Տիխանովսկայան կոչ է արել Բելառուսի հարցն ընդգրկել ՄԱԿ-ի օրակարգ

Բելառուսի նախագահի նախկին թեկնածու, ընդդիմության առաջնորդ Սվետլանա Տիխանովսկայան կարծում է, որ ՄԱԿ-ը պետք է Անվտանգության խորհրդի նիստ հրավիրի և օրակարգ ներառի բելառուսական թեման:

«Ես կոչ եմ անում ՄԱԿ-ին Անվտանգության խորհրդի նիստ գումարել և Բելառուսը ներառել օրակարգում, քանի որ երկիրը մոտենում է վեցամսյա քաղաքական ճգնաժամին: Աշխարհը պետք է ուշադրություն դարձնի այս ճգնաժամին, որը կարող է վերաճել ավելի վատ բանի»,-ասել է նա ուրբաթ օրը, ՄԱԿ-ի ԱԽ ոչ պաշտոնական նիստում, որը տեղի է ունեցել առցանց:

Տիխանովսկայան նաև կոչ է արել ՄԱԿ-ին աջակցել ԵԱՀԿ-ին՝ մոսկավյան առաջարկություններին   հարցում: «Սա ճանապարհ կբացի քաղաքական երկխոսության համար պայմաններ ստեղծելու համար, որոնք կօգնեն անցկացնել ազատ և արդար ընտրություններ», - ասել է նա:

Ըստ Տիխանովսկայայի, ՄԱԿ-ը պետք է բացահայտ խոսի Բելառուսում բռնությունն ու անօրինականությունը դադարեցնելու մասին, ներառյալ ` գրաքննությունը լրատվամիջոցների նկատմամբ, կայքերն արգելափակելու, ինտերնետը փակելու և լրագրողների հավատարմագրումը չեղյալ հայտարարելու իշխանական գործելաոճի մասին: Նա վկայակոչել է Բելառուսի ժուռնալիստների ասոցիացիայի տվյալները, ըստ որոնց ՝ 2020 թ. «Ավելի քան 470 անգամ ձերբակալվել են անկախ լրագրողներ, վարչական կալանքի են ենթարկվել 97 լրագրողներ, փակվել են 50 ԶԼՄ-ներ, իսկ 15 լրագրողներ այժմ անցնում են տարատեսակ մեղադրանքներով »:

Մինչ Տիխանովսկայան շարունակում է հեռակա պայքարը բելառուսական իշխանությունների «ապօրինությունների» դեմ, Բելառուս իրավապաշտպանները հաղորդել են ընդդիմադիր գործիչ, «Եվրոպական Բելառուս» քաղաքացիական արշավի ակտիվիստ Մաքսիմ Վինյարսկու ձերբակալման մասին:

«« Եվրոպական Բելառուս » արշավի ակտիվիստ Մաքսիմ Վինյարսկին ձերբակալվել է քրեական գործի շրջանակներում», - ուրբաթ հաղորդել է «Վիսնա» իրավապաշտպան կենտրոնը: Դեռ հայտնի չէ, թե որ հոդվածով է հարուցվել քրեական գործը:

1999 թվականից Վինյարսկին ներգրավված էր ընդդիմության գործունեության մեջ: Այս ընթացքում նա մասնակցել է բազմաթիվ բողոքների և տասնյակ անգամ ենթարկվել է վարչական ձերբակալությունների: «Եվրոպական Բելառուս» քաղաքացիական արշավը ստեղծվել է 2008 թվականին ընդդիմության առաջնորդներ Անդրեյ Սաննիկովի, Միխայիլ Մարնիչի, Միկոլայ Ստատկեւիչի, Վիկտոր Իվաշկեւիչի նախաձեռնությամբ: 2010-ին Սաննիկովը որպես թեկնածու մասնակցել է Բելառուսի նախագահական ընտրություններին:

Այս ամենի հետ միասին Բելառուսի ներքաղաքական վիճակի, երկրում չդադարող բողոքի ալիքի մասին խոսել է Բելառուսի նախագահ Ալեքսանդր Լուկաշենկոն:

Նա հայտարարել է, որ համաշխարհային տնտեսության անորոշ իրավիճակում և Մինսկի վրա գործադրվող արտաքին ճնշման պայմաններում հանրապետությունը դեռ «չի ծնկի»:

Նրա խոսքերը փոխանցել է BelTA գործակալությունը:

«Մենք չգիտենք, թե ինչպես կզարգանա համաշխարհային տնտեսությունը, շատ մեծ անկում կա, չգիտենք՝ ինչպես կզարգանա համաճարակը, որն ազդում է ոչ միայն մարդկանց կարծիքների, այլ նաև տնտեսության վրա, թե ինչպես կընթանան աշխարհում գլոբալ գործընթացները. նույնիսկ ժողովրդավարության հենակետում:

Մենք, իհարկե, չենք ծնկի չենք իջնի, սա միանշանակ է, բայց դա պետք է հաշվի առնենք մեր զարգացման տեսլականների մեջ », - ասել է Լուկաշենկոն ՝ հավելելով, որ երկիրը փորձում են ապակայունացնել, կան Բելառուսի վրա և՛ ներքին, և՛ արտաքին ճնշումներ:

Ըստ Լուկաշենկոյի, տարին սկսվում է անորոշության իրավիճակում: «Եվ սահմանափակ  ֆինանսական միջոցները, և բոլոր կողմերից որոշակի ճնշումները՝ ներսից ու դրսից: Անհրաժեշտ է մոբիլիզացնել այն ամենը, ինչ կա, հետո նոր ինչ-որ նոր բան նախաձեռնել: Մենք կաշխատենք՝ ելնելով այս սկզբունքից», - ասել է պետության ղեկավարը:

Ավելի վաղ Լուկաշենկան  հայտնել էր, որ իշխանությունների պատասխանը բողոքող հակառակորդներին պետք է լինեն լավ տնտեսական ցուցանիշներ ը՝ նշելով այն դժվարությունները, որոնք ձեռք են բերել երկրի համար դժվարին 2020 թվականին: Մասնավորապես, ըստ նրա, գյուղատնտեսությունը ցույց է տվել բոլոր ցուցանիշների աճ  5% -ով, արդյունաբերական արտադրության ծավալը կազմել է 99,3% ՝ 2019 թվականի մակարդակի համեմատ: Ընդհանուր առմամբ, Բելառուսի ՀՆԱ-ն 2020 թ.-ին նվազել է 0.9% -ով:

Բելառուսում Լուկաշենկոյի նախագահության դեմ ցույցերը շարունակվում են մինչ այսօր՝ արդեն ամիսներ շարունակ: Դրանք համեմատաբար թեթև ընթացք ունեն ու չունեն նախկին թափը:  Ցույցերն հիմնականում ակտիվ ընթացք էին ունենում հանգստյան օրերին, այդ օրերին լինում էին նաեւ զանգվածային ձերբակալություններ, որոնք կան մինչ օրս: Այս ամբողջ ընթացքում եղել է ուժի կիրառում, բռնություն, մեծաթիվ բախումներ, հետապնդումներ: Ցույցերի մեկնարկից ի վեր ցուցարարների շարքերում տասնյակ անձանց մահեր են գրանցվել, եղել են բռնությունների աղաղակող դեպքեր, սկանդալային ձերբակալություններ, շինծու քրեական գործեր: Ալեքսանդր Լուկաշենկոն, սակայն, հրաժարվում է թողնել նախագահի պաշտոնը և պնդում, որ ընդդիմությունը միայն ու միայն երկիրն ապակայունացնելու ձգտումներ ունի: