Կոմանդոսն է այցելում, օպերային երգիչներ են բացահայտվում, անգլերենի պարապմունք է արվում․ առաջնագծի համար ցանցեր գործելիս

Երբ սահմանին պատերազմ է, դպրոցներում էլ՝ արձակուրդ, կրթահամալիրը դառնում է արտադրամաս՝ զինվորին օգնող, նրա թիկունքը պահող:

Երեւանի «Արեգնազան» կրթահամալիրում տիրող թոհուբոհը մուտքից է սկսվում: Այստեղ 5 օր է՝ հաստատության ուսուցիչները, սաները, նրանց ծնողներն ու բազմաթիվ կամավորներ սահման ուղարկելու համար քողարկող ցանցեր են գործում: Սեղաններն իրար են միացրել, միջանցքներում՝ կտորներ փռել: Ամեն մեկն իր գործն է անում՝ առանձնացնում, կտրում կամ հյուսում:

«Մենք կարծես հյուսում ենք մեր քարտեզը՝ միացյալ Հայաստանի»,- մեր զրույցում ասաց «Արեգնազանի» ուսուցիչ ու նախաձեռնությունը համակարգող անդամներից Քրիստինե Բալայանը: Նա այնտեղ ամենազբաղվածներից մեկն էր՝ պատասխանում էր մեր հարցերին, ընթացքում պայմանավորվում տարբեր կամավորների ու կազմակերպությունների հետ, հասցնում նորեկներին գործելու ձեւերը սովորեցնել:

Մեզ հետ զրույցը մի պահ ընդհատեց հեռախոսին շարունակ եկող զանգերի պատճառով, հետո ուրախ արձագանքեց. «Կտոր են բերում»:

«Կտորները գտնում ենք տարբեր տեղերից, տարբեր արտադրամասեր, գործարաններ, որոնք զինվորների համար կարում են համազգեստ, դրանցից մնացած մասերը մեզ են տալիս: Չափազանց մեծ է ոգեւորվածությունը, բոլորն ուզում են օգնել, անգամ ունենք զոհված ազատամարտիկների ծնողներ, որոնք գալիս, կտորները տանում են, կտրտում»,- նշեց նա՝ հավելելով, որ նույնիսկ մարզպետներն են ուղարկում:

Այս հաստատությունում սահմանին կանգնածներին սկսել են օգնել պատերազմը սկսելու առաջին օրվանից: Սկզբում որոշ իրեր են հավաքել ուղարկել, հետո՝ սկսել կարել, այժմ էլ գործում են:

Կազմակերպչական աշխատանքներով զբաղվող Բալայանի տղան էլ այժմ կռվողների մեջ է, իսկ այս նախաձեռնությանը մայրիկը մասնակցում է թիկունքից որեւէ կերպ օգնելու, չխելագարվելու համար:

Կրթահամալիրում կամավորական աշխատանքը երբեմն նաեւ անակնալներով ու բացահայտումներով է ուղեկցվում, երբ հանկարծ ներս է մտնում Կոմանդոսը, կամ երբ որոշում են գործին զուգահեռ հայրենասիրական երգեր կատարել, ու պարզվում է՝ իրենց շարքերում օպերային երգչուհիներ կան։

«Երբ Կոմանդոսը եկավ, խառնվեցինք իրար, ուրախությունից ու ոգեւորվածությունից չգիտեինք՝ ինչպես մեզ պահել»,- պատմեցին մեզ:

Այնտեղ հավաքվածներից ոմանց տղաները սահմանում են, ոմանցը՝ զինվորագրվել, սպասում են կռիվ մեկնելուն: Կանայք խոստովանեցին՝ գործը բարդ չէ, մանավանդ որ զինվորների համար են անում։ Ու թեպետ երբեմն երգում են, ավելի հաճախ մտքերով սահմանում են՝ տղերքի հետ:

Ցանցերը ճիշտ գործելու ձեւը սկզբում մի քանի հոգով են սովորել, հետո սկսել սովորեցնել մնացածներին: Կամավորներից Աննան, որ երեք օր առաջ նոր էր ծանոթանում գործին, այսօր սովորեցնում է: Ձեւն իմանալուց հետո շատերը գնում են մարզեր ու գործը նաեւ այնտեղ շարունակում:

Կրթահամալիրի սաներից Դավիթն ու Ժաննան էլ կտորները առաձնացնելու պատասխանատու գործով էին զբաղված: Ճիշտ է, մի քիչ հոգնեցնող է, բայց վստահված գործը հաճույքով են անում:

Մի քիչ մեզ նեղություն տանք, որ հաղթենք

Առաջնագծի համար ցանցեր հյուսելու գործին մասնակցում է նաեւ անգլերենի դասախոս Նաիրի Գրեյս Պարտակչյանը։ Օրական ամենաքիչը վեց ժամ տեւող նրա դասերն էլ հենց այդտեղ են կազմակերպվում։ Մի դեպքում սովորողները գալիս են, եւ դասախոսը պարապում է ցանց գործելու ընթացքում, մյուս դեպքում դասը հեռավար է՝ Zoom-ով, եւ էլի ցանցի վրա աշխատելուն զուգահեռ։ 

«Ականջակալներս դնում եմ, կողքից գործողները երեւի կատաղում են, ամբողջ ընթացքում խոսում եմ, բայց եթե խելոք լինեն, իրենք էլ մի բան կսովորեն: Այնքան ժամանակ եմ այդպես անում, մինչեւ հեռախոսիս մարտկոցը նստում է, այդ դեպքում գնում եմ»,- պատմեց նա: Տուն գնալիս էլ կտորները վերցնում է, որ տանը շարունակի, այնտեղ էլ դաս-աշխատանքին մյուս խմբի աշակերտներն են միանում:

Մայրիկին նաեւ երեք փոքր տղաներն են սպասում: Հարցին՝ դժվար չէ՞ այսքան բան հասցնելը, նա պատասխանեց. «Եթե որոշել ենք, որ հաղթելու ենք, մի քիչ էլ մեզ պիտի նեղություն տանք»:

Ուսանողներն էլ չեն դժգոհում, որ դասը գործելուն զուգահեռ է։ «Այն, ինչ մեր տղաներն են անում, անհամեմատելի է, իրենց արյան գնով են անում, մենք էլ, ի՞նչ է եղածը, մի քիչ քրտինք չթափե՞նք»,- ընդգծեց նա:

Պարտակչյանը երկու քույրերի ու հայրիկի հետ ԱՄՆ-ից Հայաստան 1991 թվականին է եկել՝ պատերազմական շրջանում օգնելու։ Պետք է 3 տարի  մնային ու վերադառնային: «Այդ երեք տարին կարծես չի վերջացել։ Չի էլ վերջանալու։ Քաջ գիտակցում ենք դժվարությունները, երեւակայական պղպջակում չենք ապրում, պատրաստ ենք բոլոր ուժերով մեր հայրենիքի վերքերը բուժել»,- նշեց Պարտակչյանը, որ տարբեր դպրոցներում, համալսարաններում տարիներ շարունակ անգլերեն ու մաթեմատիկա է դասավանդել եւ դասավանդում, երաժշտության դասեր տալիս:

Կրթահամալիրում մեր այցելության ժամանակ մարդիկ շատ էին։ Այնքան, որ ցանկացողներին խնդրում էին վաղը մոտենալ՝ առավոտյան 10:00-ից մինչեւ 20:00-ը աշխատում են: Հիշեցնում էին, որ գործել իմանալը պարտադիր չէ, միայն գնալիս ցանկալի է մկրատ ունենալ։ Չլինի էլ՝ ոչինչ։ Իսկ դրսում անցորդները գնում-գալիս էին ու հարցնում. «Ցանցը որտե՞ղ են գործում»։

Այս խոսքերը գրված են կրթահամալիրի դիմացի պատին

Տպել
1973 դիտում

Վաղարշակ Հարությունյանը ՊՆ վարչական համալիրում ընդունել է Հայկ Չոբանյանին

Կինոյի տան շենքը ենթարկվում է անօրինական զավթումների․ Կինեմատոգրաֆիստների միությունն ահազանգում է (լուսանկարներ)

Հայտարարվել է ՎՏԲ-Հայաստան Բանկի Խորհրդի նոր կազմը

Կերժակովի հետևից. Արտյոմ Սիմոնյանը կհամալրի Ռուսաստանի Պրեմիեր լիգայի նորեկի կազմը

էլեկտրահարված տղաներից մեկը շնչում է արհեստական սարքի միջոցով. մյուսի կյանքի համար բժիշկները պայքարել են 5 օր

Չսպասելով ընտրական հանձնաժողովների կամ ներգրավված սուբյեկտների քայլերին՝ դատախազությունը նախաձեռնելու է գործընթաց

Պետք չէ ստեղծել տպավորություն, թե ընտրությունները համակարգված կերպով կեղծվել են․ Դավիթ Խաժակյան

«ՆԶՊ-ն բոլորիս համար ունի առանցքային նշանակություն». մեկնարկել է ռազմամարզական ճամբարի ծրագիրը

«Քաղաքացիական պայմանագիր» կուսակցության ներկայացուցիչը դատի է տվել ԿԸՀ-ին

Նիդերլանդների խորհրդարանի թուրքական խմբակցությունը միացել է հայ ռազմագերիներին անհապաղ ազատելու պահանջին

Հարգում ենք ժողովրդի մեծամասնության ընտրությունը․ «Ինքնիշխան Հայաստան» կուսակցությունը բաց է համագործակցության համար

Շենգավիթում կատարված սպանության փորձը բացահայտվել է. հետախուզվողը ներկայացել է ոստիկանություն (տեսանյութ)

Արմեն Սարգսյանին ծննդյան օրվա առթիվ շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Մաթեմատիկայի միասնական քննությունից անբավարար է ստացել դիմորդների 22.5 տոկոսը. հայտնի են նախնական արդյունքները

Ես մեր քաղաքացիներին ասում եմ մոլորյալներ. Արթուր Վանեցյան

Հանցագործության համար պատիժը պետք չէ մեկնաբանել որպես քաղաքական հետապնդում. Տիգրան Ավինյան

Անչափահասների մասնակցությամբ մահվան ելքով ավտովթարի դեպքի առթիվ քրեական գործ է հարուցվել (տեսանյութ, լուսանկարներ)

Պետք է կայունացնենք իրավիճակը և կենտրոնանանք բազմաթիվ խնդիրների վրա․ նախագահի հարցազրույցը՝ El Pais պարբերականին

Աջափնյակի թաղապետն ազատվել է աշխատանքից. Մարությանը ստորագրել է նրա դիմումը

Հանդիպել են Տիգրան Արզաքանցյանն ու Նիկոլ Փաշինյանը (տեսանյութ)

Նիկոլ Փաշինյանը հանդիպել է Դավիթ Սանասարյանի հետ

Արման Բաբաջանյանի մեքենայի վրա կրակելու գործով ձերբակալվածին մեղադրանք է առաջադրվել

Մինչ աշխարհը պայքարում էր համավարակի դեմ, Արցախում երեխաները թաքնվում էին ապաստարաններում. Հայրապետյանի ելույթը ԵԽԽՎ-ում

Լավրովն ու Բայրամովը քննարկել են Ղարաբաղի հարցով եռակողմ հայտարարությունների ընթացքը

Նիկոլ Փաշինյանը հանդիպում է ունեցել Պահպանողական կուսակցության նախագահ Միքայել Հայրապետյանի հետ

Բոլոր երեք նախագաների օրոք թալանված գումարները ես վերադարձրել եմ. Վանեցյան

Ողբերգական դեպք Երևանում. էլեկտրահարված երեխաներից մեկը մահացել է, մյուսի վիճակը ծանր է

Ռուս խաղաղապահները Սյունիքում կարող են տեղակայվել միայն այն ժամանակ, երբ ադրբեջանական ԶՈՒ-ն դուրս գա. Ավինյան

Արթուր Վանեցյանն անդրադարձավ իր «Крым наш» և «Я чекист» արտահայտություններին

Նուրհան արքեպիսկոպոս Մանուկյանը շնորհավորել է Նիկոլ Փաշինյանին

Օձունի գյուղապետը հաստատում է, Լոռու մարզպետը՝ հերքում. ինչ է կատարվել մարզպետի աշխատասենյակում

Սուրենավանում տեղի ունեցած վթարից տուժած 14-ամյա տղան գիտակցության է եկել

Քաղաքական խորհրդակցությունների շրջանակում Նիկոլ Փաշինյանը հանդիպել է Տիգրան Ուրիխանյանին (տեսանյութ)

Քայքայված վագոն-տնակը լքել է ևս մեկ ընտանիք (լուսանկարներ)

Ինչպե՞ս եք երեք օրում վերադարձնելու գերիներին. Վանեցյանը կոնկրետ պատասխան չտվեց լրագրողի հարցին

Բաքվում շարունակվում է հայ գերիների նկատմամբ շինծու գործով դատավարությունը

Սխալներ ունեցել ենք թե մենք, թե մնացած ուժերը, որ այսօր ունենք նման արդյունքներ. Վանեցյան

«Հայաստան» դաշինքի նշած ընտրատեղամասում կեղծիք չի եղել, խնդիրը պարզվել է առանց վերահաշվարկի. Իոաննիսյան

Եթե որոշում կայացվի մանդատները վերցնելու, ապա գնալու եմ խորհրդարան. Արթուր Վանեցյան

Ռուսաստանը Լեռնային Ղարաբաղում կանգնեցրել է հակամարտությունը. Պուտին