Հետպատերազմական շրջանում կավելանան ընտանեկան բռնության դեպքերը․ իրավապաշտպանի կանխատեսումը

31/01/2021 schedule15:50

2020 թվականի կորոնավիրուսային սահմանափակումների պայմաններում աշխարհի տարբեր երկրներում, այդ թվում Հայաստանում, արձանագրվեց ընտանեկան բռնության դեպքերի աճ: Այս տարի իրավապաշտպանները նույնպես ահազանգում են՝ Հայաստանում Արցախյան երկրորդ պատերազմի հետևանքով  ընտանեկան բռնության ավելի մեծ ռիսկ կա, որովհետև ունենք տրավմատիկ հասարակություն։

Ընտանիքներում բռնությունից տուժածներին աջակցող «Ընդդեմ կանանց նկատմամբ բռնության» կոալիցիայի ներկայացուցիչ Զարուհի Հովհաննիսյանի խոսքով, ընտանեկան բռնությունը այսօր առկա մարտահրավերներից մեկն է, հատկապես հիմա։ «Մենք գիտակցում ենք, որ հիմա ավելանալու է ընտանեկան բռնությունների թիվը, պայմանավորված նրանով, որ այն տղամարդիկ, որոնք մասնակցել են պատերազմին, առանց որևէ վերականգնողական ծրագիր անցնելու վերադարձել են ընտանիք։ Եվ դա բերելու է նրան, որ այդ ընտանիքները, փաստացի,  կրելու են այդ ողջ տրամվատիկ իրավիճակի սարսափելի բեռը», - նշում է Հովհաննիսյանը:

Ըստ նրա, հիմա հստակորեն կան ահազանգեր, երբ ամուսինները պատերազմից  վերադառնալով` գտնվում են նյարդային լարված վիճակում, չեն կարողանում խաղաղ պայմաններում իրենց դերը և իրենց ամբողջ հոգեկան աշխարհը հանգստացնել և վերականգնել:

Զարուհի Հովհաննիսյանի գնահատմամբ` հիմա որոշ ընտանիքներում, որտեղ ամբողջ պատասխանատվությունը ընկնելու է կանանց վրա, կինը հնարավոր է ամեն ինչ չհասցնի, և որոշ տղամարդկանց մոտ ուշադրության պակասը կարող է բռնություն կիրառելու պատճառ դառնալ:

«Ընդդեմ կանանց նկատմամբ բռնության» կոալիցիայի ներկայացուցչի խոսքով, ընտանիքներում բռնությունից և ագրեսիայից որոշակի առումով հնարավոր կլինի խուսափել, եթե պատերազմին մասնակցած անձիք անցնեն վերականգնողական ծրագիր, որը, ըստ Հովհաննիսյանի, չկա  հայաստանյան որևէ կազմակերպության կամ նախարարության ծրագրերում․ «Մենք սոցիալական աջակցության ինստիտուտներում չունենք այդ ծրագրերը, որոնք արտերկրում ցանկացած նման խոշոր  բռնությունից հետո, ինչպես օրինակ պատերազմը կամ զինված  հարձակումն է, տրամադրում է վերականգնողական ծրագիր, որպեսզի այդ ամբողջ բռնությանը մասնակից անձինք դա չբերեն ընտանիք»,- ասաց նա։

Ըստ Զարուհի Հովհաննիսյանի, հիմա դժվար է նաև նշել, թե ինչպիսին կլինի ոստիկանության արձագանքը, երբ բռնության վերաբերյալ ահազանգ լինի այն ընտանիքներից, որտեղ եղել է ռազմական գործողություններին մասնակից անձ:

Հիմա շատ բարդ փուլ ենք մտնում, հավելում է իրավապաշտպանը, և նշում` ընտանեկան բռնությունը աճելու է,  որովհետև մարդիկ խորը տրամվա են ապրել և որևէ մասնագիտական օգնությամբ դա չեն  հաղթահարել: «Մյուս կողմից մենք ունենալու ենք երկու ծայրահեղություններ` մի կողմից հասարակական պարսավանքը, եթե  կինը բարձրաձայնի բռնության մասին, մյուս կողմից, եթե  նույն կինը չդիմի որևէ տեղ և  չստանա  որևէ աջակցություն, որովհետև փառք Աստծո իր ամուսինը վերադարձել է ռազմի դաշտից», - ասաց հասարակական կազմակերպության ներկայացուցիչը:

Պատերազմից վերադարձածների հոգեբանական վերականգնողական ծրագիր չկա, օրինակ, Աշխատանքի և սոցիալական հարցերի նախարարությունում, որտեղից մեզ հետ զրույցում նշեցին՝ «Այդ ծրագրերը նախարարության տիրույթում չեն»։ Փոխարենը, վերականգնողական ծրագրեր պատերազմից հետո սկսել է տրամադրել առողջապահության նախարարությունը։ Առողջապահության նախարարության հասարակայնության հետ կապերի բաժնի պետ Լիլիթ Բաբախանյանը «Հայկական ժամանակին» փոխանցեց՝  որոշ հասարակական կազմակերպություններ՝ մասնավորապես «Հայկական հոգեբուժական ասոցիացիան», այլ կազմակերպությունների հետ միասին, համագործակցելով  առողջապահության նախարարության հետ՝ վերականգնողական աջակցություն է տրամադրում ինչպես պատերազմից վերադարձած անձանց, այնպես էլ նրանց և անհետ կորած զինվորների ծնողներին։ «Ասոցիացիայի, կազմակերպությունների ներկայացուցիչները համագործակցելով մեզ հետ, այցելում են բժշկական կենտրոններ, հասկանում՝ ով այդ ծրագրի կարիքն ունի, և սկսում են աշխատել նրանց հետ՝ տրամադրում հոգեբանական աջակցություն։ Ինչպես նաև գործում է թեժ գիծը, որը խորհրդատվական ծառայություն է մատուցում», - նշեց Լիլիթ Բաբախանյանը։

Հավելենք, որ Հայաստանում, ըստ ՀՀ ոստիկանությունից ստացված տվյալների, 2020 թվականի առաջին 6 ամիսների ընթացքում քննվել է ընտանիքում բռնության 246 դեպք, որը 6-ով ավելի է 2019թ. նույն ժամանակահատվածի համեմատ: 58 դեպքով հարուցվել է քրեական գործ, որը 4-ով ավելի է նախորդ տարվա առաջին կիսամյակի համեմատ: ՀՀ քննչական կոմիտեի վարույթում էլ` 2020թ. առաջին կիսամյակի ընթացքում քննվել է ընտանեկան բռնության վերաբերյալ 395 քրեական գործ, նախապատրաստվել է 211 նյութ:

«Ընդդեմ կանանց նկատմամբ բռնության» կոալիցիայի ստացած ահազանգերի վերլուծության տվյալների համաձայն էլ ՝ 2020 թվականին՝ կորոնավիրուսային սահմանափակումներով պայմանավորված  ընտանեկան բռնության և այլ խնդրով ստացված ահազանգերը գրանցել են 30 տոկոս աճ, ամռան էլ, երբ ավելի խիստ էին այդ սահմանափակումները, գրանցվել է 50 տոկոս աճ:

Մերի Խաչատրյան

Տպել
2619 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում