Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Վաղը՝ հունվարի 20-ին, կեսօրին մոտ (ՀՀ ժամանակով՝ 21:00-ին) Միացյալ նահանգների մայրաքաղաք Վաշինգտոնում տեղի կունենա ընտրված նախագահ Ջո Բայդենի երդմնակալության արարողությունը: Այսպիսով, ԱՄՆ-ի 46-րդ նախագահը կանցնի իր պարտականությունների կատարմանը եւ կավարտվի դեռեւս գործող նախագահ Դոնալդ Թրամփի պաշտոնավարման ժամկետը:

Լրատվամիջոցները գրում են, որ Բայդենի ինաուգուրացիային ԱՄՆ-ում պատրաստվում են ապոկալիպսիսի նման: Առաջ անցնելով, դեմոկրատ ուժերին պատկանող ԶԼՄ-ները Բայդենին ամերիկյան փրկիչ են անվանել, իսկ սպասվելիք մեծ ելույթը պատմական են որակել, թեպետ տեքստը դեռ հրապարակված չէ:

Բայդենի հետ միասին վաղը երդվելու է նաեւ ԱՄՆ-ի նորընտիր փոխնախագահ Քեմալա Հարրիսը.

«Մենք անհամբերությամբ ենք սպասում արարողությանը: Մենք պատրաստ ենք աշխատանքի: Ջո Բայդենն արդեն ասել է, թե ինչքան աշխատանք մենք ունենք: Պետք է կարգավորենք պատվաստումների գործընթացը եւ օգնենք նրանց, ովքեր կորցրել են աշխատանքը համավարակի պատճառով: Ես անհամբեր սպասում եմ՝ երբ եմ անցնելու աշխատանքի: Փոխնախագահի պաշտոնում ես կքայլեմ՝  գլուխս բարձր պահած, հպարտությամբ»,-հայտարարել է Հարրիսը:

Հպարտությամբ է փորձում հեռանալ նաեւ Թրամփը: Այդպես էլ չընդունելով Բայդենի հաղթանակը, նա հրաժարվել է երդմնակալության արարողությանը մասնակցելուց: Դրա փոխարեն, հունվարի 20-ի վաղ առավոտյան նա հրաժեշտի հանդիպում կանցկացնի Մերիլենդի զինվորական օդանավակայանում, այնուհետ՝ վերջին անգամ օգտվելով թիվ 1 բորտից, նախագահական օդանավով կմեկնի Ֆլորիդայի իր նստավայրը: Թրամփին հրաժեշտ տալու համար հորդորել են օդանավակայան ներկայանալ Ամերիկայի ժամանակով առավոտյան 7:15-ին:

Բայդենի թիմը երդմնակալության արարողությանը մի ամբողջ ամիս պատրաստվել է ամենայն մանրամասնությամբ, անվտանգության աննախադեպ, ուժեղացված պայմաններում: Քանի որ արարողությունն առաջին անգամ տեղի է ունենալու համավարակի պայմաններում, համաճարակաբանական իրավիճակի պահպանման համար հատուկ բժշկական խումբ է հավաքվել, իսկ Կոնգրեսի անդամների, կառավարական պաշտոնյաների, նոր նախագահի ու փոխնախագահի ֆիզիկական անվտանգության պահպանումն իրականացնելու են Ազգային գվարդիայի 6200 ծառայողներն ու Կապիտոլիումի շենքի շուրջ տեղակայված 2 մետր բարձրությամբ փշե հսկայական պարիսպը:

Նախատեսված է, որ Ջո Բայդենը եւ Քեմալա Հարրիսը երդվելու են Կապիտոլիումի բլրի արեւմտյան մասում : Ամբիոնն այստեղ սկսել էին  նախապատրաստել դեռ  2020 թվականի նոյեմբերի 8-ին:

 Ասելով ԱՄՆ-ի բոլոր նախագահների ավանդական երդման տեքստը , այնուհետ նախագահը, առաջին տիկինը եւ փոխնախագահը կանցնեն զորքի մոտով: Այս ծեսը ավանդաբար խորհրդանշում է երկրում իշխանության խաղաղ փոխանցումը նոր գերագույն գլխավոր հրամանատարին: Դրանից հետո նախագահի շարասյունը կուղեւորվի Սպիտակ տուն ՝ տարբեր տեսակի ստորաբաժանումների զինծառայողների ուղեկցությամբ: Այս տարի ժողովուրդը չի ողջունի շարասյունը, ինչպես եղել է ավանդաբար, իսկ  մասնակիցները քայլքի ժամանակ կպահպանեն սոցիալական հեռավորությունը:

Հանդիսավոր շքերթը, որն ամեն անգամ անցկացվել է նախագահի երդմնակալության օրը՝ Վաշինգտոնի Փենսիլվանիա-Ավենյուում, այս տարի համաճարակի պատճառով  կանցկացվի վիրտուալ տիրույթում, փոխարենը՝ նման շքերթներ նախատեսված են ԱՄՆ-ի ամբողջ տարածքում, բոլոր նահանգներում:

Ջո  Բայդենը նաեւ ծաղկեպսակ կդնի Առլինգտոնի գերեզմանատանը ՝ Պոտոմակի մյուս կողմում գտնվող Ամերիկայի ամենամեծ պատերազմական հուշահամալիրում: Նրա հետ կլինեն նախկին նախագահներ Բարաք Օբաման, Ջորջ Բուշ կրտսերը եւ Բիլ Քլինթոնը: 

Հյուրերն այս տարի եւս զգալի քիչ կլինեն: Օրինակ, 2009 թվականին, Բարաք Օբամայի երդմնակալության արարողությանը, հրապարակումների համաձայն մոտ 2 մլն մարդ է մասնակցել, այս տարի թիվը չի գերազանցի 200 հազարը: Ամեն անգամ միայն այս քանակությամբ հրավիրատոմսեր բաշխվել են Կոնգրեսի անդամների ու աշխատակիցների շրջանում: The Washington Post-ը հայտնում է, որ այս տարի կոնգրեսականները ստացել են ընդամենը 2 հրավիրատոմս յուրաքանչյուրը՝ իր եւ 1 հյուրի (տիկնոջ, ամուսնու, դստեր, որդու) համար:

Ինաուգուրացիոն կոմիտեի ղեկավար, սենատոր Ռոյ Բլանտը հայտնել է, որ հատուկ անվտանգության գոտում նախատեսվում է ընդամենը 3 հազար հյուրի մուտք, իսկ երդման ամբիոնի մոտ ընդամենը 100 մարդ է ներկա լինելու:

Առանց բացառության բոլոր մասնակիցներն այսօր կորոնավիրուսի թեստ են հանձնել, արարողության բոլոր մասնակիցները լինելու են դիմակներով:

Այս տարի երդմնակալության կապակցությամբ Կոնգրեսի անդամների համար նախատեսված ավանդական գալա ընթրիք առհասարակ չի լինի. հանձնաժողովը որոշել է այն ընդհանրապես չանցկացնել ՝ համաճարակի պատճառով:

Պարահանդես առհասարակ տեղի չի ունենա, չնայած դրանք սովորաբար անցկացվում են երդմնակալության շրջանում մի քանի օր շարունակ: 2009-ին Բարաք ու Միշել Օբամաները 10 պաշտոնական ընդունելություն են անցկացրել, 2017-ին Դոնալդ եւ Մելանյա Թրամփները մասնակցել են երեքի: 2021 թվականին Ջոզեֆ եւ Ջիլլ Բայդենները ընդհանրապես չեն պարելու ավանդական պարահանդեսում հյուրերի առջև: Միեւնույն ժամանակ, ինչպես նշում է CNN- ը, Բայդենի կազմկոմիտեն շարունակում է նվիրատվություններ ընդունել վիրտուալ միջոցառումներ կազմակերպելու համար: Ընդունվում են ֆիզիկական անձանց մինչև 500 հազար ԱՄՆ դոլարի չեկեր, իսկ կազմակերպություններից՝ մինչև 1 միլիոն դոլարի: Արարողությունը համաճարակաբանական պահանջներին համապատասխան կազմակերպելու համար բժշկական խորհրդատու Դեյվիդ Քիսլերը ներառվել է երդմնակալության հանձնաժողովում: Թե որքան գումար է ծախսվել արարողության կազմակերպման համար, դեռ պարզ չէ,  հայտնի կդառնա հաշվետվությունից հետո:

Ավանդաբար ԱՄՆ-ում բոլոր նախագահների երդման արարողություններն են համարվում հատուկ արարողություններ: Ամբողջ ընթացքի անվտանգությամբ զբաղվում են գաղտնի ծառայությունները: Ինչպես նշվեց, այս տարի նաեւ Ազգային գվարդիան, որի մեծ մասին Պենտագոնը թույլատրել է շրջել զինված՝ լիցքավորված զենքերով:

Վաշինգտոնի կենտրոնում երթեւեկությունը վաղը սահմանափակվելու է, իսկ Կապիտոլիումի հարակից տարածք կթույլատրվի միայն տարածքում ապրող կամ աշխատող անձանց՝ անցագրերով եւ ստուգումից հետո: Փակ են լինելու մետրոյի մոտ 1 տասնյակ կայարաններ: Փենսիլվանիա փողոցի երկայնքով մեկ 200 հազար ամերիկյան դրոշներ են տեղակայվել: Բոլոր արարողակարգերի վերջում սպասվում է համերգ՝ հոլիվուդյան աստղերի մասնակցությամբ: 

Անվտանգության դաշնային ծառայությունը արդեն զգուշացրել է աջ ծայրահեղական ակտիվիստների կողմից հնարավոր պրովակացիաների մասին՝ իբր նրանք պատրաստցվում են ներխուժել Կապիտոլիում՝ Ազգային գվարդիայի զինծառայողների արտահագուստներով: Միեւնույն ժամանակ, հեռացող նախագահ Դոնալդ Թրամփն ամերիկացիների համար հրաժեշտի ուղերձ է նախապատրաստել, որը դեռեւս չի հրապարակվել, սակայն դրա որոշ հատվածներ հայտնվել են լրատվամիջոցներից մի քանիսի մոտ:

ԶԼՄ-ները իրար ետեւից հրապարակում են Թրամփի նախագահության  տարիների մասին վերլուծություններ՝ նշելով դրական ու բացասական կողմերը: CNN-ը քննադատության է ենթարկել ԱՄՆ-ի արտաքին քաղաքականությունը՝ հիմնականում Եվրոպայի նկատմամբ, The New York Times-ը դժգոհություն է փոխանցել ներքին քաղաքականության մասին:

Թրամփն արդեն 6 օր է՝ չի հայտնվել հանրության առաջ: Հունվարի 19-ին դատարկվել է ամբողջ Սպիտակ տունը՝ բոլոր 6 հարկերով: Այնտեղ կտեղակայվեն նոր նախագահի աշխատակազմի անդամները: Բեռնափոխադրող ընկերություններն այսօր վերջին իրերն էին տեղափոխում Սպիտակ տնից դեպի Մար-ա-Լագոյում տեղակայված Թրամփի նստավայր, ուր նա պատրաստվում է մեկնել վաղն առավոտյան՝ երդմնակալության արարողությունից առաջ: Քաղաքացիներին նրա փոխարեն դիմել է կինը՝ Մելանյա Թրամփը՝ նշելով, որ իր համար գերագույն հաճույք եւ մեծ պատիվ է եղել ամերիկացիների համար որպես առաջին տիկին ծառայելը:

Ամբողջ շաբաթվա ընթացքում, անվտանգության նկատառումներից ելնելով, ԱՄՆ-ի տարբեր շրջաններից Վաշինգտոն էին տեղափոխվել Ազգային գվարդիայի 25 հազար զինծառայողներ: Վերջին օրը  նրանց ավելացել է եւս 750 ծառայող, որոնք մասնագետներ են քիմիական, միջուկային, բիոլոգիական ու ռադիոէլեկտրոնային զենքերի: 

Ընդհանուր առմամբ, այս երդմնակալության արարողության գրեթե բոլոր դետալներն են բացառիկ լինելու՝ անվտանգության առանձնակի միջոցառումների եւ համաճարակաբանական վիճակի պատճառով, սակայն առավել բացառիկ է արարողությունը նրանով, որ բացակայելու է գործող նախագահ Դոնալդ Թրամփը: Ավանդաբար, նախագահն ինքն է հատուկ արարողակարգով իշխանությունը փոխանցում իր հաջորդին: Իր բացակայության մասին կարճ ու կոնկրետ՝ մեկ նախադասությամբ Թրամփը թվիթերի իր էջում հայտնել էր դեռ հունվարի 8-ին: Այս փաստին արձագանքել է Բայդենը:  The Guardian-ը, մի քանի օր առաջ մեջբերելով Թրամփի բացակայության մասին Բայդենի խոսքերը, գրել էր. «Դա լավ է, այն եզակի որոշումներից է, որի շուրջ մենք համակարծիք ենք»:

Բայդենն ԱՄՆ-ի 46-րդ նախագահն է լինելու, նա ընտրություններում հաղթել է աննախադեպ թվով ձայներով, Բայդենը նաեւ լինելու է ԱՄՆ-ի պատմության ամենատարեց առաջնորդը:

Տպել
1848 դիտում

Հոլիվուդյան աստղերը տարիներ առաջ և այսօր. նրանց դեմ ժամանակն անզոր է (լուսանկարներ)

Կալանավորվել է ԲՀԿ-ական նախկին պատգամավոր Ջանիբեկ Հայրապետյանը

Հրդեհ Զանգակատուն գյուղում

ԿԽՄԿ-ն ջանքեր է գործադրում գերեվարված զինծառայողների և պատանդառված քաղաքացիական անձանց շուտափույթ վերադարձի համար

Երևանի էներգաարդյունավետության ծրագրի շրջանակում ստորագրվել է ևս 6 մանկապարտեզի հիմնանորոգման պայմանագիր (տեսանյութ)

33 տնտեսվարողի մոտ անցկացված ստուգայցերի ընթացքում կազմվել է 14 արձանագրություն. ՍԱՏՄ

Կոտայքում կորոնավիրուսի դեմ պատվաստվել է 2227 քաղաքացի

Գեղարքունիքի 4 համայնքում նշանակվել են համայնքների ղեկավարների պաշտոնակատարներ

Տարեվերջին տնտեսական համագործակցություն կհաստատվի Գեղարքունիքի և Օմսկի մարզերի միջև

STARMUS-ը երիտասարդներին քաջալերելու լավագույն ձևն է. ներկայացվել է STARMUS 6-րդ փառատոնը (տեսանյութ)

Այս պահի դրությամբ Հայաստանի վարչապետի և Ադրբեջանի նախագահի միջև որևէ հանդիպում նախատեսված չէ. ԱԳՆ

Հայաստանի գինու գործարանները հիմնված են ավանդույթների և հայկականության պահպանման վրա (տեսանյութ)

Եթե ՌԴ-Հայաստան-Ադրբեջան հանդիպման անցկացման մասին պայմանավորվածություն ձեռք բերվի, Կրեմլը կտեղեկացնի. Պեսկով

44 անշարժ գույք, 1 մլրդ դրամ, 15 ընկերությունում բաժնեմաս․ ինչ ունեցվածք ունի Մհեր Սեդրակյանի որդին՝ Դավիթ Սեդրակյանը

