարչապետն այցելել է Տալլինի Սուրբ Գրիգոր Լուսավորիչ եկեղեցի. լուսանկարներ, տեսանյութ
Վարչապետ Նիկոլ Փաշինյանը պաշտոնական այցով ժամանել է Էստոնիա. լուսանկարներ, տեսանյութ
Հայտնաբերվել է գետն ընկած երեխան. հոսպիտալացման ճանապարհին 4-ամյա փոքրիկը մահացել է
2 օր է գտնվում եմ Տեղ, Խոզնավար և Խնածախ գյուղերում, բնականոն կյանքը շարունակվում է. Դանիելյան. տեսանյութ
Փակում են աչքերը, կատարում հրահանգներ. ՀՀ դպրոցներում տարածված խաղը վտանգավոր հետևանքներ կարող է թողնել
Կրթվելը նորաձև է Երևանում. վարչապետը տեսանյութ է հրապարակել
Արմատախիլ եղած ծառը փակել է ճանապարհը
Ադրբեջանի և Ուզբեկստանի նախագահները հեռախոսազրույց են ունեցել
Պատմությունը վերաշարադրելու ձեր փորձերը դատապարտված են. ժողովուրդը հիշողություն ունի. Հասմիկ Հակոբյան
Իրանում ապրիլի 28-ն ազգային սգո օր է հայտարարվել
Աշխարհի գավաթ. մարմնամարզիկ Արթուր Ավետիսյանը ոսկե մեդալ է նվաճել
17-ամյա մարմնամարզիկ Համլետ Մանուկյանը` աշխարհի գավաթի խաղարկության բացարձակ հաղթող
Վարչապետը պաշտոնական այցով մեկնել է Էստոնիայի Հանրապետություն. ինչ հանդիպումներ են նախատեսված
Բուդապեշտում Հայոց ցեղասպանության 110-րդ տարելիցին նվիրված հուշ-երեկո է տեղի ունեցել
Թարմացվել է 2025-ի մայիս-հունիս-հուլիս ամիսների գլոբալ սեզոնային կանխատեսումը. ինչ է սպասվում
Պուտինը կարգադրել է ԱԻՆ ինքնաթիռներ ուղարկել Իրան՝ միանալու նավահանգստում հրդեհի մարման աշխատանքներին
Բախվել են դի տեղափոխող շտապօգնության ավտոմեքենան ու «ՎԱԶ 2107»-ը
Վանկուվերում մեքենայի՝ ամբոխի մեջ մխրճվելու հետևանքով 9 մարդ է զոհվել
Չարենցավանում մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը
ԱԳՆ-ն Հարավաֆրիկյան Հանրապետությանն Ազատության օրվա առիթով շնորհավորական ուղերձ է հղել
Հրապարակվել է Հռոմի պապի վերջին ծածկագրված ուղերձը. ունեցած 200 հազար եվրոն ինչի վրա է նա ծախսել մահից առաջ
Մեր խորին ցավակցություններն ենք հայտնում Իրանի կառավարությանը և բարեկամ ժողովրդին. ԱԳՆ
Օդի ջերմաստիճանը կնվազի 3-6 աստիճանով, այնուհետ կբարձրանա. սպասվում է կարճատև անձրև և ամպրոպ
ՀՀ-Նիդերլանդներ ռազմավարական գործընկերության հռչակագրով մեր հարաբերությունները թևակոխել են նոր շրջան. վարչապետ
Ասորական համաշխարհային համաժողովը կանցկացվի Երևանում. վարչապետն ընդունել է Ջորջ Մարկուսին
Երևանի մանկասայլակների խանութներից մեկում բռնկված հրդեհը մարվել է. լուսանկարներ
Հայտնի են «Կրթվելը նորաձև է» շարժման առաջիկա հանդիպումների օրերն ու վայրերը. ժամանակացույց
«Ազատության» համար այլևս «նոր նորմա» է ՀՀ իշխանություններին ուղղված անհիմն քննադատությունները. Խաչատրյան
«Տիտանիկ»-ի փրկված ուղևորի նամակն աճուրդում վաճառվել է ռեկորդային գնով. ով է հեղինակը և ինչ է գրված
Կոտրել են ավտոտնակի երկաթե ճաղավանդակի փականը և թալանել «Chevrolet Volt»-ը. վնասի չափն անցնում է 1 մլն դրամից
Ուժի մեջ է մտել կաթնամթերքի վաճառքի նոր կարգը. օրինազանց տնտեսվարողները տույժի կենթարկվեն
ԱՍՀ նախարարությունը կհամագործակցի Չժեցզյանի անկախ կյանքի կենտրոնների համակարգման կենտրոնական գրասենյակի հետ
Երևանի մանկասայլակների խանութներից մեկում հրդեհ է բռնկվել
Իրանի նավահանգստում տեղի ունեցած պայթյունի հետևանքով զոհերի թիվն ավելացել է, 1000-ից ավել վիրավոր կա
Անկում տարադրամի շուկայում. ինչ փոփոխություններ են արձանագրվել ապրիլի 27-ին
ՀՀ նախագահը մասնակցել է Հռոմի պապի հուղարկավորության արարողությանը. լուսանկարներ, տեսանյութ
Արման Խոջոյանը Վաղարշապատի երիտասարդների հետ գյուղատնտեսության և այլ ոլորտներին առնչվող հարցեր է քննարկել
21-ամյա վարորդը վրաերթի է ենթարկել մայրուղին չթույլատրվող հատվածով անցած հետիոտնին
Կանադայի Վանկուվեր քաղաքում փառատոնի ժամանակ մեքենան մխրճվել է ամբոխի մեջ. զոհեր և վիրավորներ կան. տեսանյութ
