Երևան
12 °C
Արցախում վերադասավորումները շարունակվում են: Նախագահ Արայիկ Հարությունյանի երեկվա հրամանագրերով նախարարությունների թիվը նվազեցվեց՝ 12-ի փոխարեն մնալով 10-ը:
Կրճատվող նախարարություններն էին՝ Էկոնոմիկայի եւ արտադրական ենթակառուցվածքների նախարարությունը եւ Ռազմահայրենասիրության, երիտասարդության, սպորտի եւ զբոսաշրջության նախարարությունը: Առաջինը միացվեց գյուղատնտեսության նախարարությանը՝ դառնալով Էկոնոմիկայի եւ գյուղատնտեսության նախարարություն, իսկ սպորտինը՝ Կրթության, գիտության եւ մշակույթի նախարարությանը, ինչպես եւ Հայաստանում է:
Կրճատվեց նաեւ պետնախարարի հաստիքը. Գրիգորի Մարտիրոսյանի գործառույթները համատեղությամբ կիրականացնի Արցախի ֆինանսների նախարարը։
Որոշակի փոփոխության ենթարկվեց նաեւ պետական կառավարման մարմինների կառուցվածքը: Նոր կառուցվածքից դուրս մնացին Հայաստանի եւ սփյուռքի հետ ինտեգրման կոմիտեն, Բնապահպանության կոմիտեն, Պետական վերահսկողական ծառայությունը։
Ավելի ուշ՝ ԱՀ նախագահը նոր նշանակումներ արեց, որոնցից թերեւս ամենահետաքրքիրը Արցախի ԱԺ ընդդիմադիր նախկին պատգամավոր Հայկ Խանումյանի նշանակումն էր: Վերջինս պատերազմի օրերին կարեւոր նշանակություն է ունեցել Հադրութի շրջանի Խծաբերդ եւ Հին Թաղեր գյուղերի պաշտպանության գործում:
Հիշեցնենք, որ ընդդիմադիր պատգամավոր Հայկ Խանումյանի կուսակցությունը՝ «Ազգային վերածնունդը» վերջին ընտրությունների արդյունքում չանցավ խորհրդարան:
Խանումյանի նշանակումը միակ հետաքրքիրը չէ հետպատերազմական Արցախում սկսված վերադասավորումների մեջ: Ինչպես հայտնի է՝ 3 մանդատով խորհրդարան անցած, Արցախի «Արդարություն» կուսակցության ղեկավար, ծայրահեղ ընդդիմադիր գեներալ Վիտալի Բալասանյանը պատերազմից հետո ստեղծված նոր իրողությունների պայմաններում Արցախում անվտանգության խորհրդի նախագահի պաշտոն է ստացել: Հայաստանյան մամուլում, Արցախում չեն դադարում խոսակցությունները, թե իրականում Արայիկ Հարությունյանը որոշել է իշխանությունը կիսել նրա հետ: Անգամ խոսք է գնում սպառնալիքի կամ այսպես ասած պարտադրանքի միջոցով դա անելու մասին:
Ոմանք պնդում են, որ այս իրողության ապացույց էր նաեւ Արայիկ Հարությունյանի վերջին ուղերձում արտահայտված այն միտքը, թե Արցախի Հանրապետության պաշտպանությանն ու անվտանգությանն առնչվող՝ Նախագահի բոլոր հրամանագրերն ու կառավարության որոշումներն ընդունվելու են բացառապես Անվտանգության խորհրդի դրական եզրակացությամբ: Այդ ուղերձում Հարությունյանը խոսել էր նաեւ անվտանգության խորհրդի կազմի ընդլայնման մասին: Իսկ որ ավելի զարմանալի էր՝ ընդգծել էր՝ առաջին իսկ հնարավորության պահին վայր է դնելու նախագահական լիազորությունները եւ դուրս է գալու քաղաքականությունից։
Որքանո՞վ են այս փոփոխությունները համապատասխանում իշխանությունը Վիտալի Բալասանյանի հետ կիսելու, իսկ ըստ որոշ գնահատականների՝ ապագայում նաեւ նրան փոխանցելու մասին խոսակցություններին՝ փորձել ենք պարզել Արցախի նախագահի գլխավոր խորհրդական Ռուդիկ Հյուսնունցի հետ զրույցում:
