Սովորել խաղալ առանց Մխիթարյանի․ արդեն նաև լուրջ մրցակիցների հետ

Հայաստանի հավաքականը մարտի 25-31-ը երեք կարևոր հանդիպում պետք է անցկացնի ԱԱ-2022-ի ընտրական փուլում։ Գրաֆիկը ծանր է, և գլխավոր մարզիչ Խոակին Կապառոսը 21 ֆուտբոլիստ է հրավիրել ազգային ընտրանի։ 

Առաջին հերթին աչքի է ընկնում հավաքականում 4 նորեկների առկայությունը։ Արամ Քոչարյանի մասին վաղուց էինք խոսել՝ դեռևս հավաքականի նոյեմբերյան հանդիպումից առաջ։ Այն ժամանակ Կապառոսը որոշեց չհրավիրել: Այժմ, Վբեյմար Անգուլոյի վնասվածքի պարագայում, լրացուցիչ կենտրոնական կիսապաշտպանը չի խանգարի։ Ճիշտ է, Անգուլոն կապաքինվի մինչև հավաքականի հանդիպումները, բայց դեռ հարց է՝ արդյոք անհրաժեշտ մարզավիճակում կլինի, որպեսզի միանգամից հայտնվի մեկնարկային կազմում։ Ինչ վերաբերում է Քոչարյանին, ապա նրա ներուժը մարզչի համար ավելի հասկանալի կլինի մարզումներից հետո։

Մյուս նորեկը սպասված էր․ «Կրասնոդարի» կիսապաշտպան Էդուարդ Սպերցյանի հրավերի մասին հայտարարվել էր դեռևս փետրվարին։ Երիտասարդ կիսապաշտպանը, իհարկե, հեռանկարում կարող է մեծ օգուտ տալ հավաքականին, եթե կարողանա ամրապնդվել ռուսական Պրեմիեր լիգայի ակումբներից մեկի հիմնական կազմում։ Առայժմ Սպերցյանը հիմնականում հանդես է գալիս Առաջին դիվիզիոնում՝ «Կրասնոդար-2»-ում, որտեղ իրեն գերազանց է դրսևորում։ Բացառված չէ, որ Էդուարդը հենց սկզբից էլ հայտնվի մեկնարկային կազմում, որովհետև թիմի մյուս կենտրոնական կիսապաշտպանների համեմատ մեկ մեծ առավելություն ունի․ լավ փոխանցում ունի և կարող է կազմակերպել թիմի խաղը դաշտի կենտրոնում։ Սպերցյանը նաև ունիվերսալ է․ կարող է խաղալ հարձակման եզրերում կամ ենթահարձակվողի դիրքում։ Նման ֆուտբոլիստները մարզիչների համար գտածո են։

Հավաքականի մյուս նորեկները մի փոքր անսպասելի էին․ 17-ամյա Էրիկ Սիմոնյանի համար այս հրավերը, մեծ հաշվով, ավանս է և շանս՝ մարզվելու փորձառու խաղացողների կողքին։ Նաև նշան․ Կապառոսը հետևում է պատանիներին ու երիտասարդներին և չի վախենում նրանց հրավիրել՝ ցույց տալով, որ հավաքականի ապագան վատը չէ։ 19-ամյա Ժիրայր Շաղոյանը նույնիսկ հնարավորություն ունի խաղալու․ Շաղոյանը հայկական ֆուտբոլի հույսերից է, գերազանց է հանդես գալիս Առաջին դիվիզիոնում, հարձակման գծում էլ հավաքականի մոտ այս անգամ մի քանի ֆուտբոլիստներ են բացակայում։ Իհարկե, հավանականությունը քիչ է, բայց եթե Շաղոյանը հնարավորություն ստանա ու իրեն արդարացնի, կարող է այսպիսի հրավերը դառնալ ավանդույթ։

Ինչ վերաբերում է երկար դադարից հետո հավաքական հրավիրված երեք ֆուտբոլիստներին, ապա Ժոաո Մոնրոյ Արարատի պարագայում ամեն ինչ տրամաբանական է, մինչդեռ Պետրոս Ավետիսյանի և Արթուր Միրանյանի հրավերները հարցերի տեղիք են տալիս։ Մոնրոյ Արարատը «Նոայում» հարմարվեց․ այս պահին նա առաջնության լավագույն աջ պաշտպաններից է։ Իսկ ահա Ավետիսյանն ու Միրանյանը նոր են վերադարձել Հայաստանի առաջնություն և գրեթե ոչնչով չեն հասցրել աչքի ընկնել։ Մյուս կողմից՝ Կապառոսը նրանց առաջին անգամ է հրավիրում հավաքական, իսկ այն, որ երկուսն էլ ներուժ ունեցող խաղացողներ են, կասկած չի առաջացնում: Ավետիսյանի պարագայում հրավերը կարելի է բացատրել նաև նրանով, որ ենթահարձակվողի դիրքում հավաքականի կորուստները շատ էին, և մրցակցություն է պետք։