ԱՆ ենթակայության կազմակերպությունների 16034 աշխատողների 88%-ը պատվաստվել են

«Մտքերի հայկական գագաթնաժողովի» շրջանակում ՀՀ նախագահը զրուցել Ռոմանո Պրոդիի հետ

Օդի ջերմաստիճանը ցերեկը կնվազի 4-6 աստիճանով. սպասվում են տեղումներ

Միջանցքի հարց օրակարգում չկա. Ալիևը դարձել է իր խոստումների գերին

Վաղը օպերայի և բալետի ազգային ակադեմիական թատրոնի բակում կտեղադրվեն շարժական պատվաստումային կետեր

Այս գագաթնաժողովը ապագայի մասին է. ՀՀ նախագահը՝ Մտքերի հայկական երրորդ գագաթնաժողովին (տեսանյութ)

Թուրքիան սկսել է ԱՄՆ-ից F-16 կործանիչներ գնելու ընթացակարգը

Ոստիկնները ապօրինի ծառահատման դեպքեր են բացահայտել

Բազմաթիվ նորարարությունների համար Հայաստանը կարող է դառնալ տուն. ԿԲ նախագահ

Արցախի «Մոր և մանկան առողջության պահպանման կենտրոն»-ում Աթենքից ժամանած բժիշկը հետազոտություններ կիրականացնի

Գանձաքար համայնքում ղեկավարի պաշտոնակատար է նշանակվել

Արցախում ստացիոնար բուժում է ստանում կորոնավիրուսի 124 վարակակիր. 14-ի վիճակը ծայրահեղ ծանր է

Իմ քաղաքի բնակիչներին օգտակար լինելու առաքելության ավարտից հետո քաղաքականության մեջ էլ չեմ լինի․ Դիանա Գասպարյան

Երբ մոդելավորում ենք աշխարհը, սկսում ենք ավելի լավ ճանաչել այն. վարչապետը մասնակցել է «Մտքերի հայկական գագաթնաժողովին»

Երևանում ևս 6 մանկապարտեզ կհիմնանորոգվեն. Հայկ Մարությանը ստորագրել է պայմանագրերը (տեսանյութ)

Առաջիկա օրերին Երևանի Արաբկիր վարչական շրջանի և Կոտայքի մարզի որոշ հասցեներում ջուր չի լինի

Հաստատվել է կորոնավիրուսային հիվանդության 1962 նոր դեպք, գրանցվել է 31 մահ

Երևանի 17-ամյա բնակիչն իր վարած մեքենայով բախվել է կայանված 8 մեքենայի

Արտակ Բեգլարյանը Լոս Անջելեսում հանդիպումներ է ունեցել համայնքային հոգևոր առաջնորդների, Հայ դատի անդամների հետ

Ջերմուկում ընթանում են լայնածավալ շինարարական աշխատանքներ. ընդհանուր արժեքը 3 միլիարդ դրամ է

Երևանի Արցախի պողոտայում մեքենա է հրդեհվել

Պատգամավոր Դավիթ Սեդրակյանը պատգամավորական մանդատից հրաժարվելու դիմում է ներկայացրել

Երևան-Սևան ավտոճանապարհին ավտոմեքենան գլորվել է ձորը․ կա տուժած

«Վարչապետի գավաթ» սիրողական կրոսավազքի հայտերի ընդունման վերջնաժամկետը հոկտեմբերի 26-ն է. ԿԳՄՍՆ

Այս շաբաթ Երևանում իրականացվել է 2830 ստուգայց, արձանագրվել՝ 184 խախտում. ԱԱՏՄ

ՀՖՖ-ն կվերանորոգի ՖԻՄԱ-ի խաղադաշտը. կհիմնադրվի Խորեն Հովհաննիսյանի անվան ֆուտբոլի դպրոց (տեսանյութ)