- Պարոն Հյուսնունց, նախագահի հրամանագրով այսօր (երեկ) հաստատվեցին Կառավարության կառուցվածքային որոշ փոփոխություններ, կրճատվեցին նախարարություններ ու հաստիքներ: Եթե հաշվի առնենք, որ Հարությունյանը օրերս խոսել էր Անվտանգության խորհրդի կազմը մեծացնելու անհրաժեշտության մասին՝ կարելի՞ է ասել, որ իրականությանը համապատասխանում են լուրերը, թե ԱԱԽ քարտուղար Վիտալի Բալասանյանը ինչ-որ պահանջներ է դրել:
- Ես չեմ ուզում այդ հարցերի մեջ խորանալ եւ ինչ-որ բաներ ասել: Այն վերադասավորումները, որոնք տեղի են ունենում՝ այդ ամենը քաղաքականությունից վեր մի բան է. այս իրավիճակում քաղաքականություն խաղալու ժամանակը չէ, երկիր կառուցելու ժամանակն է, եւ բոլորի ռեսուրսները այսօր պետք է օգտագործել: Սա է ամբողջ կառուցվածքային փոփոխությունների եւ ընդհանրապես թարմացումների նպատակը:
- Վիտալի Բալասանյանի մասով չե՞ք արձագանքի:
- Վիտալի Բալասանյանի ղեկավարած կառույցը՝ Անվտանգության խորհուրդը՝ խորհրդակցական մարմին է, հրամայական մանդատով օժտված չէ, եւ ընդամենը քննարկելու է երկրի համար հույժ կարեւոր խնդիրներ: Իսկ այդ խորհրդի նախագահը Արցախի նախագահն է:
- Բայց այդ խորհրդատվական մարմինը այսուհետ պետք է հաստատի նախագահի բոլոր որոշումները, նոր դրանք հրապարակվեն:
- Շատ լավ: Վիտալի Բալասանյանն այդ խորհրդում ունի ընդամենը 1 ձայն:
- Խորհրդի նախկին աշխատակիցներից մեկը հայտարարել էր, որ Բալասանյանն իր աշխատակազմին իր հետ բերել է:
- Աշխատակազմը խորհրդում ձայնի իրավունք չունի: Աշխատակազմը 40-50 հոգի է, բայց խորհրդում, որի անդամ եմ նաեւ ես, Վիտալի Բալասանյանն ունի 1 ձայն, ես ունեմ մեկ ձայն, Պաշտպանության նախարարն ունի 1 ձայն եւ այդպես շարունակ. խորհրդի 11 անդամներից յուրաքանչյուրը կարող է իր որոշումը կայացնել:
- Նոր կազմ չի՞ հաստատվել դեռ:
- Ոչ, ոչ, հին կազմն է: Առայժմ դեռ հին կազմն է: Փոխվելու է, թե ոչ՝ չգիտեմ:
- Ամեն դեպքում կարծում եք, որ ճի՞շտ է այս ուղիով գնալը:
- Ոչ թե ճիշտ է, այլ համոզված եմ, որ այս էքստրեմալ իրավիճակում էքստրեմալ քայլեր են անհրաժեշտ:
- Ինչքանո՞վ եք վստահ, որ այս քայլերը կօգնեն իրավիճակից դուրս գալ:
- Մենք պարտավոր ենք այս իրավիճակում շարունակել կառուցել մեր երկիրը՝ էս մի քանի հազար քառակուսի կիլոմետրի վրա եւ սպասել լավագույն ժամանակաշրջանների: Այսօրվա վիճակում մենք պետք է անենք ամենալավագույնը եւ օգտագործենք յուրաքանչյուրիս ռեսուրսը:
- Իսկ Արայիկ Հարությունյանի լիազորությունների կրճատումը ինչո՞վ է պայմանավորված, ինչո՞ւ է ուզում հեռանալ:
- Դա իրականության հետ աղերս չունի, եթե իր հայտարարությունը կարդացել եք…
- Հայտարարությունում նույնիսկ խոսում էր քաղաքականությունից հեռանալու մասին:
- Այո, ինքն ասում է, որ ես այս աթոռից կառչած չեմ, ես քաղաքական դաշտ մտել եմ, բայց ես կուսակցականությամբ չեմ տառապում: Էսօր նույնիսկ իմ կուսակցությունից դուրս եմ գալիս, որպեսզի իմանան, որ ես միայն իմ թիմի վրա չեմ ուշադրոթյուն դարձնում, այլ երկրի վրա: Սրանք մեսիջներ են, որ մարդը ինքը պատրաստ է զոհաբերության, իր քաղաքական կարիերան զոհաբերելու, իր պաշտոնը մի կողմ դնելու, բայց դա չի նշանակում, որ չի շարունակելու պաշտոնավարել: Հասկանո՞ւմ եք:
- Ասում էր, որ առաջին հնարավորության դեպքում հրաժարական եմ տալու:
- Ինքը հրաժարական չի տալու, ինքը պարտավորություններ ունի, լեգիտիմ նախագահ է. դեռ մենք չգիտենք՝ Արցախի կարգավիճակի հարցը ինչ ֆորմատներում եւ ինչ ձեւաչափերում է շարունակելու քննարկվել, մենք ինչ կարգավիճակ ենք ստանալու. անհնար է, որ Արայիկ Հարությունյանը այս ընթացքում պաշտոնը թողնի: Դա դավաճանության նման մի քայլ է:
- Ի՞նչ նկատի ունեք Արցախի կարգավիճակի մասին ասելով:
- Դա հետագա սպասվելիք բանակցությունների ընթացքում է լինելու, քաղաքական կարգավիճակի հարցը օրակարգից դուրս չի եկել. կամ ԵԱՀԿ Մինսկի խմբի ձեւաչափը պետք է վերականգնվի կամ այլ ձեւաչափ, բայց կարգավիճակի հարցը պետք է քննարկվի:
- Պարոն Հյուսնունց, եթե վերադառնանք ներքաղաքական հարցերին՝ մարդիկ մեկնաբանում են, որ Արայիկ Հարությունյանը իր դիրքերը զիջում է մի մարդու, որն ընտրություններում շատ քիչ ձայն ստացավ:
- Դա հեքիաթի նման է, ամեն մեկն իր ենթադրությունն է անում, ես ինչ ասում եմ՝ սա ենթադրությունների շարքից չի. Արայիկ Հարությունյանը Արցախի Հանրապետության գործող նախագահ է, եւ մենք շարունակելու ենք մեր Սահմանադրության նորմերը պահել ու այս վիճակում մտածել մեր երկրի խնդիրների վերաբերյալ, կարեւորագույն, բարդագույն խնդիրների լուծման ուղղությամբ աշխատանքներ տանել՝ նախագահի հետ միասին:
- Արցախի ԱԺ նախագահը կփոխվի՞:
- Ինձ թվում է՝ ոչ, չի փոխվի, ինչո՞ւ պիտի փոխվի:
- Մամուլը գրում է, որ այդ պաշտոնը Դաշնակցությանն է տրվելու:
- Դե հիմա քննարկումներ է, ենթադրություն է, ես ենթադրությունների վրա չեմ ուզում կենտրոնանալ: Ես ուզում եմ, որ բոլոր քաղաքական եւ հասարակական գործիչները մտածեն մի բանի մասին, թե ինչպես ավերակներից մեր երկիրը ոտքի կանգնեցնենք:
«Հայկական Ժամանակ»-ը Telegram-ումՆախընտրական Գյումրի. ում ցուցակով ով է գալիս և ինչ ծրագրով. թեկնածուներից սպասվող օգուտները, վնասները, վտանգը
Իրանը իսլամական պետություններին կոչ է արել Իսրայելի գործողությունների դեմ անհապաղ քայլեր ձեռնարկել
Արմավիրի մարզ այցի շրջանակներում վարչապետը չնախատեսված կանգառներ է ունեցել Արգավանդ և Տանձուտ բնակավայրերում
Ադրբեջանը խաղաղության օրակարգ է բերում տարբեր նոր, ես կասեի արհեստական նախապայմաններ. Արարատ Միրզոյան
Հրանտ-Լեոն Ռանոսը հեռացվել է Հայաստանի հավաքականից. ինչու է Ջոն վան՛տ Սխիպը նման որոշում կայացրել
Հութիները հարվածել են ամերիկյան ռազմածովային ուժերին և Իսրայելի Բեն Գուրիոն օդանավակայանին
Խորթ մայրը քանոնով հարվածներ է հասցրել 10-ամյա երեխային․ վերջինը խնամքի կենտրոնից տեղափոխվել է հիվանդանոց
ՀՀ ավտոճանապարհներին ծառեր են տապալվել
