Եթե նույնիսկ Նյուտոնը առաջադրվեր, Գոռ Վարդանյա՞նն էր ընտրվելու. Պոլիտեխնիկը նոր ռեկտոր ունի

15/03/2021 schedule15:55

Պոլիտեխնիկական համալսարանում այսօր տեղի ունեցավ ռեկտորի թափուր պաշտոնի մրցույթի երկրորդ փուլը, որին մասնակցում էր միայն մեկ թեկնածու՝ պրոռեկտոր Գոռ Վարդանյանը։ Հիշեցնենք, որ մարտի մեկին անցկացված մրցույթի առաջին փուլի ընթացքում չհաջողվեց ընտրել ռեկտոր, քանի որ թեկնածուներից ոչ ոք չհավաքեց հոգաբարձուների խորհրդի անդամների ձայների պարզ մեծամասնությունը՝ 17 ձայն։ Հաջորդ փուլ անցած միակ թեկնածուին՝ Գոռ Վարդանյանին, պակասում էր ընդամենը մեկ ձայն։

Ռեկտորի՝ արդեն նախկին թեկնածուներից Պարգև Բալջյանն այսօր բուհի անձնակազմի մի շարք անդամների անունից հոգաբարձուների խորհրդի անդամներին կոչ արեց դրսևորել պատասխանատվություն երկրի տեխնոլոգիական զարգացման համար, առաջնորդվել ոչ թե նեղ անձնական կամ խմբակային շահերով, այլ վերջնականապես գերադասել պետական եւ հանրային շահը ու չվերարտարդրել բուհի անփառունակ շարունակական կառավարումը։

Նա նաեւ կարծիք հայտնեց, որ եթե անգամ Նյուտոնը լիներ ռեկտորի թեկնածուների ցուցակում, ապա Գոռ Վարդանյանը էլի հավաքելու էր այդ 16 ձայնը։

Գոռ Վարդանյանն իր ելույթում նախ հակիրճ խոսեց բուհի զարգացման իր հայեցակարգի կարևոր կետերի, Պոլիտեխնիկական համալսարանի ապագայի հետ կապված իր պատկերացումների մասին, ապա ընդգծեց, որ Պոլիտեխնիկի մեծ ընտանիքից շատ դոցենտներ, երիտասարդ մասնագետներ եւ ուսանողներ հայտնել են իրենց աջակցությունն իրեն, ու եթե ինքն այդ աջակցությունը չտեսներ ու չզգար, ապա այսօր այստեղ չէր լինի։

Նա խնդրեց նաեւ բուհի 88-ամյա պատմության միայն վատ էջերը չհիշել, չխոսել միայն անհաջողությունների մասին, քանի որ բուհն ունեցել է նաեւ բազում ձեռքբերումներ։

Նիստը անցավ թեժ մթնոլորտում, բուն քվեարկությունը՝ նույնպես:

Մթնոլորտն ավելի շիկացավ, երբ հաշվիչ հանձնաժողովի նախագահ, Կրթության, գիտության, մշակույթի եւ սպորտի նախարարի խորհրդական Գոհար Մամիկոնյանը հայտարարեց, որ վայր է դնում իր լիազորությունները՝ որպես հաշվիչ հանձնաժողովի նախագահ: Նա նշեց, որ չի կարող իր աչքերը փակել, քանի որ, ըստ կանոնակարգի, անվավեր ճանաչվում են այն թերթիկները, որոնցում դաշտից շեղված նշումներ կան: Բայց, ըստ նրա, կար երեք քվեաթերթիկ, որոնցում նշումները սահմանված կարգի չեն, իսկ հանձնաժողովի անդամները միայն մեկ քվեաթերթիկ են համարել անվավեր։ Հաշվիչ հանձնաժողովի անդամներից մեկը նույնպես հրաժարվեց հաշվիչ հանձնաժողովի անդամ լինելուց, առաջարկեց երկու նոր անդամ ընտրել եւ կատարել վերջնական հաշվարկը եւ թեման փակել:

Հետագա անելիքը հասկանալու համար հոգաբարձուների խորհրդի նախագահ Հովիկ Մուսայելյանը նորից կարդաց կանոնակարգը, ըստ որի՝ քվեաթերթիկը անվավեր ճանաչելու որոշումը կայացնում է հաշվիչ հանձնաժողովը, քվեարկության արդյունքների արձանագրությունը ստորագրում են հաշվիչ հանձնաժողովի բոլոր անդամները եւ նախագահը: Այսինքն՝ պետք է հինգ անդամն էլ ստորագրեին, բայց փաստացի երկու անդամները հրաժարվեցին իրենց մասնակցությունից:

Հաշվիչ հանձնաժողովի անդամներից Վարդան Պետրոսյանն էլ ասաց, որ ամեն ինչ շատ հստակ է. իրենք արձանագրությունը կներկայացնեն եւ որոշում կկայացնեն: Վերջնական որոշում կայացնելու հարցում սկսեցին հակադարձ կարծիքներ հնչել, նույնիսկ փորձեցին հասկանալ հարցի իրավական կողմը, իրավաբան փնտրել: Այնուամենայնիվ, հաշվիչ հանձնաժողովի երեք անդամները համարեցին, որ կանոնակարգի խախտում չկա, միայն մեկ քվեաթերթիկ է անվավեր եւ հաստատեցին քվեարկության արդյունքները: 

Չնայած թեժ քննարկումներին՝ Պոլիտեխնիկական համալսարանի ռեկտոր ընտրվեց պրոռեկտոր Գոռ Վարդանյանը՝ 17 կողմ, 5 դեմ ձայնով։ Անվավեր ճանաչվեց 1 քվեաթերթիկ։

Հոգաբարձուների խորհրդի նախագահ Հովիկ Մուսայելյանը նիստը եզրափակեց այն խոսքով, որ այսպիսի ընտրություն չէր եղել ամբողջ Պոլիտեխնիկի պատմության մեջ, եւ որ այս նիստը Պոլիտեխնիկի վատագույն էջերից էր:

Գոռ Վարդանյանը, լրագրողների հետ զրույցում անդրադառնալով Պարգեւ Բալջյանի հնչեցրած հայտարարությանը, նշեց. «Մարդիկ հայտնել են իրենց կարծիքը, իրենց մոտեցումները, որոնք ես չեմ կիսում, քանի որ Պոլիտեխնիկը 88-ամյա ուսումնական հաստատություն է, ունի ծանրակշիռ ավանդույթներ, սկզբունքներ, դրանք պետք է պահպանել: Եվ այդ արժեքները պահպանելը հենց դրված է երիտասարդների ուսերին»:

Պատասխանելով Բալջյանի այն դիտարկմանը, թե եթե անգամ Իսահակ Նյուտոնը լիներ ռեկտորի թեկնածուների ցուցակում, Գոռ Վարդանյանը, միեւնույն է, անհրաժեշտ ձայները կստանար՝ Գոռ Վարդանյանն ասաց՝ եթե Իսահակ Նյուտոնը լիներ թեկնածուների ցուցակում, ինքն անձամբ ինքնաբացարկ կհայտներ:

Նորընտիր ռեկտորը նաեւ նշեց, որ ընտրությունների ընթացքն իրեն չգոհացրեց: Ասաց, որ ընտրական այս պրոցեսում եղել են արհեստական լարվածություններ, բայց ինքը չի ցանկանում հասցեագրել, ունի իր կասկածները, բայց իր գործունեությամբ փորձել է եւ կարծում է՝ դա ստացվել է, որ բուհի ներսում այս մոտեցումները այլ ձեւակերպումներից հեռացվեն:

«Լարվածությունը իր գագաթնակետին հասավ, դրա համար ես եւս այդ արդյունքից ուրախ չեմ, բայց վստահ եմ, որ սա ավելի է պարտավորեցնում, որ նպաստեմ՝ նման մթնոլորտ երբեւիցե Պոլիտեխնիկում չլինի, իսկ եթե կլինեն նման խնդիրներ, բնականաբար, պետք է դրանք կանխվեն»,- ասաց նա:

Հիշեցնենք, որ մրցույթին ի սկզբանե առաջադրված թեկնածուները վեցն էին, վեցն էլ՝ նույն բուհից: Նրանք են՝ Տեղեկատվական եւ հաղորդակցական տեխնոլոգիաների ու էլեկտրոնիկայի ինստիտուտի տնօրենի տեղակալ Ամալյա Մխիթարյանը, Տեղեկատվական տեխնոլոգիաներ եւ ավտոմատացում ամբիոնի դոցենտ Դավիթ Ղազարյանը, Գյուղատնտեսական թունաքիմիկատների ստացում եւ որակի վերահսկում գիտահետազոտական լաբորատորիայի ղեկավար Արամ Միքայելյանը, Ջերմաէներգետիկայի եւ շրջակա միջավայրի պաշտպանություն ամբիոնի դոցենտ Նորայր Հարությունյանը, Հիդրոտեխնիկա բազային գիտահետազոտական լաբորատորիայի ղեկավար Պարգեւ Բալջյանը եւ պրոռեկտոր Գոռ Վարդանյանը:

Նախկին ռեկտոր Ոստանիկ Մարուխյանի պաշտոնավարման ժամկետը լրացել է:

(լրացված)

Տպել
6390 դիտում

Բարի պապիկ էր, այստեղ շատ էինք տեսնում. մանրամասներ՝ Հյուսիսային պողոտայում մահացած հայտնաբերված տղամարդու մասին

Փակված ենք համարում ընտրապայքարում համակիրների և մրցակիցների բաժանարար թեման. Մամիկոն Ասլանյան

36 համայնքների բացարձակ մեծամասնությունում ՔՊ-ն կունենա համայնքապետ

Արա Մարտիրոսյանը համերգի ժամանակ Հայկոյի երգը կատարելիս հուզվել է. հոտնկայս ծափերը երկար ժամանակ չեն դադարել (տեսանյութ)

Վստահեցնում ենք, որ մեր թիմը ջանք ու եռանդ չի խնայի. Թալինում ՔՊ-ի համայնքի ղեկավարի թեկնածու

Թուրքիայում 5.1 մագնիտուդ ուժգնությամբ երկրաշարժ է տեղի ունեցել

Արագ և կայծակնային շախմատի աշխարհի առաջնությունում Հայաստանը կունենա 11 մասնակից

Ընտրական հանցագործության 17 հաղորդում՝ Գեղարքունիքում ՏԻՄ ընտրությունների վերաբերյալ. 13-ով նախապատրաստվում են նյութեր

ՀՀ նախագահը և տիկին Նունե Սարգսյանը Ազգային պատկերասրահում դիտել են «Մեկ օր Պոմպեյում» ցուցադրությունը

Կորոնավիրուսի ցուցանիշները կտրուկ նվազել են. հաստատվել է 95 նոր դեպք, գրանցվել՝ 8 մահ

Ինձ համար մեծ պատիվ է ծառայել իմ հայրենիքին. Մարտունի խոշորացված համայնքի ղեկավարի ՔՊ թեկնածու

Երևանում 2 մեքենաների բախման հետևանքով կա տուժած

Ծանրորդները մեկնարկում են աշխարհի առաջնությունում

ՀՀ տարածքում կան փակ ավտոճանապարհներ, որոշ ճանապարհների մերկասառույց է

ՏԻՄ ընտրությունների այս որակը, երբ քաղաքացին տեր է և որոշող, մեր վաղեմի երազանքն է՝ ի կատար ածված. Նիկոլ Փաշինյան

Ինչպես են բաշխվել ձայները. հայտնի են բոլոր համայնքներում ՏԻՄ ընտրությունների նախնական արդյունքները

Երկար ժամանակով լույս չի լինելու Երևանի և 4 մարզերի մի շարք հասցեներում

Հրդեհ Դիլիջան քաղաքում. ամբողջությամբ այրվել են ավտոտնակն ու ներսում կայանված մեքենան

Էջմիածնի բոլոր ընտրատեղամասերի նախնական արդյունքներով՝ հաղթել է «Քաղաքացիական պայմանագիր» կուսակցությունը

Ծաղկաձորում «Քաղաքացիական պայմանագիր» կուսակցությանը հաղթել է՝ ստանալով ձայների մոտ 70 տոկոսը

2018-ից հետո Հայաստանում տեղի ունեցած ամեն մի ընտրություն, անկախ արդյունքներից, վերահաստատում է հեղափոխության հաղթանակը

Արցախում մահացու հրազենային վիրավորում է ստացել 19-ամյա զինծառայող

Հայաստանի տարբեր հատվածներից դուրս է բերվել ձյան մեջ արգելափակված 5 ավտոմեքենա

Նախնական տվյալներով, «Քաղաքացիական պայմանագիր»-ը 36 համայնքներից հաղթել է 24-ում

Աբովյանում ընտրակաշառքի, ընտրողներին ուղղորդելու դեպքերն ուսումնասիրվում են. Կոտայքի 9 դեպքով նյութեր են նախապատրաստվում

Հրազդանում, նախնական արդյունքներով, ձայների 78 տոկոսով հաղթել է Սևակ Միքայելյանը

Խոյ խոշորացված համայնքում 65.5% արդյունքով հաղթել է «Քաղաքացիական պայմանագիրը»

Փարաքարի 2 ընտրատեղամասում ձայների հաշվակը կանգնեցված է

Սպիտակում նախնական տվյալներով հաղթում է «Քաղաքացիական պայմանագիրը»

Վանաձորի 40 ընտրատեղամասերի նախնական արդյունքներով՝ հաղթում է «Մամիկոն Ասլանյան դաշինք»-ը

Գյումրիում տոնվեց Կամավորների միջազգային օրը. կայացավ «Տարվա կամավոր» մրցանակաբաշխությունը (լուսանկարներ)

Աշոցք, Ախուրյան, Ամասիա խոշորացված համայնքներում «Քաղաքացիական պայմանագիր» կուսակցությունն առաջին տեղում է

Սպիտակի 2 ընտրատեղամասերի նախնական արդյունքներով՝ հաղթում է ՔՊ-ն

Թալինում նախնական արդյունքով հաղթում է «Քաղաքացիական պայմանագիր»-ը

Հայտնի են Մասիսի մի քանի բնակավայրերում ընտրությունների նախնական արդյունքները

94% կողմ արդյունքով ՔՊ-ն Արմավիր խոշորացված համայնքում ստանում է ավագանու բոլոր մանդատները. Դավիթ Խուդաթյան

Հայտնի են Թումանյան համայնքի մի քանի բնակավայրերում ընտրությունների նախնական արդյունքները (թարմացվող)

Աշոցքում նախնական արդյունքով հաղթում է «Քաղաքացիական պայմանագիրը»

Կանխվել է քաղաքացու ինքնասպանության փորձը Երևանի Հաղթանակի կամրջից

Հայտնի են Աշտարակ համայնքի մի քանի բնակավայրերում ընտրությունների նախնական արդյունքները (թարմացվող)