Հենց Ավետիսյանի դիրքում հավաքականը երկու ցավալի կորուստ ունի․ Հենրիխ Մխիթարյանը վնասվածք է ստացել, Արշակ Կորյանը դեռ լիարժեք չի ապաքինվել։ Դժվար է ասել՝ կփոխի արդյոք մարտավարությունը Կապառոսը, թե այդ դիրքում կվստահի երիտասարդ Վահան Բիչախչյանին։ Միգուցե մարզումների ընթացքում նոր մտքեր էլ գան, միգուցե Ավետիսյանն էլ ապացուցի, որ արժանի է մեկնարկային կազմում խաղալ։

Մյուս դիրքերում, առաջին հայացքից, ամեն ինչ կարգին է, առաջատաները շարքում են։ Դժվար է ասել՝ Գևորգ Ղազարյանը ինչպիսի մարզավիճակում կլինի, բայց եթե նույնիսկ նա չկարողանա մասնակցել խաղերին, փոխարինողներ կան։

Սակայն հարձակման գծում որոշակի խնդիրներ կան․ Ալեքսանդր Կարապետյանը տեղափոխվել է Հայաստանի առաջնություն, և դեռևս արդյունավետ խաղով աչքի չի ընկնում։ Նորբերտո Բրիասկո Բալեկյանը նորից ժամանելու է Արգենտինայից: Թե ինչ վիճակում կհասնի Եվրոպա, հայտնի չէ: Սարգիս Ադամյանը շատ քիչ խաղաժամանակ է ստանում Բունդեսլիգայում։ Իհարկե, դա կարող է նաև սպորտային զայրույթ արթնացնել Ադամյանի մոտ, և միգուցե փորձի հավաքականում լավ խաղով ապացուցել «Հոֆենհայմի» մարզչին, որ արժանի է ավելի շատ խաղալ։

Հայաստանի առաջնություն է եկել նաև դարպասապահ Դավիթ Յուրչենկոն, և այնտեղ ուժեղ մրցակցության է բախվել Օգնյեն Չանչարևիչի կողմից։ Աբրահամ Խաշմանյանը Յուրչենկոյին երկու դարպասապահներին էլ խաղաժամանակ տրամադրում է, հուսանք՝ Յուրչենկոն լավ մարզավիճակում կմոտենա հավաքականի խաղերին։ Մյուս դիրքերում ամեն ինչ կարգին է։

Հավաքականը անցած տարի, կարծես, սովորեց խաղալ առանց Մխիթարյանի, համենայն դեպս, կարգով իրեն հավասար ու իրենից ցածր մրցակիցների հետ։ Առաջիկա խաղերում կտեսնենք՝ ինչպես կստացվի Կապառոսի մոտ կազմակերպել թիմի խաղը կարգով ավելի բարձր մրցակիցների հետ պայքարում։ Եթե արդյունքը դրական լինի, հավաքականը կարող է լուրջ նպատակներ հետապնդել ընտրական փուլում։ Իսկ հակառակի մասին դեռ մտածել պետք չէ։

 Ռաֆայել Խալաթյան

«Հայկական Ժամանակ»-ը Telegram-ում
Տպել
1776 դիտում

Կալանավորվել է Շենգավիթ վարչական շրջանի նախկին ղեկավար Ռազմիկ Մկրտչյանը

Կարկուտն ու քամին քանդել են Գյումրու գարեջրի փառատոնի տաղավարները, քշել աթոռներն ու հեղեղել քաղաքը. տեսանյութ

Վանաձորում որդին մորը պատուհանից դուրս է նետել, ապա ինքն է նետվել ցած

Լոռու մարզին մոտենում է գերհզոր կարկտաամպրոպային ամպ. Սուրենյան

Գյումրիում ուժգին քամի է՝ ուղեկցված անձրևի ու խոշոր կարկուտի հետ. լուսանկար, տեսանյութ

Միրզոյանի այցը Ֆրանսիա եզրափակվել է Մարսելում ՀՀ գլխավոր հյուպատոսությունում աշխատանքային քննարկմամբ

Հակակոռուպցիոն քաղաքականության խորհրդի նիստը Աղվերանում. վարչապետը տեսանյութ է հրապարակել

Բնակարաններ, մեքենա, դրամական միջոցներ. ինչ են հայտարարագրել Արարատ Միրզոյանը և նրա կինը

Արտակարգ դեպք Աբովյանում հայտնի «Սիրիուս» գործարանում. քաղաքացու ոտքը մնացել է հաստոցի սռնիներում

Իրանը քննարկում է Հորմուզի նեղուցը փակելու տարբերակը. այն ապահովում է գազի ու նավթամթերքի 30 %-ի արտահանումը

Մեքենան դուրս է եկել ճանապարհի երթևեկելի հատվածից և հայտնվել սելավատարում. վարորդը հոսպիտալացվել է

Գործարկվել է Երևան-Բաթումի-Երևան երթուղով ուղևորատար գնացքը. լուսանկարներ

Հռոմի պապն Իսրայելին և Իրանին կոչ է արել պատասխանատվություն և ողջախոհություն ցուցաբերել

Ադրբեջանը թույլ չի տա իր տարածքն օգտագործել Իրանի դեմ. Բայրամովը՝ Արաղչիին

Իրանը երկարաձգել է օդային տարածքը փակ պահելու ժամկետը

Պատկերացնու՞մ եք՝ Քոչարյանի նուրբ ներաշխարհն ընկճվել է, դատի է տվել ինձ ու Նիկոլ Փաշինյանին. Սիմոնյան

Դեպի Հայաստան և հետադարձ ուղղություններով որոշ չվերթեր են չեղարկվել

Ջերմաստիճանը կնվազի 4-7 աստիճանով. սպասվում են անձրևներ, ամպրոպ, կարկուտ

ՄԱԳԱՏԷ-ն հաստատել է իրանական Նաթանզի օբյեկտում ճառագայթման արտահոսքը

Միրզոյանը տարածաշրջանային զարգացումների շուրջ հեռախոսազրույց է ունեցել Իրանի գործընկերոջ հետ

ԱՄՆ-ը բացահայտ աջակցում է Իսրայելին և կրում պատասխանատվություն հետևանքների համար. ՄԱԿ-ում Իրանի դեսպան

Իրանը սպառնում է Բրիտանիայի, ԱՄՆ-ի և Ֆրանսիայի օբյեկտներին հարվածներ հասցնել Իսրայելին օգնելու համար

ԱՄՆ-ի հետ բանակցությունների հաջորդ փուլի անցկացման հարցով դեռ որոշում չկա. Իրանի ԱԳՆ

Իսրայելն ընդլայնում է գործողությունների շրջանակն Իրանում. Նեթանյահուի գրասենյակ

Ավանեսյանը մասնակցել է անվարձահատույց արյունատվությանը, զրուցել բուժում ստացող փոքրիկների հետ. լուսանկարներ

Հայաստանի հարավային շրջաններում բնական ռադիոակտիվ ֆոնի փոփոխություններ չեն գրանցվել

Հայաստանը վճռական է արձագանքելու կլիմայի փոփոխությանը՝ համակարգված և շարունակական քայլերով. ՇՄ փոխնախարար

Իսրայելը օդային հարվածներ է հասցրել Թեհրանի միջազգային օդանավակայանի տարածքին

Հովիկ Աբրահամյանի նկատմամբ որպես խափանման միջոց է կիրառվել տնային կալանքը. փաստաբան

Հերոսներին պետք է հիշել ու հարգել․ Հարությունյանը հարգանքի տուրք է մատուցել Յուրի Վարդանյանի հիշատակին

Արյան կարիք մշտապես կա. այսօր դոնորի համաշխարհային օրն է

Իրանը բալիստիկ հրթիռներ է արձակել Իսրայելի ուղղությամբ. ՑԱՀԱԼ

Իսրայելում ՀՀ դեսպանությունը հայտարարություն է տարածել

Իրանը հրապարակել է Իսրայելի կողմից սպանված բարձրաստիճան զինվորականների լուսանկարները. ովքեր են նրանք

Իրանը կամիկաձե հրթիռների 5-րդ շարասյունն է ուղարկել Իսրայելի ուղղությամբ. երկրով մեկ օդային տագնապ է

Մահացել է Փառանձեմ Մեյթիխանյանը

Նիկոլ Փաշինյանը Մեծ Բրիտանիայի վարչապետին շնորհավորել է Ազգային տոնի առթիվ

Նիկոլ Փաշինյանը մասնակցել է «Հայաստանը փոփոխվող աշխարհում» խորագրով քննարկմանը. տեսանյութ

Լոռիում կարկուտ է տեղացել. լուսանկարներ

Իրանցի զինվորականները գերի են վերցրել Իսրայելի ռազմաօդային ուժերի խոցված ինքնաթիռի կին օդաչուին