Ադրբեջանի ղեկավարը բոլոր հարցերին մեկ պատասխան ունի՝ ամեն ինչ «ֆեյք նյուզ» է, բոլորը «ֆեյք նյուզ» են

Եթե խայտառակվել, ապա խայտառակվել մինչեւ վերջ: Թերեւս այս սկզբունքով է երեկ հեղինակավոր  BBC-ին հարցազրույց տվել Ադրբեջանի նախագահ Իլհամ Ալիեւը: Պատերազմի ավելի քան 40 օրերի ընթացքում տարածքներ գրավելու, հրամանատարներին, Արցախի ղեկավարներին մահացու վիրավորում հասցնելու, այս ու այն կողմում դրոշներ բարձրացնելու արդեն անհաշվելի կեղծիքներից, բազմաթիվ ստահոդ հայտարարություններից ու հրապարակումներից հետո Իլհամ Ալիեւը խայտառակվել է ամբողջ աշխարհի առաջ՝ միջազգային հեղինակավոր լրատվամիջոցի հարցերին պատասխանելիս:

Այսպես, հյուրընկալելով BBC-ի նկարահանող խմբին, Ալիեւը խոսել է ղարաբաղյան հակամարտության, իրենց՝ իբր խաղաղասիրական նպատակների ու պատերազմը կանգնեցնելու ՝ իրենց առաջարկած պայմանների մասին:

Նա սկսել է ապատեղեկատվություն որակել ոչ միայն հայկական կողմի ներկայացրած փաստերը, այլեւ BBC-ի՝ Ստեփանակերտում եղած եւ տեղում աշխատած թղթակիցների, ինչպես նաեւ  Human Rights Watch կազմակերպության մանրամասն ու տեղում փաստագրված վկայություններն այն մասին, որ ադրբեջանական կողմը կասետային եւ  այլ տեսակի զինատեսակներով թիրախավորում է Արցախի խաղաղ բնակչությանը, թիրախավորում եկեղեցին ու այլ միջազգայնորեն արգելված կառույցներ:

Ներկայացնում ենք լրագրողի ու Ալիեւի երկխոսությունը՝ ստորեւ.

-Երբ Շուշիում մեկ օրվա մեջ 2 անգամ թիրախավորվեց եկեղեցին, դուք հայտարարեցիք, որ հնարավոր է՝ սխալմունք է եղել եւ քննություն կանցկացնեք: Ի՞նչ ցույց տվեց ձեր քննությունը:

-Գիտեք, քննություն անցկացնելու համար հարկավոր է լինել տեղում եւ տեսնել: Ես ասել եմ, որ կամ եղել է մեր հրետանու սխալը, կամ դա հայկական կողմի հերթական ապատեղեկատվությունն է:

-Այսինքն, Ադրբեջանցի զինծառայողները կարո՞ղ էին դա անել.

-Միայն ու միայն սխալվելու դեպքում, որովհետեւ եկեղեցիները մեր ռազմական թիրախակետերում չկան:

-Իսկ կարո՞ղ էին սխալվել նույն օրվա մեջ երկու անգամ.

-Իսկ ինչու ՞ ոչ…

Այս կեղծիքը բացահայտ կերպով, ի լուր աշխարհի հայտարարելուց հետո Ալիեւը լրագրողին է ներկայացրել մյուս սուտն այն մասին, որ Ղարաբաղի տարածքում գտնվող ադրբեջանական մզկիթները հայերի համար որպես գոմ են ծառայում ու այնտեղ հայերը խոզեր են պահում: Մինչդեռ բոլորին է հայտնի՝ մզկիթները Ղարաբաղի տարածքում վերանորոգվել են հատուկ մասնագետների օգնությամբ ու գտնվում են բարեկարգ վիճակում:

Լրագրողն Ալիեւին ասել է, որ ի հակառակ բնակչությանը չթիրախավորելու մասին իր պնդումներին, հենց իրենց թղթակիցներն են Ստեփանակերտում արձանագրել, թե ինչպես են թիրախային հարվածներով ավերվում քաղաքացիական ենթակառուցվածքները, բնակելի շենքերն ու շինությունները, նաեւ, թե ինչպես են քաղաքացիները թիրախավորվում անօդաչու սարքերով: Եվ սրանք, ըստ լրագրողի, պարզապես լուրեր չեն, այլ փաստեր են, որոնք տեսագրել ու արձանագրել են իրենց թղթակիցները

Այս պնդումն Ալիեւը դարձյալ հերքել է՝ հենց BBC-ի եթերում ապատեղեկատվություն որակելով BBC-ի թղթակիցների արձանագրածն ու տեսածը: Նա հայտնել է, որ կասկածում է այդ տեղեկությունների իսկության վրա, դրանք ֆեյք նյուզ (կեղծ լուրեր) են:

Լրագրողի հակադարձմանը, թե թղթակիցները եղել են Ղարաբաղում ու ամեն բան իրենց աչքերով են տեսել, ի՞նչ նպատակ կարող է ունենալ Ղարաբաղ հասնելն ու կեղծ լուր ներկայացնելը, Ալիեւը դարձյալ նույն պատասխանն է տվել.

-Եվ ի՞նչ, որ Ղարաբաղում են եղել: Հնարավոր է՝ նրանք հակամարտության մասին կանխակալ վերաբերմունք ունեն, որովհետեւ միջազգային մամուլում սեւ փիար է արվում ընդդեմ Ադրբեջանի,-ասել է նա:

-Նշանակում է, դուք ոչնչում մեղավոր չե՞ք պարոն Ալիեւ, ամեն ինչ ֆեյք նյու՞զ է:

-Բացարձակ ամեն ինչ:

Ադրբեջանի նախագահը ֆեյք նյուզ է որակել նաեւ միջազգային հեղինակավոր Human Rights Watch կազմակերպության զեկույցում տեղ գտած փաստերը Ստեփանակերտում ու Արցախի այլ հատվածներում Ադրբեջանի կողմից կիրառված կասետային ռումբերի մասին, որոնք կազմակերպությունը ներկայացրել է՝ անձամբ լինելով Ղարաբաղում եւ տեղում ուսումնասիրություններ անցկացնելով:

Այս դեպքում եւս լրագրողը ճշտող հարց է ուղղել, թե ամեն բան ֆեյք նյու՞զ է.

-Այո, իսկ ինչու՝ ոչ,-պատասխանել է Ալիեւը:

Ադրբեջանի ղեկավարի այս խայտառակ հարցազրույցին արձագանքել են ՀՀ Արտաքին գործերի նախարարությունից: Գերատեսչության խոսնակը մեկնաբանել է Ալիեւի խոսքերը.

«Սույն հարցազրույցում Իլհամ Ալիևը հաստատում է, որ չունի որևէ արդարացում Ստեփանակերտի և Արցախի այլ խաղաղ բնակավայրերի քաղաքացիական բնակչության և քաղաքացիական ենթակառուցվածքների դիտավորյալ թիրախավորման առնչությամբ, որն անհերքելի փաստերով արձանագրվել է բազմաթիվ հեղինակավոր միջազգային ԶԼՄ-ների և մարդու իրավունքների պաշտպանությամբ մասնագիտացված կազմակերպությունների կողմից։ 

Հասկանալով, որ վաղ թե ուշ կրելու է իր կողմից իրականացված պատերազմական հանցագործությունների պատասխանատվությունը՝ Իլհամ Ալիևը հուսահատ փորձ է անում ժխտել իրականությունը՝ այն անվանելով «կեղծ լուրեր»:

Իլհամ Ալիևի մարդատյաց այս հայտարարությունը, որն արվում է իր հրամանով գործող զինված ուժերի կողմից Արցախի քաղաքացիական ենթակառուցվածքների շարունակական թիրախավորման ֆոնին, ևս մեկ անգամ փաստում է, որ Արցախի ժողովուրդը որևէ հանգամանքում չի կարող լինել Ադրբեջանի իրավասության ներքո»,- նշել է ԱԳՆ խոսնակ Աննա Նաղդալյանը:

Հարցազրույցից մեջբերելով Ալիեւի խոսքերը,  BBC-ի թղթակից Օրլա Գուերինը թվիթերում գրառում է կատարել, որտեղ մեկ անգամ եւս նշել է, թե BBC-ի թղթակցի՝ սեփական աչքով տեսածը Ալիեւը «ֆեյք նյուզ է» որակում: 

Ադրբեջանի զինված ուժերի կողմից Արցախի խաղաղ բնակիչներին թիրախավորելու փաստերը «ֆեյք» անվանելու Ալիևի խոսքերը քննադատության ալիք են առաջացրել Արցախում կատարվածն իրենց աչքով տեսած միջազգային ԶԼՄ-ների ներկայացուցիչների մոտ:

Գերմանական «Bild» պարբերականի գլխավոր խմբագրի տեղակալը եւս կիսվել է Գուերինի գրառմամբ ու գրել, որ շատերը իր հետ միասին կարող են փաստել՝ Ալիեւը ստում է:

Ի դեպ, այն ժամանակ, երբ իր գործընկերները Ղարաբաղում էին, BBC-ի թղթակից Օրլա Գուերինը, որն էլ հենց վարել է Ալիեւի հետ վերը նշված հարցազրույցը,  անձամբ էր գտնվում Ադրբեջանում, Գյանջա քաղաքում, տեղում լուսաբանում պատերազմական գործողությունները:

Տպել
1137 դիտում

5 անշարժ գույք, «Niva-2121». ընտրակաշառքի գործով կալանավորված ԲՀԿ պատգամավորի թեկնածուի ունեցվածքը

Կառավարման համակարգը թևակոխել է թվայնացման նոր փուլ․ Տիգրան Ավինյան

ՀՀ ոստիկանության պետն իրավունք ունի պարգևատրելու բացառապես ոստիկանության ծառայողներին․ ոստիկանության պարզաբանումը

ԱԻ նախարարի մոտ քննարկվել են պետական ֆինանսավորմամբ հոգեբանական աջակցության ծրագրի առաջին փուլի արդյունքները

Արտակ Բեգլարյանը ԿԽՄԿ առաքելության ղեկավարի հետ քննարկել է Արցախում իրականացվող մարդասիրական ծրագրերը

Ընտրակաշառքի գործով կալանավորված Արմավիրի նախկին քաղաքապետը 55 հազար դոլար եւ 4 մլն դրամ ունի

Մարտունի ԲԿ-ից Ինֆեկցիոն հիվանդանոց տեղափոխվածների թիվը ավելացել է. նրանց վիճակը գնահատվում է թեթև և միջին ծանրության

Տեղի է ունեցել «Ա. Սպենդիարյան-150» հոբելյանական նամականիշի մարման հանդիսավոր արարողություն

Վազգենի արածն անելն այս փուլում եւ ընդհանրապես շատ դժվար գործ է. Արամ Սարգսյան

67-ամյա տղամարդը ձերբակալվել է 7-ամյա աղջնակի նկատմամբ սեքսուալ բնույթի բռնի գործողություններ կատարելու կասկածանքով․ ՔԿ

Հանքավանի հանգստյան գոտիներից մեկում՝ փոքր, կեղտոտ վանդակում, բանտարկված արջ է պահվում. ահազանգ (լուսանկար)

Առուշան Առուշանյանի վերաբերյալ գործի նախաքննությունն ավարտվել է (տեսանյութեր)

Ուսումնական հաստատություններում արգելվում է իրականացնել քաղաքական գործունեություն կամ քարոզչություն. ԿԳՄՍՆ

Վարդենիս-Մեծ Մասրիկ ավտոճանապարհին ավտոմեքենա է այրվել․ տուժածը տարբեր աստիճանի այրվածքներով հոսպիտալացվել է

Կրթական հաստատությունների ավարտական փաստաթղթերը շուտով այլեւս թղթային տարբերակով չեն լինի. Արտակ Պողոսյան

Երևանի կենդանաբանական այգում ծնվել է եվրոպական արու եղնիկ

Հունիսի 15-ին ՔՊ-ի քարոզարշավը կշարունակվի Սյունիքում․ Հանրապետության հրապարակից նախատեսվում է ավտոերթ

Քաղաքացիներն իրենց քվեարկությամբ կարող են ստիպել «Հոկտեմբերի 27-ի» գործի կազմակերպիչներին պատասխան տալ. Փաշինյան

ՏԻՄ ներկայացուցիչներն այցելել են դիրքեր (լուսանկարներ)

Երևանի տրանսպորտային բոլոր թունելների լուսավորությունն արդիականացվել է

Վաղը 3751 դիմորդ միասնական քննություն կհանձնի «Հայոց լեզու» առարկայից

Մայր Աթոռն արձագանքել է Նիկոլ Փաշինյանի հայտարարություններին

Ինչու են ընտրությունները կենաց-մահու կռվի վերածվել. քաղաքագետը՝ 2-րդ փուլի հավանականության, հնարավոր բախումների մասին

ԵՄ-ն կոչ է արել Հայաստանին և Ադրբեջանին շարունակել բանակցությունները Մինսկի խմբի համանախագահների հովանու ներքո

12 մլն 500 հազար դրամ, 120 հազար դոլար. Արա Զոհրաբյանի ունեցվածքը

Սյունիքի բնակավայրերի միջև ճանապարհներին առկա են ադրբեջանցի զինծառայողներ՝ զենքի բացահայտ ցուցադրումով. ՄԻՊ

Նորածնի առուվաճառքի դեպք է բացահայտվել. գործով անցնում է 5 անձ

Մեղրյանների ընտանիքը Կոտայքում լծված է Քոչարյանի քարոզարշավին. civic.am

Հունիսի 20-ը Աստծո խոսելու օրն է, որովհետև ձայն բազմաց՝ ձայն Աստծո. Նիկոլ Փաշինյան (տեսանյութ)

51-ամյա կինը պոկել ու պատռել էր նախընտրական պաստառը

ՊԵԿ-ը հիշեցնում է՝ ՌԴ-ում հունիսի 1-ից գործում է պանրի և պաղպաղակի մակնշման պահանջը

Ընտրակաշառք տվողներին կլցնենք ծակերը, թող հանգստանան. Նիկոլ Փաշինյան

Բացահայտվել է Արտաշատ քաղաքի բնակչուհու սպանության դեպքը. կա ձերբակալված (լուսանկարներ)

Ի գիտություն լրատվամիջոցների

Փրկիչ իրականում չկա, ոտքի՛ կանգնեք, ձե՛ր մեջ փրկություն գտեք. «Ազգային օրակարգ» կուսակցության թեկնածու

Անվտանգության գոտի ստեղծելու նպատակով ՀՀ կառավարությունը պետք է դիմի ՄԻԵԴ. Արման Թաթոյան

Ամսական 50 հազար դրամ նպաստ ենք տալու ամեն երրորդ ու հաջորդ երեխային. Նիկոլ Փաշինյան

Կարեն Գիլոյանը երկօրյա աշխատանքային այց է կատարել Սյունիք, այցելել մարզադպրոցներ, մասնակցել հուշամրցաշարի

Մանե Թանդիլյանն առաջիկա շաբաթներին կգտնվի արձակուրդում. ԱՀ նախարարը նշել է պատճառը

Համալսարանական հիվանդանոցում մեկնարկել է «Արյան դոնորի շաբաթը»