Հռոմի Ֆրանցիսկոս Պապը Իրաքում է. ոչ անվտանգ ու պատմական այց՝ 10 հազար անվտանգության աշխատակիցների ուղեկցությամբ

Հռոմի Ֆրանցիսկոս Պապը այսօր, առաքելական եռօրյա այցով ժամանել է Իրաքի մայրաքաղաք Քաբուլ, որտեղ հանդիպում կունենա Իրաքի շիաների հոգևոր առաջնորդ, մեծ այաթոլլահ Ալի Սիստանիի հետ, կաղոթի պատերազմի և ահաբեկչության զոհերի համար, կայցելի Իրաքի Քուրդիստան և քրիստոնեական Կարակոշ կենտրոնը և պատարագ մատուցել Էրբիլում:

Սա Հռոմի կաթոլիկ եկեղեցու առաջնորդի առաջին այցելությունն է այս երկիր և Պապի առաջին միջազգային ուղևորությունը համաճարակի սկզբից ի վեր: Նրա այցի նպատակն է ամրապնդել Իրաքի քրիստոնեական համայնքի սրտերը և փորձել հաստատել միջկրոնական երկխոսություն:

Պապը չորս օր կանցկացնի Իրաքում: Նրան և ուղեկից խմբին պաշտպանելու համար Իրաքի իշխանությունները հատկացրել են անվտանգության 10,000 աշխատակիցների: Կորոնավիրուսի տարածումը կանխելու համար երկրում ներդրվել է 24-ժամյա պարետային ժամ:

Չնայած համաճարակի համար սահմանված նախազգուշական միջոցներին ու սահմանափակումներին, Ֆրանցիսկոս Պապը մոտեցել է իրեն ուղեկցող լրագրողների սրահ, որտեղ ընդհանուր առմամբ 74 մարդ է եղել, Պապը յուրաքանչյուրին առանձին դիմավորել է:

«Ես պետք է ենթարկվեմ կանոններին և չեմ կարող սեղմել ձեր ձեռքերը, բայց ես չէի ուզում հեռու մնալ ձեզանից», - ասել է Ֆրանցիսկոսը՝ շնորհակալություն հայտնելով «այս սպասված ուղևորության ժամանակ իրեն ընկերակցելու համար»:

Հռոմի Ֆրանցիսկոս Պապը կորոնավիրուսի դեմ լիարժեք դոզաներով պատվաստանյութ է ստացել այնպես,  ինչպես  կաթոլիկ լողավազանի բոլոր անդամները: Նրանք բոլորը  պատվաստանյութ են ստացել Վատիկանում, բայց լրագրողների հետ զրուցելիս Պապը բժշկական դիմակ է կրել, լրագրողները նույնպես դիմակներով են եղել: Նրանք գրքեր ու հրատարակություններ են նվիրել Հռոմի պապին: Իսպանացի լրագրողը հովվապետին է նվիրել իսպանացի երեխաների նկարների ալբոմ, որոնք նրան սպասում են  Թագավորությունում:

Նա նաև ցույց է տվել Ֆրանցիսկոսին կին-քրիստոնյաների և եզդիների անուններով ու նկարներով բնօրինակ գնացուցակի կրկնօրինակը, որը վկայում է, որ Իրաքում այդ կանանց վաճառել են ԻՊ ահաբեկիչներին: Վերջիններս հիմնականում բնակվում են Իրաքի հյուսիսում, եզդիզմ են դավանում: «Ցավոք, սա հիմա տեղի է ունենում մեր օրերում, Եվրոպայում, բայց ոչ բացահայտ: Եվ սա իրական ողբերգություն է», -մեկնաբանել է Ֆրանցիսկոսը:

Հռոմի Ֆրանցիսկոս Պապի ուղևորությունը դեպի Իրաք կարող էր ընդհատվել անվտանգության նկատառումներից ելնելով, ընդ որում՝ սանիտարական: Համաճարակի սկսվելուց առաջ Ֆրանցիսկոսը արտասահմանյան այցերի չափզանց ռիթմիկ գրաֆիկ ու խիտ առօրյա ուներ: Միայն 2019 թվականին նա միաժամանակ այցելել էր պանամա, ԱՄԷ՝ դառնալով Արաբական թերակղզի այցելած առաջին կաթոլիկ առաջնորդը, նույն տարում նա եղել է Մարոկկոյում, Բուլղարիայում, Հյուսիսային Մակեդոնիայում, Թայլանդում ու Ճապոնիայում: 2020 թվականի ծրագրերով նախատեղված էր Պապի այցը Մալթա, որը չեղարկել էին: Հաջորդ տարվա Պապի ծրագրերում այց է նախատեսված Ղազախստան, որտեղ ավելի վաղ արդեն եղել է Հովհաննես Պողոս Երկրորդը: 2022-ին Ղազախստանում մեծ միջկրոնական ֆորում է նախատեսված:

Վերը նշված անվտանգության նկատառումներից մեկն էլ բոլորովին վերջերս Իրաքում տեղի ունեցած իրադարձություններն էին:  նայած երկրում տիրող խառնաշփոթ իրավիճակին, չորեքշաբթի օրը Իրաքում ամերիկյան կայանի վրա հրթիռային հարձակումից ընդամենը մի քանի ժամ անց Հռոմի պապը հայտարարեց, որ իրաքցի քրիստոնյաներին չի կարելի երկրորդ անգամ հուսախաբ անել: 1999 թվականին Հռոմի Պապ Հովհաննես Պողոս Երկրորդը չեղյալ հայտարարեց Բաղդադ ուղևորությունը՝ այն ժամանակ նախագահ Սադամ Հուսեյնի կառավարության հետ բանակցությունների ձախողումից հետո: Սա կաթոլիկ առաջնորդի առաջին այցն էր Իրաք, որը Ֆրանցիսկոսը չի ցանկացել չեղարկել:

Անցած երկու տասնամյակների ընթացքում աշխարհի ամենահին քրիստոնեական համայնքներից մեկի թիվն Իրաքում 1.4 միլիոնից իջել է շուրջ 250 հազարի, այժմ կազմում է երկրի բնակչության 1% -ից էլ պակաս:

Շատ քրիստոնյաներ փախել են Իրաքից `խուսափելով աղանդավորական բռնությունների պատնեշից, որոնք երկիրը պատել էին Սադամ Հուսեյնին տապալած ԱՄՆ-ի ռազմական ներխուժումից հետո:

Տասնյակ հազարավոր քրիստոնյաներ ստիպված էին լքել իրենց տները, երբ «Իսլամական պետություն» ահաբեկչական խմբավորման գրոհայինները ներխուժեցին Հյուսիսային Իրաք՝ ավերելով եկեղեցիները, խլելով նրանց ունեցվածքը և նրանց թողնելով ընտրության հնարավորություն՝ վճարել հարկել, իսլամ ընդունել , փախչել կամ մահանալ:

Հռոմի Պապ Ֆրանցիսկոսը ուղևորության նախօրեին տեսաուղերձով դիմելով Իրաքի ժողովրդին ասել էր, որ ինքը գնում է երկիր «որպես ուխտավոր՝ երկար տարիներ տևած պատերազմից ու ահաբեկչություններից հետո ներում և հաշտությունն խնդրելու Աստծուց, նաև սրտերի մխիթարություն և վերքերի բուժում»:

«Ես գալիս եմ ձեզ մոտ՝ որպես խաղաղություն որոնող, եղբայրություն որոնող և այլ կրոններից եկած եղբայրների ու քույրերի հետ աղոթելու ցանկության մեջ, գնում եմ Աբրահամի հետքերով, որը միացրել է մահմեդականներին, հրեաներին և քրիստոնյաներին մեկ ընտանիքի մեջ: Ցանկանում են ձեզ և պատերազմից տուժած Մերձավոր Արևելքին բերել Եկեղեցու սերը, որը կօգնի մեզ առաջ շարժվել », - ասել է Պապը:

Միջազգային հեղինակավոր լրատվականներն, անդրադառնալով Պապի այցին, նշում են, որ երբ Իրաքի ամենաազդեցիկ մարդկանցից մեկը `շիա հոգևոր առաջնորդը հանդիպում է աշխարհի գրեթե երկու միլիարդ կաթոլիկների հոգևոր առաջնորդի հետ` սա դարակազմիկ իրադարձություն է ու պատմական նշանակության հանդիպում:

Սա նաև ռիսկային այց է. Մի կողմից՝ Իրաքում իսլամական արմատականների հետ հակամարտության պատճառով, մյուս կողմից, իհարկե, համաճարակի պատճառով: Այստեղ վարակների քանակը կայուն աճում է:

Ինչ վերաբերում է ջիհադականների ռիսկին, ապա ընդամենը մեկ շաբաթ առաջ Բաղդադի այսպես կոչված «կանաչ գոտին», որտեղ գտնվում են օտարերկրյա դիվանագիտական ներկայացուցչությունները, շիա արմատականների կողմից հրթիռակոծության ենթարկվեց: Ոչ հեռու անցյալում էլ՝ այս հունվարին, 2 մահապարտներ գործի էին դրել պայթուցիկ սարք, որի հետևանքով զոհվել էր 32 մարդ:

Այսինքն՝ սա թերեւս, Հռոմի պապ Ֆրանցիսկոսի՝ բոլոր ժամանակների ամենառիսկային այցն է: Եվ միեւնույն ժամանակ, նրա համար ամենակարեւորը: