Արցախից ժամանածների կենսաթոշակը կնշանակվի Հայաստանում․ փաստաթուղթ չունեցողները կարող են տեղեկանքով ստանալ

Արցախից ժամանակավորապես Հայաստան տեղափոխված քաղաքացիների կենսաթոշակը կնշանակվի Հայաստանում, բայց որոշումը կկայացնի Արցախի աշխատանքի, սոցիալական եւ բնակարանային հարցերի նախարարությունը։ Այն անձինք, որոնց կենսաթոշակի տարիքը (63 տարին) լրացել է Հայաստանում, այսօրվանից կարող են դիմել ՀՀ աշխատանքի եւ սոցիալական հարցերի նախարարություն (ԱՍՀՆ), որպեսզի հաջորդ ամսից ստանան իրենց հասանելիք գումարը։ Այս մասին ՀԺ-ին հայտնեց ՀՀ աշխատանքի եւ սոցիալական հարցերի նախարարի մամուլի քարտուղար Սոնա Մարտիրոսյանը։

Իսկ այն անձինք, որոնք պատերազմական իրավիճակով պայմանվորված արդեն մեկ անգամ Հայաստանում են ստացել իրենց կեսաթոշակը (հոկտեմբերի 9-ին, Հայփոստ ՓԲԸ-ից), շարունակելու են անխափան ստանալ այնքան ժամանակ, քանի դեռ այստեղ են։ Մարտիրոսյանը մանրամասնեց, որ բացի կենսաթոշակի նշանակումից, ԱՍՀՆ-ն իրականացնելու է Հայաստանում ժամանակավոր ապաստանած Արցախի բնակիչների դադարեցված կենսաթոշակների վերսկսման, վերահաշվարկման ինչպես նաեւ՝ կենսաթոշակառուի մահվան դեպքում՝ թաղման նպաստի նշանակման գործընթացը։

Ըստ նախարարի մամուլի քարտուղարի՝ Արցախից ժամանած մեր հայրենակիցների կենսաթոշակ նշանակելու ընթացակարգում որեւէ փոփոխություն չի կատարվել։ Գրանցվելու համար դիմելու են ճիշտ այնպես ինչպես դիմել են Արցախում՝ պահանջվող փաստաթղթերի հետ միասին դիմում են ներկայացնելու, միակ տարբերությունն այն է, որ այդ դիմումը ներկայացնելու են այստեղ՝ Հայաստանի աշխատանքի եւ սոցիալական հարցերի նախարարություն։ Սոնա Մարտիրոսյանից հետաքրքրվեցինք, թե իսկ ինչ է լինելու այն մարդկանց դեպքում, որոնք իրենց կյանքը փրկելու համար մի կերպ կարողացել են լքել հայրենի տունը ու փաստացի չեն հասցրել վերցնել անհրաժեշտ փաստաթղթերը։ Նախարարի քարտուղարը հայտնեց՝ այդ անձինք կարող են մոտենալ ՀՀ ոստիկանության անձնագրային եւ վիզաների վարչություն ու ստանալ համապատասխան տեղեկանք։ 

Մարտիրոսյանը նկատեց, որ դիմումների ուսումնասիրման ու մնացած բոլոր աշխատանքները Արցախի աշխատանքի, սոցիալական եւ բնակարանային հարցերի նախարարության աշխատակիցների հետ համատեղ համակարգելու նպատակը գործընթացը հնարավորինս սահուն կազմակերպելն է։ Խոսքը հիմնականում անձնական տվյալների բազաների տիրապետման մասին է։

«Մեր արցախցի գործընկերները եւս գտնվում են Հայաստանում։ Նրանց հեռախոսահամարաներն ենք այսօր հրապարակված հայտարարության տակ գրել, կարող են զանգել՝ 060-654-089, 097-24-64-75 համարներին։ Առավել մանրամասն տեղեկության համար պետք է իրենց զանգահարեն, որովհետեւ բազմաթիվ մանրուքներ կան, որոնք անհատական հարց ու պատասխան են ենթադրում»,- նկատեց Սոնա Մարտիրոսյանը։

Հիշեցնենք, որ կենսաթոշակի վերահաշվարկի համար պետք է դիմելն այն անձինք, որոնք տարիքային թոշակի անցնելուց հետո շարունակել են աշխատել։ Ըստ կարգի՝ քաղաքացին 63-ը լրանալուց հետո դիմում է ներկայացնում տարիքային կենսաթոշակ ստանալու եւ նաեւ աշխատանքային ստաժը հաշվի առնելու համար։ Իսկ մեկ տարի անց աշխատող կենսաթոշակառուն կրկին պետք է դիմի վերահաշվարկի համար, ու այդպես ամեն տարի, որպեսզի յուրաքանչյուր տարվա ստաժը ավելացվի իր կենսաթոշակին։

Մահվան նպաստի դեպքում էլ որեւէ փոփոխություն չկա։ Եթե անձը Հայաստանում է մահացել, վերջինիս հարազատը մահվան վկայական ստանալու պահին դիմում է գրելու ԱՍՀՆ եւ հաջորդ օրվանից կարող է ստանալ 200 հազար դրամ կազմող մահվան նպաստը։

Տպել
839 դիտում

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ

Արցախի չափահաս քաղաքացիներին ժամանակավոր հյուրընկալողներին կտրվի 6-ամսյա սոցիալական աջակցություն

Միքայել Պողոսյանը դատի է տվել Վահրամ Սահակյանին

Նորատուս գյուղում հրդեհ է բռնկվել․ այրվել է տան տանիքը և նախամուտքի փայտյա առաստաղը․ ԱԻՆ

Բագրատաշենի անցակետում դեկտեմբերի 1-ից վերականգնվել է ամեն տեսակի բեռնատարների անխափան մուտքը և ելքը

Ադրբեջանը արհեստական ձգձգում է գերիների և զոհվածների մարմինների փոխանակման գործընթացը․ ՄԻՊ-ը հանդիպել է Լիտվայի դեսպանին

Ստեփանակերտում կշահագործվեն շուրջ 300 բնակարաններ. ԱՀ նախագահն աշխատանքային շրջայց է կատարել

Վահրամ Դումանյանն ընդունել է ռեկտորների խորհրդի անդամներին եւ լսել նրանց դժգոհությունները նոր օրինագծի մասին