Դիլիջանի թունելի էլեկտրամատակարարումը վերականգնվել է
Ծալովի դանակ, լիցքավորված «Մակարով» տիպի ատրճանակ. Երևանի պարեկները բակային շրջագայություն են անցկացրել
Իսրայելական բանակը հայտարարել է Լիբանանի հարավում գտնվող «Հեզբոլլահի» թիրախներին հարվածներ հասցնելու մասին
Առավոտյան հազվագյուտ Մամմաթուս ամպեր են նկատվել Երևանում. Լևոն Ազիզյանը լուսանկար է հրապարակել
Վարչապետն այցելել է Երևանի թիվ 184 դպրոցի նորակառույց մարզադահլիճ և Փշատավանի նորակառույց մսուր-մանկապարտեզ
Հայաստանի ազգային հավաքականը ժամանել է Թբիլիսի. լուսանկարներ
Փշատավան բնակավայրը նորակառույց մանկապարտեզ ունի. վարչապետ. տեսանյութ
Թուրքիայում բողոքի ակցիայի 350 մասնակից է ձերբակալվել. բախումներ ցուցարարների և ոստիկանների միջև
Վրաստան-Հայաստան հանդիպումը կսպասարկի անգլիական մրցավարական անձնակազմը
Երևանի փողոցներից մեկում երթևեկության կազմակերպման փոփոխություն կկատարվի
Վաղարշապատի գազալցակայաններից մեկում 36-ամյա տղամարդ է սպանվել. կասկածյալը Էջմիածնում հայտնի «Ճապ»-ն է
Հյուր գնացած տղամարդիկ խմել, ծեծել են միմյանց ու տանտիրոջը. նրանցից մեկը տեղափոխվել է «Գյումրի» ԲԿ
Հայաստանի պատմության թանգարանում «Անահիտից Մարիամ. Մայր աստվածություն» ցուցադրությունը երկարաձգվել է
ՀՀ առանձին շրջաններում առատ տեղումներ կլինեն. ինչ եղանակ է սպասվում առաջիկա օրերին
Հուսանք՝ Ադրբեջանը կիսում է մեր ցանկությունը՝ թևակոխելու նոր դարաշրջան. Ալեն Սիմոնյանի ելույթը Ստրասբուրգում
Գտնել մեքենան. Սուրենյանը լուսանկար է հրապարակել
ԱՄՆ-ը ողջունում է Մարգարայի սահմանային անցակետը ժամանակավորապես բացելու՝ ՀՀ-Թուրքիա համագործակցությունը. Բոնո
Երևանի թիվ 184 դպրոցը նորակառույց մարզական մասնաշենք ունի. վարչապետը տեսանյութ է հրապարակել
Կիևը համաձայնել է նախագահական ընտրություններ անցկացնել. Սթիվ Ուիթկոֆ
Շիրակի մարզում նախորդ գիշերվանից տեղումներ են եղել ձնախառն անձրևի, հետո՝ առատ ձյան տեսքով. տեսանյութ
Երևանում սահմանվել են էլեկտրամոբիլների լիցքավորման կայանների տեղադրման նոր կարգավորումներ
Մահացել է լեգենդար բռնցքամարտիկ Ջորջ Ֆորմանը
Երևանում մեկնարկել է անկենսունակ ծառերի փոխարինումը. տեսանյութ
Հրազդանում մեքենաներ են բախվել. կան վիրավորներ
Twitter-ի կապույտ թռչնի տեսքով ցուցանակ-տարբերանշանը աճուրդում վաճառվել է գրեթե 35 հազար դոլարով
Դիլիջանի թունելը կիսով չափ հոսանքազրկվել է
Պուշկինի ոլորանները փակ են կցորդով տրանսպորտային միջոցների համար
Ինչ իրավիճակ է Լարսի ճանապարհին
«Կասկադ մշակութային հանգույց» նախագծի հաղթող ընկերությունը ճարտարապետներին աշխատանքային քննարկման է հրավիրում
ՀՀ տարածաշրջանների մեծ մասում ձյուն է տեղում. Սպիտակի և Դիլիջանի ոլորանները փակ են
Օդի ջերմաստիճանը կբարձրանա 11-15 աստիճանով. Սուրենյանն ասել է՝ երբվանից
Ի՞նչ երաշխավոր, 2022-ի սեպտեմբերը դաս չեղա՞վ. անվտանգության երաշխավորը Հայաստանի Հանրապետությունն է. վարչապետ
© 2025 Հայկական ժամանակ
Website by MATEMAT